شات منتظرات الحمل قريب بإذن الله (احلى بنات فى مصر )وامهات المستقبل القريب لشهر صفر

تعالوا العبوا معايا هنا

http://forums.3roos.com/showthread.php?t=593863

نداء الى امونه

امونه انتى معاكى رقم عياده دكتوره حنان؟؟؟؟؟؟؟؟؟
وياترى لازم بالحجز و لا ممكن اروح و اكشف فى نفس اليوم ؟

manyaa;14264390:
أمونة :) و انا موافقة يا قمر. بس هي دي مش طريقتي اختراعي يعني.. دي عملتها من برنامج فتافيت (صحبة طيبة) و ممكن كمان نزليها من النت فيديو لو موجودة..
و مع ذلك لو طلع وحشة هاتيهالي برده حاكلها انا بمووووووووووووووووووت في السينابون.. و لو طلعت حلوة يبقى النص بالنص يا باشا :)

احنا هنطمع من اولها ولا ايه؟ :D
لو طلعت حلوة هاكلها وهيا طالعة من الفرن ملهلبة ومش هخلي حد ياكلها ابدا وهاكلها كلها لوحدي هم المم:D

ميرا

بعتلك تلفون د\حنان عالخاص وممكن تروحي تكشفي من غير حجز

مالك يا ميرا طمنيني عليكي

مانيا

انا شفت طريقة الاكلير بتاعتك وانا بموت فيه , بس الحشوة انا بحبها شيكولاتة , متعرفيش ازاي اعمل صوص شيكولاته احشيها بيه

عايزة صوص قوامه يبقى زي قوام النوتيلا كده تقيل

امونه انا بعمل السينابون كتيرررر

خشي في مواضيعي هتلاقيها مرتين يمكن

د\امونة;14260679:
انتي فقر والله يا ميرا هههههههههههههههههههههههه ايوة انا العروسة نوارة :D
والسينابون عملتيه ازاي وليه باظ منك؟

ربنا يهدي باباكي ويصلح الحال عندكو في البيت يارب





متسمعيش كلامها يا فلاور والنبي انا بريئة وجوزي غلبان, طلع من الشغل بدري الساعة 4 ونص وصل البيت 9ونص !!!!!!!!!!!!!!!!!!!!!!!! الطريق واقف وقفة بنت لذينا بسبب المطر او حادثة معرفش, يادوب غديته ونام زي القتيل

امونه حبيبتى العروسه نواره :lol::lol::lol::lol::lol:

واللهم امين يارب العالمين
ربنا يهدى بابا ياااارب بجد لانى خايفه عااااااااا:'(:'(:'(

ما علينا كفايه عكننه انا عكننت عليكم جامد امبارح حبه فرفشه بقى

السينابون انا عملته 3 مرات فى حياتى
اول مره كان حلو
تانى مره كان حلو بس سبته فى الفرن يتحمر اكتر فنشف :confused::confused:
تالت مره جبت سينابون الطحان وقلت اعمله فىالبيت
ده لما جوزى كان هنا المره اللى فاتت
المهم كنت مضايقه من جوزى خااااالص و قريت بدل ما احط تلت كوبايه ماء
حطيت 3 كوباييييييييييييييييييات مايه
:047::047::047:
وانا بحط تالت كوبايه قلت ياخبرررررررررر ايه ده انا حطيت ده كله لييييييييييه ده المفروض تلت كوبايه بس
طبعا العجينه بقت ايه ماااااايه و قعدت احط دقيق بقى و بوظت الدنيا
وفى الاخر رميتها طبعاااااااااااا

و عملتها بطريقتى الاولى بس جوزى قالى دى عامله زى العيش الفينو
و بس بس مكنتش وحشه


بقولك ايه يا امونه صحيح
لو هتعمليه اعمليه الايام دى اللى مش فيها هوم ورك
بلاش تعمليها ايام التبويض وكده احتياطى علشان القرفه يا حبيبتى اوكيييييييييييهF:

وانت برئ يا عم امال ايه
عارفين ان مفيش هوم ورك
والحمد لله ان مكنش فيه امبارح علشان جوزك جه تعبان و نام زى القتيل و مكنتيش هتعرفى تاخدى غرضك منه :085::085::085::085::085::085:

