استفسار عن افضل انواع الكانون

عندش كاميرا نيكون d5000




اختي اخذها في التخفيض الي صار بشرف ديجي من شهر بـ 300 دينار
لكن سعرها الاصلي ما ادري كم !

تجي بدون عدسة اضافية لكن العدسات مو غالية تقدرين تشترينها من اي مكان =)

الله يسلمج عندي كانون 500 و كانون 550
نفس الشي تصويرهم واضح
والفرق بينهم ان 550 معدلين فيها خاصيه تصوير الفيديو
طبعا سعرهم اقل ن 500 دينار
بس الشي الي مب حلو ان الزوم الي ايي معا الكام مب وايد يعني حده جريب
ف تقدرين تشترين لج عدسه زووووم
انا استعمل كانون 500 و الحمدلله مرتاحه من كل شي فيها

الكانون حلوة بس انا نيكونيه لي عوده

السلام عليكم

اختي بما انج مبتدئه ما انصحج تاخذين كاميرا برفشنل والبروفشنال مافوق ال 1000 دينار وطالع

اما للمبتدئين حلوه كاميرة كانون d 550 وايد زينه ويستخدمونها ناس مب مبتدئين وسعرها اقل من 500 دينار


واي استفسار انا حاضره حبيبتي

عندج كانون 1000D فضيعه وسعرها مناسب وتجي معاها عدستين
عدستها الاصلية وعدسة زوووم وهي في حدود الـ 300 دينار
اخت صديقتي شرتها من شرف دي جي مع شنطة وخذت لها ستاند
حدها حلوة .. وسعرها منآسب خصوصا وانج مبتدئة ..
روحي شوفيها وان شاء الله تعجبج =)
وبشرينآ اذا شريتي كاميرا =)

عدستها الاصليه زومها 55مم والعدسة اللي معاها 75-300مم
بس ما ادري اذا العرض للحين موجود
ان شاء الله للحين موجود وتستفيدين
انصحج فيها =)