ماشاء الله تبارك الرحمن .... الحمدلله يارب انا حامل + قصة حملي اذكروا الله خواتي

ماشاء الله تبارك الرحمن ولا قوة الا بالله

اللهم صلي على سيدنا محمد وال محمد



السلام عليكم ورحمة الله وبركاته

يارب لك الحمد كما ينبغي لجلال وجهك وعظيم سلطانك






















اغلبكم مايعرف قصتي بالتفصيل بس ممكن تعرفون اني كنت متاخره بالحمل وكنت اشارك بتجمعات قديمة منها تجمع مجنونة قطر الله يذكرها بالخير

حكايتي ومعاناتي مع تاخر الحمل بدت من اول مابلغت كانت دورتي مو منتظمة ابدا تجي مرة كل 3 او 4 شهور

ووقتها ماعرضت نفسي ولا امي عرضتني للدكتور كنت عارفه انا ان في شي مو طبيعي لان اشوف البنات دورتهم منتظمة وطبيعية

بس ماكنت اعرف شلون اوصل للحل وشاء القدر اني اتزوج بعمر صغير جدا وهنا بدات المعاناة بداية مع الدورة

صارت الدورة تجيني تقريبا 3 مرات كل 40 يوم يعني تجي اسبوع كامل وانظف 5 ايام وترجع تنزل وتخيلوا استمر هالوضع معاي 10 شهوور

رحت للدكتورة سوتلي فحص دم تبين ان هرموناتي ملخطبه ووقتها انا طلبت منها تحولني لعيادة دكتورة خاصة وقتها كانت دكتورة عربية

بدت معاي باول سونار وقالتلي فيج تكيس مبايض ووصفتلي يومها لعلاج للدورة حبوب منع الحمل لمدة 3 شهور وحبوب الجلوكوفاج

طبعا اخذت الحبوب واثناء المدة اللي اخذتهم فيها تنظمت الدورة لكن بس خلصتهم ووقفت منهم رجعت الدورة تلخبطت نفس قبل واسوووء

ايام مرررة بكل معنى الكلمة يعني ماكنت احس نفسي طبيعية نفس باقي الحريم من ناحية الدورة ولا من ناحية الحمل ووزني يوميا وكل شهر يزيد و شكلي تغير من

زيادة الوزن .. الدكتورة اللي كنت اتابع معها قالتلي ماقدر اسويلك شي بعد راح احول اوراقك وملفك للمستشفى قسم العقم وتاخر الحمل

طبعا كنت متوقعة هالشي لكن لمن خبرتني الدكتورة حسيت بحزن على نفسي وياس لان عمري صغير وماتوقعت حالتي لهالدرجة سيئه

المهم توكلت على الله وحجزت موعد من المستشفى وبديت اراجع عندهم اول شي طلبوا مني تحاليل للهرمونات مره ثانيه ولزوجي تحليل السائل المنوي

ماكان مسويه من قبل كانت المفاجئة اللي مو متوقعتها ان هو يعاني من ضعف وتشوه بالحيوانات المنوية وانا طبعا نفس المشكله لخطبة بالهرمونات وهرمون التبويض ضعيييييف جددددا

سوولي سونار للرحم والمبايض وكان التكيس شديد ... الدكتور ماكان عنده علاج غير ان ابدي بالمنشطات منها علشان الدورة تصير شبه منتظمه وتجي مره بالشهر مو اكثر

ومنها محاولة اني احمل وبديت اول كورس الي كان حبوب كلوميد ماجابت اي نتيجة معي البويضات ماكبروا ولا شوي والدكتور وقتها قرر ان مايضيع وقت مع الكلوميد ويبدي بالابر بنفس الشهر

اخذتني يومها الممرضة لغرفه صغيره عطتني جنطة صغيره فيها ابر وتعليمات شلون اخذ الابر بنفسي بالبيت وقعدت هي تشرحلي زياده شلون اخلط الدواء وشلون اخذ الابر

ورحت يومها للصيدلية اشتريت الابر ورجعت للبيت وبديت اول مشوار مع الابر مكانهم بالبطن وتخيلوا الالم الحمدلله على كل حال كان موعدي مع الدكتور بعد كم يوم علشان يقيس خجم البويضه

رحت للموعد وسويت سونار والبويضه كان متوقعها الدكتور كبرانة بحجم هو مفترضة لكن النتيجة كانت كبرانة بس مو كثير وطبعا قالي تعالي بعد كم يوم نقيسها واستمري على الابر

