شات منتظرات الحمل قريب بإذن الله (احلى بنات فى مصر )وامهات المستقبل القريب لشهر صفر

أنا جيت تاني.. حد هنا..!!!!!!!!!!!!

انا هنا .. جيييت

manyaa;14242746:
طبعا ممك اتفضلي.. عرفينا بنفسك يا قمر..
بصي أنا رأيي في الحالات دي.. أني ضد ان عروسة جديدة لسة ما مرش سنة على جوازها.. تروح تكشف و تقلق نفسها.. الا لو عارفة م الأول ان اكيد عندك مشاكل لعدم انتظام الدورة مثلا او انقطاعها او كدا.. لكن لو كله تمام و مفيش أعراض غريبة يبقى رأيي ما تروحيش.. و عيشي حياتك و استمتعي بحياتك الجديدة مع زوجك و افرحيو شيلي الموضوع من دماغك خالص..
و في الاخر الرأي و القرار ليكي طبعا و ربنا يرزقك م حيث لا تحتسبين يا رب..

الاحسن انها تكشف يا مانيا لان انا دورتي منتظمة بس لما عملت تحاليل لقيت عندي مشاكل


فعلا قدرة ربنا و إرادته.. مش عارفة ليه مش قادرة أهضم حكاية اني أحدد الموضوع ده بأيام معينة.. أنا بسيبها كدا تيجي زي ما تيجي.. :D

مينفعش لازم تركزي يا بنتي :lol:

هو ايه حكاية التقل و الرفض في الأول بتاع البنات اليومين دول... هو كلكم كدا وللا ايه :lol:

لالالالالالالالالالالالالالالا انا مش كده خالص انا كنت هموت على جوزي والله:adore::adore:

أنا قريت قصتك.... فكرتيني بذكريات .. فيها تشابه كبيييييييييييييير اوي من قصتك...
الحمد لله ان ربنا رضاكم و جبر بخاطركم و جزاهم خير على صبركم و عوضكم..
أنا فعلا عندي فضول أعرف يا ترى معاملته معاكي اتغيرت ؟؟ و معاملة أهله ليكي دلوقتي ازاي؟؟ و حاسة ان الموضوع كان يستاهل الكفاح ده؟؟ و لو رجع بيكي الزمن حتعملوا كدا تاني؟؟
طبعا لو مش عايزة تجاوبي يا هدى عادي. و اتمنى اني مش بتطفل و لا أتدخل في أمورك.... أنا بس دي الأسئلة اللي خطرت في بالي بعد ما خلصت حكايتك... و كمان نبهتيني لنقط كانت علامة استفهام عندي.. فعلا سبحان الله ربنا مبيسبش حد لجأ إليه أبدا...
ربنا يسعدكم و يخليكم لبعض...

انا برده عندي نفس الاسئلة يا هدى

:)

فجر1975;14243304:

انا جيه فى بالى دلوقتى سؤال

لو خيرونا بين ازواجنا والطفل اللى بنتمناه
ياترى هانختار مين؟
وكفة مين اللى هاتبقى راجحه؟

انا قلتها من فترة لما جوزي راح استدعاء الجيش قلت يارب رجعهولي بالسلامة ومش عايزة اطفال وكنت وقتها مستنية الدورة

طبعا جوزي اولا واخيرا وده اللي بقوله لنفسي كل لما اضعف واشتاق للاطفال , والنهارده كمان الاحساس دا زايد عندي اوي , ربنا ما يوريني في جوزي ولا اي حد حد بحبه اي حاجة وحشة ويجعل يومي قبلهم كلهم

توتو ورور

حلوة اوي القصص اللي كتبتيها هنا , ميرسي يا جميل

ام بيلا

ربنا يسعدك انتي وجوزك ويكفيكم شر عيون الناس ويحبب فيكي اهله علطول

قلبتوا علية الذكريات كلها يا ولاد الذين...

أمونة هي ايه المشاكل اللي طلعت عندك؟؟!!!

طيب احكي يا مانيا الذكريات دي , سمعنا سمعنا هههههههههههههه

ياسمين وميجو

كيفكن يا حلوين

مانيا

طلع عندي هرمون اللبن عالي مع ان مفيش افرازات في صدري و اخدت علاج بس محللتش تاني
طلع عندي كيس عالمبيض اليمين وتكيسات عالمبيض الشمال , الكيس بيصغر لكن التكيسات لسه موجوده

ازيكم يا حلوين .....؟

مانيا ماجده امونه
ازيكم يا قطاقيط ميس يو موووت

و ايه الرغي ده كله انا عيني وجعتني ..... و انتو فضحتتتتتتتتتتتتتووني رسمي ماااااشي كل واحده ليها يوم و علي فكره احنا كنا مؤدبين خالص اليومين الي فاتو يعني انا مظلومه ولسه بقي هروح للدكتور انهارده ادعولي بقي

