سلام امهات
و الله انا احترت احط الموضوع بأي قسم , مادري بهالقسم او بقضايا و حلول بس بصراحة هو مو قضية و يبي لها حل كثر ما هو موضوع للنقاش:rolleyes:
بصراحة موضوع اني اشتغل و انشالله بعد كم شهر بصير ام وايد شاغل لي بالي:063:.. و مسأله اني اتركه و اروح الدوام احسها صعبة.. بس الشغل لابد منه عشان المصاريف و المسؤوليات بتزيد مع قدوم الطفل:sick:
و لما افتح الموضوع مع زوجي ثنينا نتم متضايقين و انا ساعات اصيح:'( اقول الله كريم و الله بيسهل الامور
المهم زوجي يقول بنودي البيبي الصباح بيت امه لانه امي تشتغل و انا حدي متخوفة من عدة امور:-#..
اولها طريقتها في التربية تختلف عن طبيعتي تماما .. هي تتبع الاسلوب القديم في التربية.. الي الياهل تأكله كل شي من عمره شهرين و طبعا انا اشوف بناتها و جناينها شلون يدخلون في صراع معاها بهالموضوع.. و انا بصراحة و لا عمري دخلت بسالفة معاها و خايفة قدوم البيبي يأثر على علاقتنا و غير انها تربيتها غير و حتى بالنظافة غير عني
:-#:-# ابي اعطيكم جم مثال يعني.. وايد مرات اشوفها تأكل ولد حماي و هو جدامها ياخذ الاكل الي بيده و يحطه بالارض و يفركه فراك بالارض و بعدين ياكله و هي تشوفه و تتضحك و انا جذي:confused: و خصوصا يصير الاكل فيه شعر من السجاد:!!:
او انه المرضعة تطيح بالارض و ترد تشيلها و تحطها في بوز البيبي من غير ما تغسلها:struggle:
او انها تطلع صدرها و تحط في بوز الياهل عشان يمص:badly:
ثاني شي بيتهم يبعد عن بيتنا بمسافة 30 دقيقة و بيتها بعيد عن دوامي بمسافة 35 دقيقة او ازيد .. يعني كل يوم اتعذب من الصبح .. غير ان زوجي عنده خالته اخت امه وايد احبها و احب تربيتها لعيالها و اسلوبها و نظافتها و هي قريبة على دوام مسافة 5 دقايق وودي اودي البيبي لها
بس ما ودي اقول لزوجي عشان النظافة و التربية ما ودي اخلي البيبي عن امك :o.. بس دايما اقوله عشان المسافة.. و هو مصر انه الطفل يروح لامه و انا خايفة:'(
الحين من فيكم تشتغل و دوامها طويل و عندها بيبي؟
شلون شعورها و هي تخليه و تروح الدوام؟ و شلون تأقلمت؟
مع من تترك البيبي؟ و هل تثقين بالشخص الي تتركين البيبي معاه؟ مو قصدي من ناحية الحب.. قصدي من ناحية المعاملة و البيئة و النظافة و التربية؟!
مثلا لو تركتينه مع ام زوجج .. ما تواجهج مشاكل؟؟ بحيث انها تفرض طريقتها بالتربية على طريقتج؟
يلا تفاعلوا بموضوعي ودي اعرف ارائكم:o
الطفل و المرأة العاملة
ن
12-01-2011 | 02:25 PM
ب
12-01-2011 | 02:45 PM
هلا خيووو ... انه ما اشتغل.... من جذي ولدي على طووول وياي .... بس ساعات الحين اضطر اخلية عند عمتي اذا اروح الصالون او مكان ثاني ما يصلح اودية ... لكن الله يشهد انه عمتي صج تتحمل فيية عدل... ويمكن اكثر مني... ولو وديتة لامي ما بتسوي نص ال تسوية عمتي... وبما انه يحبها ومتعود عليها.... صرت ساعات اذا بنطلع او شي..ما يرضى يجي ويانة .. ويصيح يباها.. بس بالنسبة لحالتج .. سوري يعني... لو عمتي جذي.... مستحيل اعطيها ولدي لو افنشش... يعني انها تأكل الياهل كل شي من شهرين .. هذا طبيا خطر على الجاهل..ما يتحمل..او انها تحط صدرها في بووز الجاهل ... لا تعلييق.. وغيرة وغيرة ... انه عندي لو تشووفين احد ثاني خالة زوجج او خواتج او اي احد .. عشان انتي ترتااحين وهو يرتاح .... ولا تبينين لزووجج انه عشان ذي السالفة ...
