زوجي .. هل طبيعي او انا حساسة

مرحبا خواتي

مالي غيركم استشيره .. والحمد لله من اكتب مشكلتي الكل يساعدني الف شكر ليككم

هالمرة مشكلتي هي زوجي متزوجته من 6 سنوات اول سنتين كان زي الملاك ومايتركني وقليل لين يطلع لانه كان بيتوتي ومايحب يطلع من البيت .. لكن من ولدت وجبت ولدي قعدت في بيت ابوي اسبوع قام يطلع زوجي يروح لناس ربع ولد خاله يتجمعون في حوطة ومن يبت ولدي وهو يروح ليليا في البدايه كنت اهاوشة بعدين قلت ليش احرمة كلها 3 ساعات يطلع فيها يغير جوو وتعودت على هالسالفة وماقمت اكلمه ... الحين طلع لينا بسوالف جديده قام يطلع مع قروب الشغل كل بين فترة وتكون طلعاتهم دايما ليليه يعني بركة سباحة يروحون بالليل او يروحون يخيمون بالبر :mad: وانا احيانا اتنازل واحيانا اشد عليه بس مافي فايدة كلما يجي ليه ويتمادى في طلعاته ومايسمع كلامي واذا سمع وماراح يظل مكشر طول الوقت وعصبي ويخليني اندم اني ماخليته يروح .. احسة اناني لانه مايطلعنا ولا يقعد معانا الا على وجبة العشا لان ه يعمل من الصبح الى العصر ويرجع يصلي المغرب ووينكم يالربع ويرجع وقت العشا يتعشا ويطالع التلفززيون ولاني اشتغل فاكون بعد العشا طاقتي مخلصة فاسبح وانام .
انا كلش مو هاملته بالعكس اهتم في روحي لدرجة اني قلت يمكن من اهتمامي الزايد فيه من جدي يحس نفسة متشبع مني حتى الجماع قليل لين يطليه مني يقول لي انتي تعبانه ومادري شنوو .. قمت اذا قال بروح مكان اقوليه براحتك روح واستانس ابين ليه انه مو مهم .. يمكن لين ابتعدت يحن لي بس للاسف قام يتمادى اكثر :confused:
انا بعد انسانه واحتاج من يهتم فيني وهو كلش مايهتم :( ,, مايصير جدي مايشوفني الا ساعتين باليوم الا هو وقت العشا :!!: والعصر ساعة يمكن ... لا واكثر شي ينام هالساعة اللي يجيها العصر ..

هل هالشي طبيعي وانا حساسة او انه غلطان ؟؟؟

او انا غلطانه ؟؟؟ شنو تنصحوني خواتي ؟؟ مابغي اضغط عليه او اتشدد في نفس الوقت ابغي يعتم فيني وفي ولده خصوصا اني حامل الحين واحس نفسيتي كلش تعبانه منه ومن اهماله وخايفة نفسيتي تأثر في البيبي ,, بصراحة من اهماله احس نفسي قاعدة اكره .. ومابغي هالشي يصير :'(

شوروو علي خواتي الله يخليكم