ياسمينه ازيك انتي يا قمر و كيف حالك

ياسمينا

ازيك يا كتكوتة ميس يو توووووووووووووو F:

ميجو

خلاص يا ستي براءة ههههههههههههههه
طمنينا عليكي لما ترجعي من عند الدكتور

أنا اتعرفت على واحدة صاحبتي اوي... من الكلية...من واحنا في سنة أولى... و حضرت معاها قصة ارتباطها و خطوبتها في سنة تانية (زوجها الآن) المهم .... جوزي كان واحد من صحاب جوزها.. بس ما كانش يعرفني و انا كت أسمع عنه بس لكن ما شفتوش...و كمان كان ايامها مش بيفكر في الارتباط خالص و متعقد م البنات كلها بسبب تجربة فاشلة .. و م ساعتها من عايز يفكر في الموضوع أساأسا..و أنا أيامها كنت بفكر اني نفسي جوازي ما يكونش تقليدي... يكون عن اعجاب متبادل .. يعني واحد يحبني من بعيد لبعيد و اتفاجيء انه عايز يتجوزني (كان عبط بعيد عنك)..المهم مريت بقصص و حكايات و ذكريات فكرتني هدى بيها.. لانها متشابهة نوعا ما بس في اختلافات كتيرة بين القصتين...المهم.. بعد التجربة دي اتغيرت كتير من جوايا .. و تفكيري اختلف و حسيت اني تفكيري كان غلط.. و ان الصح ههو جواز التقليدي.. اللي الناس بتسميه صالونات.. و انا مش بيعجبني الاسم ده .. لكن حبيت الجواز بالطريقة دي اوي... طبعا انا زوجي زميل من نفس المهنة و كنا في النقابة لينا نشاطات و كدا و كنا بنطلع رحلات بس رحلات ملتزمة يعني البنات مع بعض و الولاد مع بعض.. :) فماكانش فيه اي اختلاط و لا عمرنا اتكلمنا مع بعض... عارفين بعض شكلا بس و من بعيد..
المهم زي ما قلت تفكيري اتغير 180 درجة.. و بقيت أقابل العرسان اللي بيتقدمولي في البيت بس ما حصلش نصيب لاني ما كنتش لسة لقيت الانسان اللي اقتع بيه و اكمل حياتي معاه... لحد ما في يوم من الأيام .. كنت في الشغل و جوزي كان شغال في نفس المكان .. و كان في دكتور بيشرحلنا حاجات .. اليوم ده كان أول مرة أشوف جوزي من قريب .. و حسيت انه بيبصلي اوي و انه مش مركز مع الدكتور.. و انا كان عندي برد و مناخيري محمرة و حالتي حالة و لابسة جينز و كوتشي .. و انا مش بحط ميك اب أساسا.. خالص... المهم روحت اليوم ده لقيت صاحبتي (مراة صاحبه)بتكلمني و بتقولي انه عايز يتقدملي و عايز يتواصل معايا و كدا عشان لو انا موافقة مبدئيا يتصل ببابا و يكلمه... أنا كنت مترددة أوي... لاني حسيت اني لوحدي لان ماما و بابا في السعودية و قدامهم حوالي 6 شههور عشان ينزلوا الاجازة... و جوزي كان وقت ما كلمني ماكانش جاله سفر للسعودية لسة...
المهم قلتلها خلينا نتقابل مقابلة تعارف... و ماكانش فيه حد ممكن يجي معايا وقتها غير اختي.. رحنا قابلناه مع صاحبتي و جوزها.. بس كنت رايحة و انا قلقانة و حاسة ان الموضوع مش حيكو فيه نصيب بس قلت اعمل اللي علية و امشي في الموضوع... خرجت من المقابلة من غير ما ننطق مع بعض ولا كلمة.. بس خرجت مرتاحة .. بس كانت مشكلتي القلق من اتخاذ القرار و خايفة أفشل في اختياري او انكسر او انجرح بسبب الأهل...
طلبت مقابلة تانية و طبعا يوميا صاحبتي تكلمني تقولي العريس عايز يعرف رأيك المبدئي ايه.. و انا اقلها لسة شوية خلينا نتقابل تانني :)
رحت تاني مرة معايا أخويا و اتقابلنا في مكان عام .. اخويا و صاحبتي و جوزها قعدوا على طرابيزة جنبنا و سابونا نتكلم... المضحك في الموضوع اني كنت مجهزة أسئلة للحوار بينا لاني كنت مرتبكة و مش عارفة حتكلم معاه اقول ايه و انا اول مرة أكلمه... الأسئلة دي بقى كنت كاتباها في أجندة:) كان لما يقوم يحاسب وللا حاجة و للا يكلم صاحبه انتهز الفرصة و أقرالي سؤالين كدا من اللي نسيتهم.. و كنت راسمة على وشي بقى الوش الخشب.. و العقلانية الشديدة... و مش عايزة أفكر بقلبي خااااااااااااالص لاني كنت ابتديت أتعلق بيه و هو واضح جدا انه متعلق بية و ماخباش عني مشاعره... بس انا كنت خايفة لدرجة انه اخد فكرة عني اني ماعنديش قلب :)
المهم روحنا يومها اتناقشت مع اخويا و اختي (اللي شافوه لحد دلوقتي)و كانوا موافقين مبدئيا بس لانه لسة في بداية حياته كانوا مقلقين.. و انا ما كانش يهمني انه يكون معاه فلوس قد ما انه طموح و عايز يحسن مستواه مستقبلا).. فقلتلهم خذوهم فقراء يغنيهم الله من فضله... و اتمسكت برأيي بس كنت مازلت قلقانة لان القرار في ايدي الأول و بعدين بعد شهور بابا و ماما يشوفوه و انا بثق في رأيهم جداااااااااااااااااااااااااااااا و لو قالوا لأ مش حقاوح..
صاحبتي ما زالت بتكلمني و اننا طلبت مقابلة تالتة لاخواتي كلهم بقى ييجوا معايا :D احنا 5 ماشاءالله.. و هو جه مع اهله و اتقابلنا في مكان عام برده ... (طبعا هو كان ابتدى يتخنق مني هههههههههه عايز كلمة مبدئية بس حتى.. و انا لابسة وش خشب...بس اللي كانن مصبره ان صاحبتي قايلاله عني و عن صفاتي و اخلاقي و قلبي فكان متمسك بية.. و عرفت بعد كدا اه كان بقاله تقريبا 5 او 6 شهور بيشوفني و معجب بية بس متردد يكلمني في الموضوع عشان لسة ما كونش نفسه لحد يوم ما كلمني بقى)