د\امونة;14260757:

ميرا

ربنا ما يحرمك من الامان ابدا, ويهدي باباكي ويبعد عنه الشيطان, هيا لحظة غضب واكيد العشرة مش هتهون عليه بس هو تحت تاثير الخناقة والغضب ولما يهدى كل شيء هيرجع زي ما كان واحسن والله

يااارب يا امونه يارب
ربنا يهديه و يبعد عنه الشيطان اللى مهيص عندنا ده عاااااااااااااااااااا:'(:'(:'(

manyaa;14261129:
صباح الخييييييييييييييييييييييييييييير.. انا هنا لوحدي يا كسلانين يا نايمين.. اصحوا بقى :(
دينا حبيبتي.. و لا حقدر أقولك روقي و لا أقدر أقولك انسي و كبري دماغك لانك زي ما قلتي بشر و لازم في لحظات بتحسي انك ضعيفة ...والله الحالة دي بتجيلنا كلنا.. و انا كانت بتجيلي كتير.. مع ان في اول جوازي جوزي كان نفسه ما احملش علطول و نتأخر سنة وللا حاجة .. سبحان الله... بس ما قصدناش خالص ان الحمل يتأخر.. بالعكس كنا سايبنها كدا.. و دلوقتي لما اتأخرت و قربت أقفل السنتين ....أكيد بحس زيك و زي كل واحدة هنا واقفة مكانها محلها سر ....و كنت كل شهر بكتئب و اتخنق.. لحد ما جوزي ابتدى يشتكيلي مني... و قالي مش معقولة نفضل معظم ايام الشهر أشوفك مخنوقة و متضايقة و مكشرة.. كدا أمال حنفرح و ننبسط و نعيش حياتنا امتى...
هو دلوقتي نفسه جدا اننا نخلف.. خصوصا ان اخته كانت متجوزة معايا و ما شاءالله لسة والدة من اسبوع ربنا يحفظها و يباركلها في طفلها يا رب و يحفظه من كل سوء.. بس مش مبين قدامي ابدا انه حيموت على الاطفال و لا انه بيحبهم حتى... عشان ما يضايقنيش.. فعايزة أقولكم ان أزواجنا لما بيعملوا انه و لا على بالهم بيبقوا مش عايزين يجرحونا او يزودوا همنا...
أنا كنت الأول بفضل احسبها كدا.. طب انا داخلة على سنتين و لسة ماحملتش.. طب الناس حوالي خلفت و انا لسة .. طب..و طب... و الخ..
بس بقيت أفكر بطريقة تانية.. دلوقتي لو لا قدر الله ربنا حيبتليني بتأخر في الحمل لأكتر من 3 سنين .. زي اللي بقالها 6 سنين و 10 سنين و في ناس بتخلف بعد 15 سنة... ما كلهم بشر و عندهم طاقة تحمل برضه... يا ترى انا لو زيهم ... حعمل ايه... حضيع أحلى سنين شبابي مضايقة و زعلانة و مخنوقة... طب ليه ما استمتعش بحياتي و أسعد نفسي...
موضوع الخلفة بقى عامل زي الآنسة اللي لسة ما اتجوزتش.. كنت بفضل أفكر يا ترى امتى يجي نصيبي و يا ترى حييجي و للا حعيش عمري وحيدة... و سبحان الله ابتديت أفكر اني أأقلم نفسي كإني مش حتجوز خالص...و أحاول أعوض نفسي عن عدم وجود شريك في حياتي... و أحاول أشغل نفسي و أحقق نجاح في حجات تانية في حياتي و أستمتع بشبابي.. لحد ما الحمد لله رب العالمين ربنا كرمني... بزوجي اللي كل شوية أقوله كنت فين من زمان :) سبتني الوق ده كله ليه ... :)
أنا أعرف واحدة أمريكية ربنا ما رزقهاش بأطفال خاااااااااالص.. بقالها 20 سنة متجوزة.. بس ماشاءالله تتكلمي معاها تلاقيها ست ناجحة في حياتها و سعيدة بزوجها و رغم ان بقالهم 20 سنة متجوزين بس لما بتكلمني عنه بحس انها بتتكلم عن اتنين عرسان لسة متجوزين جديد... فجأة لقيتها 3 ايام ما دخلتش نت خالص... بعتلها اطمن عليها ردت علية بعدين قالتلي ان جوزها كان أجازة من الشغل الايام اللي فاتت.. و مبحبش انا اعد على الكمبيوتر و هو موجود عشان أقدر أقضي الوقتت ده معاه... من كتر كلامها و حبها فيه حسيت انهم لسة متجوزين .. ماشاءالله ربنا يباركلها فيه و يسعدهم دايما يا رب... و حكيتلي على كذا واحدة من عيلتها .. اللي قعدت 10 سنين مابتحملش و بعدين ربنا كرمها بولد و بنت ماشاءالله.. و اللي حملت و كل مرة البيبي بيموت في الشهر الرابع من الحمل حصلها كدا 3 مرات و بعدين ربنا رزقها ببنوتة..ماشاءالله ربنا يحميها... و اللي ماحملتش غير بعد 6 سنين جواز.... سبحان الله ... طيب انا لو نصيبي اني زيهم و للا زيها .. حفضل عايشة حياتي كلها أنكد على نفسي... ليه؟؟؟
الست دي عوضت ده بحبها لزوجها و حبه ليها .. و عوضت ده بنجاحها في حياتتها و شغلها .. هي مدرسة انجليزي و أسلمت من حوالي 4 سنين ماشاءالله و مع العلم ان جوزها اتجوزوا جواز صالونات :) يعني صديق مشترك بينهم رشحها لصاحبه و جه و اجوزوا ... و شغلت نفسها بهوايتها انها بتحب تزرع في الجنينة بتاعة بيتهم .. بتستمتع أوي بزراعة الفاكهة التوت و مش فاكرة فاكهة ايه كمان و بتزرع جزر و كرنب و...الخ.. و تقص ورق الأشجار و تنسقه في حديقة بيتهم... يعني اللي اقصده كل واحد يهيأ نفسه بالظروف اللي عنده ... و في نفس الوقت ما يبطلش يدعي ربنا ... ربنا يبتلينا عشان نقرب منه في الدعاء.. و خلي زوجك كل فرض يصليه يدعيلك.. بس كل ما تدخلي في مود اكتئاب و خنقة.. حاولي تعملي اي حاجة بتحبيها تخرجك من الجو ده.. ان شاءالله تاخدي جوزك و تنزلوا تتمشوا في الشارع..
يا رب ماكونش طولت عليكي... :)

