انه طبعا عضوه في هذا المنتدى من فترة طويله والمنتدى ساعدني في حفله خطوبتي وملجتي واااااااااااااايد وحبيت اقدم لكم تقرير عن الحفله :D
كانت خطوبتي تاريخ 15/11/2009 وطبعا هذا احلى يوم في عمري :adore: سويت ميك اب الملجه والشعر عن صالون اشرقت في الرفاع والخطوبه عند الرونق والميك اب عايشه الريس وطبعا طلع روعه روعه روعه والحين في الزواج بعد حجزت عندها والفستان مال الخطوبه سويته في السعوديه وطبعا كان تصميمي بعد وطلع تحفه الكل انهبل عليه
المهم مابي ازيد عليكم الحجي
اولا ببتدي في حفلة الملجه
كانت كلش بسيطه وتقتصر على الاهل والمقربين فقط
وهادي صورة سفرة العجم مع الكوشه
طبعا كله هذا من تصميمي الخاص والشغل بمساعدة خواتي وامي وكان روعه قليل عليه خاصه ان عمل ايدي
وهادي صورة التوزيعات الي وزعتها وكانت عباره عن غراش ماي ورد وماي نعنان وماي لقاح صغيره قد حجم صبع اليد وغلفتها بالوان نفس السفره
وهادي صورة توضيحيه الي السفره من قريب
صورة السفرة من بعيد
بالنسبه الي حفله الخطوبه
هذا المسرح طبعا سويته بسيط لني احب البساطه والرقي في نفس الوقت
وهادي العطورات الي الناس يطيبون منها
تنسيط الشبكه مالتي من نوال فلاورز
الفستان والمسكه انشالله بنزل صورهم
في الختام اتمنى دعوة حلوه منكم توفقني وتمم زواجي على خير
والفال الي كل العزابيه انشالله