كرهت الناس كلها .. هل يستحقوا الكرهـ ؟؟

السلام عليكم

كرهت بنات خالاتي واكترهم وحدة كلهم مافيهم ذوق يوم اجلس معاهم اكلمهم يفتحو البلاك بيري ويتكلمو كأني طرشة جالسة اكلمهم .. وكل وحدة تبى تحسسني اني ولا شي انها احسن مني في العقل او الشكل ولمن اطنشهم يشوفوني شي كبير يحاولو يفهموني

كرهت خطيبي الي مسوي تقيل عليا واول ما ابدأ اسحب عليه يبكي ويتعزب ويترجاني ويكلم امو .. بس لمن يشوف مني اهتمام زاايد يتغلى ويتعبني ومايرد على مكالماتي

كرهت تصرفات الناس الي تجرخ معايا

الا بعض الناس طيبون ولا زالو طيبون ويهتموا فيا ويساعدوني

امي مسافرة وانا فاقدة حنانها دحين عشان كدا مضايقة حاسة وحيدة بس خالتي ومرت ولد خالتي وحماتي مايقصرو يسألو عني

_________

من دا الكلام كلو سؤال واحد بس

هما ليش الناس لمن يتعطوا وجه زاايد ومحبة زايدة فوق مقامهم .. يشوفوني رخيصة مالي مقام عندهم يجرحوني يقهروني

ولمن اطنشهم يحاولو يتقربو مني ..


ليش مافي واحد فيهم عدل

وياما جاتني مشاكل منهم

الا الصحبات ياحبي ليهم هما الوحيدين الي يحبوني ..

في حياتي دي ماابى غير الصحبات حتى خطيبي بفصل عنو ..علبالي لو انخطبت رح احس بالسعاادة والاهتماام مالاقي الا الاستهتار منو



انــا قررت ابيـــــــــــــــع النــاس واقلل كلامي واخليه مختصر ومااحكي بأشياء تخصني ..

واحــــــــاول قد مااقدر اكون غامضة عشان الناس تحبني وتهتم فيا ..


هل معايا حق ازعل ؟؟ ولا انا حساسة زيادة على اللزوم ؟؟ ولا ملاحظاتي غلط ؟؟
ولا الغلط مني لأنو كلامي صغير ومالو داعي عشان كدا الناس يملو من كلامي الممل ؟؟