تعالوا بقي كفاية تعب ومصاريف وحيرة

تعالوا يا بنات عروس يا أحلي بنات
ويا متزوجات يا قمرات
ويا مخطوبات يا حالمات

أنا جاية ومعايا عصارة خبرتي التي لا تضاهيها خبرة (مغرورة)
شايفاكم يا عيني محتارين في التفتيح والنعومة والتنظيف والتقشير

بصوا
أهم جاحة وأول حاجة التقشير يعني تنظيف البشرة
وتدليكها وازالة الجلد الميت والتفتيح التدريجي
وباقول التدريجي يعني الدائم مش السريع الزائل أبو مشاكل ده
وتنشيط الدورة الدمويةاحساس الراحة والانتعاش
كل ده ؟؟؟؟؟
وأهم حاجة التوفير
وعناصر من البيت سهلة وبسيطة
الطريقة
ادخلي الحمام
دخلتي
طيب
أقفلي الباب
قفلتي
افتحيه تاني
ايوة علشان تطلعي تجيبي اللي هاقولك عليه
دي كانت بروفة بس
هاتي كوب املئيه حتي النصف خل أكل عادي(خل أبيض)
وهاتي الليفة بتاعتك المغربية أو العادية
هاتي اناء ضعي به سكر نسبة كافية لجسمك وليمون وزيت جونسون بما يكفي للعجن
وضعي الاناء بعيدا عن الماء

ياللا ادخلي الحمام واقلعي هدومك
استني استني
اقفلي الباب الاول:o
املئي البانيو بالمياه علي ان تكون ساخنة جدا يعني الدرجة اللي جسمك يستحملها بس مش تخليها فاترة وتقولي هو ده اللي استحمله
لازم تكون ساخنة
ونامي في البانيو لمدة نصف ساعة
وبعدها أخرجي من البانيو جسمك هيكون سخن هاتي كوب الخل وكمليه ماء وامسكي الليفة وضعيها في الخل ثم افركي بها جسمك كله بذمه حتي الاماكن الحساسةلأ الخل مفيد في التنظيف وازاله الجلد الميت بس احذري الدواخل فاهمة طبعا
ولو ماشفتيش الجلد الميت بعينك قولي عليا وحشة
وبعد أن تنتهي من فرك جسمك اللي هتلاقيه مورد بعد الفرك الجيد
واستحمي عادي بالشاور
وبعدين شفي جسمك بس حاولي تخليه رطب
وهاتي الاناء اللي فيه السكر وابدأي اعملي تقشير لطيف لجسمك
وده مفيد للنعوووووووووووومة والتفتيح بلطف
وبعدين اشطفي جسمك بالماء فقط الفاتر
وتنشفي بلطف
امسحي جسمك بماء الورد لغلق المساح اللي فتحناها علي الرابع
وبعدين ادهني جسمك زيت لوز أو بيبي أويل جونسون ويفضل الافندر
والحمام ده مرة اسبوعيا لعدم اهلاك البشرة واستهلاكها
ويفضل قبل النوم وواظبي عليه مع التغذية السليمة هتكوني جميلة جمال طبيعي
مش كل شوية بياض المغربيات ونعومة الاوروبيات وحمار الهنود الحمر
عايزين نبقي حلوين بس نبقي زي ما احنا بشكلنا الجميل بتاع ربنا
مع شوية اهتمام هنبقي زي الفل
وكل واحدة بلونها الطبيعي
بس نرجع البشرة زي ما كانت واحنا بيبي
انا تعبت من الكلام
وأكيد قلتوا عليا لكاكة
بس قبل ما امشي احب اقول ان الطريقة دي مضمونة باذن الله وقديمة ومجربة آلاف المرات وانا عن نفسي مش باعمل غيرها
والحمد لله بشرتي زي بشرة بنتي أروي ( 8 شهور )
خلاص مش هاتكلم هاسكت :-#
سلام يا احلي عروس منك ليها:rolleyes:
;):)