F: يا بنات و مدامات و مامات و جدات منتدى عروس الغالي F:
حبيت تشاركوني في اجواء احلى ليلة في حياتي
ليلة دخولي الي القفص الذهبي
كان يوم الاثنين الموافق
20/9/2010
سموا بسم الله الرحمن الرحمن
و ادخلوا الي فندق عرسي
طبعا حفلتي كانت في فندق راديسون بلـــــــو المهاري - ليبيا
هذي الصورة قدام الهوتيل نطير في حمامة بيضاء قبل ما ندخل
بما انها ليلة دخولي للقفص الذهبي اعتمدت فكرة القفص الذهبي تيم او موضوع لحفلتي
و اعتمدت الالوان الابيض و الذهبي للديكور
الكوشة كانت على شكل قفص ذهبي كبير و مفتوحة طبعا من قدام و الجلسة اتفقت مع مصمم
الديكور انها تكون و كأنها درجيحة زي متاع قفص العصافير و اعتمد الفكرة اضاف هو ورد ابيض للقفص
و كان هذا الشكل النهائي طبعا تنفيذ افراح الشرق ديكور الحفلة ككل
المفارش و تلبيسة الكرسي ابيض ناصع و ضفت عليهم ربطة بسيطة بس خسارة ما لقيتش صورة
واضحة ليها هذي في نهاية الحفلة بعد ما تبهدلت هههه بس يلا شوفو الفكرة
السنتر بيس عبارة عن قفص كمان و فيه ورد و شمعة في النص
الممر كان كله اقفاص ذهبية معلقة على استاند و في كل قفص عصفورتين
هذي صورة اوضح بس ما كانش في الممر هذا كان على المنصة
الشكلاطة كانت عبارة عن شجرة كلها عصافير و كل عصفورة شادة شكلاطة و الشكلاطة على
شكل دحية = بيضة ههههه زي هذي تقريبا
طلع شكلها واااااااو الشجرة بس خسارة ما فيش صورة ليها اتخيلوها بروحكم
و في نهاية الحفل وزعت هدايا كانت عبارة عن تشكيلة مرايات و شموع و اطارات للصور و مداليات
مفاتيح كلهم عليهم عروسة و عريس شريتهم من تاجرة هنا معانا في المنتدى بصراحة اسمحولي
اشكرها ماشاء الله على تعاملها اسمها zezenya تلاقيها توزيعات زوزو 2010 و الله بمجرد ما اخترت
التوزيعات و حولتلها المبلغ شحنتهمولي اكسبرس في خلال يومين كانو عندي في ليبيا و هذو كم
واحدة منهم
و هذي صورة طاولة الهدايا من الحفلة
اه نسيت بطاقة الدعوة كانت تابعة للتيم قفص اكيد و فيه عصفورة و عصفور داخله الدعوة و الكونفيتي = الملبس بالمصري و حتى هي من افراح الشرق قتله عليها جابهالي من مصر بصراحة فنانين و تعاملهم حلو و هذي البطاقة
اه تورتة العرس كانت من الهوتيل مقدمة و هذي صورتها
و توة خلوني احكيلكم على لوكي انا يوم العرس
سموا بسم الله و قولوا مشاء الله
طبعا في الكوافير كانت مضايقة و كل حاجة مش عاجبتني
لكن الحمد لله بعد ما خلصت ميك اب و شعر ارتحت على الاخر
و وصلت الحفلة مرتااااااااااااحة و فرحااااااااااااااااانة
و استمتعت بكل لحظة في الحفلة
و الحمد لله
الميك اب كان قريب على هذا موف هادي و اصفر هادي طلع حلوووووووو :o
تسريحتي كانت بسيطة و ملكية في نفس الوقت ما في قصة و لا خصلات طايحة بس تسريحة
عروس نفس هذي بالظبط و نفس حطة الطرحة و التاج
و هذي صورة تاجي جبته معاي من تركيا
و هذي صورة لطرحتي
فستاني طبعا خيطته في تركيا بس الفكرة كانت من عندي و الحمد لله كنت راضية عليه 100% طلع
زي ما نبيه بالظبط انشاء الله يعجبكم بعد القص و التظليل اللي درته سوري لاني عبيطة في
موضوع القص انشاء الله يكون واضح
من الخلف
هذا زوم على الصدر
هذا زوم على الدانتيل
الفستان من تحت
هذي شنطة مع الفستان قالي المصمم انهم في تركيا يعملوها عشان تحط فيها العروس الهدايا الذهب اللي تجيها يوم الحفلة
و هذي صورة شوزي (اعزكم الله)
لبست طاقم ذهب ابيض هدية بابا ربي يطولي في عمره فيه لولي و قفطان عرسي فيه لولي طلع
حلو و هذي صورتة
طبعا عطري كان كوكو شانيل مودموزيل اصلا نموت فيه و معاها كريم الجسم و عطر الشعر
صورتهولكم حتى هو ما خليت شي في خاطركم ههههههه
طبعا لاني ما نحبش الحنة و حتى زوجي ما يحبها ما حنيتش حنتنه الليبية لكن درت رسمه
بسيطة من الداخل و حطيت فرنش مانكير
هذي دبلتي
و اني طبعا نحب نلبسها بروحها لانها عملية لكن عزو صمم انه يجيبلي سوليتير لان
الدبلة قال تبان خاتم مش دبلة و لازم الناس كلها تعرف اني متزوجه هههههه
اه نسيت المسكة حاولت اقربها من تيم العرس كان الورد من داخل و زي قفص بالورق الاخضر و
هذي صورة ليها
هذي صورة من بلكونة الجناح في الهوتيل نفس ليلة العرس بالليل
و هذي صورة الصبح تاني يوم
يلا خلص تقرير عرسي
اسمحولي اطول عليكم كمان شوية عشان اشكر بنات عروس كلهم على كل فكرة و معلومة اخدتها
فادتني في عرسي و في تحضيراتي ككل و بنات تجهيزات عرايس ليبيا اللي جننتهم معاي و بالذات
عروسة ليبيا تسلمي حبيبتي و صاحبة عمري beatiful girl اللي جرت معاي من مكان لمكان و اني
نجهز عقبال عرسك يا رب و خواتي حبيباتي و بابا و ماما ربي يحفظهم من كل شر
انشاء الله تكون الافكار واضحة و انشاء الله يعجبكم
و عقبال العزابية
و موضوعي اكيد حصري لعروس و ما احلل نقله
[/BACKGROUND]
