قصتي من أ الى ي ...

سلام علييييييييييكم

شلونج اختي شريييفة ؟؟ شخبارج ؟؟ عساج بخير
:)

ببدي بالمشكلة على طول :badly: هذي اول مره اكتب موضوع في المنتدى

انا كلش ما اقول لأحد مشاكلي ابدا ابدا :-#بس اتشجعت اكتب مشكلي هني لان محد يقدر من الاعضاء يتطلع عليها

انا توني صغيرة عمري 20 سنة وصارلي متزوجة سنة ونص تقريبااااا وزوجي بعد صغير 22 سنة:celebrate:

المهم احبه حب موووووطبيعي اموت عليه :o<< ادعي الله يخلينا لبعض :(

قبل الزواج كنت شايفة روحي انسانه ناجحة جدا للحين اشوف روحي

ناجحة لكن احس انه اثر على دراستي وايد

تقدرين تقولييييين ان احنا اعز اصدقااااء يعني يقووول لي اشياء مافي زوج يقولها لزوجته

وانا بعد ... :) يعني كل اسراري عنده وكل اسراره عندي وانا مرتاحة من هالموضوع لانه يثق فيني كفاية حتى يقول لي كل هالاشياء

حتى انه قال لي من بعد الزواج انه كان يحب وحدة من منطقة قريبة من منطقتنا وقال لي انه كلمها وجذي اول شي انا اشمئزيت لكن بعدين قلت هذا ماضي وجذي

حتى صار لي منها موقف واحنا نتعشى بيووووم زواجنا تخيلي :'( انها اتصل عليه واحنا ناكل

بس شاف التلفون وعلى طول لما لقاه رقم غريب قطعه وبند التلفون خير شرررر

انا شكيييت قلت له عطني التلفووون عطاني اياه بكل سهووولة وسويت مسكول على الرقم

طلعت اهي البنية اللي كان يحبها قبل بس لما سمعت صوووتي قالت انها طاقة الرقم غلط

انا زفيتها وسكرته .. :( حاولت اتمالك نفسي واعدي اليوم على خير .. اهو تأسف لي وقال انه ما توقع تكون بهالوقاحة وتتصل يوم الزواج المهم انا كتمت قهري في قلبي وسكت

بعدها كملنا حياتنا باحسن ما يكون سمن على عسل

تصدقين استاذه لو اقول لج انه مغرقني حب ورومانسية وهدايا ما تصدقين

حتى احيانا اجلس بروحي افكر فيه شكثر هو رقيق وحنون وغير الرجااااااااال

وشكثر اني طايره فيه وحامده ربي وشاكرته :thumbs_up: على هالزوج المثالي << الله يخليه يا رب

ملاحظة :: انا عندي لاب توب واهو ما عنده اذا يطلع يروح الشغل ياخذه معاه << انا اللي اقترحت عليه لانه يكمل شغله وبعدين يتواصل معاي في المسنجر ويلعب معاي بليارد وجذي

ع العمووم مره كان اهو في الشغل وانا خليت الاب توب عندي

جاني احساس رهييييييييييييب اني لازم اشوف سجل المحادثات << انا اتطلعت عليه من باب الفضول بس

انصدمممممت صدمة عمري :badly: الحمد لله مامت حزتها

شفتها يكلم بنتين في المسنجر ( انا اعرف باسوورد ماسنجره .. عشان جذي كان خاشهم في ايميل انا ما أدري عنه )

يعني مسوي له ايميل بالخش

وعنده بنتين ما اقدر اوصف لج شعوري حسيت بالغباااااء والسذاجة

وحسيت اني مصفوعة على وجهي لان هذا لاب توبي وهو خاني فيه ولا استحى على وجهه


وانا اللي اقترحت عليه ياخذه يعني كأني انا اللي جنيت على نفسي

قعدت اصيييح << :'( انا من النوعيه اللي وااااااااااايد اصيح

دخل البيت وشافي اصيح وذابحه عمري قال لي شفيج وجذي وسوا روحه بيموت علي وانا كان خاطري اكسر البيت على راسه

لكن شلت روحي ورحت بيت اهلي لما ارتحت << قبل ما اروح بيت اهلي اخذت ايميله الجديد وايميلات البنات


رحت بيتنا ولما فرغت كل الحره اللي فيني شغلت مخي شوي وهدأت وقلت لازم اشوف شقصته

جلست على الكومبيوتر وحاولت اخمن باسوورد ايميله والحمد لله قدرت

كانت حبيبته القبليه اسمها ( ريم ) قاعده ع المسن

كلمتها على اني هووو .. وكانت تكلمني من طرف خشمها << شلون كان يرضى على نفسه مادري

سألتها اذا كانت تحبني او لا ( هذا وانا زوجي ) قالت لاااا وانها كانت تحبني بس الحين لااا

