ابي اسوي عيد ميلاد , بس؟؟؟

افااااا 43 مشاهده ولا رد

:'(:'(

نمولة .. انا اقترح عليج انه تكون حفلت العيد الميلاد في احد المطاعم الي يخصصون قاعات للأعياد الميلاد بكون بالج وايد مرتاح هم برتبون لج كل شي بس عاد حسب الميزانية الي حاطتها وعند مثال ( جسميز _ ليتل سيزر _ مرمريز وغيرها ) أما اذا ما عندج ميزانية كافية تقدرين تروحين قسم المناسبات والفكار واتشوفين حفلات عيد ميلاد اطفال العضوات وايد راح تستفيدين حبيبتي وكل سنة والكتكوته الكيوته بخير ..

خيو ما حبيت اطلع بدون رد خيو بس وحدة ما عندها خبرة في هالسوالف ان شاء الله البنات يفيدونش وكل سنة والكتكوتة بخير

آنه عندي خبره فديتج ودايم أرتب عيدميلادات هلي الله يحفظهم

الكيك من لا شوكلا أو ليلو معني كرهته لأنه خربولي كيكه عيدميلادي مايا هاي وباستا أنصحج بهم الكيلو يكون بعشره وأحلى شي عند لا شوكلا مونتانا وليلو المكسرات والمانغو إلي على شوكليت وباستا أرجنوز ومايا كيكه الستروبري


أما الهدايا تعرفين تو بس تو روحي وطخي على كيف كيفج ومابيكلفج وايد أو أخذي من السعوديه أرخص لج

وأخذي شخصيه كارتونيه وسوي عليها الكيكه والتزيين على حسب شخصيه إلي أخترتيها وأتمنى أكون فدتج

موضوع جاي في وقته بالنسبه لي لان عيدميلاد بنتي قريب :D

بس ناقص يصير فيه تفاعل حتى الكل يفيد ويستفيد

راح ارجع للموضوع ان شاء الله اذا حصلت كذا فكره

انشا الله يفيديك

http://forums.3roos.com/showthread.php?t=538236&highlight=%D3%E1%E3%C7%E4%ED+%DF%E3%E1+%D3%E4%E5

أهلا و سهلاً أختي

مثل ما قالوا الأخوات تبين الفكة و لا تتعبين سوي في مطعم، بنت خالتي سووا لها في فدركرز كان أوكي و حتى يجيبون الشخصيات الكرتونية، مع أن برنامج العيدملادي لجسميز أحلى بالأخير يعتمد على أنتي شنو حابة تسوين و كم عمر الطفلة. ترى السيف يسوون أعياد ميلاد حلوة و يفترون بهم في الألعاب.
إذا تحبين تسويين العيدميلاد بالبيت
اختاري ثيم للعيدميلاد ، روحي توبس تو أو الأنوار اشتري الصحون و الجوائز و التوزيعات إذا تحبين
في الأكل أفضل الصحون الجاهزة للأطفال تعطين كل طفل صحنه و يروح بدل ما تفرشين و تتغربلين ، شي بسيط يعني سمبوسة و سندويتش و ورق عنب و عصير
تقدرين تسوين بوفيه للأمهات
أحلى شي العصر و إذا كان بيتكم فيه حوش يكون اللعب أحلى ، التزيين سهل يعني بالونات و أشياء جاهزة
كم عمر الامورة ؟؟

حبيبتي اول حددي وين حابه تسوين عيدميلاد بنتج في مطعم ولا في بيت
اذا في مطعم جسميز واايد حلوو وسمعت عن ماري براون بعد يمدحونه
اذا كيك احب كيكه مونتانا من لاشوكولاه
واذا بغيتي كب كيك جوفي هالموقع http://forums.3roos.com/showthread.php?t=589373
وعن الهدايا عندج محل الرونق في سند يم بيت التنزيلات هذا المحل واااايد حلووو واسعاااااااره حلوه جوفي الاشياء الي تناسبج وفوق اشياء وقرطاسيات تبع اليهال بيستانسون عليها وخاصه اذا على شخصيات تحطينهم لهم في جيس على شخصيه محببه لهم مع جم شي فيه مثلا ميداليه وقلم ومسطره ودفتر تلوين والوان ومحايه وبرايه كل على سبونج بوب والجيسه هم على سبونج بوب واغراضهم رخيصه

دلت الأدلة الشرعية من الكتاب والسنة على أن الاحتفال بالموالد من البدع المحدثة في الدين ولا أصل لها في الشرع المطهر ولا تجوز إجابة الدعوة إليها ، لما في ذلك من تأييد للبدع والتشجيع عليها .

وقد قال الله سبحانه وتعالى: ( أم لهم شركاء شرعوالهم من الدين ما لم يأذن به الله )

وقال سبحانه : ( ثم جعلناك على شريعة من الأمرفاتبعها ولا تتبع أهواء الذين لا يعلمون . إنهم لن يغنوا عنك من الله شيئاً وإن الظالمين بعضهم أولياء بعض والله ولي المتقين ) .


وقال سبحانه : ( اتبعواما أنزل إليكم من ربكم ولا تتبعوا من دونه أولياء قليلاً ما تذكرون )

فعن جابر رضي الله عنه قال: كان رسول الله صلى الله عليه وسلم يقول في خطبته يحمد الله ويثني عليه بما هو له أهل ثم يقول

(من يهد الله فلا مضل له، ومن يضلل فلا هادي له، إن أصدق الحديث كتاب الله، وأحسن الهدي هدي محمد، وشر الأمور محدثاتها، وكل محدثة بدعة وكل بدعة ضلالة، وكل ضلالة في النار...)






