شات منتظرات الحمل قريب بإذن الله (احلى بنات فى مصر )وامهات المستقبل القريب لشهر صفر

امونة انا بقالي يومين بشرب على الريق مية دافية معصور عليها لمونة قبل الفطار بساعة و قبل النوم على طول قريت على النت كتير انها بتخسس جامد عشان بس مبقاش بخبي اي حاجة ها يا خوخة يا خارجة من باب الحمام

أييوووووووووه... تعبت .. عمالة أكتب في المحاضرة و كتافي وجعتني..
أمونة... خلصنا من هوم وورك ماجدة طلعنا في هوم وورك بتاعك ههههههههه
أنا يا ستي.. لاني كنت مخطوبة لجوزي و كان في السعودية من ساعتها و قعدنا سنة على هذا الحال... فكان أدامنا حل من اتنين ..يا اما نكتب الكتاب غيابي يعني هو يعمل توكيل لحد في مصر.. و معرفش بقى بابا كمان كان ينفع يعمل توكيل لحد وللا ايه... لا اهلي كمان في السعودية.. و دي انا ما كنتش محبذاها... يا اما نعمله في الصيف لما هو و اهلي ينزلوا مصر و الاجازة كلها كانت شهر و نص بس.. فكرنا برده اني انزل السعودية و نكتب الكتاب في المسجد النبوي.. و دي كان نفسي فيها اويييييييي... و كان معاد ننزولي السعودية قبل الفرح بشهرين تقريبا.. بس كنت حعد اسبوع بس و ارجع مصر تاني... عشان الحق استعد للفرح... بس دا حل عيبه ان اخواتي في مصر كلهم مايقدروش يحضروا كتب كتابي كدا غير واحد بس اللي بيقدر يسافر لكن التانيين معندهمش اقامة.. و كمان محدش من العيلة حيحضر خالص لان كله في مصر... فماكانش فاضل غير اننا نكتبه في الصيف لما كله ينزل مصر.. فأجازة جوزي كاننت قبل الفرح ب 10 ايام..و بابا معرفش ينزل مصر غير قبل الفرح ب 5 ايام بس او يومين مش فاكرة... فطبعا ماكانش في وقت غير اننا نكتبه في القاعة...بس كان لذيذ اوي كدا و ماحستش انه غريب عني ولا حاجة سبحان الله ربنا بيألف بين القلوب فعلا...

ودعة: أصل انا شعري فظييييييييييييييييع... فاللي شعرهم كدا لازم لما يجوا يحبوا يعملوا حبشتكنات بقى مضطرين نكويه او نسشوره... و طبعا مش علطول يعني انا ممك استخدم المكواه مرتين في الشهر وللا حاجة عشان شعري ما يبوظش... بس بحس اني عشان انجز في الوقت لازم افرده نص فردة كدا بالسشوار عشان المكواه تأثر فيه بسرعة... بس مش دايما برده بعمل كدا غير ان السشوار بتاعي اتكسر :)
فلو انت شعرك ناعم او بيجي باللف او الدوامة.. يبقى خلاص مش محتاجة.. لكن انا ولا نافع لف و لا حمامات كريم و لا غيره :D
أنا نفسي أعمله فرمة .. و فسي أخد دورة في التجميل و شغل الكوافيرة.. عشان اعرف اعمل لنفسي كل التسريحات و الفورمات و المكياجات بس مش عارفة اروح لمين هنا.. و كمان لحد دلوقتي خايفة اجرب كوافيرات هنا لاني معرفش حد و لا اعرف حد جرب يروح هنا لحد اساسا..
فحاليا بكتفي اني أفرده بس..

ra_tamima;14237115:
[BACKGROUND="70 #666666"]
ممكن اشترك معاكو
انا عجبانى اوى اللمه بتاعتكو
ياترى بقى فى خطوه المفروض اعملها ولا لا؟؟؟؟؟انا ان شاء الله بفكر اروح بكره للدكتور :([/BACKGROUND]

انا شايفة الخطوة الوحيدة اللى تعمليها حاليا انك تشيلى الموضوع من دماغك خااااالص و الدورة لما تقدم او تاخر يومين تلاتة دى منتظمة لان فى ناس مثلا دورتها كل 28 يوم فطبيعى هتتقدم شوية عيشى حياتك عادى و ربنا هيكرمك من غير حاجة ان شاء الله