خواتي نسيت اذكرلكم كان مكان المستشفى يبعد عن بيتي ساعة بين قطار وباص واوقات كنت اطلع من المستشفى والباص ماشي قبل دقايق واضطر انتظر الباص اللي بعده يجي بعد 45 دقيقه

وتخيلوا لمن اطلع من المستشفى ومتحطمه نفسيا من النتيجة اقعد بمحطة الباص ابكي واسمع قران ودموعي ماتوقف واذا كانت البويضه كبرانة من فرحتي اتصل بامي واختي واقوللهم وماانسى فرحتهم وتشجيعهم لي

اااااخ لحظات صعبببة ... ارجع لعلاجي استمريت اروح وارجع للدكتور ومستمره بالابر لين مالحمدلله وصل حجم البويضة للحجم الطبيعي ووصفلي ابرة تفجيرية اخذتها وماصار الحمل

واستمريت على هالحال كم شهر الابر نفختني زيااادة ونفسيتي كانت تعبانة وصرت حساسة لاي شي يصير وماكنت القى الدعم من زوجي ابدا يعني ابسطها توصيلة المستشفى كنت معتمده على نفسي

اخر شهر لي للعلاج الدكتور زود جرعة الابر لان المدة اللي كنت اخذها على ماتكبر البويضة مدة طويلة اوقات توصل ل 3 اسابيع او شهر فقرر ان خلاص يزود الجرعة

ومع ذلك بويضاتي كانت تكبر على اقل من مهلها ومريحة نفسها على الاخر وبطني صار لونها مرعب ازرق على بنفسجي من الابر واحس خلاص مافي مكان بعد اضرب فيه

بهالشهر وصلت الابر اللي اخذتها 100 ابرة البودرة اقصد كنت اخلط 3 مع بعض كل يوم واخذت المدة شهر كاااامل علما خلصت وانتهت بطفل الانبوب بهالشهر لان كانوا كثير بويضات كبرانة

مااحب اذكر تفاصيل طفل الانبوب لان لو اذكرها يبيلها موضوع لوحده بس اقوللكم النتيجة ان انتهت بالفشل ايضا ممكن البعض يقول شلون كانت علاقتج بربج الحمدلله قوت علاقتي برب العالمين كثير وصرت ملتزمه اكثر من قبل كنت اقرا قران كثير وواظبت على سورة البقرة والتقرب من الله عزوجل ..

احب اذكرلكم ان بعد هالعلاج الاخير وصل زيادة الوزن اللي زدتها خلال فترة العلاج اللي كانت مدتها سنة 30 كيلووو صرت انسااانة ثانية من جسم رشيق وضحكتي ماتفارق وجهي

لجسم سمين منفوخ الناس صارت ماتعرفني اتكلم معاهم مايعرفوني ولمن يعرفوني يقعدون يتمسخرون على شكلي صار وجهي غير كان بعده عمري 19 سنة اللي يشوفني كانه عمري بالثلاثين

بعد شهر واحد بس من فشل طفل الانابيب صار الشيي اللي هز كياني ممكن تظنونة هو الحمل لا كان هو الطلاق نعم طلاقي من زوجي

والاسباب ماكانت بسبب الحمل لا كانت مشاكل كثيييييره ومنهم مشكلة تاخر الحمل .. مريت بعد طلاقي بمرحلة صعبة لاني رجعت لنقطة الصفر احلامي امومتي اللي منتظرتها كل شي راح

كنت متوقعة انها نهاية الدنيا بالنسبة اللي لكن الحمدلله وبمساعدة اختي قدرت اوقف على رجلي بظرف اشهر بس والحمدلله بديت استعيد نفسي مرة ثانية

نزلت وزني اللي زدته ولله الحمد رجعت ثقتي واعجاب الناس بي بس مسالة الحمل كانت من الصعب اني انساها حتى ركن الحمل والولادة وتاخر الحمل بالمنتدى كنت ماافارقة

ماقدرت اصلا جهازي صار مليان صور اطفال وحوامل نسيت اذكرلكم ان طليقي حسبي الله ونعم الوكيل نشر بين الناس اني مااجيب اطفال ماقال ان السبب كان مشترك

كنت اسمع وادعي واقول يارب انصرني وعوضني بكل خير ... ولا تحرمني من الامومة والحمل ونعمة الاطفال ... كنت من قبل الطلاق وبعدة متعلقة بشكل كبير بسورة البقرة

يوميا كنت اسمعا واذا يوم ماسمعتها احس شي ناقصني بعدين صرت احاول اسمع سورة الانبياء كنت اسرح مع اياتها لان فيها ادعية الانبياء وكنت احس براحة عجيبة عند سماعها سبحان الله

