هلا حبيبتي سالي ... يلا ان شاء الله توصلي للوزن المطلوب ...
ياريت تدخلي بشكل يومي او كل يومين عشان نقدر نتابع بعض ... ونعرف كيف ماشي الريجيم ..:)
,’,
بعض الأمور التي يجب الإلتزام بها :
1- شرب 6-8 كاسات ماء ( غير العصائر والمشروبات ) .... هالنقطة كتير مهمة لان الماء يدخل في عمليات الاستقلاب كافة ... فهو بساعد على تنشيط الاستقلاب وتسريعه ...
2- يمنع شرب الماء اثناء الاكل او بعد الاكل مباشرة ( بساعد على بروز البطن )..
3- تستطيعي شرب كوب من الماء قبل الوجبة بربع ساعة ( تساعد على الاحساس بالشبع ) ...
,’,
يجب تحديد ثلاث وجبات والالتزام بوجبة الفطور ... وتناول غذاء غني بالفائدة ... اما العشاء ان استطعتي الامتناع عنه فذلك امر جيد وان لم تستطيعي فليكن فقير بالسعرات ما امكن ...( بعد قليل ساضع امثلة ) ...
,’,
كيفية خسارة الوزن ؟؟؟
طبعا نحن عم نتناول الغذاء الي بمدنا ابلطاقة ونحن بنبذل جهد فبنصرف هالطاقة ...
بس اذا كان الغذاء الي بنتناوله فيه طاقة اكثر من الي بنصرفها فالفائض يختزن بالجسم على ششكل دهون ..!!!:woo:
لهيك في حال انقاص الوزن لازم نعمل ميزان الطاقة سلبي يعني الداخل اصغر من الخارج ..
يعني نخفف اكل ونزيد من صرف الطاقة ...
طبعا في فترة من الفترات هنلاحظ انه مهما زدنا الطاقة وخففنا اكلنا وزنا ثابت وهاد شي طبيعي عند 85% من الناس وهالفترة تسمى اعادة التوزع
يعني بصير اعادة توزع للدهون في الجسم بدون انقاص الوزن وطبالك حتى تعدي هالفترة الي بتستمر من اسبوع لعشر ايام حسب الجسم وبعده بصير انخفاض بالوزن
وبس لتمر هالفترة على خير يعتبر ريجيمك ريجيم ناجح:03:
,’,
اممممممممم حاسة حالي بعطي محاضرة هههه
[SIZE=4][COLOR=darkorchid]الامتناع عن الخبز - الرز - المعكرونة - المعجنات - استخدام الخبز الاسمر بدلا من الخبز الابيض.
الاستغناء عن المقالي والشيبس والشوكولا والحلويات ووو طبعا الليستا بتعرفوها ...
[/COLOR][/SIZE]
,’,
الأسبوع الأول :
الفطور :
لبنة أو جبنة+ خيارة + بندورة
أو ... بيضة مسلوقة + بندورة
أو .... كاسة عصير + ربع رغيف خبز اسمر أو توست 1
أو كاسة حليب
( مو ضروري يكونوا منزوعين الدسم )
ما بين يجي وقت الغداء طبعا هتجوعي كتيييير كتيييير لهيك فينك تشربي مشروبات ساخنة مثلا زهورات او بابونج او نعنع او كمون وحامض ...او شاي :010:
حليهم بنصف معلقة سكر صغيرة ...
بس ما بصير لا حليب ولا لبن ...
فينك تاكلي ملفوف وخس كلما حسيتي بالجوع وحسيتي انه المشروبات ما عم تساعدك
,’,
الغداء:
هناك طبخات تحتوي على خضروات متل البامية السبانخ
الملوخية- خضر بالصينية ......ممكن تاكل منهم بس المهم الابتعاد عن البطاطا وان كانت مسلوقة ويسمح بكاسة لبن او ربع رغيف خبز اسمر مع الوجبة المختارة وطبعا عدم تناول الرز والمعكرونة
بس اهم شي الكمية تكون مو كبيرة وانك تقومي عن الغداء بدون ما تحسي بالشبع
,’,
يمنع منعا باتا تناول الفواكه بعد الغداء مباشرة يجب ان يكون هناك وقت اقل شي ساعتين
لانه الفواكه ترفع السكر بالدم وهالشي بساعد على اختزان كمية من الدهون في الجسم ...
بعد مرور ساعتين يمكن تناول قطعة فاكهة تفاح او ليمون او موز ...
ويمكن تناول مشروبات متل الي قبل الغذاء وممكن ملفوف
العشاء :
كاسة عصير بدون سكر طبعا مع قطعة توست
او اذا ما تناولتي قطعة الفاكهة بعد الغداء بتقدري تتناوليها هون
وممكن تعملي صحن سلطة مكون من الخس والملفوف والبندورة والخيار بس بدون زيت
او كاسة لبن اذا ما شربتي على الغداء لبن
او كاسة حليب اذا ما شربتي حليب في الفطور ..
,’,
حتى ما تحسي بالجوع اثناء اليوم اشغلي نفسك بالدراسة :082:
او التسوق:064:
او الكمبيوتر:076:
او شغل البيت:068:
,’,
طبعا لا ننسى الرياضة:013: والرقص:015: الي هيرافقوا ريجيمنا حتى نقدر نزيد من صرف الطاقة
ممممممم
طبعا ممكن تشوفوا انه الغداء كان فيه تساهل لانه نحن هدفنا ننزل خلال شهرين مو بشكل فجائي
لان انخفاض الوزن السريع ممكن يسوي مضاعفات كتيرة على الجسم
وكمان اذا نقص الوزن بسرعة بيرجع بسرعة
مممممم طبعا الي عم اكتبه من معلومات ونصائح عن دراسة يعني متل ما بقولوا اسال مجرب ولا تسال حكيم بقا كيف اذا كان المجرب حكيم:D ههههههه
يلا بالتوفيق
,’,