رجيم للمرضع مين تشارك معايا ... يلا تعالوووووووووووووووووا ( الأسبوع الاول )

وان شاء الله هبدأ فيه مين تشارك معايا

الاسم :: صوت العيون
الوزن :: 84
الهدف الاول :: 80
الهدف التانى :: 75
الهدف الاخير ان شاء الله :: 70

انا معاكى يا مورو ان شاء الله

الاسم: بيبو
الوزن الحالى: 84
الهدف الأول: 80
الهدف الثانى: 75
الهدف الثالث: 70

:) كل حاجة زيك اهو :)

انا مش ماشيه ع نظام رجيم بس انا اصلا ماليش ف الاكل يعني يومي ممكن يبقي فيه وجبه واحده او اتنين منهم الفطار كبايه شاى بلبن خالى الدسم مع بسكويت شاى

والغدا بيبقي الساعه 9 مثلا ف بتبقي قفلت علي شرط ان الغدا بيبقي حاجه بسيطه جوزى بيشد شعرو منو

انا وزنى دلوأتى 68

وكنت ف اول الحمل 64 وف اخر الحمل 78

ف هدفي انى اوصل لوزن قبل الحمل

طبعا نفسي بطنى تتشد تاانى :(

ان شاء الله نشجع بعض
توكى على فكره قله الاكل مش بتنزل الوقت
لكن الاكل بيخلى فى حرق فبينزل الوزن
واكتبى معلوماتك زينا ولا مكسله


نبدأ من بكره ان شاء الله
ماشى

وانا كمان معاكم انا عايزة اللى يشجعنى عيبى انى كسولة جدا ومافيش عندى اصرار على شئ ممكن اعمل يوم ولا يومين اورجع اطنش واقول ما فيش فيها حاجة مش هتيجى من يوم يعنى وهكذا وكل شئ يروح وجسمى من النوع اللى قابل للزيادة بسرعة فعايزة الحق نفسى

انا اسمى كاتو
الوزن الحالى 70
الهدف الاول 67
الهدف التانى 64
الهدف الثالث 60

نورتى يا كاتو
هتتبعى الرجيم بتاعى بتاع المرضع هو ينفع للاتنين مرعض وعادى وفى العادى البنت بتقول بينزل اكتر والله اعلم

شوفوا عالنت ريجيم دكتور ماجد زيتون للمرضعات حلو اوي بردو ومتنوع كتير وقال افضل وقت الواحدة تبتدي فيه ريجيم بعد الولادة يبقي بعد شهرين

طبعا معاكو

بس اوزن نفسي و اسجل بياناتي

ماشى منورين

يومى امبارح كان تجهيز للرجيم ان شاء الله

كالاتى

كوب شاى الصبح

وبعدين اتغديت 4 معالق مكرونه بالجبنه

والعشا عيش ناشف بالجبنه وكوب شاى و 4 بقسماط
وكلت قبل العشا برتقاله

وبس الحمد لله
بس قبل ما انام شرب كوبايه حلبه صدفه هههههههههه

انهارده الصبح شربت كوب شاى بمعلقه سكر مليانه
و4 بقسماط

وبش وناو بشرب كوبايه قهوه بدون سكر
مليش نفس للاكل صراحه
الحمد لله

مورو الظاهر ماغيش غيرى انا وانتى اللى هنمشى على النظام ماتكسليش شجعينى
انا النهاردة فطارى كان زبادى لايت واكلت خس
وبما ان فى وجبة فرى فى الاسبوع انا خدتها على الغدا اكلت محشى ورق عنب وتبلولة وبوفتيك وبطاطس محمرة (( الريجيم ضاع من اولها )) هههههههه
والعشى هاكل خضار خس خيار

طيب افتكرى بقا انك ختى الفرى
ولا كل لما تلاقى اكل حلو هتقولى فرى
هههههههههه
هى واجبه واحده فى الاسبوع
كمان شفت وصفه كدا
بتقلل الدهون فدا كويس
تحبى اكتبهالك
ومش مهم مين بيعمل المهم ان احنا حتى لو اتنين هنشجع بعض
بس متكسليييييييييييييييييييش

