اه واسوني و ادعولي انهم مايخذون ولدي مني

F:السلام عليكم ورحمه الله وبركاتهF: اه ه ه ياولدي الله لا يفرقنا الله يسلمكم انا كنت متزوجه اول وجبت ولد وانفصلت عن ابوه وبقا ولدي معاي وتقدمولي خطاب ورفضت لحد ماعدت 6سنين وجاني النصيب وتزوجت وجبت بنوته والحمد والشكر لله المهم:mad:طليقي ابو ولدي رفع عليه قضيه يبي الولد يعيش عنده وانا ادري ماهمه الولد لانه هو تزوج وعنده 4عيال بس حقاره فيه يبي الولد عشان ماينخصم من [COLOR=red]راتبه نفقه للولد وبعد يبي ينتقم لاني اول مانفصلت منه اخذت مبالغ كثيره وهاذا حقي المهم اول ما رفع قضيه انا عطووووول حطيت محامي مع انه مضمون بالقانون الكويتي انه المراه اذا تزوجت تنتقل الحضانه للوالده بس انا حطيت محامي عشان اظمن اكثر وارتاح خصوصا اني كنت حامل بذيك الفتره بس ماكمل شهرين وسقطت لانه جاني نزيف شديد من التفكير والتوتر الله يعوضني انشالله المهم خواتي القضيه ماشيه وكلشي تمام وطلب القاظي شهود يشهدو ان امي صالحه للحظانه اول جلسه مالقيت شهود الكل مشغول وخايف من المحاكم مع انه الشغله عاديه واجلو الجلسه مالت الشهود وجبتلي شهود المصيبه بوقت الجلسه تاخرو الشهود وطافت الجلسه:confused:والمحامي يصارخ علي وين الشهود هاذا مومن صالحج انا شذنبي اذا هم تاخرو والقاضي بيصدر حكم بتاريخ16 1ادعولي الحكم يصير لصالحي والله اكتبلكم وقلبي يبجي من داخل ولدي لغاب ساعه عني اتضايق والوج اشلون لنوخذ مني وصار فراشه في بيت ثاني وااااااااي التخيل والشعور يرعبني اشلون لصار واقع ارحمني يارب انا صابره ومحتسبه بس يابنات انا صايره عصبيه وماطيق كلمه واحس نفسي شارده وبنتي مدري عنها كله مع الخدامه وولدي اتحاشه ابوسه او احظنه لي شهرين ماقربت يمه ابعود نفسي مااحتك فيه واتقرب منه عشان لا سمح الله خذاه ابوه مازعل وذاك اليوم بالصدفه نام ولدي يمي وانا لا شعوريا لمسته ومت من البكي والحزن احسنه صار مولي انا امه حملت فيه 9شهور وربيته يجي شخص وياخذه مني احس السما تبكي والله اقعد مع الناس واحس اني وحيده وانا الحين بس اكابر وماخلي احد يحس بحزني ماحب نظرة الشفقه والشماته من الناس وانا يا نايما طول اليوم عشان مافكر واول ما اصحا اروح الكوفي مع صاحباتي اضيع الوقت واهرب من التفكير :'(انتم الوحيدين اللي فتحت قلبي لكم ادعووووووولي ان الحكم يصير لصالحي F:الله لا يفرق كل ام من ولدهاF:[/COLOR]