انـــــا ومـســـئـــولــتـــي فـي الــعـــمــــل

بنات انا متضاايقه حدي بسبب الطيبه والهباله اللي فيني !! تعبت من النااااااااس ومن معاملتهم لي.. والله العظيم يا بنات اني طيبه وفي حالي وغشمريه وروحي مرحه واشيل الجميل واقدر الناس خاصه اللي يقدرني .. مع اني ما أشوف منهم أي تقدير !! ما أدري ليش .. أمر بفترات عصيبه وضيق .. وأحس نفسي وحيدة برغم الناس اللي حولي .. بنات في موضوع صار من سنتين بس للحين قلبي منفطر وينزف دم من القهر والظلم والله مو قادره اعبر عن هالشي .. انا موظفه صار لي للحين سنتين أول ما أشتغلت كانت مديرتي حرمه من وجهها تفائلت خير وقلت شكلها طيبه وبرتاح معاها .. لكن يا بنات تفاجأت فيها
في اقل من اسبوع صارت هالمواقف :
* اضغطتني من أول يوم عمل وخلتني امسك مهام وظيفيه مو من اختصاصي مثل حسبة فواتير مشترياتها من عطور وبخور حق العمل وحق المدير قلت مو مشكله يمكن لاني قاعده فاضيه ومرات تحط عندي فاين وتقول لي عطيه حق الفراش لان مو موجود!
* مره كلمت البيت من تلفون العمل 5 دقايق بس قلبت علي الدنيا وقالت لي الموظفين يتصلون وكله مشغول وتلفون العمل خليه حق العمل اعتذرت لها وقلت لها كلمت البيت 5 دقايق وماراح اعيدها!! يعني معقوله هال 5 دقايق الكل اتصل ؟؟؟!!! ولا بس تبي تتحكم فيني!!
*مره ناديت موظف معانا وهو شيخ وناديته بأسمه قالت لي بيني وبينها قولي له يالشيخ ( الناس طبقات ) تضايقت وماعرفت شتقصد ؟؟! حسيت انها تشوفني حشرة عندها!!
* امنعتني اسمع الراديو وقالت لي اني اسبب ازعاج مع اني في مكتب بروحي ومحد حولي والراديو كنت احطه على الاذاعه الوطنيه وبرنامج يخص المواطن والكل يتابعه وهي تقولي تسمعين اغاني !! مارديت عليها خليتها.

بعد الاسبوع :
* مره صرخت علي وقالت لي صار لج اسبوع وتغلطين ؟؟!! والله يا بنات اني قبل هالمكان كنت موظفه 4 سنوات وكنت مثال للالتزام والمثابرة واعرف امكانياتي عدل..وهي تصارخ علي على شغل صعب ويبيله وقت لين ما أتعلمه ( الموظف له فترة اختبار 6 شهور وهذي من اول اسبوع تحاسبني ؟؟!!)
مافي شي ماعطتني اياه كأنها ماصدقت كل شي مسكتني اياه والله يا بنات كأني ( حمارة شغل ) ولا راعتني ولا خافت علي تصدقووووووون شهر كامل مااقدرت ارقد وكله خايفه منها او اني أتأخر او اغلط ؟؟!! عيشتني في ضغط 7 ساعات يوميا بدون رحمه بس قلت مو مشكله انا ما صدقت احصل وظيفه وشكلها استغلت حاجتي..

