د\امونة;14332342:
يا اهلا بيكي يا سلمى و انا كمان متجوزة من 6 شهور وكان هرمون اللبن عندي عالي من شهرين وخدت دوا لمده يومين اتنيين بس ومحللتش تاني
بس انا رفضت اني ابدا تنشيط بالكلوميد لاني بصراحة مش مقتنعة بيه , خصوصا ان في بنات كتير هنا معانا استعملوه عالفاضي , وانا مش عايزة الخبط من دلوقتي في العلاج
انا في فترة التبويض دلوقتي ولو لا قدر الله جاتلي الدورة الشهر ده هعمل اشعة الصبغة الاول وبعدين هبقى افكر في الكلوميد بناء على نتيجة الاشعة
انتي عملتي اشعة الصبغة دي؟
ازيك يا مونه اخبارك ايه يا جميل
انا مش معاكى في فكره انك رافضه التنشيط و عايزة تعملي اشعه الصبغه جربي الاول تنشطى لو محصلش نصيب يبقي ساعتها نفكر في الخطوة اللي بعد كده و كمان حللي عشان تشوفي هرمون اللبن عندك نسبته بقت كويسه و لا لسه عاليه و عايزة علاج تانى
د\امونة;14330606:
بصي يا ميرا زعلك ونفسيتك الوحشة مش هيضرو حد غيرك , خليكي اذكى واكبر من المشاكل الصغيرة دي عشان اللي في بطنك اللي جه بمعجزة, اللي يتخانق يتخانق واللي يزعل مسيره يرضى وانتي في الاخر اللي هتطلعي خسرانه اعصابك وصحتك, واي حاجة مدايقاكي تعالي فشي غلك هنا معانا, وارمي حمولك على ربنا
خلي بالك من نفسك يا ميرا يا حبيبتي , واي كرب بيروح بذكر الله, الا بذكر الله تطمئن القلوب, والافرازات دي يا ميرا ممكن تكون بسبب المجهود , ريحي خالص ومتشيليش حاجات تقيلة ولا تمشي كتير , والاسبوع الجاي ان شاء الله الدكتورة تطمنك
البيتزا بئة الله يرحمها :) كان نفسي اوي تطلع حلوة عشان جوزي كان نفسه فيها بس خيرها في غيرها, انا بقيت نوارة وام نوارة وخاله نوارة وعيلة نواره كلها ههههههههههههههه:D
:thumbs_up::thumbs_up::thumbs_up::thumbs_up::thumbs_up::thumbs_up:
كلامك ميه ميه للبت ميرا
يا بنتي سيبك من الاكتئاب ده هو اه اكيد الهرمونات عامله شغل معاكي بس حاولى متسيبييش نفسك للاكتئاب ده و حاولى تخرجي تغيري جو عشان تطلعي من المود ده
البيتزا بقي الله يرحمها :'( و ان شاء الله المرة الجايه تطلع مظبوطه
على فكره انا بعملها بتطلع روعه و العيله كلها بتحلف بالبيتزا بتاعتى :D هبقي اكتبلك الطريقه
دينا حمدى;14332436:
ياقمرات ياحلوين
انا روحت البرج الحمد لله ولقيت ان التحاليل هتكون على اد الفلوس اللى معايا الحمد لله
هيه هيه هيه
وهروح الصبح بإذن الله اعملهم
دعواتكو ياحبايبى بقى
بس فى حاجة قلقانى الراجل اللى فى المعمل سال جوزى احنا ليه بنعمل كل التحاليل دى فجوزى قاله علشان اجهاض متكرر
فقاله الحاجات اللى ليها علاقة بالاجهاض هما 5 تحاليل بس والباقى حوالى 20 تحليل مالهومش دعوة بالجهاض
والراجل كنا صعبانين عليه اوى وكان هيعيط ههههههههههههه
انا قولت اكيد الدكتور عايز يعرف حاجة معينة ولا ايه انتو ايه رايكو؟
بس الدكتور عثمان كان فاكر ان احنا هنعملهم عنده وبعد ماعلم عليهم احمد قاله هنعملهم بره تبع النقابة فمش معقول هيشيل منهم لو فى حاجات زيادة مالهاش لازمة كان كاتبها علشان ياخد فلوس
صح؟
الحمد لله انك هتعملي لتحاليل شفتي قرج ربنا قريب ان شاء الله خير
و التحاليل يمكن يكون الدكتور عايز يعرف حاجه معينه و حتى لو مش كده اعمليهم برده كلهم مش هتخسري حاجه و اديكي بتعمل تشيك اب كامل تتطمنى فيه على نفسك ;)
ريـري;14334683:
ازيكوا يابنات عاملين ايه انا فاتني صفح كتير مش قادرة اقرها
عايزة اقولكوا عملنا ايه عند الدكتور
من كام يوم كده جوزي عمل تحليل لقي العدد 24 مليون والتشوهات 90% والحركة 5%
طبعا ده كان انجاز عشان اخر تحليل كان العدد مليون و800 الف والتشوهات 100% والحركة 0%
طبعا كان انجاز والحمدلله
والدكتور قال يعتبر العدد برضوا قليل شوية والتشوهات عاليه جدا المفروض تكون اقل من 40% والحركة بطيئة جدا المفروض تكون اعلي من 60%
وقال العينة دي اتجمدت خلاص وطلب مننا كمان عينتين او تلاتة عشان تجمد
وادله كرس علاج تاني 3 شهور عشان تزيد فرصة الحقن المجهري
وانا الحمدلله اطمنت شوية ان في امل وحبيت اطمنكوا
يااااااااااااااااااااااااااااارب يرزقنا كلنا بذرية الصالحة الله امين
الحمد لله ربنا يكرمك ان شاء الله و يرزفك بالذريه الصالحه