هل انتي موظفة وزوجه وام .. وموقادرة تنظمين وقتك وتهتمين بنفسك وبيتك .. تعالي ندور حل.

حكاية عمري الاجمل;14271853:
مساء سعيد وجميل وامطااااااار مباركة علينا جميعا
آمين يارب
اخواتي الحبيبات مالي الا انتم بعد الله سبحانه ... اكيد من بينكم راح الاقي اللي يعيشون نفس وظعي ويعانون نفس معاناتي خلونا نتشاور ونتفق ونشجع بعض ونحكي تجاربنا لبعض نفيد ونستفيد
راح اقولكم وظعي وباليت اللي عندها فائدة وتجارب حتى لو ما كانت تعيش نفس الوضع تفيدنا بتجارب اللي حولها واللي قد شافتهم ومروا عليها بحياتها
الله يعينك ويهين كل وحده نفس حالتك
وضعي هذا ما بتفهم مقدار صعوبته الا وحده موظفه يروح وقتها وتعاني مثلي
نفس حالتي موظفه بدوامين الله يبارك لي برزقي وجميع المسلمات يارب
طبعا انا موظفه وزوجه وام وبحمد الله عندي شغاله والا كان الوضع تأزم الف مليون مره اكثر مما هو متأزم ممكن نحل الوضع بالتنازل عن بعض الاشياء
اروح دوامي كل يوم الساعه 6 صباحا وارجع البيت بعد الساعه 2 ظهرا طبعا اتغدى وانام مباشرة واحيانا انام ما اتغدى وبطلوع الروح اقوم اصلي صلاة العصر على نهاية وقتها الله يسهل كل عسير يارب
من كثر التعب والخمول اجلس اغلب وقتي على اللاب توب هنا الخطأ ... وحتى يكون عندي اشغال للدوام ونفسي اسويها ويروح وقتي ما سويت شي ..... هنا خطأ ثاني
اولادي اشوفهم واسلم عليهم فقط وبقية وقتهم واكلهم وشربهم مع الشغالة حتى وانا موجوده .. هنا الخطأ الثالث
في شغلات في البيت ما تعرف لها الشغاله واقعد احوس في النت ابغى حلول لها وحتى لو لقيت اجمع ولا اسوي شي
نفسبي وانا موجودة اطبخ واتفنن في العشاء خاصه وبطلوع الروح اسوي شئ ويمكن حتى وجبات خفيفه هنا بعض الامال
حتى ايام الاجازة تروح علي ما استفدت منها شي
ابغى اسوي خلطات لجسمي وشعري واهتم شوي بمظهري ويمكن حتى اشتري الاغراض وتجلس لحد ما تنتهي صلاحيتها وارجع ارميها ولا سويت شي واصلا زوجي من النوع البيوتي فما اقدر اخذ راحتي في العنايه بنفسي هنا بعض الامال
نفسي ادخل حلقات تحفيظ عبر النت واتعلم تصاميم ولغة ولا سويت شي هنا بعض الامال
نفسي اقدر اقوم قبل اذان الفجر واصلي القيام ويكون لي ورد من القرآن وما اقدر وبصراحه اللي يقومني الدوام ولا في ايام الاجازات أأخر صلاة الفجر كثير اسأل الله ان يعينني على القيام بأمور ديني
هنا بعض الامال
تخيلوا اشتري ملابس بالهبل ولا لبست حتى نصها من الكسل والخمول واحيانا ارجع بملابس الدوام وانام الظهر فيها واجلس فيها طول يومي حتى يمكن انام الليل وهي علي :-o هنا خطأ رابع

طموحاااااتي كبيرة جدا وفوق ما تتخيلون لكن ذبحني الكسل والخمول وعدم اتقان ادارة وقتي
هنا بعض الامال
وترى اللي كتبته مجرد جزء من معاناتي

مين تتعاون معي ونبدأ نسوي لنفسنا جدول من كل النواحي بصراحه ابغى اكون وانا موجودة في بيتي وكأن ما عندي شغاله ابغى اصير نشيطة ومرحه ذبحني الطفش رغم اني اقدر اشغل نفسي بمليون شغله هنا بعض الامال

بصراااااااااااااحة كرهت نفسي وكرهت حياتي هذي كيف اقدر اعدلها واغير فيها
اخواتي اللي متوظفات كيف تقدرون تهتموا في انفسكم مع الوظيفه ... كيف يكون وضعكم اليومي
لا تبخلوا علي بنصائحكم وارشاداتكم وعلى الاقل بدعواتكم

