.. شلوون اقنع زوووجي ؟!! بنات ديرتي بليييز ..

والله حبيبتي بلعكس حلو انهو يغار عليج و انتي اذا ما تحبين العبايه على الراس تفهمي ويا لو تسوين مثل ما يريد

?
ماكو موضوع

مافي موضوع
بس الي فهمته من الاخت ان يبي يلبسج عبايه راس وانتي مب مقتنعه
قولي له ان العبايه الراس صح انها بلبسها من فوق لي تحت بس احسها ماتسترني تنفتح اقل شي وثيابي تطلع
وماعرف امشي فيها وحتى الي يلبسونها ويمشون فيها وخاصه عبايات الراس مال البحرين اكثرهم تفصل لان تكون حرير وطايحه واقل هوا تفصل الجسم عدل
وانتي قولي له مابتسوين عبايه كتب ضيقه
سويها الموديل السعودي الي تكون من فوق لي تحت وسييع جنها عبايه راس بس صايره على الكتف

واذا ماقتنع قولي له نص ونص تلبسينها مو على طول يعني طلعات مجمعات تلبسين كتف وزيارات بيوت واماكن عبايه راس
ارضاء طرفين وان شاء الله يوافق

ماكو موضوع بس الحين اصلا عباة الكتف استر من عباة الراس تبقى عليش ولا اطير ولا شئ نفس عباة الراس


ادا كلش سوي لش عباية من الي موديلهم وااسع وخلها كلها مسكره

؟؟؟؟؟؟؟؟؟؟؟؟؟

بنات عدلت الموضوع بس مادري شفيه يرد يتمحى !!

عالعموم هذا نص الموضوع :

بنات عجزت منه .. حتى قلت له مابسوي الدفة حرير على اساس ان الحرير يفصل شوي وبعد ماقتنع .. صاير راسه ياابس واني لو اموت مالبستها على طووول هالدفة الراس .. بروحها اذا من ناحية الستر ماتسترني لان ماعرف ليها عدل كل شوي تطييح واهو يقول بتتعودين !!!

خذي لك العبايه اللي يكون معاها خمار للركبه

يعني تكون العبايه كتف واسعه والغطاء يكون خمار مخيط واصل للركبه

شفته على بنات كثير وساتر كانه عباية راس مفصول الجزء الفوقي عن التحتي

بالبدايه قوولي اوكي وشوي وشوي لبسي الكتف حتا يتعود ويستسلم خخخخخخخخ خطه خبيثه:cool: ههههههههههههه

مسامحه على الكلام الي باقوله بس صراحه احنا نلبس عبايات الراس وبالعكس وشحلوهم وحتا انتي بتكون عليج وااايد حلوه انا متأكده والحين مثل ما يقولون البنات انها تطيح من على الراس وتنفتح ويطلعون لثياب بالعكس اكو اشياء وايد صارت فالدفه تقدرين تحطين فيها (آستيك) مثل ما نقوله بالعاميه ) في الراس ولا بتطيح ولا شي ومن جدام تقدرين تحطين فيها ال(طقطق) حتى ما تنفتح والمفروض انج تطيعين زوجج احسن لج من انج تقولين له اوكي وتلبسين الكتف حتى يتعود، اما اذا انتي كللللللش مو مقتنعه حاولي تقنعينه انج بتلبسين الدفه في مناسبات معينه وعباية الجتف في مكان معين ومسامحه مره ثانيه على المداخله واتمنى انج ما تزعلين

مابعرف والله كوني مو متزوجه وما عندي خبره بس طاعة الزوج غير وهوه يشوفك بعباية الراس افضل ما عليه البسيها عشان لما تطلعي معو يفرح ويرتاح وهوه طالع معك
هي نصيحتي

اني البس عباية راس واحسها ساتره واتكون الوحده رزينه بس في اوقات البس عباية كتف مو على طول
تقدرين تلبسي عباية راس سعوديه كانها نفس عباية كتف وما تعيقش واتكون الوحده حلوه لين لبستها

اهم شي حبيبتي ترضين زوجش واهم شي راي زوجش مو راي الناس

عــادي اني البس عبــــــــاايه راس ...


مافيها شي ...

بالعكس ماشاء الله عليه الله يثبته

وانا اقولك نصيحه لوجه الله اسمعي كلام راح يفيدك بالدنيا والاخره


لان عباية الكتف حررررررررررررررررررام شرعا ولا احد يقول لا موحرام...

واسمعي كلام زوجك ...الله يسعدك

وعباية الراس والله فيه راحه ...


وللامانه ارضي الله قبل لاترضين زوجك لان عباية الراس امر من الله قبل لايكون
من زوجك



وهذا فتوى...

