كذبت وماني عارفه أتصرف ..

بسم الله الرحمن الرحيم
السلام عليكم ورحمة الله وبركاته
الأخت شريفه ...
أتمنى تساعديني في المشكله اللي بقولها لك
أولا أنا الحمد إنسانه محبوبه بس سويت كذا شئ حسيته قلل من قدري
السالفه لها سنتين تقريبا
في سنه اولى في الجامعه
كنت جالسين نا وصديقاتي نسولف المهم أني كنت لابسه عبايه على الكتف ونقابي ضاع فأخذت برقع مرة خالي وهو هذا النوع لازم ينلبس على الراس لنا فيه مثل الطبقه القصيره تنحط على العين المهم طلع شكل البرقع يضحك على العبايه الكتف كأني كليوبترا ..هذا البرقع كنت ألبسه بدايه السنه لمدة أسبوع تقريبا لأني كنت ألبس عبايه راس بس بطبيعة كليتي أضطريت ألبس عبايه كتف بس في الجامعه ...
المهم جلسنا انا وصديقاتي نضحك على شكلي وجلسنا ..قامت وحده من صديقاتي كأن مو عاجبها الوضع تقولي اول مره تلبسينه قلتلها إيه قالت والله قلت والله ..قالت اول مره في حياتك ؟؟قلتلها أيه ..أنا راح عن بالي والله إني كنت ألبسه على الرأس لاني حاليا ألبس نقاب ..المهم اني حلفت والبنت كذبتني وأنا مرره انحرجت وماعرفت وش اسوي سكت قامت صديقتي الثانيه تصرف الموضوع تقول للي كذبتني قومي نصلي ..أنا كنت مصدومه وماني عارفه اقول شئ وبااااين على وجهي الإحراج على فكرة هذي المره كانت أول مره ألبسه على الكتف فكان من جد شكله يضحك ..
المهم طلعت كذابه ولارديت عن نفسي
وصديقتي هذي داايم تكذبني ولا قد رديت عليها مدري ليه ؟؟؟
والله تكذبني في أشياء أكون صادقه فيها بس هي ردت فعلها تصدمني وأسكت ..
المهم أحس اني صرت كذابه وأنا مو كذا..
اللحين بنرجع للكليه وراح أوقف البنت عند حدها بإذن الله
بس ابغاك تعطيني طريقه أبرر فيها السالفه إذا فتحت الموضوع مع البنت ...
والله مره الموضوع شاااغل بالي ..
تكفين ..
يعني أقول انا كان قصدي على العبايه الكتف بس ولا راح أكبر السالفه وأطلع كذابه حتى بتبريري
لأن البنت قالتلي أول مره في حياتك قلتها إيـــــــــــــــــه
أستناك ..
وش أقدر أسوي وكيف أفتح الموضوع ..
أنتظرك