طبعا اول شي الدجاجه نغسلها بالخل ونغطيها بالطحين والملح ونخليها شوي وعقب نغسلها بماي بس لين تنظف عدل..
ثاني شي شنو نحتاج للتتبيله :
3 روب - عصير ليمونه - نص كوب بقدونس ونص كوب كزبره - شرايح فلفل بارد احمر واخضر - البهارات كاري - بهارات دجاج - بهارات برياني - لوومي - كركم - كمون - بابريكا - ملح - فلفل اسود - شريحتين صغار زنجبيل
اخلط المقادير الي طافت كلها بالخلاط ونتبل الدجاج فيها ...
بالماعون الي بتبل فيه الدجاجه حطيت شرايح من الفلفل الاخضر والاحمر وشرايح الليمون نص ليمونه وشرايح الزنجبيل وحشيت الدجاجه بعود دارسين ولوميه 4 حبات هيل وشوية كزبره حب وفلفل اسود وطبعا و بعض من الخضار الي بالماعون وضفت شوية ملح بعد ..
وهذي صورتها بعد ماتبلتها
وخليتها يوم كامل بالثلاجه وثاني يوم قعدت قطعت بطاط مربعات كبار شويه وشرايح كوسا وجزر صغار وخلطتهم مع التتبيله وحشيت منهم بالدجاجه بعد ها حطيت كل الحشوه والدجاجه داخل كيس الفرن وبداخل بايركس وكنت فاتحه الفرن وحاطته على درجة حراره 200 ودخلت الدجاجه ورجعت نمت حسافه كنت دايخه حدي ماشبعت نوم عشان جذي ماصورت هالجزء وحطيت المنبه بعد ساعه ونص ..
وطبعا ماكنت عارفه اذا خلصت او لا بعد الساعه ونص فقلت اسال كويتيات وماقصروا بعد ساعه ونص ماتحمشت من فوق لان غلطتي ماحطيت بالتتبيله معجون طماط يخليها تتحمش بشكل حلو وعقبها فتحت الفرن من فوق وحمشتها وطلعتها بعد ساعه و 45 دقيقه يعني ساعتين الا ربع ..
واثناء ماهي تتحمش من فوق كنت منقعه عيش وغاسلته عشان ينوكل مع الصينيه واسويه بالزبده والشعريه وطلع شي عجيب وهذي صورة الدجاجه عقب ماحطيتها وبدينا نقضي عليها والعيش بعد ..
وهذا العيش
منقوووووووووووووووووووووووول لعيونكم;)
دعواتكم لي بالذريه الصالحه والشفاء