بعد سنة ونص تزوجت زوجي وانتقلت معاه للبلد اللي هو مغترب فيه وصرت ولاول مرة بعيدة عن اهلي عندي اقارب بهالبلد بس مو بمدينتي ومحد كان يسد مكان اختي بالاخص لانها كثير قريبة مني

حسيت بالغربه وكنت مقررة اني اشيل فكرة الحمل من بالي علشان مااتعب نفسي واتركها على الله لكن من اول شهر تزوجت فيه بديت بالتفكير

بس ممكن نفسيتي كانت مرتاحة لان قربي من الله زاد ولله الحمد صرت التجا لرب العالمين بكل شي لو تصير مشكلة انا وزوجي اروح افرش سجادتي وادعي الله وابكي بين ايدينة

لو احس بتعب نفسي او اي شي الجا لرب العالمين واكون واثقه من الاجابة سورة البقرة ماتركتها حتى لو اوقات مااقدر يوميا اقسمها ل 3 ايام اشغلها بالموبايل واردد معاها

سورة يس صرت اقراها كثييير ... بعد زواجي بفترة قررنا نسافر انا وزوجي لتركيا نغير جو فيها وهناك اصريييييت على زوجي ان يوديني لدكتور افحص عنده

كان زوجي قلبه بارد مو نفسي كان يقولي مو وقته وجايين نتونس ماله داعي واصريت اصرار كبير ان لازم اروووح وفعلا وداني لبروفيسور استاذ بجامعة طب النساء باسطنبول

دكتور كبير ومشهور هناك اول مارحتله سوالي سونار كنت متوقعة ان راح يقولي التكيس بسيط او ممكن تكون بويضة كبيره صايره بصراحه هذا كان احساسي

بس المفاجئه اللي مومتوقعتها كانت ان قالي مبيضك اليسار مايشتغل واليمين ضعيف جددا والبويضات مالهم قياس اصلا يعني لان حجهم جدا صغير فماقالي اصلا قياسهم

يومها طلعت من عنده ودموعي على خدي خلاااص صار فيني ياس استغفر الله كبير كان عندي بنفس اليوم موعد لاشعة الصبغة حولني الها الدكتور

رحت وسويتها وكنت التالم منها ومن كلام الدكتور ويومها بكيت بكي هههههه بعدها رجعنا للدكتور وزوجي ساله شنو العلاج اللي ممكن تاخذه زوجتي حاليا انا هنا هم اصريت يكتبلي منشطات

او هددت زوجي اروح اشتريهم من الصديليه واخذهم لان عندي خبره فيهم هههههه قال الدكتور مااقدر اوصفلها منشطات الا بمتابعة والافضل انتوا تراجعون دكتور لمن ترجعون من السفر

علشان اتابع معاه قال بس استمر على الجلوكوفاج انا الي اخذه 3 سنين ماقطعته ابدا وبس طلعت من عنده واخذت عهد بيني وبين نفسي ان انسى فكرة الحمل نهائيا وقررت اتعايش مع وضعي

وقلت خلاص بعد كم شهر اروح افتحلي ملف بالمستشفى بالسويد واراجع فيها وابدي بالعلاج والحمدلله قضينا العطلة بتركيا ورجعنا للسويد


واجى موعد الدورة ومانزلت انا متعودة عليها مو منتظمه وماالها موعد فبعد طنشت وقعدت اعزل البيت واشيل بالاغراض والعب رياضه وبعد سافرت لاهلي وقبل السفر يومها

شفت نفسي بالمراية قلت ياربي ليش متغيره انا وشنو ماالبس احس بطني بارزة واستحيت اهلي يقولولي سمنانة او شي اخر شي لبست ملابس واسعة وسافرت

اهلي كانوا شاكين من وجهي ان في شي بس ساااكتين ههههههه برجعتي من عندهم بالطيارة قعدت اتخيل ان احلل ويطلعلي خطين قلت شلون اخبر زوجي وقعدت اتخيل واتخيييل

وثاني يوم الصبح قمت من النوم قلت خلاص خليني اسوي التحليل احسن شي وقمت بعيني النوم وسويته اول ماحطيته ولا ماشااااء الله تبارك الرحمن يطلعلي خطييييييييييييييين

انا هنا قلت شنو هذا:023: لا انا اكيد مو مصحصحه او تعبانة من السفر اخذت التحليل وصرت امشي بالبيت ههههههههههه اروح وارجع وفتحت اللمبة:042: بالمطبخ علشان اتاكد يعني ههههههه

