خايفة من الطاعيم او شو تسوي بطفلك لما يتطعم تعالي

مساء الخير يا عرايس شو اخباركم بما اني احمل درجة الماجستير بالتمريض بحب افيدكم بموضوع بهم الأمهات بكل العالم والعالم العربي واللي هو مطاعيم الأطفال من عمر الشهر لغاية السنة ونص :


عمر الطفل اربعين يوم بياخد الطفل مطعوم ال BCG (السل) هذا المطعوم بالطب لايعتبر مطعوم وبنعطى للطفل تحت الجلد ورح تنفخ وتصير متل حبة العدس ومابصير تلعبي فيها او تفركيها وفي بعض لاحالات رح تكبر وتنزل مادة صفرا تسمى القيح او بالطب بيحكولها BUS وما بصير يوصل الها مي ولازم تديري بالك خلال الحمام ولازم تعرفي انه الطفل ما بكون حاس بالمطعوم ولا تخافي من الحرارة لأنه ما بتعمل حرارة.

عمر الطفل ستين يوم (شهرين) مطعوم الخماسي( الكزاز - السعال الديكي- الدفتيريا) مع بعض بحقنة وحقنة ثانية (التهاب الكبد البائي-HEMOPHELUS INFLUENZA ) وبهذا المطعوم بعاني بعض الأطفال من حرارة واسهال وما رح يقدر يحرك رجليه لأنه بتكون ثقيلة ومؤلمة لما حدا يلمسها ولازم الأوم بقطنة صغيرة تفرك مكان الحقن بزيت خروع حتى ما تتحجر تحت الجلد وتعطي الطفل تحميله وبعد ست ساعت تعطيه تحميله لتفادي الحرارة .


عمر الطفل تسعين يوم (3 اشهر ):مطعوم الخماسي + مطعوم الشلل الفموي OPV ولازم تتأكدي اختي من انه طفلك اخذ المطعوم الفموي لأنه مهم جدا جدا والأعراض اللي تظهر على طفلك نفس الأعراض اللي تظهر عليه بالمطعوم اللي بعمر الشهرين ونفس طريقة العلاج.


عمر الطفل 120 يوم (اربع اشهر):الجرعة الثالثة من المطعوم الخماسي + المطعوم الفموي OPV لكن بعض الأحيان يكون المطعوم رباعي لأنه نستثني جرعة الألتهاب الكبدي البائي لكن هذا بحالة لما الطفل عند ولادته اخذ هذا المطعوم لذلك لايجوز ان يأخد الطفل اكثر من ثلاث جرعات . ونفس الأعراض ونفس طريقة العلاج.


عمر الطفل تسعة شهور: مطعوم الحصبة + المطعوم الفموي OPV وبتنعطى باليد في العضلة القريبة من الكتف وما الها اي اعراض جانبية تذكر عند معظم الأطفال ولكن في بعض الحالات تكون فقط ارتفاع بدرجة الحرارة لذلك ينصح بإعطاؤه التحاميل الشرجية فقط في حال ارتفاعها .

عمر السنة (12 شهرا) : مطعوم للحصبة والحصبة اللأمانية و التهاب الغدة النكافية ( ابو دغيم )
وتنعطى بالعضل ولازم تراقبي الحرارة لطفلك او اي حبوب حمرا خفيقفة لاتخافي اذا ظهرت فهذا دليل انه جسم طفلك اتفاعل مع المطعوم .

عمر الطفل سنة ونصف:
وتدعى الجرعة المدعمة POSTER ويحقن الطفل ب( الثلاثي البكتيري:الكزاز +الدفتيريا +السعال الديكي ) و(الثلاثي الفيروسي:الحصبة والحصبة الأمانية والتهاب الغدة النكافية ) والمطعوم الفموي OPV

وملاحظة مهمة جدااااااااااا:

اذا لاحظتي على طفلك اعراض خارجة عن نطاق المعقول راجعي عيادة الأطفال واذا ظهر على طفلك حبوب حمرا فهذا دليل على انه طفلك استجاب للمطاعيم .

واحب انوه انه المطاعيم هي عبارة عن البكتيريا او الفيروسات لكنها بتكون ضعيفة جدا او ميتة او بعض الأحيان بعض نواتج البكتيريا وسمومها لكن بتراكيز صغيرة .....


وما على قلب اطفالنا الحلوين شر والف سلامة عليهم

مجهود شخصي ... هلا الطراونة F:F:F: