أشوف مستقبلي أو ادفن نفسي ببيتي !!؟؟

hi sister

حبيبتي شنو راي زوجك بالموضوع يعني يقبل ام يرفض ولكن اخذي الموظوع بكل جوانبه يعني اذا كملتي دراستك يمكن تهملين بنتك وزوجك واذا لم تكملي يمكن تحسين بالندم طول حياتك لان بنتك مصيرها تكبر وانتي تزداد الملل عندك ايضا اسالييني اناولله تاتي فترات ابكي من شده الملل لاني احس نفسي مقيده بولادي وبيتي وحمدلله على كل شي ولكن اريد افعل شي لنفسي ولا استطيع نصيحه اذا عندك احد تضعي بنتك وتامني عليها لا تترددي ابد بكمال مشوارك الدراسي وموفقه انشاء الله

كلها سنتين حبووبة .. تقدرين تحاولين توازنين بين طموووحج " دراستج " ، و زووجج .. بالاخص ان رغبتج موجودة ..
و ان كان زوجج يشجعج على هالشي خلاااص دربج خضر :D.. و انتي قلتيها فرصة ما تتعوض ..!!!
و الله يوفقج ياارب ..

اممم مبس شلون يعني تتركين زوجج وبنتج....!!!

هههه صعبةةة شلون تفارقين بنتج اصلا واي ماتخيل عندي بنت اتركها ههه

الدراسة حلوة وحلو الواحد يكون عنده طموح .. بس بالمعقول


يعني شلون تتركين بيتج وتروحين تدرسين ؟؟؟

يا انج تدرسين وانتي قاعده ببيتج وعند بنتج يا لا تدرسين لانه بنتج اولى فيج ترا

والله يوفقج

ما أنصحك تسافرين وتتركين بنتك وزوجك أبدا
أذا حصلتي فرصة بنفس بلدك ممتاز وأذا لإ ضحي بالدراسة لكن لا تضحي ببنتك وزجك لأن الخسارة بتكون أكبر هذا رأي الشخصي
الله يوفقك لكل خير

اذا زوجج موافق ليش ما تروحون تسكنون بالمنطقة اللي فيها الجامعة ؟؟

طيب ردي عليا بصرااااااااحه
راح تكوني مرتاحه وانتي بعيده عن زوجك وبنتك
لو ايوا توكلي على الله
لو اجابتك لا بقولك هذي فطرة المراه
التضحيه من اجل احبائها
قد يكون الامر سهلا لو تعاون معك زوجك
يعني لا خيار لك الا ان تقنعي زوجك

والله مدري شقولج
بس ماظنتي بتييج نفس تدرسين وانتي بعيده عن بنتج
الله يعينج
ويوفقج يالغلاااااااااااااااااااااا

اختارين بين خيارين :
1. اما عائلتك (بنتك، زوجك)
2. ماجستر

انا برايي لو رحتي و تركتي عائلتج لاااا تتريين ريلج يترياااج حتى تردين لبيتج عقب سنتين اكيد بياخذ غيرج و ينساج
و بنتج مستحيل اتذكرج لو اتشوفينها عقب فتره

يا حبيبتي و الله بتندمين ...لاااا تخربين بيتج بييدج

اتريي لما بييلج الفرصة المناسبة انج اتكملين دراستج عقب كملي

موب انج اتهدين عائلتج و على قولتج اتكملين دراستج

طبعااا مو اني ضد انج اتكملين دراستج بالعكس انا اشجعج على انج تاخذين ماجستر بــــــــس مو على حساب حياتج


فكري و فكر ي قبل كل خطوة و لا تستعجلي
الله يهديج و يهدي اخواننا و خواتنا المسلمين و المسلمات


انشاءالله افدتج

بتخربين بيتج عشان ماجستير مو مهم والله قدمي على شغله مو لازم الماجستير فرظا اخذتي الماجستير وش بتسوين يمكن ماتتشغلين بس ظيعتي وقتج وعقب علقتيها الشهاده على الطوفه مااعتقدي فيه ريال يخلي زوجته تروح بعيد وتترك بيتها وبنتها بيقولج بيجيب وحده غير فكري ببيتج وبنتج والماجستير الله يعوظج خير

ليش تتركين بنتك وزوجك ؟؟..

مااتتركيهم اذا زوجك موافق روحوا كلكم واسكنوا بذاك المدينه او اذا ماقدرتي اشتغلي بوظيفه حلوة او ادخلي معهد لين الله يفرجها حاولي تشغلي نفسك بشي ولا تنسي تستخيري ..,,

الله يزيل همك ياارب ..,,

ربي ايسر امورك البنات سبقوني بالحلول المفيدة الله يجزاهم خير وانا ما املك الا ادعيلك حبيبتي ربي ايسر امورك

حبيبتي لا تستشيرينا اول
استشيري زوجج اهو الاولى بقرارتج ورايه الاهم
اذا كان موافق فبساعدج بكل شي وبيتحمل
وتقدرين بين كل فتره وفتره تنزلين لهم مابتقعدين سنتين هناك
او اهم اييج بين فتره والثانيه
وبنتج اهلج واهل زوجج موجودين وان شاء الله بساعدونج
بس اول شي استشيري زوجج عشان احنا نقولج راينا عقب
والله يسوي الي لج فيه خير

انا شخصيا شافية وظيفتك هي تهتمي ببيتك وزوجك وبنتك
واذا كنت مصممة وزوجك موافق
الله يوفقك

أتمنى البنات يساعدوكي

برأيي اذا انتي مرتاحة مع زوجك وما هو مقصر معك بشي
ليش تفكري تتركيه وتتركي بنتك لازم التضحة ولو كان
باغلى شي حتى تستمر الحياة
اما اذا كنتي موب مرتاحة بحياتك مع زوجك وموب
بعارفة اذا بتكملي حياتك معاه وتريدين تبني مستقبل
بأخذك الشهادة خوفا من القادم
انصك بأن تصلي استخارة وتقدمي على الموضوع
وربنا يوفقك ويحفظ بنتك من كل شر

الله يعطيكم العافية كلكم !!



بالنسبة لبنتي والله العظيم ماقدر على فراقها ليلة وحدة

وفكرت بحل مناسب هو اني اخذها معي وادخلها بحظانة الصباح

واجيب خدامة ,,,


لكن زوجي هو اللي محيرني !!

والمشكلة يقول لي : صعبة علي تروحين وتخليني ,!!

وبنفس الوقت ما اقدر اوقف في طريقك واقولك لا تدرسين عشاني !!


والصراحة احترت أكثر معه لما قالي هالكلام ..

وخفت اني اضحي فيه عشان دراستي بس حتى قعدتي بدون دراسه مو عاجبتني !!


ع العموم : الله يجزاكم الجنة على كل حرف كتبتوه لي

وأنا بصلي استخارة وبخبركم وش صار معي !!

بس ادعولي بالتوفيق واني ما اتندم عند اي قرار اتخذه ,,,


::: أحبكم يا أغلى خوااات :::