اعياد الميلاد حراااااااااااااااااااااام

ربي يعطيها طولت العمر ...ان شاء الله ..


حبيبتي أنا سويت يوم ميلاد ولديه ...

ورتبت الحفلة كالتالي : الحفلة كانت في حديقة بيتنا ..

اتفقت مع عالم فتون ...على أساس يوفرون لي نطاطايات كبيرة ... وألعاب ثانيه ..اللي هيه على شكل حيوانات تتحرك ويركبون عليها ..


واتفقت معاهم إن على آخر الحفلة نسوي عرض الساحر ..وهالشي تخبلو عليه اليهال ...


خذت أكياس صغيره مكتوب عليها Happy Birthday

وحطيت فيها حلويات وألعاب صغيره للأطفال كتوزيعات ..


سويت كب كيك على أشكال شخصيات كرتونية ( سبايدرمان - ميكي ماوس ..سيارات وغيرها )

أشتريت للأطفال عصاير بالحليب والكاكاو وعصاير مشكله ... وطبعا ماي ..

وسوينا في البيت سويتات متنوعه وسندويتشات جبن وغيره...


وعلى آخر الحفله كنت متفقه مع ماكدونالد يوفرون لي وجبات أطفال تقريبا 40 وجبه ...على عدد الأطفال اللي حضروا ...وطبعا كان وقت العشا وهم يطالعون الساحر في العرض الأخير من الحفله ...


وطبعا رتبت المكان بالبالونات وبالزينة ... وكشخة خلوفي حبيبي ...


وكان فيه وحده ترسم على ويوه العيال استانسو عليها وايد فديتهم ..


ونسيت اقولج إني قبل الحفله بكم يوم ...سويت بطاقة دعوه وطرشتها لكل الأهل MMS وحددت فيها إن الحفله للاطفال بس ...


باليوم والمكان والتاريخ ....


كان يوم ولا أروع ...وحبيبي كل مره يقولي سويلي عيد ميلاد ههههههه

الصراحه موضوعج يه في وقته ..

انا بعد عيدميلاد بنتي الاول ماباقي عليه شي ، وام الخليفي وايد فكرتها مشابهه حق فكرتي ، وبما اني بسويه في بيتنا فباخذ المساحه اللي قدام البيت وبحاول اييب نفس ماقالت (دي جي / بيت هزاز / قطار / شخصيات / شعر بنات / نفيش) وايد حلوه الفكره وبيستانسون اليهال وايد ...
وهم الاكل وجبات مكدونالدز مايقصرون صراحه وتفتكين وايد والكيك مافي احلى من ليلو ومكانهم في العدليه ولاشوكولا يم السيف تقدرين تختارين الشكل اللي يعجبج او حتى شخصيه كرتونيه يسوونلج الكيكه عليها ...

عندج هالموقعين يسوون بكجات عيدميلادات كامل تقدرين تستفيدين منهم ...

123 للمناسبات
http://123-events.net

فطوم للمناسبات
http://www.fatoom-events.com

بس انا متوهقه في شي واحد ياليت اللي عندها فكره تساعدني ، بما اني بسويه برى البيت في المساحه اللي تطل على الشارع ابي اسور المكان بشي قالولي يسمونه سناح ، تعرفون مكان يأجر سناحات مع التركيب يكون يغطي الحفله عن الشارع ؟؟؟ بليز اللي تعرف ماتبخل علينا ...

كل عاام وهي بخيير
يبي لهم مهرج راح يستانسوون

انا عندي افكار خطيييييره في قمة الرووووعه بس لو انك تبغيها لغير عيد الميلا دكان ساعدتك بس عيد الميلا اسفه مااقدر لاني ماابغى اشاركك في الذنب

حاضرين لج اختي ...

المواقع اللي عطيتج عندهم شخصيات ، تقدرين تختارين منهم مو شرط تاخذين كل شي ترى ، انتي ورغبتج ...

وتقدرين تحصلين هدايا مثل ماقالوا لج في اغلب المحلات في البحرين مايحتاي تطقين درب السعوديه على نفس الاسعار ، يعني مثلا البنات الصغار تاخذين على عددهم شي يناسب لعبه او حلويات او تمكسين لهم وتحطينهم في كيس حلو روحي محل Giveaways في الرفاع او الانوار بتحصلين اكياس توزيعات اشكال وانواع حتى الانوار ورامز فيهم ، والاولاد تقسمين الالعاب حسب السن والكميه في وايد اشياءات حلوه ورخيصه مابتكلفج ...

حصلت لج كم اغنيه عيدميلاد في هالموقع http://www.3rbfree.com/song984.html

انا بعد عيدميلاد ولدي جريب
حجزت صاله حلووه اللي يسون فيها حفلات الاستقبال
و حجزت له فرقه و 4 شخصيات مع دي جي ورسم وجوه مع تصوير الحفله كاامل و سعره المره واااايد زين

والكيك ناويه اسويه عند لا شكولا مونتانا
الاكل بوفيه من سمر قند

اما ثيم الحفله للحين ما اختاريت بما انه الثياب التنكريه حق الصبيان وايد كريهه فلين خذيت له بدله باسوي الثيم عليهااااااااااا

التوزيعات باسوي جوكليت مطبوع عليه صورته
و كب كيك ع الشخصيه اللي باسويها
واليهال باسوي جيسه فيها خرابيط من جبس وعصير وحلويات


واللي عندها فكره زياااااااااااااده لا تبخل علينا

فيدينا اختي باسم الصاله ومكانها وسعر الباكج كامل مع الفرقه والشخصيات واللي اخترتيه ، ولج جزيل الشكر ...