اهانه من اولها وخيانه شرايكم

عزيزتي بصراحه انا اشوف انها اول شي اتسويه تمنع الحمل لمدة 6 شهور على الاقل وخلال ها الفتره اتحاول تصلحه و تكثر من الدعاء له

شكرا هفووف وتصدقي ان الموضوع هذا من ليلة الزواج بل من قبله واحنا متفقين عليه بس كيف اصلحه وانابعيدة عنه بحكم عملي انا بس اكون عنده خميس وجمعه قولولي بعض الاقتراحات لاتبخلو علي انا تعبانه مرررررررة من الوضع

[B][B][CELL=filter:;][ALIGN=center]السلام عليكم

اقول ..هذا حال اكثريه الشباب

لكن استحاله يفكر ان يتزوج من الي يكلمها

دام تزوجت تحاول تلهيه باي طريقه

والله الموفق..



مع ارق تحيه[/CELL] [/B] [/B]

[SIZE=3]الله يكون في عونك مادري شقولك الحقيقه ماعندي حلول
لاكن اقول يمكن هذي علاقه قديمه ويحاول ينهيها انتي اصبري عليه
وعطيه فرصه وحاولي انك تنقلين للمنطقه اللي هو فيها علشان
تكونين قريبه منه اكثر لان بصراحه 5 ايام وهو لوحده اكيد راح يحس
بفراغ وبتالي يلجأ للعلاقه القديمه لاكن لو كنتي قريبه منه راح يتغير
الوضع وفي النهايه اقولك تريثي واصبري لانه في النهايه راح يرجع لك
بس انتي عليك التصرف بذكاء ولا تحاصرينه بالاسأله ولا تصارحينه
بشكوكك وظنونك تصرفي بشكل طبيعي وحاولي انك تملئين
وقته وحياته وتشغلينه بأشياء اخرى مثل التنزه او زيارة اهله واقاربه
او التسوق او السفر ولا تتجاهلين الهدايا لها مفعول عجيب
اختاري له هديه مناسبه شي هو يحبه ويفضله جمليها بكرت رومانسي
وعطريه بكلمات حب جميله وبعبارات رومانسيه وانتهزيها فرصه
واكتبي له عبارات تلميح انك تتمنين انك تكوني الوحيده بحياته
ومثل هالكلام واخيرا كل الحلول ماراح تنفع لولا توفيق الله
عليك بالتوجه الى الله والدعاء وان ييسر الله لك زوجك ويسخره لك
واسمحي لي على الاطاله
واسأل الله لي ولك السعاده في الدارين [/SIZE]

كل اللى كنت ابي اقوله قالته عني الحالمه جزاها الله خير واضيف عليه انك تكلمينه يومين لو حتى بالليل وتقوليله كلام حلوووو عشان يحس انك مو زوجه بس حبيبه بعد

عزيزتى الطلاق هذا اخر شي ممكن تفكري فيه ... انتو ماصار لكم متزوجين الا شهر يعنى بعدكم ماتتعرفون على بعض زين وكل واحد يعرف طباع الثانى ... ومثل ماقالت الاخت هذه يمكن علاقه قديمه تقربي من زوجك اكثر يعنى حاولى انك تكونى قربيه منه واتصلى فيه دائما وحسسيه انك مهتمه فيه كثير وقولي له كلام حب حتى لو ماقال لك .... انتى امراه (ان كيدهن عظيم ) هو زوجك حاولى تستميله تجاهك بشتى الطرق .. وبالتوفيق

السلام عليكم ورحمة الله وبركاته

اختي حبيبتي لا تفكرين في الطلاق ابدا ابدا وشلي هذي الفكره من راسك تماما ، يا حبيبتي وين الصبر وين الحكمه وين الدعاء وين الرضا بقضاء الله كذا على طول طلاق من اولها ..... انا اعرف ان الموضوع مش هين ابدا بس حاولي استمالت زوجك بشتى الوسائل تعاملي معه كحبيبه او كصديقه غرقيه بالحنان والمحبه حسسيه انك مهتمه في كل صغيره وكبيره في حياته ( يعني في اكله وفي لبسه في نظافة بيته .الخ..... خليه يحس انك امرإه ناضجه عندما يتطلب الامر الى حكمه ، حسسيه انك طفله صغيره تحب الدلع في اوقات اخرى ، وحسسيه انك مثقفه وتقدرين تناقشين في كل شي وحسسيه انك محل ثقه وانه يقدر يعتمد عليك في كل شي ن كوني مرحة ملي عليه حياته بالبهجه والفرحه والورود والهدايا حاولي تكونين اروع واجمل البنات في نظره ، حبي اهله وبالذات امه وبادري انت بتذكيره بالمناسبات العائليه وزيارات الاهل وبعد حببيه في اهلك وقولي له مثلا ان امك تحبه وايد او ان ابوك دايما يقول انه حط بنته في ايدي امينه او ان اخوك يسلم عليه ويٍسأل عن اخباره دايما حتي لو اخوج ما تكلم ولا سلم وحتي لو ان ابوج ما قال شي بس انت قولي له تشيه لانج بهذي الطريقه بتخلينه يحس انه قريب اكثر من اهلج وبالتالي بيحس انه لازم يكون عند حسن الظن ..... وطبعا لا تنسين حركات النساء من التزين والعطور واللبس والبخور الزين ، واهم من هذا وذاك ركعتين شكر لله وركعتين صلاه حاجة قبل النوم دائما ولا تنسين الوعاء الدائم وبالذات في اوقات استجابه الدعاء .....