س
12-01-2011 | 02:53 PM
هلا حبيبتي
تبين الصدق انه هاذي ولدي الثاني و صار له اكثر من سنه بس ليحين ما تعودت على فراقهم يعني انه فالشغل و قلبي و عقلي عندهم بس الشي الوحيد اللي يطمني انهم عند امي الله يطول بعمرها و اهي ما شاء الله في النظافة و الترتيب احسن مني مع ان بيتهم يبعد عن بيتي حوالي الساعة و بيت ام زوجي دقيقتين و اكون عندهم بس مثل ما قلتي ما بتكون نفس معاملة امي و نظافتها و خصوصا اهي كبيرة فالسن و تسوي مثل ام زوجك بالضبط يعني على ان قلبها ابيض و طيبه بس ما تعجبني طريقة تربيتهه
الله يوفقج اختي و انه من رايي ان تقولين لزوجج ان طريقة خالته اهي الطريقة اللي تبين ولدج يتربى عليهه و مع سالفه بعد المسافه و ان شاء الله يوافق
تبين الصدق انه هاذي ولدي الثاني و صار له اكثر من سنه بس ليحين ما تعودت على فراقهم يعني انه فالشغل و قلبي و عقلي عندهم بس الشي الوحيد اللي يطمني انهم عند امي الله يطول بعمرها و اهي ما شاء الله في النظافة و الترتيب احسن مني مع ان بيتهم يبعد عن بيتي حوالي الساعة و بيت ام زوجي دقيقتين و اكون عندهم بس مثل ما قلتي ما بتكون نفس معاملة امي و نظافتها و خصوصا اهي كبيرة فالسن و تسوي مثل ام زوجك بالضبط يعني على ان قلبها ابيض و طيبه بس ما تعجبني طريقة تربيتهه
الله يوفقج اختي و انه من رايي ان تقولين لزوجج ان طريقة خالته اهي الطريقة اللي تبين ولدج يتربى عليهه و مع سالفه بعد المسافه و ان شاء الله يوافق
ن
12-01-2011 | 03:10 PM
بنت شرف و سوحي مشكورين على الرد..
و الله ودي اودي الياهل عندها بما انه هي تقاعد و ترى قلبها طيب و لا ترضى على احفادها و لا ترضى احد يجيسهم
بس شلون بقعد في الدوام من الصبح للساعة خمس و انا احاتي بتصيدني حالة نفسية .. شنو ياكل شنو يشرب.. تقول ترى البيض المخفوق الغير مطبوخ يقوي الياهل و يقوي مناعته .. تقول كانت تحط لعيالها بالرضاعة^o)
و الله ودي اودي الياهل عندها بما انه هي تقاعد و ترى قلبها طيب و لا ترضى على احفادها و لا ترضى احد يجيسهم
بس شلون بقعد في الدوام من الصبح للساعة خمس و انا احاتي بتصيدني حالة نفسية .. شنو ياكل شنو يشرب.. تقول ترى البيض المخفوق الغير مطبوخ يقوي الياهل و يقوي مناعته .. تقول كانت تحط لعيالها بالرضاعة^o)
س
12-01-2011 | 03:27 PM
بيييييييييييييييييييييض :-o:|:hysterical:
لا حبيبتي هذا الوضع كلش ما يطمن 8o| و زوجج عارف بالاشياء اللي امه تسويهه ؟
اذا كلش مضطرة ان تخلين البيبي عندهه فلازم تتفقين انتي و زوجج اول على طريقة تربيته و تكون كلمتكم وحده و بعدين تكلمونهه اثنينكم مع بعض و تفهمونهه انتو شلون تبون الياهل يتربه و ان شاء الله تعدي على خير
لا حبيبتي هذا الوضع كلش ما يطمن 8o| و زوجج عارف بالاشياء اللي امه تسويهه ؟
اذا كلش مضطرة ان تخلين البيبي عندهه فلازم تتفقين انتي و زوجج اول على طريقة تربيته و تكون كلمتكم وحده و بعدين تكلمونهه اثنينكم مع بعض و تفهمونهه انتو شلون تبون الياهل يتربه و ان شاء الله تعدي على خير
ن
12-01-2011 | 03:33 PM
ههههههههههههههههههه يقول امي تعرف كل اكو انا كبرت شحليلني ما فيني الا العافية:085:
ا
12-01-2011 | 03:38 PM
:085:يسلموو على الموضوع
ن
12-01-2011 | 04:32 PM
بنات محد شاركني موضوعي:'(
ن
13-01-2011 | 08:53 AM
انا وايد زعلانة منكم معقولة 47 مشاهدة و بس 4 ردود:'(
ه
13-01-2011 | 09:18 AM
وش اقول وش احجي خيو معاناه يوميا