حكم لبس المرأة العباءة على الكتف
ما حكم لبس العباءة التي تسمى عباءة الكتف ؟ .



الحمد لله عباءة الكتف ليست هي اللباس الشرعي الذي ينبغي أن تلبسه المرأة المسلمة ، وذلك أن العباءة الشرعية هي التي تغطي الجسم كله من الرأس إلى أسفل القدمين وهي أشبه ما تكون بالجلباب الذي أمر الله تعالى به في قوله : ( يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُوراً رَحِيماً ) الأحزاب / 59 .
والجلباب : هو الرداء فوق الخمار بمنزلة العباءة .
عن أم سلمة قالت : لما نزلت { يدنين عليهن من جلابيبهن } خرج نساء الأنصار كأن على رءوسهن الغربان من الأكسية . رواه أبو داود ( 4101 ) وصححه الألباني في صحيح أبي داود ( 3456 ) .
وكذا وصفت عائشة جلباب المرأة وأنه من رأسها بقولها : كان الركبان يمرون بنا ونحن مع رسول الله صلى الله عليه وسلم محرِمات فإذا حاذوا بنا سدَلت إحدانا جلبابها من رأسها على وجهها فإذا جاوزونا كشفناه . رواه أبو داود ( 1833 ) وابن ماجه ( 2935 ) وقال الألباني : إسناده جيد في مشكاة المصابيح ( 2690 ) .
ويضاف إلى هذا أن وضع العباءة على الكتف فيه تشبه بالرجال ، حيث أن هذا الفعل هو من فعلهم لا من فعل النساء .
وقد ورد سؤال إلى اللجنة الدائمة هذا نصه :
فقد انتشر في الآونة الأخيرة عباءة مفصلة على الجسم وضيقة وتتكون من طبقتين خفيفتين من قماش الكريب ولها كم واسع وبها فصوص وتطريز وهي توضع على الكتف .. فما حكم الشرع في مثل هذه العباءة ؟ أفتونا مأجورين
وبعد دراسة اللجنة للاستفتاء أجابت بأن العباءة الشرعية للمرأة وهي [ الجلباب ] : هي ما تحقق فيها قصد الشارع من كمال الستر والبعد عن الفتنة ، وبناء على ذلك فلا بد لعباءة المرأة أن تتوفر فيها الأوصاف الآتية :
أولاً : أن تكون سميكة لا تظهر ما تحتها ، ولا يكون لها خاصية الالتصاق .
ثانياً : أن تكون ساترة لجميع الجسم ، واسعة لا تبدي تقاطيعه .
ثالثاً : أن تكون مفتوحة من الأمام فقط ، وتكون فتحة الأكمام ضيقة .
رابعاً : ألاّ يكون فيها زينة تلفت إليها الأنظار ، وعليه فلا بد أن تخلو من الرسوم والزخارف والكتابات والعلامات .
خامساً : ألاّ تكون مشابهة للباس الكافرات أو الرجال .
سادساً : أن توضع العباءة على هامة الرأس ابتداءً .
وعلى ما تقدم فإن العباءة المذكورة في السؤال ليست عباءة شرعية للمرأة فلا يجوز لبسها لعدم توافر الشروط الواجبة فيها ولا لبس غيرها من العباءات التي لم تتوافر فيها الشروط الواجبة ، ولا يجوز كذلك استيرادها ولا تصنيعها ولا بيعها وترويجها بين المسلمين لأن ذلك من التعاون على الإثم والعدوان والله جل وعلا يقول : ( ولا تعاونوا على الإثم والعدوان واتقوا الله إن الله شديد العقاب ) ، واللجنة إذ تبين ذلك فإنها توصي نساء المؤمنين بتقوى الله تعالى والتزام الستر الكامل للجسم بالجلباب والخمار عن الرجال الأجانب طاعة لله تعالى ولرسوله صلى الله عليه وسلم وبعداً عن أسباب الفتنة والافتتان . وبالله التوفيق .
وصلى الله على نبينا محمد وآله وصحبه وسلم .
اللجنة الدائمة للبحوث العلمية والإفتاء .


وآآآسفه على تدخلي بس الصراحه لان مثل اختي ....