ازيك يا سمر اخبارك ايه ؟

يا بنات انا عايزة اعرف ايه هيا خضرة المحشي عشان عايزة اجرب اعمله عشان مكسوفة من نفسي بصراحة وياريت لو واحدة فيكم استاذة محشي تقولي ازاي اسويه من غير الرز ما يطلع بره في محشي الكرنب

د\امونة;14245158:
مانيا

طلع عندي هرمون اللبن عالي مع ان مفيش افرازات في صدري و اخدت علاج بس محللتش تاني
طلع عندي كيس عالمبيض اليمين وتكيسات عالمبيض الشمال , الكيس بيصغر لكن التكيسات لسه موجوده

ياااه .. الف سلامة عليكي.. يارب الكيس ده يروح.. بصي التكيسات الدكتور قالي قبل كدا ما بتتعالجش لان علاجها هو الحمل... فالحل بيكو بالمنشطات و تضبيط الهرمونات.. بس انا اعرف واحدة كان عدها هرمو الحليب عالي و اخدت علاج لمدة سنة تقريبا و حملت علطول بعدها ماشاءالله و لسة والدة م كام يوم بس :) فأبشري يعني

magda 1;14245266:
ازيكم يا حلوين .....؟

ازيك يا مجودة..

لحظةحب;14245270:
مانيا ماجده امونه
ازيكم يا قطاقيط ميس يو موووت

ازيك يا ياسمينا يا قمر. عاملة ايه..

magda 1;14245327:
و ايه الرغي ده كله انا عيني وجعتني ..... و انتو فضحتتتتتتتتتتتتتووني رسمي ماااااشي كل واحده ليها يوم و علي فكره احنا كنا مؤدبين خالص اليومين الي فاتو يعني انا مظلومه ولسه بقي هروح للدكتور انهارده ادعولي بقي

ههههههههههههه ماشي يا عم البريء... ابقي طمنينا لما ترجعي من عند الدكتورة..

أكمل بكرة بقى عشان ايدي وجعتي.. و لسة حخلص شوية حاجات ورايا... :)

مانيا ضحكتيني اوي على حكاية الاسئلة اللي جهزتيها دي مسخرررررررررررررة هههههههههههههههه

عملتي زيي برده كنت دايما ابقى متردده وخايفة عشان بابا وماما مش معايا فكنت باخدها من قاصرها وارفض لقاء تاني

هنستنا باقي الحكاية بكرة يا جميل

السلام عليكم
وحشتونى اوى اوى
ازيكم عاملين ايه
طمنونى عليكم وقولو لى اخباركم واحده واحده