magda 1;14236514:
ميرااا يا قمر عامله ايه و ايووه الحمد لله روحت للدكتور امبارح و الحمد لله الدكتور بشوش كده و تحسيه فاهم و عيادته زحمه مووووت و ب ٤٠ جنيه بس و ناس كتير شكرولنا فيه اووي ربنا يجعله سبب في حملي يارررب والمهم بقي قالي ايه ؟؟؟ هو امبارح كان اليوم ال ١١ عملي سونار و كده والحمد لله لاقي بويضه ١٥ و شاف التحاليل و الاشاعه و قالنا الحمد لله كله كويس قولتله يعني مفيش تكيس قالي انتي تبويضك ممتاز والحمد لله المهم بقي جوزي بيقوله امال في ايه راح قايله حرام تقول كده ده بتاع ربنا و بس واحنا مش علينا غير اننا ندعي وبس وقالنا هنتابع التبويض و مش هناخد لا تنشيط ولا غيره ان شاء الله قولتله طب ما انا تابعت التبويض قبل كده و محصلش حاجه قالي ان المفروض من بعد البيرود ميحصلش جماع الا في ايام التبويض و سألنا حصل امتي جماع قولناله امبارح و اول و اول ههههههه ( فضايح اتفضحنا اخر حاجه ) المهم قالنا كده اكبر غلط لان المفروض ميبقاش في جماع بعد البيرود علطول و ان احنا ندي فرصه للحيوانات المنويه تتكون و تبقي كويسه وان السائل بيخرج معرفش علي ٣ مرات اول مره اشد بعد كده يقل بعد كده يقل وان الي بيخرج ده بياخد وقت في تكوينه .... المهم بقي قالنا ميحصلش حاجه تاني لحد مقولكم ( يعني مفيش هوم ورك ههههه ) و قولتله بصراحه احنا الدكاتره لخبطتنا كل واحد بكلام راح ضحك و قالي معلش ... و قالي اروح يوم الاتنين ان شاء الله وسألته علي الحمل الكميائي قال ده اصلا مكنش حمل ده التست بتاع التحليل ده غلط والفيصل في الرقمي انما التاني ده مش دقيق مش عارفه بقي كده الكلام ده صح ولاغلط ربنا يستر بقي بس بصراحه هو مقنع اوي يلا ادينا بنجررب وخلاص ‏‎
‎

و الله يا ماجدة الدكاترة دول يحيروا كل واحد براى و الواحد احتار معاهم

miramiro;14239193:
الحمد لله يا ماجده
اتصلت بالمعمل و ردوا عليا كنت خايفه يكون التليفون بايظ

والحمد لله والشكر لله

اللهم اوزعنى ان شاكر نعملتك التى انعمت على وعلى المؤمنين و المؤمنات
قالى ما شاء الله النتيجه كويسه

وماما هتجيبلى بقى بكره النتيجه من المعمل
و ابقى اتصل بدكتورة اميمه ان شاء الله

الحمد لله

الف حمد و شكر ليك يا رب كويس انك اتطمنتى

miramiro;14239485:
حاضر يا ودعتى
من عونيااااا
هحكيهالكم بعد ما اخلص اقتباسات

وانتى محكتيش قصتك قبل كدده

يلا احكيلناااااااااااااا:adore::adore::adore:

:lol::lol::lol::lol:
سيبى البونيه فى حالها

وانتى من يوم الجمعه
ماااااااااااااااااااااااشى هنتوصى بيكى اجمد توصيه
ده انتى حبيبتى

هجوووووووم يا امهات المستقبل ان شاء الله على امونه يوم الجمعه نياهاهاهااااااااااااااا:lol::lol::lol:

:thumbs_up::thumbs_up::thumbs_up: كلامك كله صح يا شوشو
اولا هنشتغل لامونه فى الازرررررررررررررررررررررررررررررررق هههههههههههههه
بس لو قضيتها زى راس السنه بوس بس مش هتجيبلنا حاجه :lol::lol::lol::lol::lol:

يالهوى انا بقييت اجرام فى الكلام خالص
يالهوووووووووووووووووووووى:o:o:o:o لو جوزى شافانى هيقتلنى و يقطعنى تقطيع :o:o:o:o

ان شاء الله يا سموره ربنا يبعد عنى الشوشو الوحش ددددددددددده

وبعدين انتى بقى مينفعش اقولك يارب البيريود متجيش
لالالالازم تيجى و الا هتبقى فضيحه ام حناجل برضو مش كده و لا ايه :lol::lol::lol::lol:
ربنا يطمنك ياحبيبتى ان شاء الله

:thumbs_up::thumbs_up::thumbs_up:
صح فعلا انا موافقه جدا جدا
الفراغ ده قااااتل وربنا هيحاسبنا على الوقت الضايع مننا ده

انا عندى اقتراحين
قولوى رائيكم فيها ايه

تيجوا كل يوم نتفق نقرا جزء معين من القراءن؟؟ وكل يوم ندخل نقول اننا قرأنا الجزء بتاعنا

او نحفظ مع بعض كل يوم سورة صغيره مثلا و ندخل نسمع
ايه رائيكم ؟؟؟


وكان فى فكره كمان اتعملت قبل كده فى تجمع

انا نعمل خاتمه قراءن فى يوم بنيه ان ربنا يرزق كل مشتاقه يارب
و ان ربنا يكمل للحوامل على خير
وان ربنا يرزق نور علشان هى اللى على وش ولاده بساعه سهله ان شاء الله

يعنى نقسم 30 جزء قراءن علينا كلنا
ونحدد كل واحد هيقرا الجزء او الجزءين اللى يتحدد له
و نعمل جدول
كل واحده واسمها و الجزء اللى هتقرائه

ونحدد يوم كلنا نقرا فيه و بالنيه اللى اتفقنا عليها
وبكده نكون ختمنا القراءن فى يوم واحد
وربنا يتقبل يارب
ايه رائيكم ؟؟؟؟؟؟؟؟؟؟؟؟؟

مدام كسوله هانم :worn_out::worn_out::worn_out::worn_out:


متقلقيش يا ميجو
كلنا بنتفضح قدام الدكاتره

دى دكتوره اميمه كانت سالتنا شويه اسئله لوووووووووووز
وشى كان بيجيب الوان :o:o:o:o:o

ما علينا سيبك من الفضايح ام حناجل دى
الحمد لله انك مطمئنه و مرتاحه للدكتور ده
ربنا يجعله سبب فى رزقكم ان شاء الله بالذريه الصالحه قولى يااااارب

و ايوه كده خليكم مؤدبيييييييين ;);););)

تحبى اجى اقعد معاكم علشان اضمن ان الامن مستتب :D:D:D:D:D

كمللللللللللى طبعااا:thumbs_up::thumbs_up::thumbs_up:

حرام عليكى ده انتى طلعتى فى الراجل القطط الفطسانه يا شيخه

هو انتى مكنتيش عايزه تتجوزى و لا كان ليكى مواصفات معينه فى فتى الاحلام :adore::adore::adore:

وعلى فكره انا كمان بابا برضو كده
كان بيقول انى مقرى فتحتى
ومكنش عايزنى اتجوز:D:D:D:D

الف سلامه عليكى يا ياسمينه
شافاكى الله وعافاكى ياااااارب

وان شاء الله خير يا حبيبتى

ومنمن كانت دخلت النهارده بس بدرى
اكيد مشغوله مع جوزى

وحاضر يا حبيبتى هحكيلك حكايتى حاضر

وبعدين على فكره يا ميجو
انتى اتفضحتنى هنا و عند الدكتورر :D:D:D:D واى خدمه

:thumbs_up::thumbs_up::thumbs_up::thumbs_up:
ما انا قلتلك يا ميجو
لو عايزه اجى اقعد معاكم زياده حرص و امااااااااااااان;);)

حرام عليكى
يعنى كنتى هتجوعى الراجل كمان و معملتيش اكل

عرايس اخر زمان

وبعدين هو الراجل كان لازم يدمع علشان تحبيبببببببببببببببه;);););)

طب وجوزك قالك ايه لما عرف انك مكنتيش عيزاه فى الاول كده


ايوه استفيدى بقى بالاراء
و خدى عبره و فايده من فضيحه ميجو عند الدكتور مممممممممم اقصد زياره ميجو لدكتور ;););)

انا موافقة طبعا على ختمة القران
انا عندى سؤال محرج شويتين يا ريت حد منكم يتطوع و يجاوبنى عليه حتى لو على الخاص هو الدكاترة دول بيسالوكم على ايه:o اصل انا لما رحت للدكتور مسالنيش على حاجة خالص غير اسئلة اصلا ملهاش علاقة بالموضوع و زمااان لما رحت لدكتور فى الاول خالص برضه كانت نفس الاسئلة سال بس على معدل العلاقة كل اد ايه مفيش اكتر من كده

انا هروح اقرا القصة بتاعة هدى و ارجع

هههههههههههههه استحميت وبقت ريحتي حلوة يا هدى :lol:

بس حاسة الماية والليمون ممكن تقلب بطني , الفطار كله على بعضه بيقلب بطني , بس مضطرة افطر عشان جسمي يحرق

اللي قالقني ان نظام اكلي كل اسبوع ثابت و مش عارفة جسمي هيخس كده ولا ايه, يعني كل اسبوع نفس الفطار البيضة المسلوقة والشاي الاخضر ونفس الغدا اللي مفيهوش لا رز ولا مكرونة

جوزي مديني فرصة لاخر الشهر وبعدها قالي مفيش ريجيم تاني , يارب اخس كتير , مش عارفة عايزني كلبوظة ليه؟ :)

اما اروح افطر بئة واشرب الشاي

مي شايفكي تحت , صباح الفل , ايه اللي مصحيكي بدري؟

مانيا

انتي ظروفك كانت صعبة زيي انا برده اهلي كانو بره وبابا اضطر ينزل اجازة يكتب كتابي ويرجع تاني وماما مكنتش موجودة لانها تعبانة ومتقدرش على بهدلة السفر , وكان لازم اكتبه قبلها عشان نحجز رحلة شهر العسل ونأجر شقة الزوجية اللي قاعدة فيها دلوقتي

دوعة

انا مليش خالص في حكاية فورمات الشعر دي, مع ان جوزي بيقولي فكي الكحكة بئة بس انا متمسكة بيها وكمان الجو برد ومليش نفي اعمل نيو لوك , وحاجة مهمة كمان ان بستحمى كتير يعني مش هلحق اتهني بكوي شعري , ومحدش يسألني بستحمى كتير ليه :o:o

ياااه يا هدى دى قصتك صعبة طويلة اوووى على فكرة انا حكايتى فيها شبه شويه منك هعمل شويه شغل كده و اجى احكيلكم لانه موضوووع طويل

د\امونة;14242347:
مانيا

انتي ظروفك كانت صعبة زيي انا برده اهلي كانو بره وبابا اضطر ينزل اجازة يكتب كتابي ويرجع تاني وماما مكنتش موجودة لانها تعبانة ومتقدرش على بهدلة السفر , وكان لازم اكتبه قبلها عشان نحجز رحلة شهر العسل ونأجر شقة الزوجية اللي قاعدة فيها دلوقتي

دوعة

انا مليش خالص في حكاية فورمات الشعر دي, مع ان جوزي بيقولي فكي الكحكة بئة بس انا متمسكة بيها وكمان الجو برد ومليش نفي اعمل نيو لوك , وحاجة مهمة كمان ان بستحمى كتير يعني مش هلحق اتهني بكوي شعري , ومحدش يسألني بستحمى كتير ليه :o:o

