اليوم جيت من الباب اللي تصفحت فيه المنتدى وعجبني
قسم المطبخ والمائدة
جيت احط لكم صور غذانا
اللي هو مندي دجاج بطريقتي
ونصيحة لكل وحدة تاخذ وصفات من اماكن ثانية
دايما حطي لمستج الخاصة ف الطبق اللي بتسوينه;)
نجي الحين للطبق
مسامحة ف صور ماقدرت اصورها
لاني كنت اشتغل واصور ف نفس الوقت
المقادير
دجاج
رز منقوع
جزر مبشور
بقدونس. كزبرة
فلفل اخضر
معجون طماطم
صبغة الزعفران
كركم
بهارات مخلوطة
فلفل اسود
بودرة ثوم
بودرة زنجبيل
ملح
ورق غار
اعواد دارسين
هيل
الطريقة
نحط شوية زيت........دايما اعتمد ع مقدار بسيط ملعقة تقريبا
ونضيف لها الجزر والفلفل الاخضر البارد
والبقدونس والكزبرة والملح والبهارات والتوابل بحسب الرغبة
اضيف ملعقة صغيرة معجون طماطم وصبغة زعفران عشان تغيير اللون
ونقدر نستغني عنه
بعدين اضيف الماي>>>> توني بدأت تصوير
واضيف عليه الدجاج
ف البداية تكون الحرارة مرتفعة
بعدين نهدي النار حتى ينضج الدجاج
الدجاج بعد مااستوى
نشيله ونخلي الماي يغلي
بعدها نضيف الرز
وطبعا لازم تكون كمية الماي مقاربة لكمية الرز
وبما ان الرز منقوع من قبل مابياخذ وقت ف الطبخ
بعد ما يغلي الماي مع الرز
نقلل الحرارة اقل شي
ونخليه حتى يستوي وينشف الماي تماما
بالنسبة للدجاج
نحطه ف بايركس الفرن
ونسوي له خلطة للوجه
شوية معجون طماطم
صبغة زعفران
ملح
بودرة ثوم
وماء.. استخدمت ماء السلق وماء عادي
نصب الخلطة ع وجه الدجاجة
واكيد ندخلها الفرن عشان تتحمر
واذا مو مستوية عدل نخليها حتى تنضج
واخيرا
استوى الغذاء
وهذي صورة ثانية
اذا عجبكم جربوه
بس لاتنسون لمستكم الخاصة اهم شي عشان يطلع الطعم مميز:thumbs_up:
اتمنى موضوعي ينال اعجابكم
وشكراااااا