شات منتظرات الحمل قريب بإذن الله (احلى بنات فى مصر )وامهات المستقبل القريب لشهر صفر

يا بنات .. عايزة أرغي معاكوا مش لاحقة..جوزي نزل و جاي علطول عشان نتفرج على الماتش ...
أخباركم ايه..
بالنسبة للدايت يا ريري.. فأنا وزني ما زال ثابت.. مش قادرة ما ألخبطش بصراحة بس باكل كميات قليلة و بننزل نتمشى شوية و بس.. و بحاول اعمل رياضة في البيت . .انا بقول لجوزي انا أحسن حاجة عشان أخس.. اني ماكلش خاااااالص.. لاني لو حاكل أكل مبحبوش.. مبستحملش كدا.. ياكل حاجة بحبها يا ماكلش خالص أحسن.. و معنديش مشكلة ..
ربنا يستر بقى و اخس شوية كمان..
معلش انا دايما اتلخبط بين الحقن و التلقيح.. ربنا يكرمك يا رب و يجبر بخاطرك يا قمر..
معلش انا مالحقتش أقرا الصفحات اللي فاتت..
سلام يا قمرات..

manyaa;14281682:
يا بنات .. عايزة أرغي معاكوا مش لاحقة..جوزي نزل و جاي علطول عشان نتفرج على الماتش ...
أخباركم ايه..
بالنسبة للدايت يا ريري.. فأنا وزني ما زال ثابت.. مش قادرة ما ألخبطش بصراحة بس باكل كميات قليلة و بننزل نتمشى شوية و بس.. و بحاول اعمل رياضة في البيت . .انا بقول لجوزي انا أحسن حاجة عشان أخس.. اني ماكلش خاااااالص.. لاني لو حاكل أكل مبحبوش.. مبستحملش كدا.. ياكل حاجة بحبها يا ماكلش خالص أحسن.. و معنديش مشكلة ..
ربنا يستر بقى و اخس شوية كمان..
معلش انا دايما اتلخبط بين الحقن و التلقيح.. ربنا يكرمك يا رب و يجبر بخاطرك يا قمر..
معلش انا مالحقتش أقرا الصفحات اللي فاتت..
سلام يا قمرات..

بصي يامنايا ياقمر بنسبة للدايت متحرميش نفسك كلي كل اللي بتحبيه بس بكميات وامشي كتر ورياضة ورقصي كمان بالبيت لما تكوني مع نفسك كده حتي لو ربع ساعة
ووزنك هيقل بس بلاش الحاجات اللي بالزيت والسمنه وكده حاولي اقللي

ريـري;14281721:
يابنات السيت هنج ولا ايه مش راضي يجيلي اخر صفحة

ايوة انا الموقع كان وقع عندى كله من شويه
ربنا يستر و ميقعش تانى عااااااااا

miramiro;14281756:
ايوة انا الموقع كان وقع عندى كله من شويه
ربنا يستر و ميقعش تانى عااااااااا

الحمدلله رجع ههههههههه بحسب انا اللي هنجت مش السيت

ام ساجد;14280693:
السلام عليكم ورحمة الله وبركاته
ازيك يا ودعه انا اول مره اتعرف عليكي

ازيك يا ام ساجد اهلا بيكي
ولو ان تجمعنا للي متاخرين في الحمل بعد الشر عنك وربنا يتمملك بخير
[QUOTE=miramiro;14280815]ريرى حبيبتى
هدى نفسك و عليكى بالدعاء و الصدقه
الله

ربنا يكفى جوزك شر اصدقاء السؤء يارب
وانتى حالى تشغلى دروس دينيه عن النظر الى الناس و الخيانه و عقاب ربنا كده كانك مش قاصده
علشان يسمع و الكلام الدينى يواجه وسوسه اصحابه المفسدين له دى يارب


لا يا ميرا انا جوزي ملتزم وبيخاف ربنا الحمد لله وعارف قوي انه كما تدين تدان وحاطط دي في دماغه جدا وهو بيحكيلي الحوارات دي بيقولي علي ردوده عليهم بس احيانا الزن علي الودان
فبيبقي جوايا شوية نار ونرفزة بيبقي نفسي ميكلمهمش