*أم ملاك*;14254477:
مسامحه على الكلام الي باقوله بس صراحه احنا نلبس عبايات الراس وبالعكس وشحلوهم وحتا انتي بتكون عليج وااايد حلوه انا متأكده والحين مثل ما يقولون البنات انها تطيح من على الراس وتنفتح ويطلعون لثياب بالعكس اكو اشياء وايد صارت فالدفه تقدرين تحطين فيها (آستيك) مثل ما نقوله بالعاميه ) في الراس ولا بتطيح ولا شي ومن جدام تقدرين تحطين فيها ال(طقطق) حتى ما تنفتح والمفروض انج تطيعين زوجج احسن لج من انج تقولين له اوكي وتلبسين الكتف حتى يتعود، اما اذا انتي كللللللش مو مقتنعه حاولي تقنعينه انج بتلبسين الدفه في مناسبات معينه وعباية الجتف في مكان معين ومسامحه مره ثانيه على المداخله واتمنى انج ما تزعلين

خيووه انتين الا لا تفهميني غلط ،
اني ابدا مو جاية انتقد اللي يلبسون عباية راس او اقلل من شأنهم ولا اقدر اصلا ,, لان اهلي يلبسونها وبالعكس تعطي وقار للوحدة .. واني شخصيا ترى البس عباية راس في محرم والوفيات في صفر او اي شهر .. بس اللي اقصده انها ما تناسبني للاستخدام الدائم لاني ماعرف البسها و1كرت اسبابي .. بس بالعكس احترم اللي يلبسونها احترام شديد ،

لا احنا عندنا مو حرام وشيوخنا محللينها بشرط تكون تستر الجسم .. ورجاءا اختي احنا مو في موضوع الحلال والحرام لان تأكدي إني قبل لا ارضي زوجي برضي ربي وما بلبس شي الله محرمنه !! لاني ولله الحمد من عايلة محافظة وماتطلع منها العيبة بس اني مو مقتنعة بدفة الراس وهيه مو فرض واجب علينا .. اهم شي شي ساتر ،،

بنات مشكورين بس شكله محد عنده حل لي لاقناعه ،،

ليش حرام!! طيب حرام لبس البنطال القمصان و التي شيرت لانه تشبه بالرجال و الغرب!! حرااااام عليج يا شيخة مو كال فتوى نتبعها, الله برضه عطانا العقل. حبيبتي شكله زوجك من محافظ و مال اول حده. المهم ليش يبغي يفرض عليج؟ انت حرة بلبسج طالما هو محتشم و ساتر و شرعي, لا تعوديه يتحكم فيك و لكل شئ حدود. لبسي عباية كتف واسعة و اللي تنلبس زي الفستان او الثوب. ساترة و ما فيها اي فتحات. و اذا ما اقتنع جربيها فترة و قولي له اني طاوعتك بس مرررة مو مرتاحة فيها و اتمنى انك تخليني على راحتي. ما اتوقع بيزعل اذا كان عاقل. في ناس زي زوجك هالزمن, قدييييييم

خيووه انتين الا لا تفهميني غلط ،
اني ابدا مو جاية انتقد اللي يلبسون عباية راس او اقلل من شأنهم ولا اقدر اصلا ,, لان اهلي يلبسونها وبالعكس تعطي وقار للوحدة .. واني شخصيا ترى البس عباية راس في محرم والوفيات في صفر او اي شهر .. بس اللي اقصده انها ما تناسبني للاستخدام الدائم لاني ماعرف البسها و1كرت اسبابي .. بس بالعكس احترم اللي يلبسونها احترام شديد))


لا انا موقصدي انج تقللين من شأن الي يلبسونها انا قاعده اعطيج حلول والله صدقيني انا البس عباية الراس ولا بعد اسوي فيها الي ابيه مثل عباية الكتف حسب الموضه مثلا 0في اليد احط فصوص طبعا شي ما يلفت النظر ، او اسوي اليد ضيقه شوي عشان لو رفعتها ما تطلع يدي ....الخ) بس صدقيني لي لبستيها راح تتعودين عليها . انا اختي صادها مثل موقفج في المقابله قالت انها تلبس عباية الجتف وهو قال اوكي كان يسكتها بس لما تزوجو خلاها تلبس الدفه والحدلله الحين وشحلاوتها بالدفه ولا قامت تنتقد روحها يوم كانت تلبس عباية الكتف. والله يوفقج ان شاء الله

أنا بديت البس عباية الراس من كنت في 3 اعدادي وبرغبتي وصح لقيت معارضة من الاهل بالبداية
بس حسيت نفسي الجتافية ما تسترني وايد
صراحة بداية الايام عانيت وياها لان كانت دفة بحرينية
لكن بعدين فصلت لي موديل لبناني ومرتااااحة كلش وياها في طلعاتي والجامعة
وبالعكس احسها مصغرتني محد قال لي انها كبرتني
وكلللش مرتبة عكس البحرينية احسها ما تناسب اي احد
او تقدرين تسوين لج عباة بشت وتحطين على راسج شيلة تطيح على جتفج
اجوف هالموديل منتشر هالايام وكأنه دفة بالضبط