الله يوفقك ويستر عليك
اولا الرجال مهما صبر وسكت ماراح يسكت كثير لازم ينفجر ويتزوج لاسمح الله ويبرر موقفه انه يبغى وحده تفهمه وتكون نظيفه ودائما معه وهذا اللي انتي تبغينه وكمان كل وحده كسوله تبغاه بعد صح
نجي لكل نقطه ونساعدك فيها بحسب رايي الشخصي وبعض تجاربي بالحياة
من كثر التعب والخمول اجلس اغلب وقتي على اللاب توب هنا الخطأ
لازم تخصصي وقت معين على الاقل ساعه او ساعتين فقط للاب توب ويوم الاربعاء الخميس ممكن تجلسين عليه قد اللي تبغين بدون تفريط بواجباتك كـــ ام
وحتى يكون عندي اشغال للدوام ونفسي اسويها ويروح وقتي ما سويت شي ..... هنا خطأ ثاني
لازم تحددين وقت لشغل الدوام ووقت للعيال ووقت للنت وانا افضل يكون النت وقت الاجازه واذا مضطره ساعتين فقط باليوم
اولادي اشوفهم واسلم عليهم فقط وبقية وقتهم واكلهم وشربهم مع الشغالة حتى وانا موجوده .. هنا الخطأ الثالث
اكبر خطأ تقع فيه الموظفه ان تترك الحبل على الغارب وبيد الشغاله الله يهديك وييستر امرك يارب
في شغلات في البيت ما تعرف لها الشغاله واقعد احوس في النت ابغى حلول لها وحتى لو لقيت اجمع ولا اسوي شي
نفسبي وانا موجودة اطبخ واتفنن في العشاء خاصه وبطلوع الروح اسوي شئ ويمكن حتى وجبات خفيفه هنا بعض الامال
ممكن وتقدرين تسوين اشياء خفيفه ايام الاجازه خميس وجمعه وممكن الوقت اللي تجلسين فيه على اللاب توب يكون بالمطبخ تقولين لها قطعين كذا وسوي كذا وانتي على اللاب توب يعني تقرائي الطريقه وتعلمينها الشغاله او تخلينها تكتبه بنوته صغيره منها تتعلم ومنها ترجع له لو نست خطوه او شيء
حتى ايام الاجازة تروح علي ما استفدت منها شي
ابغى اسوي خلطات لجسمي وشعري واهتم شوي بمظهري ويمكن حتى اشتري الاغراض وتجلس لحد ما تنتهي صلاحيتها وارجع ارميها ولا سويت شي واصلا زوجي من النوع البيوتي فما اقدر اخذ راحتي في العنايه بنفسي هنا بعض الامال
سوي جدول واطبعيه وعلقيه بدولاب الملابس من جوا علشان زوجك مايشوفه واذا طلع اي وقت اكيد راح يخرج لاهله او زياره قريب استفيدي منها وسوي اللي نفسك فيه من خلطات وهيك حركات وعلى وقت رجعته بتكوني اهتميمت بنفسك وماخسلرتي صفاء ونقاء بشرتك
نفسي ادخل حلقات تحفيظ عبر النت واتعلم تصاميم ولغة ولا سويت شي هنا بعض الامال
النت مايصلح الا وقت الاجازه الطويله لان التصميم والتحفيظ واللغه يبغى له وقت وانتي ماعندك وقت لذلك خليها وقت الاجازات
نفسي اقدر اقوم قبل اذان الفجر واصلي القيام ويكون لي ورد من القرآن وما اقدر وبصراحه اللي يقومني الدوام ولا في ايام الاجازات أأخر صلاة الفجر كثير اسأل الله ان يعينني على القيام بأمور ديني
هنا بعض الامال
لازم تخلي الساعه تدق قبل وقت الصلاه بنصف ساعه او اكثر علشان تقومي وتصلي وتدعي15 دقيقه وتقرائي قران 10 دقائق
حتى وانتي تسوي اي شيء بالبيت استغفري علشن ربي يبارك لك بوقتك
تخيلوا اشتري ملابس بالهبل ولا لبست حتى نصها من الكسل والخمول واحيانا ارجع بملابس الدوام وانام الظهر فيها واجلس فيها طول يومي حتى يمكن انام الليل وهي علي :-o هنا خطأ رابع
لا مو معقول انتي كسلانه حدك وربي
ممكن تسوي تحليل الغده يمكن عندك كسل بالغده الدرقيه
طموحاااااتي كبيرة جدا وفوق ما تتخيلون لكن ذبحني الكسل والخمول وعدم اتقان ادارة وقتي
هنا بعض الامال
لازم تتقني وقلت لك قبل سوي لك جدول باليوم كامل مع الخميس والجمعه وربي راح يكون وقتك مليء بالطاعه والحيويه والنشاط بس انتي شكلك معتمده لى الشغاله بكل شيء الله يهديك انتبهي قبل يطيح الفاس بالراس وبعدها ماينفع الندم
وترى اللي كتبته مجرد جزء من معاناتي
الله يعيننا واياك اوخيتي
مين تتعاون معي ونبدأ نسوي لنفسنا جدول من كل النواحي بصراحه ابغى اكون وانا موجودة في بيتي وكأن ما عندي شغاله ابغى اصير نشيطة ومرحه ذبحني الطفش رغم اني اقدر اشغل نفسي بمليون شغله هنا بعض الامال
سبق قلت لك كيف تشغلين وقتك الله يسهل امورك وكل مسلمه يارب
اتمنى تاخذي كلامي من باب الحرص على صحتك وعيالك من الشغاله وكمان ما ننسى زوجك له حق عليك
اما بالنسبه لنظام الاهتمام بالبشره راح اعطيك برنامجي وان شاء الله تستفيدي منه
لتبيض الابط والوجه والرقبه لان الرقبه جزء من الوجه ولها اعتمام وعنايه :
انظف رقبتي ووجهي وابطي بـ (اسكينول بالليمون + 2 ملعقه كبير نشأ) وغسلهن بصابونه الكركم او البابايا واضع عليهن هذا الكريم (جليسوليد وسط -عصير نص ليمونه - نص ملعقه كبيره جليسرين سائل) يخلط ويدهن به الوجه والرقبه والابط مرتين باليوم من الصبح الى الظهر ومن المغرب الى الصبح .
لتبييض الركب والاكواع ومفاصل اليدين والارجل:
ملعقه كبيره جليسرين سائل + ملعقه كبيره زيت زيتون + نص ملعقه كبيره عصير ليمون تخلط وتدهن به المناطق المراد تفتيحها بليل ويمكن استعماله ككريم باي وقت وكل وقت اهم شيء اذا لمستي الماء لازم تدهنين فيه .
حمام البخار للوجه والجسم كل اسبوعين مره وحده انا اخترت كل يوم 15 من الشهر ويوم 30 من الشهر
وهذا اللي اسويه الان
اذا استفدتي وكل من يستفيد من ردي يدعي لي الله يرد لي حبيبي على خيرعاجلا غير اجل ويجمع بيننا على خير يارب