حتى لصياح اصييييح من فراقه ياختي واني اول واحد احسه واجد يوحشني
ساكنه في بيت عمي وبيت ابوي فرق 5 دقايق عني
بس بعد معاناه
عمتي مع انها نظيفه بشكل غير معقول تخيلي ولدي كمل سنه ونص واول حفيد عندهم يعني لا تزعلونه ولا تردونه باي شي
مثلا اشباس كاكوات وعصاير وشاي ولدي موته الشاي اي وقت حنى لو حزت الوجبه مو مهم يضرب عماته وايده ثقيله ما ترضى تردونه ولا تضربونه لين يضرب بدمتش هذي تربيه ؟؟؟؟
وهي تبيني اخليه عندها ما اقدر عشان جدي اخليه عند امي وامي الحين كل ظهرها وين اوديه
غير المشكله الاكبر الحين يتكلم ويتعلم وامي مو مقصره وياه بالعكس تقعد وياه وتعلمه وتراويه لصور بس احس اني بعيده عنه احلى ايامه واني مو وياه
بس وش اسوي ما اقدر اقعد في البيت
حتى لصياح اصييييح من فراقه ياختي واني اول واحد احسه واجد يوحشني
ساكنه في بيت عمي وبيت ابوي فرق 5 دقايق عني
بس بعد معاناه
عمتي مع انها نظيفه بشكل غير معقول تخيلي ولدي كمل سنه ونص واول حفيد عندهم يعني لا تزعلونه ولا تردونه باي شي
مثلا اشباس كاكوات وعصاير وشاي ولدي موته الشاي اي وقت حنى لو حزت الوجبه مو مهم يضرب عماته وايده ثقيله ما ترضى تردونه ولا تضربونه لين يضرب بدمتش هذي تربيه ؟؟؟؟
وهي تبيني اخليه عندها ما اقدر عشان جدي اخليه عند امي وامي الحين كل ظهرها وين اوديه
غير المشكله الاكبر الحين يتكلم ويتعلم وامي مو مقصره وياه بالعكس تقعد وياه وتعلمه وتراويه لصور بس احس اني بعيده عنه احلى ايامه واني مو وياه
بس وش اسوي ما اقدر اقعد في البيت
ن
13-01-2011 | 10:16 AM
ويييييييييي ينضرب هاي ياهل صغير ما يفهم حرام يضربونه:mad:
و بعدين بقولج شي محد من حقة يضرب الطفل غير امه و ابوه
اي و الله لو اشوف عمومه او عماته او حتى خالاته ضاربينه جان اراويهم خخخخخخخ:067:
بس صج انا اتذكر خالتي كانت تضربنا و لحين اكرهها و اخاف منها فيني عقدة منها:-#
مع اني ساعات احصل ضرب من امي و ابوي بس ما اتذكره .. بس اذا شخص غير الام و الابو احسه ينرسخ في الذاكرة:study:
و بعدين بقولج شي محد من حقة يضرب الطفل غير امه و ابوه
اي و الله لو اشوف عمومه او عماته او حتى خالاته ضاربينه جان اراويهم خخخخخخخ:067:
بس صج انا اتذكر خالتي كانت تضربنا و لحين اكرهها و اخاف منها فيني عقدة منها:-#
مع اني ساعات احصل ضرب من امي و ابوي بس ما اتذكره .. بس اذا شخص غير الام و الابو احسه ينرسخ في الذاكرة:study:
ه
13-01-2011 | 11:03 AM
خيو ما فهمتين علي ولدي اللي يضرب عماته وعمتي ما ترضى ترده كل تقول خلوه على راحته
تحمق على العمات لين اردونه
ما ابغي احد يضرب ولدي غيري بس على الاقل اردونه
حتى اني لين ارده عمتي ما ترضى
تحمق على العمات لين اردونه
ما ابغي احد يضرب ولدي غيري بس على الاقل اردونه
حتى اني لين ارده عمتي ما ترضى
ن
13-01-2011 | 11:08 AM
اي و الله ما فهمت سوري:D
لا بس لازم يعلمونه لو حتى بالنظرات انه هاي الشي عيب
لانه بعدين يتعود مو بس يضرب عماته حتى يضرب امه و ابوه و اخوانه و يحس عادي محد بيردني:rolleyes:
لا بس لازم يعلمونه لو حتى بالنظرات انه هاي الشي عيب
لانه بعدين يتعود مو بس يضرب عماته حتى يضرب امه و ابوه و اخوانه و يحس عادي محد بيردني:rolleyes:
ك
13-01-2011 | 11:16 AM
حبوووبة اذا انتي مو مرتاحة لمتك وتربيتها لا تخلين عنها الياهل
لان بصراحة على الاشيا الي تقولينها محد يتحملها خاصة الطفل من البداية يتعود وياخذ الطبايع