انا ارتحت قلت بقول لها اني دريت عنها مع زوجي

لما درت تخرررررررررررررررررررررررررررررررعت اني انا اللي حاجيها موو هووو

وظلت تتأسف مني وتقول سامحيني ومن هالكلامممم يعني :'( انا وقتها كنت منهاره

وماسكه اعصابي ابي اسحب منها حجي ما ابي بس اهاوشها

اخذت رقمها وكلمتها وهي تترجاني اسامحها وقال بتسوي لي اي شي ابيه مقابل اني اسامحها

انا ما اعرفها شخصيا ما اعرف عنها الا الحجي اللي اهو قاله لي عنها

تواصلت معاها واتفقت اني اطيح قلب زوجيي بهدوووووء وادمر حياته وبعدين اتركه بدووون رجعه

قالت لي اسمها في تلفونه وقالت لي شلون اخذ رقمها وقالت لي كل شي يعني

صارت ترتاح لي كأني صديقتها بس انا طبعا كنت مخنوقة منها ومنه

مع اني ما بنسى معروووفها ..

نرجع لي انا وزوجي صرت ما احب اكلمه ولا اطلع معاه ولا شي بس في حااالي وممارسة حياتي طبيعية

يعني ولا كأن صااار لي شي يضايقني

تقرررررب مني وحب يناقش الموضوع رحنا ع البحر ( كنت رافضة لكن قلت نشوف شعنده )

قلت له اني ادري عن كل شي هو يسويه وادري عن ايميل وكل شي

معلومة ( اسم زوجي عبدالله واسم مسؤوولة في الشغل عبدالله بعد )

قال ان هذا ايميل عبدالله المسؤؤووول وان هو اللي كلم وحده اسمها رييييممم وانا ما ادري بشي

وانا كلمت البنت الثانية << اللي كان ضايفها مع ريم في الايميل

اهي بس اللي كلمتها << كان مكلمنها من ايميله العادي

واصر انه ما يكرر خطأه وجذي واعترف لي انه ندماااان وقعد يصييييح وانا كنت اصلب من الصلابة

لاني حاااسه اني مستحيل ارجع له انا ضاله معاه اكمل شغلي وامشي قال لي

اني اقدر اسوي فيه اي شي ابيه اييييييي شي الا اني اتركه

بعد الاصرار وافقه على طلبه

وقلت اني بسوي فيه اللي ابيه مثل ما قال

اتفقت مع ريم انها تتصل فيه وانا ارد عليها

واكلمها من تلفونه << عشان يعرف اني اعرفها

اتصلت ورديت عليها ... سحب التلفون من ايدي وحاجاها على انها من الشغل

وكان وجهه ملوووووووون :struggle:

سكر من عندها وسوا نفسه معصب لاني رديت ع الرجاال يا زعم

اتصلت فيني ريم

وانا معاه في السياره قلت لها :: هلا فيج شلونج ،، بس لو شفتي وجهه كان متي ضحك ( طالعني )

كان متلخبص ويقول لي رديتي على الرجال ما تستحين (( وهووو ساكت وفاتح عينه ويطالعني ))

قلت ليها ااكمل منه واكلمج وسكرته من عندها هو من القهر صاااار يصفق لي يقول برااافوووو

واناا اضحك ومستانسه بانجازاتي قال لي انا خنتج لانج جذي وجذي وجذي << طلع اسباب ولا واحد منها فينييييي

لما هدأ الجووو قعدت اصيح وانا اطالعه اقول له الحين اقدر اتطلق وانا مرتاحه ومن هالحجي

لمنننننني وقال انه مستحيل يتركني ومن هالكلام وقال ان اسباب الخيانه كله مو صحيحه

بس اهو ما عنده سبب عشان جذي قالها

وهو خاني مو عشان عيب فيني عشان عيب فيييييييه اهوو

وما أدري من هالحجي

ظل يصيح وندماااااااااااااااااااااان ومن هالكلام .. انا سامحته :hysterical: ما ادري ليش سامحته

يمكن لان ما كنت مستعده انفصل او شي


وهو صاااااااااااااااااااار اوكي وياي اكثر من قبل لكن الحين المشكله فيني

ماااااااااااااااااااااا اوووووثق فيه ابد ابد ابد

ما اعرف اوثق فيه

احسه للحين يخوني حتى لو مو معاها مع اني ادري ان ماعنده الجرأة يغازل بنات او يطلب ارقامهم

لكن ما أدري ما اوثق فيه ابد

وابي اعرف منج المشكلة وين بالضبط

وشنو لازم اسوي ؟؟ لان والله تعبت من التفكير

وطول ما هو في الشغل انا افكر اهو شي يسوووي

امهل فترة وادور في سجل المحادثاتتت

بس انا اقنع روحي ان كل شي تمام
المره الاولى اللي خاني فيها ما كان محسسني بنقص ولا شي

كان يهتم فيني وجذي عشان جذي انا احس اني ما بعرف اذا كان يخوني او لاااا

ارجوووووووووووووووووووووووج ساعديني استاذه

وسووووري على الاطاله :o



انتظر ردج