هدى و ميرا ربنا يفرج همكم يا رب.. هدى انا معرفتش في ايه بس لعله خيرا يا رب...
يا بنات خلوا الكلام الخاص بينا نقوله في المغارة بتاعتنا عشان هنا ممكن ناس مش معانا يدخلوا و يقروا كلامنا .. هناك خصوصية اكتر.. :)

يااارب اللهم امين يارب العالمين

ربنا يفك كربنا جميعا ياااااااااااارب

وكلامك جميل اوى يا منمن و الله ربنا يكرمك انا عيطت منه وا الله
وان شاء الله ربنا هيكرمكم كلكم يابنات
ربنا مفيش احن منه علينا جميعا
وان شاء الله خيرررررررر:L::L::L:

فجر1975;14262573:

ليه بس كده يا ميرا
احنا ماصدقنا وده مش كويس عليكى
ربنا يفك كربك

اللهم امين يارب العالمين
غصب عنى والله يا فجر مش عارفه اعمل ايه بس استغفر الله اعلظيم

يااارب اهدى الحال يارب
واهدى بابا يااااااااااااااااااااااااااااارب :'(:'(:'(

manyaa;14262643:
ايوة انا كان عندي جارة كدا بس ما طولتش و سابت البلد كلها :)

ايه ده انا اول مرة اشوف الرسالة دي.. خير يا بنتي .. ليه كدا بس..
كل بيت بيبقى فيه مشاكل يا ميرا و كل حاجة حتعدي ان شاءالله .. و حاولي تععدي مع مامتك و بباكي و تهدي ما بينهم لو ممكن يسمعولك..
و حاولي تهدي نفسك انت عشان اللي في بطنك و يا ريت تروحي كشفي على الوجع ده سببه ايه .. و ربنا يفرج همك و كربك يا رب..
و احنا كمان بنحبك..

