بنات جدة ,,,,,, تخفيضات _,,,,, تعالوا

نعومي واسبريت وكتير محلات بالردسي عاملين تخفيض....حبيبتي بس حبيت اقلك ترا مافي اي تفاعل من بنات جده قبل كدا حطيت موضوع مره حلو وبيساعدنا اننا نستفسر عن كل شي عن مصورات ومطربات وكل شي خاص بالعروس ومافي اي تفاعل ويمكن بس بنتين اللي ردو للأسف شي مره يحبط تعالي ادخلي موضوع شوفي اذا حبه تستفسري عن شي انا حاضره والله يوفقنا نشوف كمان تفاعل من بنات جده

اعرف وتنقهري لما تشوفي مشاهدات بدون ردود يعني في بنات حايسين وفي بنات يحبو يجو جده ويشترو اقلها كدا بنساعد ونفيد ولاتحذفي الموضوع وان شاء الله تكون في ردود من بنات ونستفيد كلنا ....عالعموم المحلات كلها تقريبا مسويه تخفيض بصراحه شفت شي لاااااااااااازم اقلك لايفوووووووووووووووتك سوق الشاطيء عارفتو اكيد في محلات السيف ومحل حق صحون مو فاكرته خاص بالصحون شفت عنده اطقم القهوه والشاي تجي زي الخزانه بأدراج وكل درج فيه شي اكواب شاي وعصير وملاعق شي خطيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييير انا انصدمت انه في زي كدا هناك انا حتى امي لما جابت لاختي الكبيره جابت ماادري من فين ولقينا نفسها هناك بالشاطيء يعني شي مو اي كلام مرررررررررره وتجي معاها مبخره من جد روحي لاتفوووووووووووووووتك وسعرها شامل الاكواب والكاسات والملاعق والمبخره وكل شي بس الصحون لا ب1600 وشي ب1300 لليومي

امممممم بالنسبة لصحون والحجات هذي
انا افضل البشوات او با دحمان الي بشارع فلسطين
او مجمع شرق محل اسمه مركز دبي كل الي فيه تحفه وخيال
ودائم يسوي لي خصم لاني دائمة عندهم
الاطقم عندهم اسعارها حلوة
وعلى حسب ميزانيتك
........
لو سمحتي وين الاقي اغطية سرير حلوة وسيك وتعيش يعني مو بعد استخدامها تصير مو حلوة ولا تدفي ولا شى
بالله فيديني

وكمان وش تنصحيني اشتري عطر يكون مثير ومغري يعني احطه لزوجي
محتارة ومو عارفة اقرر
انصحيني .....

شوفي تبغي اغطية سرير فخمة وحلوه وتعيش شوفي اختي متزوجه لها 5 سنين تقريبا واغطيتها زي ماهي جدييييييييييييييييده ....محل اسمه اوشينو بجدة مول وعزيز مول عنده شي تفته وشي قطيفه وشي ستان وشي قطن وفي كمان محل بالردسي فوق اخر دور في هناك اصلا اوشينو ومحل تاني عنده الحفه تجنن ....يبغالي اشوف اللي مجمع الشرق انا يمكن لاني ساكنه ناحيه الشمال فأكسل اروح بعيد ...انا العطور حايسه فيها بس اشتريت عطر نينا ريشي ريشي ريش مره عجبني وخطيبي مرررررررررره يحب لما احط عطر سينما ولا فلور بومب يحب ريحته عليا انصحك فيهم وفي عطر كمان غالي شويه اظن سعره 600 ولا 700 ماادري اسمها توم فورد اسمه عود الخشب OOD WOOD هذا ريحته ماتروح حتى بالغسيل وتفضل بالملابس وتعطر الدولاب انا اخويه جابه لبابا هديه واصلا ينفع للجنسين لأنه بريحه العود ومخلوطه بعطر ريحته من جد جناااااااااااااااااااااااااااااااااان شي خييااااااااااااااااااااااااااااااااااااااااااااااااااااااااااااااااااااااااااااااااااااال تدوخ اللي جنبك بدون كدب تبغي عطور ريحتها على عوده وعطور ريحتها تقيل روحي جنيد عطوره تجنن انا احب اشكل بين العود والعطور العاديه حقتنا بس هناك شفت كم عطر حاطه عيني عليهم واحد اسمه ليال وواحد والله ناسيه اسمه بس حتى عندهم لوشن يجي بلمعة قليتر خفيفه عليكي عندهم اشياء انصحك فيها خمريه للشعر وشي لغطاء السرير وشي بخاخ للغرفه