ولا لا خطين مافيها كلام صار جسمي يرجف :090: ههههه مو عارفه شسوي مو مصدقة اصلاااااااا قلت خليني اتصل باختي احسن شي مسكينة دائما مورطتها معاااي ههههههههه:06:

اتصلت فيها قلتلها طبعا مسكينة صدمتها من الصبح وكان ردها ان لا التحليل ممكن خربان :017:هههههههههههههه الافضل تعيدينة ومو اليوم لا بعد كم يوم انا سكرت منها قلت اعيده الحين احسن شنو انتظر كم يوم

ولا زوجي بوجهي قعد من النوم سويت نفسي مااعرف شي دخلت عدت التحليل ونفس النتيجة هالمره كان راح يغمى علي وصرت اضحك:036: وارجف بالحمام وطلعت لزوجي عطيته التحليل

قلتله شنووو هذا مسكين هو ابتسم قالي ماادري ههههههههههههههه قلتله معقول ياربي خلاص يعني تحقق الحلم هو سااكت بس مبتسم احسه مو مستوعب الموقف

دخل ياخذ شاور يصحصح قلت خليني اتصل بامي احسن شي حتى لو التحليل مو صح مو مشكله خليني اقوللها وامي يومها قعدت تهلهل يعني تزغرط خخخخ على التلفون وخانقتها العبرة انا هني خلاص استوعبت الموقف

قعدت ابكييييييي ولاول مرة بحياتي ابكي من الفرح يارب لك الحمد كما ينبغي لجلال وجهك وعظيم سلطانك يارب كما رزقتني بهالفرحه اسالك ان تتمها علي يارب العالمين وترزق كل محرومة يارب

اختي كانت مو مصدقة او بالاحرى خايفه علي لا يطلع مو صح التحليل وانصدم فكانت تقولي لا سوي تحليل دم وهني ماقدرت ابدا اسويه مو مثل البلدان العربيه اقدر عندهم خلاص اعتمد على تحليل الحمل المنزلي

بعد كم يوم عدته والحمدلله نفس النتيجة اختي بدت تقتنع هههههههه لكن بعدها بكم يوم نزل علي دم وماتتخيلون وضعي يومها رحنا للطوارئ قالوا عادي ممكن ينزل الحمل وتحمل من جديد مو مشكله

حسبي الله ونعم الوكيل فيهم هم مايدرون عن منو يتكلمون ومايدرون انا شلون عانيت علما صار هالشي ومارضوا يسووولي اي شي يومها واستمر الوضع اسبوع الحمدلله ووقف وبعدها رحت عيادة

اشوف البيبي لاول مره كنت متوقعه ان صاير في شي من اللي صارلي بس رحمة رب العالمين شفته وتطمنت عليه ولله الحمد ... كنت حابة ابشركم بهالخبر اول ماعرفت لكن بسبب اللضروف اللي صارتلي اضطريت ان مااقول الا الحين ,,,,هذي قصتي باخصتاااار صح ممكن طويله لكن انا حاولت اختصرها قدر المستطاع
الخلاصة الامور اللي كانت سبب بحملي بعد الله هيه ..
التقرب من الله وحسن الظن فيه
الصدقة
الاستغفار
الدعاااء استغلي اوقات استجابة الدعاء فالليل وبالسفر ووقت نزول المطر
كنت اذا اسوي اي عمل لوجة الله مساعدة او اي شي كنت اسال الله ان يرزقني




ختاما اتمنى انكم تدعولي دعوة صادقة ان الله مايحرمني من طفلي ويقر عيني بشوفته وهو بكامل صحته وعافيته ويكون طفل طبيعي جميل سليم وان ماامر باي ضرف او اشوف اللي شفته ببداية الحمل [COLOR=red]لان هني لو شنو يصير الاطباء ماعندهم رحمة ولا يسوون شي وانا موكلة امري لخالقي وربي وحبيبي الله سبحانة وتعالى[/COLOR]
وياسالكم الدعاء لخواتي بقسم المتاخرات بالحمل وتجمع حلم الامومة واولهم شمس الاسلام وسكر ناعم وملاذ الطير 79


وخواتي المتاخرات اوصيكم توكلوا على الله واذا عندكم زيادة بالوزن حاولوا تضعفون واستغفروا الله وكثروا دعاء وقراءة قرااان واحسنوا الظن برب العالمين

واوصيكم بالرقية الشرعية قبل واثناااء الحمل والمعوذات ويارب الله يرزقكم بالذرية الصالحة ويسهل علي وعلى كل حامل يارب العالمين