تبين نصيحتي

سفري خدامتج ويتنظم وقتك

لان الخدامه والانترنت مضيعة للوقت

يمكن تقولين شلون وصعبة ومستحيل لان هذا حال البنات اليوم

مايعيشون بدون خدامات ولا انترنت


وانا اعتبره هالاثنين يخلي الزوجه ماتقوم بواجباتها ويشغلها عن حياتها


موفقه

حبيبتي انا زوجة وموظفة وطالبة وأم ...
وماعندي شغالة
والحمدلله وقتي منظم وفي عملي منظمة وبالجامعة الحمدلله معدلي 4 من 5
اهم شيء اعملي تحاليل وشوفي ايش الهرمون اللي ناقص
والنفسية لها دور

بصراحه الشغاله هي اللي تجيب لنا الكسل لمن جبتها حسيت اني ما اقوم واتحرك ونشيطه زي اول وخرجتها والحين مرتاحه مع تنظيم الوقت كل شي بوقته واذا خلصت من شغلي اعطي وقت للاب توب وجيبي لك شغاله بالساعه اذا عندك كوي كثير او تنفيظ بيت وتخلصيين حتى وجود الشغاله ماله سبب بالكسل اذا انتي بتجلسين مع اولا دك وتكملين شغلك وتهتمين بنفسك ماننكر هي تريح الشغاله بس مو تعتمدين عليها بكل شي والله يعيينك لازم تحللين زي ما قالو الاخوات لان صديقتي مثلك وسوت تحليين ولقيت الغدد عندها واتعالجت واول ما تعالجت ارتاحت ونشطت وسفرت شغالتها طبعا جيبي اشياء للبيت تريحك لمن تشيلين شغالتك غسالة اوتوماتيكيه للملابس وغسالة للصحون وغلط كبير انك تهملين زوجك صراحه الرجال ما يصبر ولو صبر لمده محدوده وممكن يسمع من اصحابه اشياء تغير تفكيره كثير ويخليه يتزوج وعيالك بعد لهم حق عليك ولا تكثرين بالنوم ترا هو اللي يزيد الكسل حددي وقت لنومك بالليل بس نوم النهار يكسر الجسم والله يكون بعونك يارب