..

الحمد لله على كل شئ
ويارب العاصفه اللى فى البيت دى تعدى على خير يااااااااااااارب

و ربنا يروق الاحوال للجميع يارب

و ان شاء الله هروح لدكتوره النهارده
لان بطنى وجعانى ربنا يستر :'(:'(:'(:'(

فجر1975;14263026:

مش احنا يا عيال كان عندنا زلزال امبارح بالليل
حوالى الساعه 12 ونص
هو كان جنوب غرب باكستان
دبى وابوظبى هما اللى اتاثروا بيه

لا اله الا الله
طب وانتى كنتى لسه صاحيه و حسيتى به يا فجر

وانتم كويسين الحمد لله
و الزلزال ده كان قوى و لا بسيط

ربنا يحفظكم ياحبيبتى ياااارب

لحظةحب;14263180:
ايه يا عيال النكد اللي انتو فيه ده انا مش حقول كلام فوق اللي البنات قلوه بس عندي حاجه واحده ربنا سبحانه وتعالي قال لا يكلف الله نفسا الا وسعها يعني ربنا جلا وعلا مدينا علي اد طاقتنا يعني برده رحيم علينا عارف ان قدرة تحمل دينا كده يعني ممكن يبتلاكي بحاجه وتحسي انها كبيره عليكي ومش قاده عليها بس اعرفي ان مدام ربنا ابتلاكي بشي يبقي الشي ده تقدري تتحمليه مهما كان صعب عليكي انل بقول الكلام ده لنفسي كتير علشان افهم نفسي اني قويه وان ديه فتره وهتعدي وبجد لازم نفكر في الحاجات الحلوه اللي حوالينا علشان ننسي اللي مش في ايدينا اللي باذن الرحمن قريب قوي هيبقي في ايدينا
بحبكم في الله

ان شاء الله يا ياسمينه
ان شاء الله
و كلامك يريح يا ياسمين
ربنا يفتحها عليكى يارب و جزاكى الله خيرا

@ green apple @;14263209:
طيب عارفة يا دينا

واحدة قريبة جوزى متجوزة من 3 سنين

وتحمل ولحد الشهر السادس يجيلها طلق والبيبي ينزل يعنى تخيلي

تكون حامل فى السادس واخر مرة كانت فى اخر السادس يعنى كلها يوم ولا اتنين تبقى فى السابع ويجيلها طلق وينزل

وينزل طقل كامل كبير سبحان الله وميحصلش نصيب

وبالنسباله السقط ولادة مش سقط لان الطفل كبير ومتخلق وكامل

دى نفسيتها تبقى اية بقى ؟؟؟

فاحنا نحمد ربنا على كل شىء

ومحدش عارف الخير فين

وربنا يرزقنا جميعا كل خير واللى مش حامل تحمل وربنا يتملها على خير

والحامل ربنا يثبتلها حملها ويرزق طفل سليم الخلق والخلقة

اللهم امين يارب العالمين

ربنا يسترها معانا جميعا ياااااااااااااااااااااارب

shoshet*himo;14263629:
يلعن ابو النكد يا عيال ايه ده

ميرا ودينا وهدي

روقوا كده وصلوا علي النبي وكل عقده وليها حل والله احنا احسن من غيرنا بكتيرررررررررر جدااا انا شوفت واحده مخلوقه من غير ايدين ولا رجلين وخلفت بس مش قادره تخدم عيالها ولا تنازلهم حاجه وصعبت عليا اوووي قولت سبحان الله دي تعمل ايه بقا واحنا سلام ولينا ايدين ورجلين وعينين وكل حاجه حلوة الحمدهه يبقي نحمد ربنا ولازم نتيقن اانا مش ناقصين حاجه حتي الخلفه دي حكمه ربنا ومش نقص فينا لان ربنا اللي رايد كده يبقي خلالالالاص

ميرا حاولي تهدي بين باباكي وماماتك علي اد ما تقدري حاولي وباذن الله هتقدري ياقمر

عليه الصلاه و السلام

والحمد لله احنا ففى نعم و نعم كتيره اوى اوى
بس احنا اللى مش بناخد بالنا منها


سامحنا على غفلتنا ياااااارب :(:(:(

RAINBOW2000;14263904:

ميرا
حاولى تهدى باباكى و مامتك شويه و متاخديش كل حاجة على نفسك لان ده غلط عليكى جداااا

[/SIZE]

انا عارفه والله انه غلط يا مى بس اعمل ايه غصب عنى:'(:'(:'(:'(

د\امونة;14264925:
احنا هنطمع من اولها ولا ايه؟ :D
لو طلعت حلوة هاكلها وهيا طالعة من الفرن ملهلبة ومش هخلي حد ياكلها ابدا وهاكلها كلها لوحدي هم المم:D

بالف هنا و شفا يا حبيبتى:L:

د\امونة;14265009:
ميرا

بعتلك تلفون د\حنان عالخاص وممكن تروحي تكشفي من غير حجز

مالك يا ميرا طمنيني عليكي

جزاكى الله خيرا يا امونه
الحمد لله انا كويسه يا حبيبتى وبطنى لسه وجعانى ربنا يستر

بس انا كويسه الحمد لله :sick::sick::sick:

يا بنات يا حلويين

ايه جو الكابه ده ال ىانا سبب كبير فيه ده


لالالالالالا مش عايزين كاااااااابه
عايزين امل و سعاده و تفاااااااااااؤل

وكله هيبقى تماما ان شاء الله

النهارده كنت بتصفح النت و لاقيت موضوع عن واحد بيسال عن معنى اسم بينت علشان يروح يوثق شهارده ميلاد بنته اللى ربنا رزقه بها بعد 15 سنه ما شاء الله سبحانك يارب

و لما كنت عند تيتا
خالتى كانت هناك و بتقولى ما شاء الله كانت واقفه مع واحده صاحبتها ولقيت زغاريط كتيرررر فى بيت كده
و ناس تزغرط
فخالتى قالت لصاحبتها خير فى ايه
قالتلها دى فلانه لسه عامله نتيجه تحليل حمل دلوقتى و النتيجه ظهرت و حامل الحمد لله
ربنا كرمها بعد 7 سنين ما شاء الله
وهما بيزغرطوا من فرحتهم ياعينى


وفى بنت برضو كانت معانا فى المنتدى هنا
طيبه اوى ياعينى و قاعده مع حماها و حماتها فى نفس الشقه
ومتجوزه بقالها 8 سنين
ويعملوا الهوم ورك بقى فى ايام التبويض
وجوزها يقعد يعد الايام و البيريود امتى وكده
غير الضغط العصبى والنفسى الفظيييييع بقى حماها وحماتها اللى معهاهم فى نفس الشقه
لدرجه انها قالت يتجوز عليا و خلاص هعمل ايه
وحياتهم بقت صعبه اوى يا عينى و خناق وكده

والمهم فى شهر كانوا متخانقين
ومش مهتمين بايام تبويض و لا غيره
و البيريود اتاخرت
وهى بقى مش فى دماغها عادى ما هى بتتاخر
و البيريود اتاخرت اكتر
المهم نزلت جابت تحليل حمل منزلى
وما شاء الله طلعت حااااااااااااااااااااااااااااامل

انا ساعتها عيطت و نطيت من الفرحه
ياااااااااااااااااه اتبسطت لها اوى اوى اوووووووووووووووووووووووووووووووووووووووووى
عقبال ما افرح بيكم كلكم ياارب

وما شاء الله معها بنوته دلوقتى ربنا يحميها يارب

و قصص تانيه كتير يا جماعه
بس نوصل فالاخر ان كل شئ باوان
واننا نقول يااااارب
وربنا اللى رزقنا بازوجنا اللى لا كنا نعرفهم و لا شفناهم
هيرزقنا منهم ان شاء الله
ببنات و اولاد قمامير و مقطقاين
قولوا امييييييييييييييييين

السلاااام عليكم
إزيكو يا بنات وحشتوووني
النت الوحش ده قاطع عندي وداخلة م الموبايل

ميرا
ربنا معاكي يااارب ويفك كربك وطمنينا عليكي


ودعة
تروحي وتيجي بالسلامة ياارب
إيه يابنات شايفة جو كآبة ف التجمع ليييه كده روقوو يا بناويت ما فيش حاجة تستاهل

أمونة
فجر
شوشو
ياسمين
ريري
ماجدة
دينا
سمر
أسماء
مانيا
هدى
رينبو
يارب مانسيت حد إزيكو كلكو


ماحدش فكر يعمل المنظار أنا بفكر فيه أوووي

شوشو

هشوف الطريقة بتاعتك يا جميل , انا دلوقتي زي المدمن بدور على طرق عمل حلويات كتير اوي , ربنا يعيني واعملها عشان اكلها يوم الجمعة ان شاء الله

ميرا

ماشي يا جميل مش هاكل قرفة في ايام الهوم وورك ههههههههههههههه

ازيك يا علياء

عايزة تعملي منظار ليه؟ مش انتي المفروض دلوقتي في هدنة من العلاجات ؟

ميرا حلوة أووي القصص دي ربنا يرزقنا يااارب

محبة_الرسول;14265541:
السلاااام عليكم
إزيكو يا بنات وحشتوووني
النت الوحش ده قاطع عندي وداخلة م الموبايل

ميرا
ربنا معاكي يااارب ويفك كربك وطمنينا عليكي


ودعة
تروحي وتيجي بالسلامة ياارب
إيه يابنات شايفة جو كآبة ف التجمع ليييه كده روقوو يا بناويت ما فيش حاجة تستاهل

أمونة
فجر
شوشو
ياسمين
ريري
ماجدة
دينا
سمر
أسماء
مانيا
هدى
رينبو
يارب مانسيت حد إزيكو كلكو


ماحدش فكر يعمل المنظار أنا بفكر فيه أوووي

انا نازلة مصر اعمله ان شاء الله
انتي بقالك قد ايه وعندك ايه وعملت ايه

الحمد لله يا أمونة تمام
أيوة أنا ف هدنة بعد الهدنة بقى إن شاء الله بفكر أعمله
بعد شهرين كده ولا حاجة

ودعة
والله هتعمليه طب يالا عشان أعمله وراكي

أنا بقالي 3 سنين و4 شهور ولحد دلوقتي ما فيش عندي أي حاجة غير الالتهابات كل ما بعالجها بترجع
فأنا بقول إن ممكن لا قدر الله تكون عملت إلتصاقات
سمعتها من كذا دكتور
بس دي الحكاية إيه رأيك ؟

شوشو

انا شفت البيتزا والسينابون وملفوف النقانق بتاع عجينة العشر دقايق


تسسسسسسسسسسسسسسسسسسسسلم ايدك تحفة ماشاء الله وهجرب لان كل حاجة بتتعمل بعجينة واحدة

علياء

معقولة كل التأخير ده بسبب الالتهابات بس ؟ عندك حق بتهيألي لازم تعملي المنظار يمكن فعلا في التصاقات هيا السبب في التأخير لان في بنات كتير بيجيلهم التهابات وبيحملو

ازيك يا محبتى عامله ايه يا حبيبتى
و اللهم امين متشكره اوى يا حبيبه قلبى
ربنا يطمنا عليكى ياااارب

امونه
ايوة كده شطوره ابتعدى عن القرفه يا نواره يا عروسه انتى ههههههههههههههههههه

ميرا
عاملة ايه النهاردة والمغص خف ولا لسة؟
محبة
توكلي علي الله 3 سنين ومش باين سبب يبقي مفيش غيره
بالنسبة لي انا مهم
لان صبغتي فيها احتمال التصاقات بس ماكدتهاش فالمنظار ضرورة

دوعة

ربنا يسهل عليكي المنظار ده ويكفيكي شره