آسفه على الاطاله واتمنى لي ولك ولامة محمد التوفيق بأذن الله

الحياة حلوة،،،
ياسلالالالالالالالالالالالالام عليج،،، وفيتي وكفيتي،،، وانا مع انه الوحدة لازم لازم لازم ما تفكر في شي اسمه طلاق او حتى انفصال،،، ولا تخليه يجي على بالها لانه هذا نصيبها ولازم تصبر عليه وتحل امورها بالحكمة والموعضة الحسنه،،، والله يصبر نساء المسلمين المبتليات بأزواجهن،،،

أنا مع أختي الحالمه ....الطلاق مو وسيله ... هي بأسلوها الحلو راح تعدل فيه ...

عى فكرة إحدى صديقاتي أخوها متزوج وعنده بنت ومع كذا لا زال يكلم بنات حتى أمام زوجته وهي تعرف عنه ...ويوم سألته زوجته عن سبب أنك تكلم نساء أو تعاكسهم ...قال لها أنت ما وفرتي لي إلي أنا أبيه...

حبيبتي حاولي أنك تكونين رومانسيه وشوفي وش طلباته وشوفي الأشياء اللي يحبها واللي يكرها ...

وأخيراً : عليك با لأستخاره والدعاء في ثلث الليل الأخير وأوقات الأجابه ..

جزاكم الله خير على الكلام الطيب الي وجهتوه لي كلام جميل بس ياترى هل بقدر انفذه وانا بهاذي النفسيه مو قادره انسى ومو من طبيعه شخصيتي ادري لازم بيبين الحزن على في تعاملي معه يارب اقدر ادعولي والله اني احوج مايكون للدعا ودعا الانسان لاخيه في ظهر الغيب مستجاب والله لايحرمكم الاجر ويحفظ عليكم راحة بالكم

انشودة الحب
اختي
انت الآاااااااااااااااااااااااااان في جهاد
جهاد مع النفس
حاولي انج تسوين كل اللي خبروج خواتج
ولا تحطين في بالج انج مب قادرة
صح ان الوضع صعب والله اني حاسه فيج
بس مثل ماقالولج ان كيدهن عظيم
تغلبي على أحزانج وأوهامج
ودائما حطي في بالج انج بتنجحين والصح هو اللي بيبقي
والحق هو الي بيظهر
حتى لو كنت في أقصى حالات الحزن حطي في بالج انج انتي المنتصرة
وراح يرجعلج كوني انتي اللي تبدين في الكلام الحلو
في اللقاء المبتسم حاولي انج ما تخليه بروحه طبعا مو لزقة دوم بس عشان مايفكرفيها
وحاولي ماتحسسين بالنقص من ناحية العاطفة والمشاعر والاحاسيس
عشان يقارن بين الحلال والحرام
حبيبتي
اقولج لا تستعجلين بالنتائج او الحل السريع يمكن بلاء من الله عز وجل
تذكري انج في جهاد نعم جهاد بمعنى الكلمة فحسسي نفسج بالسعادة و
كوني ايجابية في هذه المواضع وكوني متفائلة في المستقبل وحسسي
نفسج انه يحبج ويعزج حسسي نفسج بكل شيئ جميل حلو مهما كانت النتائج
ترى الوهم الايجابي والايحاء الايجابي هو الحل في استقرار نفسيتج
والاستمرار بكل اللي نصحوج من العضوات
راح يحس بخطأه
ولا تنسين الدعاااااااااااااااااااااااء
والله يهديه ويبعده عن الحرام

بصراحــــــة اخواتي ما خلو لي شيء اقولـــــــه..
الله يجزاهم خير..:clap::clap:
بس حبيت اقول ممكن ان زوجك يفقدك ويحس
بفراغ طول فترة غيابك..عشان جذي يكلم هذى البنت..
اختى حاولي تكونين قريبة من زوجك..كلميه وناقشيه..
وحسسيه انك موجودة حتى وانت غايبة..
وبصراحــة الله يعينك ويصبرك..ويفرج همك..
بس نصيحة اخويه لا تفكرين ابدا..ابدا..بالطلاق..
وصدقينى لكل مشكلة حل..