وانا من رايي تفهمين زوجج وجهه نظرج وان طريقتج غير عن امة ويمكن يتقبل او انج تودينة حضانة قريبة من شغلك
انا الحمد الله اشتغل وعمتى تشتغل لو ما تشتغل جان خليت بنتي عندها لان ما شاااء الله عليها واااايد تحبها ومعاملتهم وتربيتهم الحمد الله ما عليها قصور و امي ما تشتغل بس بصراحة مثل ما قلتي مسافة الطريق يعني بيني وبين امي تقريبا 30 دقيقة او اقل شوي بس من الصبح صعبة علي ان اقعد ووديها هناك
فوديتها حضانة قريبة لشغلي و البيت يعني في النص و الحمد الله مرتاحة
والله يوفقج
لان بصراحة على الاشيا الي تقولينها محد يتحملها خاصة الطفل من البداية يتعود وياخذ الطبايع
وانا من رايي تفهمين زوجج وجهه نظرج وان طريقتج غير عن امة ويمكن يتقبل او انج تودينة حضانة قريبة من شغلك
انا الحمد الله اشتغل وعمتى تشتغل لو ما تشتغل جان خليت بنتي عندها لان ما شاااء الله عليها واااايد تحبها ومعاملتهم وتربيتهم الحمد الله ما عليها قصور و امي ما تشتغل بس بصراحة مثل ما قلتي مسافة الطريق يعني بيني وبين امي تقريبا 30 دقيقة او اقل شوي بس من الصبح صعبة علي ان اقعد ووديها هناك
فوديتها حضانة قريبة لشغلي و البيت يعني في النص و الحمد الله مرتاحة
والله يوفقج
ز
13-01-2011 | 11:26 AM
اختي
اني اشتغل و عندي بنت وحدة و اخليها عند جدتها
بس وايد مطمنة عليها و يمكن احي انها تتحمل فيها ازيد مني بعد
بس بالنسبة لوضعج لازم تتفاهمين ويا زوجش و تفهمينه اني الحياة تغيرت
و اني من جميع النواحي الأحسن تخلينه عند خاله زوجش
و الله يوفقش
اني اشتغل و عندي بنت وحدة و اخليها عند جدتها
بس وايد مطمنة عليها و يمكن احي انها تتحمل فيها ازيد مني بعد
بس بالنسبة لوضعج لازم تتفاهمين ويا زوجش و تفهمينه اني الحياة تغيرت
و اني من جميع النواحي الأحسن تخلينه عند خاله زوجش
و الله يوفقش
ز
13-01-2011 | 01:13 PM
أختى ألله يساعدش والله على التفكير في هالشي مو سهل
بس تدرين الحياه صعبه لازم تشتغلين والحين بصير عندكم جاهل اذ الله كتب
يعني لازم أضحين..... تدرين اختي يمكن أنتين حازبه ومتخوفه لكن الله يسهل الأمور
لاتحاتين ولاشي والله بسهل كل شي ماعليه شي عسير
وعن النظافه ..... حتى لو أنتين مو راضيه وصدق اشياء مقززه الا قلتينها بس حاولي تجاهلين وخلاص
وان شاء الله خير
سنتين ووديه حضانه وبعدين روضه وبتركض الأيام
لا أتعبين نفسش
والله يوفقش ان ششاشء الله
بس تدرين الحياه صعبه لازم تشتغلين والحين بصير عندكم جاهل اذ الله كتب
يعني لازم أضحين..... تدرين اختي يمكن أنتين حازبه ومتخوفه لكن الله يسهل الأمور
لاتحاتين ولاشي والله بسهل كل شي ماعليه شي عسير
وعن النظافه ..... حتى لو أنتين مو راضيه وصدق اشياء مقززه الا قلتينها بس حاولي تجاهلين وخلاص
وان شاء الله خير
سنتين ووديه حضانه وبعدين روضه وبتركض الأيام
لا أتعبين نفسش
والله يوفقش ان ششاشء الله
ح
13-01-2011 | 02:26 PM
خيوو
اني ساكنه في بيت عمي بس ما اخلي ولدي عندهم لان مره من المرات رجعت من الشغل الساعه 4 العصر و للحين عليه حفاظه الليل اتخيليييييييييييييييي شفتها و قعدت اصييييييييح عليه وعلى الحرار اللي طلع له و من يومها قلت العن ابو المساافه صرت اطلع من وقت حتى يمديني اودي ولدي الى امي وزوجي شاف كل شي بعينه يعني هوو اللي قال ليي وديه الى امش و اتهاوش وي بيت ابووه وصرت له ارووح مكان لو نص ساعه احمله ويايي.
