ام وسام الف حمدلله على سلآمتج ويتربى الحلو بعزكم ..
maryoom;14346970:
شيووووووووووخة هلا حبيبتي تسلمين ياقلبي من طيب قلبج والله إلا شخبارج وشخبار البنوتة ؟؟
ماقلتي لنا قصة ولادتج ؟؟ والبنوتة الحلوة شسمها؟؟؟
هههههههههههههههههه وأكيد بقول هالحجي أن لو ببطني أحسن :lol:
انا تمام الحمدلله والبنوتة بعد متعبتني شوي ويا نومتها والرضاعة بس نتحمل عشانها
والبنوتة سميتها فطومة :L:
وقصتي الله يسلمج ان عطوني موعد 15 على حسب الدورة و22 على حسب الالتراساوند جان اختكم تصير واااايد متفائلة وتاخذ على تاريخ الدورة وطاف تاريخ 15 وطاف 22 وانا :badly::'(:badly:
رحت حق الدكتورة تاريخ 24 بدون موعد لان مواعيدي المفروض خلصت الا من عند الباب تقولي شيخو انتي للحين ماولدتي :worn_out: وانا اقوولها خلاااااااااااااص تمللت وتعتبت عطيني طلق صناعي << ماكنت اعرفه :D قالت لي بسوي لج توسعة مرة ثانية وان شاءالله ماتحتاجين حق طلق سوت لي الترا ساوند وانا مب متشجعة تمللت وانا اشوفها فالتلفزيون ابي اشوفها فالصج:p سوت توسعة وقالت لي اولردي بطانه الرحم لينه يعني ان شاءالله بتستجيبين حق التوسعة بس انا مافهمت شسالفة قالت شكثر تبين مهلة قلت لها يووووووم قالت خلاص باجر فالليل تروحين المستشفى واليوم اللي عقبه يسوون لج طلق صناعي قلت لها اوكي وانا :adore::D
بس انا استجبت دايركت حق التوسعة ونزل علي دم مع افرازات توقعت انها من التوسعة بس كانت العلامة وانا مادري
اليوم اللي عقبه اشتد الالم وكان اييني الطلق بس بعد مو عارفة شسالفة وكلت اناناس وفراولة << يحمون الطلق .. امي قالت لي قومي امشي قلت لها مااااااااقدر :sick:
وبس فالليل رحت المستشفى دخلت خذو وزني وطولي وضغطي وحرارتي وسالتني المدوايف نزل ماي قلت لها لا قالت دم قلت لها اي ويا افرازات وكان مكتوب اني مسويه توسعة فحطت في بالها انه من التوسعة وبس ودوني الجناح وانا فيني الم وتقلصات بس مو منتظمة
وفوق اول مادخلت الغرفة يابو لي جهاز التخطيط وسو لي تخطيط بس ماكنت ماكلة غير ربع سندويشة فمابين الطلق وخلصو الساعة 11 امي قالت لي يالله نامي وريحي باجر يوم حافل انسدحت بس ماياتني النومة من الخوف ! امي نامت وانا تميت قاعدة اقرا سورة مريم فالتلفون وكان مطر تميت ادعي لي الساعة 2 اشتد الالم وصرت كل شوي ادخل الحمام احس اني محصورة بس ادخل الحمام واطلع بدون ماسوي شي قعدت اسولف ويا رفيجاتي في البيبي اقولهم ياني الم ماعرف شنو قالت لي رفيجتي يمكن الطلق قلت لها لا ماظن قالت لي بس انتي ريحي قلت لها اوكو انتو بس ادعولي وحاولت انام لكن مافاد زاد الالم صار شي غير محتمل قعدت امي وسيدة امي طقت الجرس الا ياية النرس قالت لها امي ياها الم سوت لي تخطيط مرة ثانية وبعد مابين ان فيني طلق وجهاز التخطيط علي كنت احس اني بادخل الحمام قلت لها شيليه شالته ورحت بسرعة