افتكرى اللبس الصغير
الحلو
ولبس الدلع وكل حاجه
كمان اى حد رفيع
خصوصا ان دا بيخلى الشكل اصغر
ماشى

اة جيتى على الجرح لبس الدلع ههههههههه

اة يا ريت الوصفة عشان فعلا عندى دهون فى اماكن مضايقانى بس ياريت ماتكونش بتاعة لمونة على كوباية ماية دافية الصبح اصلها صعبة جدا وبتعملى حموضة طول اليوم

لا مش دى
هى شغلانه شويه بصى

بننقع حته جنزبيل فى شاشه فى مايه زى الشاى كدا الفتله وبعدين نشيلها وننقع فى المايه لمده 7 دقايق كدا من 5 ل 7 يعنى
شاى اخضر
يانسون
شمر
كمون
ومممكن تحطى عسل بسيط
بتتشرب على الريق

دى بتقلل الدهون
لكن الميزان لا
يعنى بتحسى بالفرق فى اللبس والشكل
لكن على الميزان لا
البنت الى كتبها قالت كدا والله اعلم طبعا

انا يا بنات عندى مشكلة
انا بصحى من الساعة 5 ونص الصبح بشتغل فى البيت شوية والبس وانزل الشغل ببقى قى الشغل الساعة 8 وبرجع البيت الساعة 5 لسة هطبخ والحوارات دى
يعنى انا يومى طويل جدا
بفطر كذا مرة هههههههههه لا بجد والله لازم افطر مرة الصبح بدرى على 9 مثلا مقدرش اتأخر عن كده ببقى تعبت طبعا واجى على 12 او 1 ببقى هموت من الجوع تانى لازم اكل كويس حاجة تشبعنى يا اما هضطر اكل تانى بعدها لان الغدا بتاعى لسة على 7 بالليل عاااااااااا طبعا بعك جدا فى الاكل بسبب الظروف دى
ده غير ان فى حاجات كتير مقدرش اكلها على عندى الضغط وارتجاع فى المرئ ده غير القولون العصبى هههههههههههه يعنى الخيار ده مثلا انا ممنوعة منه ده غير انى مش بحبه اصلا .. البرتقال ممنوع .. الجوافة بتتعبنى .. الفول ماقدرش عليه ..
بجد مش ببقى عارفة اكل ايه :(

المهم انا معاكم برضه هحاول ان شاء الله

النهاردة كان اجازة الحمد لله
فطرت كوباية شاى وبقسماط و2 ممبار

بعد شوية شربت قرفة بالجنزبيل و 2 بيضة مسلوقة

الغدا كان 2 كريب بالفراخ والمشروم

وشاى

بصى يا بيبو خففى الاكل يعنى كمان
متجمعيش بين
رز او عيش ولحمه وكدا
وشوفى السعرات الحراريه

كلت من شويه طبق سلطه خضرا ورغيف عيش ناشف و4 معالق صغيره جبنه بيضا الحمد لله

بيبو حبيبتى فعلا يومك ملخبط وغصب عندك هتجوعى وتاكلى بس حاولى مثلا تتسالى بحاجات حفيفة والغدا بما انة الساعة 7 يكون مثلا اخر وجبة وبعدين حاجات خفيفة خضار مثلا واشربى مية كتير القولون العصبى فعلا مشكلة انا عندى حساسية من الطماطم والفراولة والجوافة اكلهم جسمى يورم ويحمر هههههههههه انا تقريبا مش عارفة طعمهم اية ههههههه

مورو الخلطة حلوة بس فعلا شغلانة بس المهم تجيب نتيجة
انا النهاردة فطرت 3 بقسماط وزبادى وخس ( بحب الخس جدا عشان كدة تلاقينى باكلة كتير )
والغدا كان سمك مشوى واخدت ربع رغيف من غير رز وطبق سلطة
والعشا زبادى وخس تانى هههههههههه