تجربتي مع الإجهاض المنسي ..اتمنى الإطلاع

السلام عليكم ورحمة الله وبركاااته

خوااااتي انا محتاااااجة كثيير لآرااائكم ونصاااائحكم
اتمنى منكم يابنات تقرووون قصتي كاااملة ولاتملوون..

انا اجهضت البيبي حقي من 3 ايام تقريبا

وقالوا لي ان اجهاض منسي

انا خلصت الأسبوع التاسع ولاشافوا نبض بالجنييين

انا اصلا ماكنت ناوية اروح واسوي سونار لاني بمدينة وزوجي بمدينة ثانية وكنت حابه اسويه معاه بالمستشفى اللي بديت معاه التحليل والكشف

بس كنت رايحة عشان الفلوو والكحة ..

وقالي استشاري امراض نساء وولادة لازم نسوي سونار

وسويت اول مرة بس مابين لانو المثانة فاااضية وتميت اشرب موية كثييير

وسواا لي بعد ساعه تقريبا بس دكتورة هالمرة

وسألتها سؤال عشوائي وبريء متى تصير فيه روح ونبض

قالت لي هو المفروض فيه نبض

وتمت ساااكتة وانااا مو فاهمة شي...؟؟

قلت اصبر لين اسأل الطبيب

وسألته فقالي بصراحة لازم يصير نبض من الشهر السادس او السابع

وانتي بالشهر التاسع ولسه مااافيه...

عطاني موعد بعد اسبوع واحتمال اي او لااا..

وكنت على اعصابي فسألته مافي كشف يبن النبض بنفس الوقت

قال في فحص داخلي بس اذا سواه ولافي نبض راح يضطر يشيله بنفس اليوم

ااه تخيلوو يعني اروح عشان فلونزاا وارجع لأمي بعدين من دون جنين,,

فقلت اصبر..

ادري طولت عليكم بس اتمنى تسمعوووني للآخر

وبعد بيوم رحت لزوجي وعلى طول على المستشفى

وقلت لطبيبتي وقالت لااا لازم تنزلينه اذا مافيه نبض لانه خطر على حياتك اذا تم اكثر

وخلتني اسوي سونار مرة ثااالثة عندها

وهم نفس الشي مافيه نبض

احتسبت امري عند الله انا وزوجي

ورجعت لها وقالت هذا اسمه الإجهاض المنسي وان لازم تنويم ومافي مجال تستنين اسبوع ولازم ينزل بكرة لانه خطر عليك..وانتي فيك انيميا وهذا يزيد نسبة الخطورة والتسمم..وقالت لي ماتزعليش وقدر الله وماشاء فعل..


وتنومت ,, وعلى اساس بيعطوني تحاميل الفجر بس ماجاوا الى الساعة 8 الصبح وقالوا لي بنعيد السونااار مرة ثانية لان الدكتور المشرف علي قال ان تحاليل الدم والبول الله يكرمكم فيها هرمووون الحمل مرتفع...

ودب فيني بعض الأمل ان يصير فيه نبض,, لكن حاطه احتما كبير ان هم مافيه ..

وحمدت ربي على اي شي منه وشكرته..

وقبل لايعطوني التحاميل عشان تنزل الجنين ولان بكر وتسهل العملية بعد ..ع 4ونص العصر

قلت ابغى اسوي تحاليل مرة ثانية فقالت لي الدكتورة مع كذا لازم نستنااا يوم ثاني على اساس يبان من جديد ونسوي سونار على اساسه من جدييد..

بس بعد ساعه فكرت وعرفت اني متمسكة بشعرة .. وكل ماطالت المدة راح اتعذب اكثر..

واصلا رجعت لي الدكتورة تقول ان الدكتور يقول مافي امل ينبض ولازم نسوي عملية

وقلت الحمدالله على كل حال وعطتني التحاميل...

وتحملت الم الطلق والمغض وضربات الظهر من الساعه 6 المغرب الى 12ونص الليل عأساس يستنون ينزل دم..

والحمدالله الله سهل وسويتهاا,,وطلعت بعدها ع الضحى الساعه 11

ورجعت بيت اهلي

والكل قالي الله بيعوضك احسن وان شاءالله يكون لي ولأبوه شفيع بالآخرة...

انتوا شنو رايكم انا سويت الصح.. ولااستعجلت..

مع ان الكل قالي هذا المفرووض يصير,,

بنااات بلييييز لاتبخلوا علي بآرائكم وتجاربكم..

انا بين فترة وفترة اكتئب واحزن.. بس مع كذا والله محتسبة وراااضية وادري في ناااس يجهضوون كذا مرة ومتكرر الله يكون بعونهم او بسهور متأخرة..

الله يبعد عنا وعنكم هالشي ياااارب

ويسهل على كل حااامل ولادتها وترزقني يااارب وترزق كل المؤمنين بالذرية الصالحة يااارب ياكريم انت ارحم الراحمين..

استنى آرائكم على احر من الجمر..:)