وبعد ماسويت شي طلعت اسندحت امي تمت تقرا علي والالم يشتد لين اذن الفجر امي قالت انا باصلي قلت لها اوكي صلت وفي الركعة الاولى رجعت قطعت صلاتها ونادت النرس ياتني ويابت لي شي ارجع فيه ونادت الكلينر تنظف وانا رجعت حق الحمام :lol: وبعد مافيني شي اروح وارجع وكنت استند على طاولة الاكل واتالم قالت لي النرس شفيج قلت لها احس بضغط تحت راحت بسرعة نادت المدوايف وقالت لي بافحصج من تحت فحصتني الا تقول 4 سانتي ويابو لي سرير وودوني غرفة الولادة وانا هلكانة حطوني على السرير وكل شوي يجيكون وانا ميتة من الالم اقولها متى اصير فولي تقولي نص ساعة وتولدين << تقص علي وانا مصدقة كل شوي طليت فالساعة انطر النص ساعة تمر :D ومرت النص ساعة وماصار شي كل شوي يجيكون عطوني ابرة عن الالم ودخت لين صرت متوسعة كامل الا اشوف المدوايف لبست الاخضر مال العمليات وحطت كمامة انا هني خفت وحسيت ان صار الصج :'( قالت لي من تحسين بالم دفعي وانا من احس بالم ادفع واصرخ تقوولي لالالالالا لاتصارخين ودفعي على تحت وانا ضايفة فالطوشة ماعرف ادفع تقولي انتي تدفعين غلط اهني صرخت عليها قلت لها مااااااااااعرف :mad: ياتني وحدة بحرينية قالت لي معلي لاتصارخين طاقتج بتروح ع الصراخ كتمي نفسج ودفعي مرة وحدة لاتقطعين واهم كل شوي خلوني على ظهري وعلى جنب عقب الا يقولون نادووو طبييب اطفال البيبي تعبانه انا خفت وحزة الطلقة دفعت نفس واحد قلت خلاص كل شي ولا بنتي يصير فيها شي الايقولون لي الراس يبين واهيا تضغط من تحت الا احس بالراس والجتوف هني حسيت اني مو ع الارض مادري شنو كان شعوري خياااااااااااااااااااااال حطوها على صدري بس ماصاحت انا خفت خذوها مادري شسوو وصاحت ارتحت ردو عطوني اياها اشوفها وبس عقب راووها ابوها وامي ودخلو علي باركوا لي وتحمدو لي بالسلامة وطلعو على اساس تخيط الجرح تمت عطتني ابرتين وعقب مادري شسوت خذ لها دقيقتين الا اقولها خلصتني :hysterical: قالت لي للحين مابديت :| وبس خيطتني وماحسيت بالم الخياط من المخدر وعقب ودوني غرفة ثانية اريح واكل لي شي بس ماكان لي نفس شربت عصير وقلت لهم ابي اروح الجناح قالو لي لازم تتبولين اول قلت لهم يالله باروح الحمام << يزعم باقص عليهم الا المد وايف داخلة وياي الحمام :confused: قصيت عليها قلت لها اوكي سويت وقمت من ع المرحاض الله يكرمكم الا صج حسيت اني بتبول وبس عقب حطوني في ع السرير بيودوني الجناح وحطو بنوتي يمي كان شعور عجيييب :L: بس كان الكل يطالع وانا حالتي حالة :worn_out:
وحزة الولادة دخلت علي امي مرة وحدة وريلي مرتين امي كانت تصيح وريلي تخرع فالمرتين :D
فالنهاية ماحتجت حق طلق صناعي الحمدلله ياني الطلق جذي وذبحني الا صناعي مرت خال زوجي تقولي اذا قالو لج الحمدلله ع السلامة فانتي صج سالمة لانج سلمتي من الطلق الصناعي :)
وبس خلصت قصتي عقبال مانسمع قصتج :L:
