فقدت حملي ساعدوني بنصايحكم

ب

بشاير القمر

عروس نشيطة

11-01-2011 | 04:20 PM

انا تزوجت من قبل سنه وطرحت 3 مرات
ودائما من بداية الحمل ينزل علي دم ويظل معاي لحد ماادخل بداية الشهر الثاني واطرح
شورو علي شسوي اعطوني من نصايحكم

ق

قشطة و عسل

عروس مشرقة

11-01-2011 | 05:16 PM

حبيبتي لازم تعرفي سبب التنزيل في فحوصات كثيرة و يمكن كمان دمك ضعيف بحاجة لمقويات و فيتامينات و الله يعطيك و يثبت حملك يا رب

ا

ام محمد 13

عروس ماسية

11-01-2011 | 05:31 PM

الله يعوضك بالحمل الثابت يارب

مثل كلام قشطه وعسل

ب

بقــايا فجــر

عروس جديدة

11-01-2011 | 05:48 PM

سلام عليكم

شخبارج اختي

اذا محتاجة الى اي مساعدة انا حاضرة راسليني على الخاص لاني طرحت 4 مرات والحمدلله الحين حامل ادعي لي ربي يثبتة لي ويعوضني عن ما فقدتهم

والله يرزقج يارب ويرزق كل محرومة يالذرية الصالحة يارب

ر

روح ريلها

عروس مبدعة

11-01-2011 | 07:02 PM

الله يعوض عليج
انتي مثلي دايما في بداية الحمل ينزل دم وسويت تحاليل بس مافي شي كل شي سليم

أ

أم مريم

عروس برونزية

11-01-2011 | 07:10 PM

لازم تاخذين فحوصات...

الله يرزقج و يجبر بقلبج يارب

و لا تحزني شفعاء لك عند الله

ب

بحرينية سكر

عروس نشيطة

11-01-2011 | 08:31 PM

انه مثلج والله كل ما احمل اطرح قدر الله وماشاء فعل

ب

بشاير القمر

عروس نشيطة

11-01-2011 | 08:36 PM

مشكورين على الردود
بس بخبركم عن حالتي بالتفصيل وانتو شورو علي

بداية حملي الاول تأخرت دورتي وبعدها باسبوع نزل علي دم خفيف واستمر معاي وعلى بالي الدوره تلخبطت عندي
بس بعدها صادني الم ونزيف حاد ونزل وسوو لي تنظيف وحولوني على قسم امراض النساء والحوامل واخدو مني عينه وطلعت النتيجه حسب قول الدكتوره اوك بس المشكله ان الدكتوره قالت انتي المفروض تكونين على اخصائيه ثانيه غيري وراح اعرض النتايج عليها وهي دوامها بكره ونتصل فيك نخبرك اذا تحتاجين شي او تنتهي مواعيدك ونطرتهم على بكره ومااتصلو وانتهى العلاج

والفتره بين الحمل الاول والثاني 4 شهور وحملت وبنفس الحاله تكررت على نزول الدم وبالشهر الثاني طرحت ومااحتجت تنظيف ولا عطوني مواعيد ابدا بعدها صادني الضغط وتلخبطت دورتي وراجعت الطوارىء وعطوني موعد لكن بكل مره اروح يقولون لي مو على هذه الدكتوره والمواعيد دائما عقب 3 شهور وعموما طرحت للمره الثانيه

والمره الثالثه حملت بعد 4 شهور ونص بس حملي هالمره مافي اي اعراض للحمل بس نزيف الدم كالعاده ورحت سوو لي سونار وماشافو الكيس بس تحليل البول في حمل وتحليل هرمون الحمل 240 ولتحليل الثاني نزل الى 150 ويوم ثاني طرحت مع اني قبل مااطرح راجعت عياده خاصه وعطوني ابر وحبوب للتثبيت لكن بدون فايده

ح

حـ العين ـور

عروس متألقة

11-01-2011 | 11:14 PM

روحي لمراخه يمكن الرحم عندج مايل وبالمراخ يعتدل وضع الرحم

أ

أنا و هو

عروس رائعة

11-01-2011 | 11:27 PM

خيو انا بعد طرحت مرتين
ورحت لدكتوره سميره مدن في عيادتها
وسوت لي تحاليل انا وزوجي شامله للجينات والهرمونات
روحي اها ترى هي متخصصه في سوالف الاجهاض
والحين الحمدلله عندي ولد الله يخليه لي

*

*بنوته عسل*

عروس نشيطة

12-01-2011 | 06:53 PM

الحين قبل لاتفكرين في الحمل سوي كل الفحوصات الازمة لمعرفة السبب
وبالتالي تاخذين علاج من قبل الحمل وفي الحمل

والافضل تروحين لاخصائية احسن من الحكومي واذا ماتقدرين على مصاريف الخاص عادي تاخذين التحاليل تسوينهم في الحكومه

انا 3 مرات يموت الجنين ببطني والحين حامل وقالت لي الدكتورة المفروض اجين من قبل نسوي التحاليل ونعرف السبب ونعطيش علاج بس الحين مافي فايدة وكل ماتعطيني تحليل تقول لي روحي العيادة سويهم اروح العيادة ادش على الدكتور ويكتبهم لي في اوراق الحكومه واسويهم عادي (طبعا لازم يتااففون لان جايه من خاص بس طنش تعش تنتعش) واخذ النتيجه اعطيهاياه

ف

فوفو البحرين

عروس مبدعة

12-01-2011 | 11:59 PM

يمكن معاج تابعه وهذي علاجها بالقرآن
وروحي بعد لدكتورة تفحصج يمكن تعرف السبب

ا

الوان

عروس متألقة

13-01-2011 | 07:04 PM

ممكن يكون عندج فيروس الحمل. ويبي له معالجه انا اجهضت مرتين وتعالجت عنه والحين الحمد لله حامل الله يتتم علينا وعليكم يارب حاولي ىتعالجين قبل الحمل
وممكن تكون تابعه بعد تعالجي عنها بالقران