(وبعديييييييييييييين صار شي ذبحننننننننننني) مره شمت فيني ريحة عطر وانا فعلا تعطرت وكنت توني طالعه من الحمام وتعطرت من العطور اللي هي حاطتها في الحمام "الله يعزكم" قعدت تعطيني محاضره عن الحرام والحلال وانه ما يجوز قلت لها انا اسفه ماراح اكررها وبعدين علقت على عبايتي وعلى مشيتي وعلى الشباصه اللي احطها في راسي انها كبيره شوي ؟؟!! مع العلم اني منقبه وهي كاشفه وجهها وعبايتي فضفاضه ماادري شتبي مني ؟؟؟ قلت يا بنت امشي عدل يحتار عدوك فيك وثاني يوم مالبست الشباصه ورحت مبهدله عشان مااتتكلم وبعدها ب3 ايام والله يا بنات قالت لي كلام خلتني ابككككككككككككي قالت لي الموظفات يتصلون عليها ويقولون لها شوفي الموظفه اللي عندك مستهتره من ناحية العطر والمشيه ؟؟ تقصد اني ارفع العبايه وانا امشي ؟؟ شهالكلااااااااااااام انا ابعد ما أكون عن هالكلام ومالي شغل بهالخرابيط يا بنات قسم بالله .. وحتى لو ليش تتدخل هذي حريه شخصيه مالها شغل فيها عليها من شغلي بس!! تخيلوا شنو قالت لي ؟؟ والله يا بنات انه كلامها اللي صار له سنتين للحين يرن في اذني وهذا سبب قهري وعذابي لدرجة اني اكلم نفسي واتخيل نفسي ارد عليها وياليتني جريئة واقدر ارد بس خوفي على شغلي هو اللي مانعني قالت لي بالحرف ( في بنات من اشتغلوا هني تعدل حالهم والله صلحهم وانتي انضبطي ولا المكان يتعذرج ودوري لج مكان ثاني) انصدمممممت من كلامها على اي اساس تتطردني من الشغل لا يكون تتدفع لي الراتب من جيبها؟؟ وشنو في بنات الله صلح حالهم من داوموا هني ؟؟ يعني انا بنت شوراع ووقليلة ادب ؟؟؟ بناااااااااااااات والله العظيم موااااااااااااقف لا تعد ولا تحصى كل اسبوع لازم تنزل دمعتي حسبي الله ونعم الوكيل اشوف فيها يوم على ظلمها لي.. ومره اتهمتني في ذمتي وقالت لي انت متآمره مع الشيخ علي لاني ماوصلت لها ورقه الشيخ مايبيها تشوفها ثاني يوم اتصلت لي واعتذرت ومن طرف خشمها وانا علي اني اسامح واني اتغاضى,, حسستني اني حشره واني خدامه عندها ومرات طلبت مني اجي في غير أوقات الدوام عشان شغل اضافي ومن غير مقابل ؟؟!! معقووووووووله في وظيفه جذي ؟؟ وين قاعدين شنو هالمذله ؟؟
انا اليوم على راس عملي وهالمديره شالوها وحطوا الشيخ مدير علينا بس هي صارت في نفس الاداره بس مالها حكم علي من بعيد ولا قريب وانا ماصدقت انه ربي فكني منها وارتحت واستبشرت خير ومرت الايام واتصلت لي تبي عمل مني وانا كنت مشغوله لدرجه اني اداوم للساعه 3 العصر وانا شغلي 1:30 يخلص قلت لها ماعندي وقت اصبري علي شوي تخيلوا شنو قالت ؟؟ قالت لي مابي منج شي وصارخت علي وصكت التلفون في وجهي ؟؟ انصدمت منها ومن ردة فعلها ؟؟ لهدرجه مافي احترام ؟؟ اتسكر التلفون في وجهي ؟؟ حسبي الله ونعم الوكيل والله ؟؟ هني انا ماقدرت امسك اعصابي وأرسلت اميل للمدير الكبير وقلت له عن اللي صار بيني وبينها وانا سكرت التلفون بوجهي وهو طرش لها الاميل عشان تقراه وعرفت اني اشتكيت عليها ومن بعدها هي في حالها وانا في حالي واذا مرينا في مكان واحد كل وحده تغير طريقها صرنا نكره بعض من قلب وانا اللي عمري ماعرفت الكره ولا الحقد حقدت عليها وصرت ادعي عليها كل ما أتذكر اللي سوته فيني.. اللي سوته مو بسيط يا بنات .. فطرت قلبي ألم وقهر وادعي عليها في كل وقت اتذكر هالمذلة وهالفتره العصيبه اللي مريت فيها وكأن رب العالمين يريد لي الشقا والاسى مااشوف احد يمر بهالمواقف غيري كأن الذل والمهانه لي انا وكل اللي حولي مرتاحين ومبسوطين كل ماشتغل في مكان لازم احد يظلمني ولا يغلط علي مع اني كافيه خيري شري صارت الدنيا قاسيه وظالمه علي وكأني من المغضوب عليهم.. لا حول ولا قوة الا بالله..
ودارت الايام وهالمديره توفت عمتها ما أدري شاللي خلاني اروح لها برغم كل اللي احمله في قلبي عليها من قهر وألم واسلم عليها وأعزيها في وفاة عمتها ( مشكلتي طيبتي ) ليتني قاسيه نفس البنات والله بكون مرتاحه بس الظاهر اني هبلة وطيبه وغبيه واللي هالصفات مجتمعه فيه ماااااااااااااايعيش بكرامه

واسمحوا لي ع الاطاله