دبنهآمز عامل تخفيضات مره حلوه للانجري اسعارهم مره حلوه

وكمآن مانقو عامل تخفيضات بس ماعرفت اشتري حاجه لأن المحل كآن مرررررره زززحمه وقرف

وكمآن محل اويشو للبجآمات عامل تخفيضآت حلوه

اتوقع تلاقيه بمركز الكورنيش اللي ناحية البلد هناك ينباع انا اخويه لما جابه جابه من برا لأنه يدرس بلندن

موضوع جميل يخدم عرائس جدة و خارجها
كل التوفيق لكم

للاسف ما انزل جدة الا في الاجازات لكن ان شاء الله اذا نزلت اخبركم
واي سؤ ال انا حاظرة لاني اصلا من مكه فاي سؤال من عيوني

تسلمي يامعزوفة الروح انتي وحلا على جهودكم والله لو كنت ساكنة بجدة ما كان تاخرت بالرد ارجو التفاعل من بنات جدة حبيت اضيف عند العربية للعود فيه عطر عودي تقريبا يشبه اللي حلا تكلمت عنه حتى علبته عباره عن عود شجر حقيقي وبداخله العطر يعني حتى العلبة تستفيدي منها كمنظر وعليها ربطة من جلد بني مره ريحته روعة وكمان في عطر اسمه مخلط غير بابا لما يتعطر منه ويروح الصلاة استحالة اللي يوقف جنبه مايساله عن اسم العطر انا شريته له هديه من العربية للعود ادعوي لي انزل جدة قريب واستفيد من التخفيضات لان قريبتي راحة الاندلس مول واتصلت فيني تقولي لااااا تفوتي دي الفرصه حتى فكرت احولها فلوس وتشتري لي هههههههههههه اثق بذوقها بس دايما ياتجيب شي اكبر او اصغر مني على العموم موفقين
وقبل ما انسى تايدا لكلام حلا في محل في سوق الشاطئ فعلا يبيع اطقم كاسات كرستال تركيه توووووووووحفة

شكرا..

انا مو عروسه بس موضوع مره مفيد
في تخفيض بلاسينزا ونعومي واغلب الماركات مسويه تخفيض
لما تنزلين السوق راح تلاقين اغلب المحلات مسويه تخفيض

بنات متى تنتهى التخفيضات ؟

تعرفو اش احلاا فرع لنعومي احسو بشع :(

تسلمون يا بنات والله افدتونا
ابي توزيعات حلويات حلوة لفرح اخوي بجده لو تعرفون يعني يكون بسكوتات وكوب كيك بشكل حلو وشكل جديد لا هنتو
وبالنسبه لمفارش السرير فيه محل اسمو اورانج مرره حلو ومفارشه فخمة اعرف بس فرع اللي بالاندلس مول

اب اب اب

بنات اريد فساتين شبكة فين الاقي وتكون سعرة كويس لان الشبكة عائلية

انتظركن فديتكن

بصرررراحه موضوع مرررررة حلوو وانازواجي ف شهر 11وللحين ماعملت شي ولا اشترت حاجه الله يسعدكم اذا فيه الحين تخفيضات خبروني ضروري وتسلموووووووو عالموضوع

فديتكم والله ........ صح انا من جدة بس ما اعرف شيء فيها :(
ما اطلع ولا ادخل ولا لي معارف و صاحبات
:(
نقلنا هنا من سنة ونص
وملكتي قريبة ولا عارفة اتحرك ولا اسوي شيء

اذا عرفت اي حاجة بفيدكم...... واتمنى تتوفقون يا رب في حياتكم
:)
بدعي لكم من قلبي والله لاني بستفيد معاكم