دم بعد الدورة بأسبوع

بسم الله الرحمن الرحيم

عندي استشارة ياريت حد منكم اخواتي يفيدني
الدورة هالشهر كانت متأخرة علي .. واجتني يوم راس السنة .. 1 يناير ..
وكانت خفيفة وقعدت مثل العاده 7 ايام
يوم الاربعاء .. 12 يناير .. لاحظت وجود دم بسيط جدا مع الافرازات .. يعني الافرازات شفافة وفيها خيوط دم
واستمر الموضوع ليوم الخميس والجمعه ..
لكن يوم الجمعة .. اللي هو يوم 14 يناير .. الدم زاد .. وصار دم واضح .. دم احمر خفيف .. مو مثل دم الدورة .. مو كثير .. يعني ما احتاج اغير الفوطة .. لكن لما اروح الحمام وانتو بكرامة .. اشوف الماي كله صار احمر .. واذا مسحت الاقي الكينكس متروس دم

اليوم السبت .. صحيت من النوم الصبح .. لقيت الفوطة مليانه دم وموسخة ملابسي بعد

كل هذا مصحوب بألم شديد في اسفل الظهر .. واسفل البطن .. مثل الم الدورة
كلمت العيادة امس .. وخبرتني الممرضة ان اخذ بروفين ..

الحل اللي عندي اما اني اصبر .. أو اني اروح الطوارئ واتنقع عندهم الى ما شاء الله ..

ايش تنصحوني