ربنا يزيد ايمانه يا ودعه يارب ان شاء الله

وربنا يبعده عنهم يارب

و ربنا يكفيكم شر الناس اللى زى دة
اعوذ بالله مش عارفه ايه البجاحه دى
مش كفايه البلاوى اللى بيعملوها يداروا بقى لا وكمان بيتمنظروا
حسابهم عند ربنا عسير الناس دى بجد

يارب يا ميرا
ربنا يبعد عننا كلنا الصحبة السوء وخرابين البيوت
يارب

ريري
المنظار الرحمي اغلبية الدكاتره بيعملوه علشان يطمنوا ان الرحم كويس مفبهوش اي زوايد ويشوفوا احسن مكان يحطوا فيها الاجنه حتب او الست كويسه ديه خذوه اطمائننيه
نيجي بفا للخطوات الحقن بياخد دورتين اول دوره بتاخدي حبوب منع الحمل من خامس يوم وفي اليوم السابع عشر بتابتدي الابر اللي تحت ااجلد اللوكرين وبتستمري عليها لغاية السحب وديه علشان تثبيط المبايض وبعدين لما الدوره تيجي التانيه تبتدي من تاني يوم التنشيط وده الدكتور بيحددنوع الابر وكميته وبتابعي يوم ويوم والسحب بيكون في الغالب علي اليوم ال١٤وقبليها بيوم او يوم ونص بتاخدي ابرة التفجير وبوم السحب بيتم بتخدير كامل بس يادوب نص ساعه وجوزك بعد ما تخرجي من السحب بياخده منه العينه وبعديها بتلات او خمس ايام بيتم الترجيع وده مفيهوش الم ولاحاجه يادوب عشر دقليق
الراحه بقا في دكاتره بيقولوا الاسبوعين كلهم راجه وفيه يقول يومين تلاته راحه وانزلي شغلك وفيه يقولك مارسي حياتك ذبيعي انزلي ةروحي وتعالي
بس انا بقول بعد التعب بتاع الحقن ده كله الموضوع يستاهل اجازه علشان يبقي عملن اللي علي واخدت بكل الاسباب
وربنا يكرمك با قمر باذنه

ازيييييييييييييكم

ودعه و ياسمين ازيكم عاملين اييه و باقي البنات انتو فين يا عييييال وحشتوووووووووووووني

يا خبر ..انتوا لسة قاعدين :)
فجر.. أنا مابتنزلش من قبل ما اتجوز.. غير بأدوية.. و دا مش كويس طبعا لان ده معناه ان التبويض ضعيف... و أنا فعلا سمع انها بتبقى دورة صناعية.. لما رحت لدكتورة قبل الجواز قالتلي مش محتاجين ننزلها دلوقتي... لما أتجوز ابقى اخد دوفاستون عشان انشط بعد كدا..
لكن مش بتعالج.....بس أعتقد البروجيلوتون و الديان بيعالجوا .. معرفش ودعة تفيدنا في الحكاية دي.. بس دول موانع حمل عشان كدا ما ينفعش ناخدها...
و بالتالي مستمرة ع الدوفاستون..

يا جماعه انا حصلتلي حاجه غريبه اووووي النهارده بعد الي هوم ورك هههههههههه لاقيت حاجه نزلت زي افرازات كده شفافه و فيها دم بسيط ان مش عارفه ده ايه معقول التهابات تااااااني ربنا يستر بس انا مش عندي ولا وجع و لا حرقان الحمد لله

ريـري;14268421:
ياسمين ياقمر كله تمام الحمدلله انا رحت وارتحت اوي لدكتور وربنا يسهل الاسبوع اللي جي هانجمد عينات لسائل المنوي

مرسي ياقمر علي الدعوة
حاله جوزي اولا عنده دوالي بس بنسبة بسيطة جدا والعدد قليل والحركة بسيطة مرة في التحليل وفي تحليل تاني مفيش حركة
التحليل اللي هنعمله هنشوف بقي ايه النظام