الحين الحمد لله ولدي عند امي حتى زوجي ايقوول تربيه امش احسن منش من صار ولدي عندها صار بدوب و ياكل .
نسيت اقول اني ما اشتغل بس ادرس في الجامعه يعني نفس الوضع
اني ساكنه في بيت عمي بس ما اخلي ولدي عندهم لان مره من المرات رجعت من الشغل الساعه 4 العصر و للحين عليه حفاظه الليل اتخيليييييييييييييييي شفتها و قعدت اصييييييييح عليه وعلى الحرار اللي طلع له و من يومها قلت العن ابو المساافه صرت اطلع من وقت حتى يمديني اودي ولدي الى امي وزوجي شاف كل شي بعينه يعني هوو اللي قال ليي وديه الى امش و اتهاوش وي بيت ابووه وصرت له ارووح مكان لو نص ساعه احمله ويايي.
الحين الحمد لله ولدي عند امي حتى زوجي ايقوول تربيه امش احسن منش من صار ولدي عندها صار بدوب و ياكل .
نسيت اقول اني ما اشتغل بس ادرس في الجامعه يعني نفس الوضع
ن
13-01-2011 | 03:20 PM
مشكورين بنات على ارائكم
حليمة الجميلة شلون حفاظة من الليل ليوم ثاني العصر؟؟؟!!! :-#:-#:-#
الحمدلله تداركتي الوضع
هو مثل ما قلت من قبل من ناحية الحب ما اعتقد يدته بتقصر عليه بتحبه و ما بترضى عليه بس النظافة بعد وايد مهمة .. لانه الياهل صغير و ما عنده مناعة:rolleyes:
حليمة الجميلة شلون حفاظة من الليل ليوم ثاني العصر؟؟؟!!! :-#:-#:-#
الحمدلله تداركتي الوضع
هو مثل ما قلت من قبل من ناحية الحب ما اعتقد يدته بتقصر عليه بتحبه و ما بترضى عليه بس النظافة بعد وايد مهمة .. لانه الياهل صغير و ما عنده مناعة:rolleyes:
ث
13-01-2011 | 10:39 PM
السلام عليكم
الله يعينج على التفكير والمحاتاه.. بس انا اقول اصبري شوي ولا تستعجلين الحين خليها للايام بس اذا انفتح الموضوع بينج وبين زوجج فهميه بالهدوء هالشي من غير ماتجرحينه بأي كلام على امه مهما كان مابيرضى عليها
انا نفس الشي ماحب طريقة بيت عمي مع ان عمتي تحبهم وجذي بس نفس ماقلتي في تصرفاات تخرب الطفل والام تخاف عليه.. وعمتي من النوع اذا جافت الام ماترضى بشي ماتسويه خلاص.. مثلا الحين ولدي لين ينزل يقول يبي جبس تقول له اول اسال الماما لان ماترضى..
بس انا من البداية اوديه عند امي واتفقت ويا زوجي على هالشي وعطيته الاسباب.. خصوصا وان بيت عمي اكثر من طفل عايشين بنفس البيت وكلهم اشراار وكلهم يظلون عند عمتي وبيتنا قريب وامي ماعندها احد يعني متفرغه له يوم الي اوديه من قبل تخلص اشغالها كلها وتقعد تقابله وتهتم فيه
احسن شي انج تسألين خالة زوجج اول شي واذا وافقت تتفاهمين مع زوجج بالهدوء والعقل واكيد لو يحب ولده او بنته مابيرضى بتعبها خصوصا وان المسافه نفس ماقلتي قريبة لكم وانتي زحمة عليج روحه ورده
والله يكتب لج الي فيه الخير ويسهل عليج وعلينا
الله يعينج على التفكير والمحاتاه.. بس انا اقول اصبري شوي ولا تستعجلين الحين خليها للايام بس اذا انفتح الموضوع بينج وبين زوجج فهميه بالهدوء هالشي من غير ماتجرحينه بأي كلام على امه مهما كان مابيرضى عليها
انا نفس الشي ماحب طريقة بيت عمي مع ان عمتي تحبهم وجذي بس نفس ماقلتي في تصرفاات تخرب الطفل والام تخاف عليه.. وعمتي من النوع اذا جافت الام ماترضى بشي ماتسويه خلاص.. مثلا الحين ولدي لين ينزل يقول يبي جبس تقول له اول اسال الماما لان ماترضى..