فعلا ماجاج الكسل الا من الشغاله لو لاسامح الله تسوي شي بعيالج شنو اللي يفيد

العني الشبطان وسفريها

خلها تروح وانتي راح تشوفين الخمول راح كان عندي شغاله ويومي يضيع بس الحين سفرتها وزوجي كان يبي خدامه مارضيت

وقمت اقوم واتحرك وصرت نشطه ومستانسه احس اني ام مثل امي وامج من ربونا وتعبو علينا


اصعب مده كان اول 3 شهور بعدها كل شي صار سهل وانتي شوفي شنو السبب من الكسل يمكن الروتين هو اللي خلى حياتج ممله

حاولي تغيري شي او سفره او روحه



الله يسهل لج يارب ويحفظ عيالج

لاااااااااااااااا انا رأيي مختلف عن خواتي الباقيات لأني مجربة تجارب ودخلت في عدة مراحل ..
أختي انتي طبيعية ما فيك ولا شي ..
النمط اللي تعيشين فيه معظم العاملات يعيشون فيه بسبب الفوضى وعدم المقدرة على التوفيق بين البيت والعمل ..
النوم ..عزيزتي النوم أهم شي في تنظيم الوقت أنا خبرتي في هذا الموضوع مو قليلة وجربت عدة أمور منها شراء بعض الاجهزة التي تسهل عليك العمل في المنزل وعندي الحمدلله كل شي لكن ما زلت تعبانه ...عشت مع الخادمة ,,,, وبدونها .... ولكن الحال هو بالعكس يمكن مع الخادمة المكان نظيف وهذا ما أقدر اسيطر عليه اذا انا تعبانه وجاية من العمل ..ينتظرني عمل ثاني في البيت وجو آخر عن جو العمل والأولاد ومدارسهم .. لكن اكتشفت ومع مرورو الوقت ان النوم المبكر يعطيني طاقة كبيرة ... ولا أكون محتاجة الا لقيلولة أبو ربع ثلث ساعة ارتاح فيها...
أختي جربي كلامي نامي زين شبعي جسمك من النوم بتلاقين أن الكسل كله يروح ..ومع الوقت حتى جسمك ينشد وتصيرين ملكة جمال وأنتي تمشين نامي في وقت مناسب لك ولأولادك مع الوقت بتلاقين ان البيت كله يصير منظم حتى لو كان ما في خدامة ..
هذا من تجاربي ...بالتوفيق

انا زوجة وام وموظفة ....يمكن لو عندي مثل دوامك بطير من الفرحة ارجع البيت الساعة 2 والله وناسة ...


اختى نامي لك ساعة وحدة تكفيك صدقيني مو لازم تنامين للعصر .. والنت انسيه نهائيا هذا اللي مضيع وقتك



سامحيني بس انت واااااااااااااااااايد كسولة وما تحسين بالنعمة اللي انت فيها ...استفغري ربك وحطي جدول وكل شي بيصير 100/100

السلام عليكم
انا زوجق و ام و موظفة -ادرس بمدرسة اعدادية-
ولكن أهم شي النت لا أدخله ابدا الا و انا فاضية تماما
و ثانيا لا انام الا بعد ان اخلص كل أعمالي
و فيه جدول ساعدني كثير و لو عايزاه ادورلك عليه و أبعثهولك أكيد راح يعينك
و اخيرا لا تنسي ان الواجبات الدينية هي الي تريح و تخليك حاسة بالرضى
هدا ماخطر ببالي الأن و البنات ما قصروا بصراحة الله يجازيهم
و السلام

حالتش ميؤوس منها اكثر مني
والله انتي في نعمه يا ريت ادوام صبااح وارد الساعه 2 ... كذا اقدر اعطي بنتي وبيتي وقت اكثر .... انا مثلك كسوله ووقتي احسه يضييييع ... بس اعطي بنتي وقتي كله الا اذا كنت مشغووووووووووووله اخليها عند امي ما عندي شغاله ووقت اجازتي اسوي شغلي كله النتراكم مال اسبووووووووووع كامل
الله يكون في عونك