ربنا معاكي ياريري ويارب تفرحينا قريب انشاء الله

Dr.Flowers;14277906:
يعني ايه الحاجة زهرة؟

يعني تبقى جميلة وفِرعة لدرجة إن كل اللي يشوفك يحبك فوراً ويتهبل من جمالك يابنت المحظوظة .. من الآخر تبقى سوبر سوبريم وومن والأجر على الله



يعني ايه الحاجة زهرة؟

يعني تتجوزي مرة وإتنين وتلاتة وعشرين لو أمكن – هو الجواز حوروم؟ - فما أن تحصل أي مصيبة لزوجك حتى يأتي لك زوج جديد على الفور



يعني ايه الحاجة زهرة؟

يعني يتلهف الرجال على الزواج منك لهفة غير طبيعية .. تذكرني بلهفة الممسوك عليه ذلة



يعني ايه الحاجة زهرة؟

يعني كل ما جوزك يتبخر – يتسجن بقى يموت تجيله مصيبة تاخده مش مشكلتنا دلوقتي – يجيلك غيره هوا من غير ما يفكر ولو لثانية إنك ممكن تكوني نحس مثلا



يعني ايه الحاجة زهرة؟

يعني جوزك يموت محروق والعياذ بالله - مانتى نحس بقى - ويرجعلك تاني بعد كام حلقة صاخ سليم من غير خدشة واحدة ، كل الحكاية إنه فاقد الذاكرة بس .. بسيطة نبعت نشتريله واحدة جديدة



يعني ايه الحاجة زهرة؟

يعني كل ما تتجوزي راجل جديد يعدي مشهدين وتضحكي فى خباثة مصطنعة وتقوليله ( أنا حامل ) .. كلما سمعت هذه الكلمة على لسان الحاجة زهرة شعرت إننا فى أزهى عصور الخصوبة



يعني ايه الحاجة زهرة؟

يعني تسع شهور الحمل يعدوا هوا ، وهوب تدخلي المستشفى هوب تلزطي العيل من دول ، هوب يختفي العيل عن الشاشة فى محاولة واضحة وصريحة لتهميش الدور الدرامي المحوري للرضيع (المزلوط لتوه) .. ولا أدري كيف تسكت أم الرضيع الموهوب الحقيقية على تهميش دور رضيعها الدرامي بهذا الشكل؟




يعني ايه الحاجة زهرة؟

يعني تزلطي العيل من هنا وترجعي رفيعة وأمورة وحلوة وغندورة تاني مشهد على طول ، ويتكرر هذا النهج الميتافزيقي مع كل حمل وكل ولادة ، وبالرغم من إن الزوجة الطبيعية " تفيص تفيصاً تاماً " مع ولادة العيل الثالث إلا إن المخرج عايز كدة .. حد له شوق فى حاجة؟



يعني ايه الحاجة زهرة؟

يعني يبقى عندك 3 أولاد فى سن حديثة ولا يطرف لك رمش عليهم ولا ترضعي ده ولا تسكتي فى ده ولا تشأري على ده ، ناهيكي بقى عن البامبرز والتكريع والتهشيك والذى منه ، أولاد الحاجة زهرة إنفيزيبول أول ذا تيم



يعني ايه الحاجة زهرة؟

يعني تفضلي طول الوقت مصيفة ولابسة - أو مش لابسة - صيفي ، رغم إن كل عيل من العيال التلاتة بياخدله كدة حسبة 9 شهور عقبال مايشرف ، يعني يمر عليه أمطار ورياح وبرد وحر وخريف وربيع .. لكن يبدو إن الحاجة زهرة متمسكة بنظرية العجل فى بطن أمه



يعني ايه الحاجة زهرة؟

يعني بالصلاة ع النبي كدة يبقى عندك خمس أزواج حتة واحدة ، مع إن كل تترات المسلسل تؤكد إنهم أربعة بس .. لكن نقول ايه؟ ماهو معاها فى نفس الموسم مسلسل عايزة أتجوز ، يعني حقها تخمس فى وشنا يا جماعة برضه .. حقها ولا مش حقها؟ .. حقها يابو كمال ، حقها ياخويا



منقول من مدونة ( انسانة ) :D

ههههههههههههه حلوه بجد المسلسل ده رخم جدااااااااا جداااااااااا كنت كل اما اشوفه اتنرفز كانو عاملينو لغاده عبد الرازق تتدلع فيه :D:D

مش مصدقه اني خلصت قرايه كل ده رغي يابنات:|:|

samar2011;14282883:

ازيكم

وحشتوني جدا جدا النت كان مفصول عندي بقاله يومين

هقرا اللي فاتني واجلكم

يا اهلا يا اهلا ازيك يا سمورة

magda 1;14283271:
يا جماعه انا حصلتلي حاجه غريبه اووووي النهارده بعد الي هوم ورك هههههههههه لاقيت حاجه نزلت زي افرازات كده شفافه و فيها دم بسيط ان مش عارفه ده ايه معقول التهابات تااااااني ربنا يستر بس انا مش عندي ولا وجع و لا حرقان الحمد لله

مش عارفة يا ماجدة و الله بس انا اسمع سعات ان ايام التبويض ممكن يكون فيها نقطة دم كده و ان ده مؤشر كويس ان فى تبويض اظن بيبقى كده

RAINBOW2000;14283520:
يا اهلا يا اهلا ازيك يا سمورة

مش عارفة يا ماجدة و الله بس انا اسمع سعات ان ايام التبويض ممكن يكون فيها نقطة دم كده و ان ده مؤشر كويس ان فى تبويض اظن بيبقى كده

اهلا بيك يا مي ازيك اتي ياحبيبتي F:F:

ريـري;14281536:
ياسمين ياعسولة هو لازم عمليه المنظار الرحمي دي قبل السحب والمنشطات ولا مش لازم لو الزوجة مفهاش حاجة ولا لازم يعملوها زيادة تاكيد
وعايزة اعرف اول حاجة ايه في بداية الحقن اول المشوار لغاية لما ربنا يكرم ان شاء الله
والموضوع السحب والترجيع مؤلم يعني اقدر تاني يوم اروح شغلي ولا مقدرش

اظن يا ريرى ده حسب ظروف شغلك يعنى لو هو مجهود كبير و مشوار بعيد و مجهود جامد اظن هيبقى صعب بس لو مشوار بسيط و مجهود مش كبير ممكن تقعدى يومين تلاتة و تنزلى و الله اعلم يعنى

miramiro;14277349:
ريرى
طمنينى عملتى عليكى ياجميل اخبارك ايه؟

دندونه
ايه القصيده الجامده دى

حلوة اوى بجد ولما تسعيها كمان احلى اكتبى على اليوتيوب قصيدة جحا واسمعيها

Dr.Flowers;14277512:
:thumbs_up::thumbs_up::thumbs_up::thumbs_up::thumbs_up::thumbs_up:

:):):):):)

Dr.Flowers;14277906:
يعني ايه الحاجة زهرة؟

بجد غادة عبد الرازق دى شخصية تيييييييييييييييييييت جدا ودمها سم مغلى ههههههههه
غلسة اوى والله ودمها يلطش انا كنت فاكرة بس انا اللى بكرهها لوحدى

ra_tamima;14278378:
ازيكم يابنات

انا موقفه الهوم ورك زى ما اتفقنا من يومالاربع لحد الحد مع انه مخنوق منى اوى وشكله كده هايغير رايه
بيقولى احنا متفقناش على 4 ايام هههههههههههههههههه
ربنا يسهل بقى ويوم الاتنين الدكتور يطمنا
ياااااااااااااااااااااااااااااارب

هههههههههههههه ربنا يعينه بقى بس مش لازم تستنو ال4 ايام مشو حالكو;)

فجر1975;14279413:

بنات انا لى سؤال

هو ادويه اللى بتنزل الدوره ممكن تكون علاج عشان تنتظم
ولا ايه...........انا الدوره ماجاتش وعندى مغص
والدكتور كان كتبلى دوا عشان الشهر اللى فات بردوا ما نزلتش الا علامات
بس ما اخدتوش وقلت يمكن تنزل الشهر ده بس للاسف برده علامات
انا عاوزه اخده وجوزى مش راضى خايف جسمى يتعود عليه

اعمل اييييييييييه:confused:

مش عارفة يافجر بس لازم تشوفى هى ليه ملخبطة وتعالجى السبب وبالتالى هتتظبط لوحدها لكن ادوية علشان تنزلها كده مش حل فهمانى

manyaa;14279528:
يا ودعة و دينا و فلور و ياسمينا و كل البنات وحشتوني.. اوي... عاملين ايه..

أشوفكم على خير

وانتى وحشانى اوى يامنمن ياجميل

@ green apple @;14280091:
جمعه مباركة ان شاء الله

اهلا ياجرين ازيك ياقمر وجمعة مباركة علينا كلنا يارب

د.ودعه;14280636:
ييعنيبيحكوله علي صحباتهم والتليفونات واوجه التواصل وميضرش الحوارات واللي بعد الحوارات

:mad::-o ربنا يهديهم يارب ويبعدهم عنه

لحظةحب;14281493:
بنات اخباركم وحشتوني فيه كام صفحه فايتيني بس مش لاحقه اقرا انا اليوم بالبر الجو برد بس روعه هبات واروح يكره بالليل وركبت بنشي هتقوليلي بتقوليلنا ليه بسيطه بغيظكم هههههههههههه لا والله مبسوطه وقلت اخس اسلم عليكم غلي السريع ممكن بالليل ادخل اشوف مين سهران يلا باي لحسن بينادو علي علشان نشوي تعالوا اتفضلوا معانا

ههههههههههه ماشى يالواحظ بتغظينا
وماشى احنا بقى هنتفضل احدفى حتة كده :hysterical:انا فاتحة بقى اهو

manyaa;14282665:
يا خبر ..انتوا لسة قاعدين :)
فجر.. أنا مابتنزلش من قبل ما اتجوز.. غير بأدوية.. و دا مش كويس طبعا لان ده معناه ان التبويض ضعيف... و أنا فعلا سمع انها بتبقى دورة صناعية.. لما رحت لدكتورة قبل الجواز قالتلي مش محتاجين ننزلها دلوقتي... لما أتجوز ابقى اخد دوفاستون عشان انشط بعد كدا..
لكن مش بتعالج.....بس أعتقد البروجيلوتون و الديان بيعالجوا .. معرفش ودعة تفيدنا في الحكاية دي.. بس دول موانع حمل عشان كدا ما ينفعش ناخدها...
و بالتالي مستمرة ع الدوفاستون..

نفس الكلام يامانيا اللى قولته لفجر لازم تعرفى السبب وتعالجيه
طيب الدكتور ة قالت ايه السبب

samar2011;14283538:

كنت عايزه اسئل البنات اللي حملوا قبل كده هل موضوع انك تنامي شويه ورفع الرجل والكلام ده ليه لزمه ولا لا؟ ولو ليه لزمه المفروض بتفضل نايمه قد ايه وهل عملتو كده في الشهر اللي حصل في الحمل ولا لا؟ معلش اسئلتي كتير ورخمه

مش شرط والله بس يفضل انك تنامى حتى نص ساعة اقل حاجة

كده يا امونه تعترفى حتى من قبل اول قلم
اخس على الندالة

طيب اقرو دى كمان بقى
قصيدة اسمها 3 خرفان للشاعر هشام الجخ برضو بس جامدة جدااااااااااااااااااااا
امونه على فكرة البوكس واقف على باب المنتدى وهقول ان انتى اللى بتحرضينى هههههههههههه


‏هشام‏
القصيدة مقاطع بعضها بالفصحى والبعض بالعامية


تلات 3 خرفان
ودي حكاية وكان يا ما كان ..
ولا يحلالي اي كلام ..
الا بذكر النبي الهمام ..
عليه الصلاة والسلام

3 خرفان
ومعزاية
وشجراية
وبير بترول
وديب فجعان

3خرفان ما يتاكلوش في يوم واحد
ما يتهضموش

راح للخروف
اتخن خروف
قال يا خروف ؟؟؟
عيال اخوك متنعنعين ومتنغنغين
وانت هنا في اسوأ ظروف ؟؟
يادي الكسوف !!
راح الخروف
علشان خروف
ضرب الخروف
الديب حيسكت ؟؟؟؟؟؟؟؟؟؟؟
راح للخروف
تالت خروف
شفت الخروف ؟؟!!
ضرب الخروف
احميك انا
وابات معاك في الدار هنا
واديني بس انت مكان
راح الخروف
علشان خروف
إدّاه مكان

يوماً سنقراُ في الجريدةِ يا بلادي انّنا كنا خرافْ
سيجفُ هذا النفطُ فوقَ جلودِنا
ونودّعُ السبعَ السِمانَ ونلتقي ألفاً عِجَافْ
سيُدَوِّنَ التاريخُ اسماءَ الملوكِ العادلينَ
الصابرينَ
الساكتينَ
الكاتمينَ الصوتَ بينَ شعوبِهم .. مثلَ الزرافْ
سيحاكمُ التاريخُ حكامَ العروبةِ كلِّها
وسينزعُ الاظفارَ منهم في سبيلِ الاعترافْ
إني احبك يا بلادي مرغما
واقول شعرا يا بلادي مرغما
والشعر إن مسَّ السياسةَ يستحيلُ مصائبا
والشعر إن مسَّ الصعيديينَ مثلي
يستحيل كحدِّ سيفٍ لا يخافْ
انا لا اخافْ

من كام سنة بِنْهِشّ بإدينا الفيران؟؟؟
ونقول ما ندَّخلش في امور الجيران !!!
من كام راسمين رجولتنا ادب
ناقشين إدينا نقش حنة
وقلنا سنة
ورمينا من إيدنا سلاحنا وقلنا هدنة
وبلدنا بِكْر بتُغتصب
يِعلاَ صوتها غصب عنها نِتْهِمْهَا بالشَغَب !!
يا بلاد ماليها الاَّ العجب
يا ( معرَّمين ) شعر وادب
هي الرجولة تتوزن وقت الغضب غير بالغضب ؟؟؟
هو اللي متَاخد غَصَب مش برضه يتاخد غصَب ؟؟
يا بلاد ماليها الا العجب
يا ( معرمين ) شعر وادب
الوزن هو اللي اختلف ولا الميزان اللي اتقلب ؟

من كام سنة بنسأل "بهية" مين قتل
واحنا اللي قاتلينه بإدينا !!
مدِّينا إيدنا للغريب وف بعض عضِّينا وعَادِينا
مين اللي ظالم في الحكاية .. ومين جبان ؟
مانلومش ع الديب اللي خان
احنا اللي خرفان بالوراثة
الصبر وارثينه وراثة
والطاعة وارثينها وراثة
والـــ ... وارثينه وراثة
وحاجات كتيرة مش وراثة
احنا خدناها وراثة

انا كل ما اتذكر نحية العلم يسرح خيالي
كان صوتي لسه عيالي .. بس عالي
كنت احسّ اني بهزّ المدرسة
كان العلم من فرحته يرقص على الساري شايله
طب كنتو ليه بتعلمونا نحفظ البرّ وجمايله
طب كنتو ليه بتعلمونا نكره الظلم وعمايله
لمّـا انتو ناويين تسجنونا في ارضنا
كان ايه لزوم العلم .. وهمومه .. ورزايله
طب كنتو سبتونا بهايم كنا نِمْنَــا مرتاحين
ازاي ابيع ارضي وعارف ان جسمي اصله طين
طب كنتو علمتونا مثلا اننا من اصل تركي
او اوروبي
ان جسمنا اصله حلاوة او مِلَبَّس
اشمعنى طين ؟؟؟
طب ولما الطين يروح .. ايه اللي فاضل ؟؟
ولمين نغني ونفدِي روح ؟؟ ولمين نناضل ؟؟؟؟
ولمين اعود واشتاق واحب واغير واكافح ؟؟
ولمين اغني واقول ( بحبك يا بلد) والحب طافح ؟؟

لاموا عليَّا الناس
عايزيني اقول اشعار في "محمد الدرة"
مش قايل !!!
ما انا لما قلت زمان يا بلادي يا ( رحبة )
قالوا ده واد سافل !!
واللي اتلَوِتْ مني واللي اتقَمَص مِنِّي
ونزلت عنيهم م الخجل في الارض
وبَهْدَلُوني وحَدَّفوني لبعض
وقالوا برضك عيب .. القاعة فيها بنات !!!!
طب يعني وفلسطين مش برضه فيها بنات ؟؟
والله دي فلسطين نسوانها رجالة
هما اللي عمَّالة واحنا اللي قوَّالة
عندينا تِبْقَى الست وَلَدها طول الباب وتخاف يروح مشوار
وهناك حريم من غَضَب
شايفين عيالهم دهب
وعشان ما يلمع زيادة لازم يدوق النار
وتقولوا اقول اشعار !!!!!!!!!
مش قايل

هما 3 كلمات
نعم .. اكيد .. طبعا ..
وطول ما فيه جُبَنَا .. فرعون بيتفَرْعَن
والشعر اصله جبان
اللي يقوله جبان
واللي يعيده جبان
قولنا بلاش نكتب والحرب اولى بْنا
قالوا حرام والنبي خلُّولْنا اولادنا
خايفين على ولادهم م الجنة ونعيمها
شوفتوش خيابة و همّ
الاسم رجالة والاسم عندنا دم
دي ام موسى ( المرة )
خافت على ولدها .. رمته في قلب اليم
واحنا ( بنتسولق ) وبنتشوي قرارات
تطلع قراراتنا صورة جماعية على صفحة الجُرنان
يا ما اشجع الفرسان
وتقولوا اقول اشعار .. مش قايل


همست في وِدْني ( بَحِبَّك ) ..
كان جسمها مفرود والخمرة عامياني
وبياض إديها كان بيزعق لما تعدل شعرها
الواد بيعرج م الرصاصة اللي في رِجْلُه
شدِّت حزام الروب
وبانت زي شيء معرفش شعري يوصفه..
كانوا العساكر قربوا
والواد متبت ع الحجارة اللي ف إديه
مدّت إديها وقَّفِت كل الساعات
صوت الكاسيت نبَّهني اني ف شقتي
كانوا العساكر قربوا
بيقربوا بيقربوا
والواد متَبِّت ع الحجارة اللي ف إديه
وَقَعِت قزازة البيرة من إيدي على طرف السرير
الواد صرخ في مخبأه
فاتلفتت قلقانة خايفة لاتجرح
جريت على الصوت العساكر
وابتدى صوت الرصاص يملا الجبل
دوَّرت عندي في الدولاب على حاجة تنفع لجل تِتْحَزَّم لي بيها
ما التقيت غير شال اخويا اللي اتقتل تحت الجبل
كان برضه يعرج لما يمشي من الرصاصة اللي في رجله
وكان متبت ع الحجارة اللي ف اديه
مين اللي خانك يا وطن ؟؟؟؟؟؟؟؟؟؟؟؟؟؟؟؟؟؟؟؟ ؟
قلعت حَلَقْها لما عَوَّرني ف رقبتي
وحطته جنب السرير
نامت على الارض العساكر لجل تسمع دَبِّة الواد اللي لسة مستخبي
اتكسف صخر الجبل من وقفته
هيَّج رماله ع العساكر
سامحيني يا وحدك
مقدرش اعيش هارب
انعس في حضنك كيف
والرملة في الصحرا واقفة وبتحارب


أعطوني عاما تقريبا لأجيدَ اللغةَ العبريةْ ..
فالجاري في وطني هذا ..
أخجلني صدقا أن أكتبَ شعرا باللغةِ العربيةْ .