بس انا من البداية اوديه عند امي واتفقت ويا زوجي على هالشي وعطيته الاسباب.. خصوصا وان بيت عمي اكثر من طفل عايشين بنفس البيت وكلهم اشراار وكلهم يظلون عند عمتي وبيتنا قريب وامي ماعندها احد يعني متفرغه له يوم الي اوديه من قبل تخلص اشغالها كلها وتقعد تقابله وتهتم فيه
احسن شي انج تسألين خالة زوجج اول شي واذا وافقت تتفاهمين مع زوجج بالهدوء والعقل واكيد لو يحب ولده او بنته مابيرضى بتعبها خصوصا وان المسافه نفس ماقلتي قريبة لكم وانتي زحمة عليج روحه ورده
والله يكتب لج الي فيه الخير ويسهل عليج وعلينا
م
13-01-2011 | 11:25 PM
الله يساعدش خيوو ..
اني بصير مثلش .. بس اني ما اشتغل ادرس ..
باقي لي شهر ونص تقريبا واولد واني ادرس بالجامعة ، عمتي احبها وتحبني بس ما اقدر اخلي الياهل عندها لانها مرة كبيرة ويالله اتشيل روحها وما عندها شغالة .. وبيت امي بعيد عنا وبالزحمة يعني اكثر من نص ساعة ..
ومتحيرة شسوي ووين اودي اللي بجيبه ..
امي عندها أولاد اختي ما شاء الله متحملة فيهم عدل واتأكلهم وادرايهم .. حتى لو وياها الشغالة .. بس ما اتخلي اليهال عند الشغالة بروحهم لازم اتكون وياها ..
اني ابغي اوديه عند امي بس المسافة محزبتني واااايد .. واذا من شقتنا الجامعة اقرب لي من اروح بيت ابوي وبعدين ارد ارجع اروح الجامعة ..
واذا كنتي من البحرين خيوو ومن مدينة حمد .. سمعت صديقتي اتودي بنتها حضانة كأن في الدوار السابع يهتمون في اليهال وكل مرة اتروح كلهم فجأة واتشوف اشلون يعاملون الياهل .. اتقول وش زينهم على تعاملهم مع اليهال .. واللي يشتغلون هناك بحرينيات ..
الله يسهل عليش ولين راس زوجش واتودينه الى خالته بما ان المسافة قصيرة للشغل ..
تحياتي
أم السادة
اني بصير مثلش .. بس اني ما اشتغل ادرس ..
باقي لي شهر ونص تقريبا واولد واني ادرس بالجامعة ، عمتي احبها وتحبني بس ما اقدر اخلي الياهل عندها لانها مرة كبيرة ويالله اتشيل روحها وما عندها شغالة .. وبيت امي بعيد عنا وبالزحمة يعني اكثر من نص ساعة ..
ومتحيرة شسوي ووين اودي اللي بجيبه ..
امي عندها أولاد اختي ما شاء الله متحملة فيهم عدل واتأكلهم وادرايهم .. حتى لو وياها الشغالة .. بس ما اتخلي اليهال عند الشغالة بروحهم لازم اتكون وياها ..
اني ابغي اوديه عند امي بس المسافة محزبتني واااايد .. واذا من شقتنا الجامعة اقرب لي من اروح بيت ابوي وبعدين ارد ارجع اروح الجامعة ..
واذا كنتي من البحرين خيوو ومن مدينة حمد .. سمعت صديقتي اتودي بنتها حضانة كأن في الدوار السابع يهتمون في اليهال وكل مرة اتروح كلهم فجأة واتشوف اشلون يعاملون الياهل .. اتقول وش زينهم على تعاملهم مع اليهال .. واللي يشتغلون هناك بحرينيات ..
الله يسهل عليش ولين راس زوجش واتودينه الى خالته بما ان المسافة قصيرة للشغل ..
تحياتي
أم السادة