بصراحة خواتي نصحوج بكل شي خير
بس حبيت اقول لج
ان اهم شي انك تكونين قريبة منة ، مو خمس ايام وانتي بعيدة عنة..
اكيد السبب انة يكلم بنت انك بعيدة عنة...
ترى زوجك اهم من عملك

وبالتوفيق ان شاء الله:smile:



أختك : وردة الثلج

السلام عليكم ورحمة الله وبركاته

اختي .. ايش عند هذي البنت مو عندك ؟؟؟
هي دلوعه ؟؟ تدلعيله
غنوجه ؟؟ تخنجي عليه
ذكيه ؟؟ تذاكي عليه
طفوليه ؟؟

اختي .. الرجل يبحث عن كل النساء بامرءه واحده .. يحبها دلوعه وذكيه وغامضه وصريحه واهم شيء تكوون دايما محتاجتله

عيشين بجو رومانسي كل خميس وجمعه .. وشرطها تقفيل الجوال كل هاليومين

يعني خليه بدال ما انتي تروحيله هو يجيك واذا ماقدر معليش انتي روحي بس حاولي تصبقينه وترتبين البيت وتملينه شمووع وحركات تلقين منها في قسم افكار وخبارات

واول مايدخل روحي واحضنيه وقوليله اشتقتلك ..وبطريقه دلع وعيون وراها توعد باليله رومنسيه .. خليه يجيب جوالك وقفليه وخذي جواله وقفليه وقوليله هذا اول شيء بنسويه في هالخميس والجمعه .. وارفعي الجولات

اكثر شيء يكره الرجل المرءه المتغيبيه .. فيه بنات كثير اول مايسئلها زوجها عن شيء وهي تعرفه تقولها ها ايش وشو هذا
شيء مرررررره يقهر الرجال

ولا يدري انك داريه انه يكلم البنت .. على الاقل فتره سته شهور
قبل لاتطلعين من البيت عطريه واكتبيله على مرايه الحمام بالروج كلام حلو
قد ايش بتشتاقيله مثلا .. وقد ايش انبسطتي لما كان معاك في هاليومين

وصيري تكلميهي الليل وسولفي معاه وحاولي تصيرين مررره ناعمه وانتي تكلمينه .. بس مو طوول المكالمه بالاول كل يوم كل يوم وبعدين حاولي شوي تخفين المكالمات وارجعي بعدين كلميه كل يوم كل يوم

واذا مر مثلا ثلاث شهور على تاريخ الملكه خذي ايجازه ونطيله في البيت
ونفس الشيء رتبيه واشتيله هديه .. سويله مفاجئه
ولا يدري انك باخذين ايجازه وتنزلين عنده

حاولي ترسليله كاردات رومنسيه على ايميله .. وطبعا لاتنسين الرسايل
ارسليه باوقات مايتوقعها

وشوفي كتاب رجال من المريخ نساء من الزهره .. اقرئيه علشان تعرفين كيف يفكر الرجل

احسن انه هذي الاشياء بتخليه يبتعد عن البنت شوي شوي

ولازم تمنع الحمل اليين مايتعدل .. ولا يضحكون عليك الحريم ويقولولك العيال يربطون الرجال

الرجال مافي شيء يربطه .. الرجال يبي الي يفهمه ويهتم فيه يحترمه ويقدره

وعليها بالدعااء والدعاء والدعاء .. تكثر من الاسغفار والدعاء بانه ربي يصلح حال زوجها ويهديه ويسخره لها ويحميه

تحياتي
لك روحي

شكرا الف للي ردوعلي
انااحاول ادعولي تدرون والله كلامكم حلو والاحلى منه ان الله يقدرني على التنفيذ دعواتكم مره ثانيه

أنا أشوف إنه ما دامه تزوجها فأكيد هو ما يحب اللي يكلمها بس يلعب عليها


يمكن يكون هو متعود يتعرف ويكلم بنات من زمان فما هو قادر يترك هالعادة


بس صدقيني تقدر تخليه يتركها بذكاءها وبحنانها وبالدعاء


وإذا الرجال حس انه زوجته تكفيه كل شي ما حيطالع بغيرها


والسلام,,

الفاضلة انشودة الحب

لكي لا اطيل عليك فالرائ السديد والكلام المفيد هو ما قالتة الاخت الحالمة و المحت الية زمردة ولك روحي و جميع من شاركهم الرائ.

وفقكم اللة و جمع بينكما على خير.


تحياتي: ]DayLight

اسمحيلي اختي


بس ريلج ماينلام



شو يعني عنده بس يومين في الاسبوع

يعني هو ريال حرااااااااااااااااااااااااااااااااااااااام

انا اقول تستقيلين ولا تحولين مكان شغلج

هاي مب حاله يومين في الاسبوع


كيف عايشين

اسمحيلي بس صح ريلج غلطان بس يمكن يحاول

يوحيلج انه محتاجنج


واسمحيلي مرة ثانيه

يا ريلج يا الشغل

انا مع الاخت هفوف ...امنعى الحمل لان الله وحده اعلم بماذا يخفيه اكثر من ذلك.....حاولى ان تصلحيه...الطرق كثير فلاتيأسى......