صباح الفل يا قمر انا بقى هسالك ليه ليه هه :o؟

كان هناك صياد سمك، وكان
يصيد في اليوم سمكة فتبقى في بيته ما شاء الله أن تبقى

حتى إذا انتهت ذهب إلى الشاطيء ليصطاد سمكة أخرى

في ذات يوم

وبينما كانت زوجة الصياد تقطع ما اصطاده زوجها

إذا بها ترى أمراً عجباً

رأت في بطن تلك السمكة لؤلؤة

تعجبت

لؤلؤة .. في بطن سمكة ..؟؟

سبحان الله

زوجي .. زوجي .. أنظر ماذا وجدت

ماذا

إنها لؤلؤة

لؤلؤة !! لؤلؤة في بطن سمكة

يا لك من زوجة رائعة .. أحضريها .. لعلنا نقتات
بها يومنا هذا .. ونأكل شيئا غير السمك

أخذ الصياد اللؤلؤة

وذهب بها إلى بائع اللؤلؤ الذي يسكن في المنزل المجاور

نظر إليها جاره التاجر

لكنني لا أستطيع شراءها ! ااااااااه .. إنها لا تقدر بثمن ..

لو بعت دكاني وبيتي ما أحضرت لك ثمنها

لكن اذهب إلى شيخ الباعة في المدينة المجاورة

لعله يستطيع أن يشتريها منك

أخذ صاحبنا لؤلؤته .. وذهب بها إلى البائع الكبير
.. في المدينة المجاورة

وعرض عليه القصة

الله .. والله يا أخي .. إن ما تملكه لا يقدر بثمن

لكني وجدت لك حلا .. اذهب إلى والي المدينة

فهو القادر على شراء مثل هذه اللؤلؤة

[FONT=Times New Roman][COLOR=#ff007f]

وعند باب قصر الوالي

وقف صاحبنا ومعه كنزه الثمين .. ينتظر الإذن له بالدخول

الله .. إن مثل هذه اللآليء هو ما أبحث عنه .. لا أعرف
كيف أقدر لك ثمنها

لكني سأسمح لك بدخول خزنتي الخاصة

ستبقى فيها ست ساعات خذ منها ما تشاء وهذا هو ثمن اللؤلؤة

سيدي لعلك تجعلها ساعتان فست ساعات كثيرة على صياد مثلي

لا بل ست ساعات كاملة لتأخذ من الخزنة ما تشاء

دخل صاحبنا خزنة الوالي .. وإذا به يرى منظراً مهولاً

غرفة كبيرة جداً .. مقسمة إلى ثلاثة أقسام

قسم مليء بالجواهر والذهب واللآليء

وقسم به فراش وثير .. لو نظر إليه نظرة نام من الراحة

وقسم به جميع ما يشتهي من الأكل والشرب

الصياد محدثاً نفسه

ست ساعات ؟؟

إنها كثيرة جداً على صياد بسيط الحال مثلي ؟؟

ماذا سأفعل في ست ساعات

حسناً .. سأبدأ بالطعام الموجود في القسم الثالث

سآكل حتى املأ بطني

حتى أستزيد بالطاقة التي تمكنني من جمع أكبر قدر من الذهب

ذهب صاحبنا إلى القسم الثالث

وقضى ساعتين من الوقت يأكل ويأكل حتى إذا انتهى
ذهب إلى القسم الأول

وفي طريقه رأى ذلك الفراش الوثير .. فحدث نفسه

الآن أكلت حتى شبعت

فمالي لا أستزيد بالنوم الذي يمنحني الطاقة التي تمكنني
من جمع أكبر قدر ممكن

هي فرصة لن تتكرر .. فأي غباء يجعلني أضيعها

ذهب الصياد إلى الفراش .. استلقى .. وغط في نوم عميق

وبعد برهة من الزمن

قم .. قم أيها الصياد الأحمق .. لقد انتهت المهلة

هاه .. ماذا ؟؟

نعم .. هيا إلى الخارج

أرجوكم .. ما أخذت الفرصة الكافية

هاه هاه ست ساعات وأنت في هذه الخزنة ..
والآن أفقت من غفلتك

تريد الإستزادة من الجواهر .. ؟؟

أما كان لك أن تشتغل بجمع كل هذه الجواهر

حتى تخرج إلى الخارج .. فتشتري لك أفضل الطعام وأجوده

وتصنع لك أروع الفرش وأنعمها

لكنك أحمق غافل

لا تفكر إلا في المحيط الذي أنت فيه .. خذوه إلى الخارج

لا .. لا .. أرجوكم .. أرجوكم ..

لاااااااااااااا ااااااااااااااا اااااااااااااا

انت شو رايك فيه

انت لو مكانه شو بتعمل اسأل نفسك وفكر شو
رح تعمل اذا كنت محله

انتهت قصتنا

لكن العبرة لم تنتهي

أرأيتم تلك الجوهرة

هي روحك
إنها كنز لا يقدر بثمن .. لكنك لا تعرف قدر ذلك الكنز

أرأيت تلك الخزنة ..؟؟

إنها الدنيا

أنظر إلى عظمتها

وانظر إلى استغلالنا لها

أما عن الجواهر

فهي الأعمال الصالحة

وأما عن الفراش الوثير

فهو الغفلة

وأما عن الطعام والشراب

فهي الشهوات

والآن .. أخي صياد السمك

أما آن لك أن تستيقظ من نومك .. وتترك الفراش الوثير

وتجمع الجواهر الموجودة بين يديك

قبل أن تنتهي تلك المدة الممنوحة لك ... وهي عمرك

فتتحسر وأنت تخرج من الدنيا
[/COLOR][/FONT]

د.ودعه;14237083:
ريري
التلقيح لازم العدد يمون اكتر من 5 مليون
بتنشطي عادي وتاخدي تفجير وبعده بيوم
جوزك بيدي عينه بتتغسل ويتعملها تقوية للحيامن ومغذيات وبعدين تتحقن جوه الرحم بقسطرة من غير تخدير
زي كشفالنسا
العدد لو اقل ممكن اطفال انابيب ده اللي بيحطو البويضات والحيامن في انبوبة ولما تتلقح يزرعو الاجنة
الحقن
حتي لو العدد صفر بياخدو خزعة من الخصية وياخدو منها ولو حيمن واحد ويحقنوه جو البويضة وبعد ما يتكون جنين
بيزرعوه
بس

أول مرة أعرف الفرق بينهم.. بس دا موضوع صعب أوي.. ربنا يكرمنا جميعا يا رب...

ريـري;14237090:
ياااااااااااارب الحقن ينفع ادعيلللللللللللللللللللللللي

يا رب الحقن ينفع معاكوا و تحملي و تجيبي أحلى بيبي.. يارب.. ادعي ربنا و صلي قضاء حاجة و ربنا مش حيخذلك.. ربنا يجبر بخاطرك يا رب..

ra_tamima;14237115:
[BACKGROUND="70 #666666"]ممكن اشترك معاكو
انا عجبانى اوى اللمه بتاعتكو
ياترى بقى فى خطوه المفروض اعملها ولا لا؟؟؟؟؟انا ان شاء الله بفكر اروح بكره للدكتور :([/BACKGROUND]

طبعا ممك اتفضلي.. عرفينا بنفسك يا قمر..
بصي أنا رأيي في الحالات دي.. أني ضد ان عروسة جديدة لسة ما مرش سنة على جوازها.. تروح تكشف و تقلق نفسها.. الا لو عارفة م الأول ان اكيد عندك مشاكل لعدم انتظام الدورة مثلا او انقطاعها او كدا.. لكن لو كله تمام و مفيش أعراض غريبة يبقى رأيي ما تروحيش.. و عيشي حياتك و استمتعي بحياتك الجديدة مع زوجك و افرحيو شيلي الموضوع من دماغك خالص..
و في الاخر الرأي و القرار ليكي طبعا و ربنا يرزقك م حيث لا تحتسبين يا رب..

ريـري;14237205:
اهلا بيكي ياقمر بس انتي لسه عروسة
اصبري شوية وبعدين روحي لدكتور انتي فاكرتيني بنفسي انا رحت لدكتور بعد 15 يوم من جوزي ههههههههههههه والدكتور طردني ههههههههههههههه

ههههههههههههههههههههه دا أقل واجب يعني الدكتور عمله معاكي... :lol:

د.ودعه;14237239:
كنت خايفة يا امونة
وبابا بطل يتكلم معايا
اللي هو عاجبه الراجل بس ظروفه سيئة وانا متعلقتش بيه للدرجة اللي تخليني اكبر
وكان بيقولي انه مش عاجبه وحيفركش اجي قالعة الدبلة فيضحك مكنتش فاهماه خالص
وكان بيقولي لو معملش اللي متفق عليه معاه حفركش
فخفت اكتر
وللاسف بابا توفي بعد الخطوبة بشهر واحد
بس هو كان قد كل كلامه الحمد لله وكأن بابا كان قدامه علطول وانا وهو بس اللي اخدنا كل قرارات حياتنا لا اهله ولا اهلي
وفعلا ده اكتر حد يناسبني في الدنيا دي
ربنا يباركلي فيه ويحفظه

ياااااااااااااااااااااااااه.. ايه يا بنتي التقل ده .. يجي جوزي يشوف بقى دا انا على كدا كنت حنينة خالص....ههههههههههههههههربنا يباركلكم في بعض يا قمر دايما..

د.ودعه;14237341:
ياسمين
الحمد لله ابويا كان اكتر واحد عارفني وحاسس بيا
بس الحكاية خلصت خلاص
قعدنا سنتين مخطوبين ونت وتليفونات وسهر ورسايل وبعدين نزل شهر اتجوزنا فيه وسافرت معاه
بس لما جه من السفر كنت اول مرة اشوفه بعينيا مكانش باقيله في ذهني ملامح
وكنا كاتبين الكتاب غيابي
ويوم ما جه منمتش ولا كلت ومرمية في السرير ومش قادرة اتنفس
ولما اتصل قال جاي
قوموني لبسوني وانا خايفة
وجه بره وعمو وماما واخواتي قابلوه علي الباب
قالهم مش داخل غير لما تيجي هنا
انا مش راضيه اطلع من الاودة وهو مش راضي يدخل من باب الشقة
وفي الاخر عمي زقه ودخله
وانا دخلتله الصالون وقلبي حيقف
وسلمت عليه بقلب جامد بقي
وقلتله
وحشتنيييييييييييييييييييييي
وكل الناس واقفين
وتوتة توتة خلصت الحدوتة

ربنا يرحم والدك يا رب.. و الحمد لله ان الموضوع تم على خير و ربنا يخليكوا لبعض و يسعدكم دايما...

د\امونة;14237670:
ميجو

انا فعلا محتارة في حكاية الجماع دي بس هعمل يوم ويوم وامري لله
وبعدين البنات اللي بتحمل من اول شهر , دول بيبقو في شهر العسل بيعملو كل يوم وساعات اكتر من مرة في اليوم وبيحملو !!!!!!!!!!!!! فعلا دي قدرة ربنا وبس مش شطارة مننا

فعلا قدرة ربنا و إرادته.. مش عارفة ليه مش قادرة أهضم حكاية اني أحدد الموضوع ده بأيام معينة.. أنا بسيبها كدا تيجي زي ما تيجي.. :D

magda 1;14237775:
انا قولت قبل كده يلا مش مهم نقول تاني ... انا زي طنط ميرااا بالظبط جواااااااز تقللللليدي بس احنا اصلا بابا و باباه قرايب بس من بعيد بس احنا مكناش نعرف تمورتي المهم هو جه هو ومامته و باباه و هما اصلا ‎كانوا موفقين عليا حتي من غير مايشفوني شوفتو الثقه بتاعتي المهم هم جهم و قاعدوا الكبار مع بعض وانا وهو قعدنا في البلكونه في الطراوه بقي ههههه المهم اتكلمنا كتيرررر بس انا مكنتش موافقه خالص بس كنت عادي قدامه بضحك عادي يعني مش ضربه بوزز ولا حاجه بس انا مقرره اني مش موافقه المهم مشيوا بقي و قعدنا انا وماما و بابا واخويا وعمي و كلهم فضلوا يقنعوا فيا لحد موافقت وخلاص بس بقي الاسبوع الي بعده كان قراية الفاتحه و بعدها بشهر الشبكه و بعدها بسنه فرحنا و الحمد لله بس خطوبتي مكنتش حلوه خالص كانت كلها خناق بس بعد الجواز بقي هناااااك فرق و الحمد لله عمري ما كنت اتخيل اني احب تامر كل الحب ده الحمد لله يارررب و فعلا الحب بيجي بعد الجواز و توته توته‎
‎

هو ايه حكاية التقل و الرفض في الأول بتاع البنات اليومين دول... هو كلكم كدا وللا ايه :lol:

أجمل ايام العمر;14238033:
اللي عايز يعرف انا عرفت جوزي ازاي يدخل هنا ‎http://forums.3roos.com/showthread.php?t=224617‎‏
انا كنت كاتباها زمان في موضوع اسمه ازاي عرفتي خطيبك اصلها كانت مأساوية قوي

أنا قريت قصتك.... فكرتيني بذكريات .. فيها تشابه كبيييييييييييييير اوي من قصتك...
الحمد لله ان ربنا رضاكم و جبر بخاطركم و جزاهم خير على صبركم و عوضكم..
أنا فعلا عندي فضول أعرف يا ترى معاملته معاكي اتغيرت ؟؟ و معاملة أهله ليكي دلوقتي ازاي؟؟ و حاسة ان الموضوع كان يستاهل الكفاح ده؟؟ و لو رجع بيكي الزمن حتعملوا كدا تاني؟؟
طبعا لو مش عايزة تجاوبي يا هدى عادي. و اتمنى اني مش بتطفل و لا أتدخل في أمورك.... أنا بس دي الأسئلة اللي خطرت في بالي بعد ما خلصت حكايتك... و كمان نبهتيني لنقط كانت علامة استفهام عندي.. فعلا سبحان الله ربنا مبيسبش حد لجأ إليه أبدا...
ربنا يسعدكم و يخليكم لبعض...

محبة_الرسول;14238092:
انا جييييييييييييييييت

ودعة
ماشى يا عم التقيييييييل

ما شاء الله ربنا يسعدكم يااارب ويرزقك الذرية الصاالحة


ميراااااااا
ايه الاخباااااااااااااار



انا بردو حكايتى تقليدية جدااا

جوزى يبقى صاحب جوز اختى هههههههههههههه

جوز اختى قالى عليه
وقال لجوزى على

وسبحان الله انا كنت مواافقة ع الموضوع جداااااااا ومرتاااحة اوووى من قبل ما اشوفه < واقعة البت > :D



وخلاص كده

تم الموضوع الحمد لله :)

الكروتة دي ما تنفعش...:thumbs_down::thumbs_down:
عايزة تفاصيل :rolleyes:

miramiro;14239193:
الحمد لله يا ماجده
اتصلت بالمعمل و ردوا عليا كنت خايفه يكون التليفون بايظ

والحمد لله والشكر لله

اللهم اوزعنى ان شاكر نعملتك التى انعمت على وعلى المؤمنين و المؤمنات
قالى ما شاء الله النتيجه كويسه

وماما هتجيبلى بقى بكره النتيجه من المعمل
و ابقى اتصل بدكتورة اميمه ان شاء الله

الحمد لله

اللهم لك الحمد كما ينبغي لجلال وجهك و عظيم سلطانك.. ربنا يكملك حملك على خير يا رب... :)

مع بدايات عام هجرى جديد نقول لكم










؟؟؟‎&#8203;&#8203; ‏&#8203;‏&#8203;‏&#8203;‏&#8203;&#8203;الفرق بين "سنة" و "عام"


(ولقد أرسلنا نوحا إلى قومه فلبث فيهم ألف سنة إلا خمسين عاما )


(سورة العنكبوت) آية 14


كان من الممكن أن يقول رب العزة : أنهم تسعمائة وخمسون سنه

فلماذا ألف سنه إلا خمسين عاما؟


أن لفظ سنه تطلق على الأيام الشديدة الصعبة عندما قال


( تزرعون سبع سنين)


سورة يوسف ايه47


ولفظ عام يطلق على الأيام السهلة أيام الرخاء والنعيم


قال تعالى

"ثم يأتي من بعد ذلك عام فيه يغاث الناس"

سورة يوسف أية 49

وبذلك يكون سيدنا نوح قد لبث ألف سنه شقاء إلا خمسين عاما


لذا من الأفضل أن نقول .


"كل عام وانتم بخير

ياسمينا انا هنا اهو بس مشغولة.. حاسة اني عملت اقتباس لمشاركتك و طارت...
حقوم اعمل الغدا بقى بدل ما ا عمالة اكلم نفسي هنا... و ابقى ارجعلكوا تاني ان شاءالله تكونوا .. حضرتوا..
ميرا انا معاكوا في الختمة ان شاءالله.. بس ما تخلوا متابعة القرآن الختمة في الجروب اللي انت عاملاه احسن؟؟؟؟ايه رأيك؟؟ بدل ما احنا هاجرنها كدا و خلي هنا للك و الرغي.. .بس لازم البنات يدخلوا هناك بانتظام بقى :)

هل أذن بلال بن رباح مؤذن الرسول صلى الله عليه وسلم بعد وفاة النبي عليه الصلاة والسلام ؟!؟!

لا ولكن مرة واحدة وهذه القصة
ذهب بلال إلى أبي بكر رضي الله عنه يقول له:
يا خليفة رسول الله، إني سمعت رسول الله صلى الله عليه وسلم- يقول:
أفضل عمل المؤمن الجهاد في سبيل الله قال له أبو بكر: (فما تشاء يا بلال؟) قال: أردت أن أرابط في سبيل الله حتى أموت
قال أبو بكر: (ومن يؤذن لنا ؟؟) قال بلال وعيناه تفيضان من الدمع: إني لا أؤذن لأحد بعد رسول الله قال أبو بكر: بل ابق وأذن لنا يا بلال

قال بلال:إن كنت قد أعتقتني لأكون لك فليكن ما تريد، وان كنت أعتقتني لله فدعني وما أعتقتني له قال أبو بكر: (بل أعتقتك لله يا بلال) فسافر إلى الشام حيث بقي مرابطا ومجاهدا

[FONT=Times New Roman][COLOR=#ff007f]

يقول عن نفسه: لم أطق أن أبقى في المدينة بعد وفاة الرسول صلى الله عليه وسلم
وكان إذا أراد أن يؤذن وجاء إلى: 'أشهد أن محمدًا رسول الله' تخنقه عَبْرته، فيبكي، فمضى إلى الشام وذهب مع المجاهدين
وبعد سنين رأى بلال النبي صلى الله عليه وسلم- في منامه وهو يقول:

ما هذه الجفوة يا بلال؟ ما آن لك أن تزورنا؟ فانتبه حزيناً، فركب إلى المدينة
فأتى قبر النبي صلى الله عليه وسلم- وجعل يبكي عنده ويتمرّغ عليه، فأقبل الحسن والحسين فجعل يقبلهما ويضمهما فقالا له: (نشتهي أن تؤذن في السحر

فعلا سطح المسجد فلمّا قال: (الله أكبر الله أكبر) ارتجّت المدينة فلمّا قال:
(أشهد أن لا آله إلا الله)زادت رجّتها فلمّا قال): (أشهد أن محمداً رسول الله)

خرج النساء من خدورهنّ، فما رؤي يومٌ أكثر باكياً وباكية من ذلك اليوم وعندما زار الشام أمير المؤمنين عمر-رضي الله عنه- توسل المسلمون إليه أن يحمل بلالا على أن يؤذن لهم صلاة واحدة، ودعا أمير المؤمنين بلالا، وقد حان وقت الصلاة ورجاه أن يؤذن لها، وصعد بلال وأذن فبكى الصحابة الذين كانوا أدركوا رسول الله -صلى الله عليه وسلم- وبلال يؤذن، بكوا كما لم يبكوا من قبل أبدا، وكان عمر أشدهم بكاءوعند وفاته تبكي زوجته بجواره، فيقول:
'لا تبكي غدًا نلقى الأحبة.. محمدا وصحبه

يارب[/COLOR][/FONT]

مانيا و ميرا : انا استفدت زيكم اني اتعلمت الصبر و اتعلمت الدعااااء و ساعات بقعد افكر اني لو كنت اتخطبت لجوزي من اول مرة يمكن مكناش كملنا مع بعض .. مش يمكن ده اكيد لاننا مختلفين في كللل حاجة بس عشان تعبنا عشان نكون مع بعض فاي حاجة بتهون .. جوزي اتغير كتير بعد الجواز و انا كمان اتغيرت هو مش تغيير على فكرة بس طبيعي انك لما تعيشي مع واحد بتشوفي حاجات كتير انتي مشوفتيهاش قبل كدة بس احنا اصلا مختلفين جدا في كل حاجة الضد تقريبا .. بس مع الحب كل واحد بيحاول يتنازل شوية عشان الدنيا تمشي .. اهل جوزي دلوقتي الحمد لله و الشكر لله بيموتوا فيا

شايلني فوق دماغهم شيل حماتي مش عارفة تعمللي ايه و لا ايه؟؟ و خصوصا بعد ما سميت بيللا على اسمها مع ان هم عندهم 10 احفاد غير بنتي لكن متعلقين بيها جدا .. بجد ما شاء الله الدعاء ده بجد سحر بس اهم حاجة ان الواحد يدعي و هو متاكد من الاجابة انا كانت صحبتي لما تشوفني بدعي تقوللي مستحيل بعد الفترة دي ترجعوا تاني اقولها هنرجع و هنرجع احسن من الاول كان عندي حسن ظن بالله و ما زال الحمد لله.. ماهو الصدفة المستحيلة اللي شبه الافلام الهندية دي مش معقول تحصل عشان في الاخر كل واحد يروح لحاله .. بس التجربة دي خلتني عنيدة جدا جدا جدا و بقيب اكره الفشل .. لما اتجوزت جوزي و حمايا كانت هديته لينا هاني مون روعة و اول ما رجعت من الهاني مون كنت متجوزة بقالي 20 يوم بس و عرفت اني حامل قلبي اتقبض قوووي و قلت لجوزي مش معقول كل الحاجات الحلوة دي تحصل مرة واحدة. . زي ما يكون قلبي كان حاسس بس ربنا اختبرنا بالحمل العنقودي

بس جوزي بقى بصراحة وقف جنبي جدا و فكرني بكل اللي مرينا بيه و ان ربنا كرمنا في الاخر و بقينا مع بعض و فعلا ربنا كرمنا اخر كرم و رزقنا ببيللا بعد صبر السنين .. عقبالكم كلكم يا رب .. اللهم لك الحمد كما ينبغي لجلال وجهك و عظيم سلطانك

فجر1975;14243304:

انا جيه فى بالى دلوقتى سؤال
لو خيرونا بين ازواجنا والطفل اللى بنتمناه
ياترى هانختار مين؟
وكفة مين اللى هاتبقى راجحه؟

انا هابدا بنفسى واقولكم
انهم لو خيرونى دلوقتى بين اطفال الدنيا وبين جوزى
هاختاره هو........لانه ببساطه هو ده الانسان اللى ربنا رزقنى بيه
وبينى وبينه عشره وحب وود ربنا وضعه بين اى اتنين بيتجوزوا على كتاب الله
وسنة رسوله (الموده والرحمه)
يبقى اكيد هاختاره هو
انما ابنى او بنتى دول لسه فى علم اغيب
والله اعلم هايبقوا سبب سعاده لى وليه ولا سبب شقى
هاتقولوا بس ده ضد الفطره....زفطرة الست اللى ربنا خلقنا بيها
بس لو ركزتوا شويه هاتلاقوا ان ربنا بيعوض كل واحده بشكل مختلف
انا عن نفسى ربنا قرب بينى وبين جوزى ووضع فى قلبى
السكينه والصبر والرضا.....اللى مش عند ناس كتير اوى
عندهم المال والبنون ومع ذلك مش راضيين
ومش هاكذب عليكم بحنلهم كتير اوى اوى اوى
بس لما ببص لجوزى لثوانى بحس انى شايفه فيه
كل اطفال الدنيا كلهم
الحمد لله على كل حال
وربنا يرزقنا جميعا عن قريب ان شاء الله


يلى بقى عاوزين تفاعل

أكيد جوزي طبعا لاني مقدرش أعيش من غيره....و مفيش أي حاجة في الدنيا ممكن تغننيني عه.. ربنا يخليه لية و يباركلي فيه يارب...

أجمل ايام العمر;14243444:
بس جوزي بقى بصراحة وقف جنبي جدا و فكرني بكل اللي مرينا بيه و ان ربنا كرمنا في الاخر و بقينا مع بعض و فعلا ربنا كرمنا اخر كرم و رزقنا ببيللا بعد صبر السنين .. عقبالكم كلكم يا رب .. اللهم لك الحمد كما ينبغي لجلال وجهك و عظيم سلطانك

ماشاءالله.. ربنا يباركلكم في بعض و تدوم المحبة بينكم دايما و يزيد الحب بينكم أكتر و أكتر..

أجمل ايام العمر;14243444:
بس جوزي بقى بصراحة وقف جنبي جدا و فكرني بكل اللي مرينا بيه و ان ربنا كرمنا في الاخر و بقينا مع بعض و فعلا ربنا كرمنا اخر كرم و رزقنا ببيللا بعد صبر السنين .. عقبالكم كلكم يا رب .. اللهم لك الحمد كما ينبغي لجلال وجهك و عظيم سلطانك

انا قريت القصه يا هدى وكنت هاقوم اتصل بيكى دلوقتى
عارفه انا افتكرت بردو حكايتى مع جوزى وقد ايه هو كان متمسك بيا وكان بيسعى عشان اوافق عليه
ورغم كل الألام اللى جوايا دلوقتى وزعلى منه حسيت انه حبيبى وبحبه وبموت فيه ربنا يخليه ليا ويهديهولى
هما مش اتغيرو بس ضغوط الحياه والفتن ربنا يعينا ويعينهم

خلو بالكو احنا كمان بنتغير
لو كل واحده تعامل جوزها زى ما كانت بتعامله قبل الخطوبة ايام ما كنا بنرسم عليهم يعنى ههههههههههه والله هيموتو فينا
لو نفذنا الكلام ده بنسبة 50 فى الميه هنبقى تمام جدا