عصيدة اهل الشرقيه والخليج تختلف اختلاف كلي عن عصيدة اهل الجنوب وهي من الاطباق الشتويه
عصيدتنا بالسكر وعصيدتهم مالحه وكل وحدة لها نكهتها اللي تميزها
فيه ناس تحبها بالتمر وهي اكثر فائدة احنا نحبها بالسكر نكهتا الذ
انا بنات اسويها من غير مقادير بالبركه
اترككم مع الطريقه
معليش بنات نسيت اصور الخطوات الاولى ان شاء الله لما اسويها مرة ثانيه اضيفها للموضوع
اولا:نحمس الطحين فيه ناس تستخدم الابيض وناس بر انا اخلط النوعين حتى تطلع ريحته المميزة ويترك ليبرد
نحمر السكر ونضيف عليه كميه قليلة من الماء المغلي ويترك يغلي حتى يذوب السكر وبعدها نضيف عليه ماء بارد
عشان يبرد بسرعه (لازم يكون الماء والطحين باردين عشان مايكتل الطحين )
واللحين نخلط الطحين والشيرة (انا استخدم الخلاط )
على فكرة الطريقة التقليديه يكون الماء حار وتخلط وعلى النار بس يبيلها يد
بس تعرفون احنا في عصر السرعه والعولمة خخخخخ فانا اخلطهم بالخلاط الى ان يصير سائل نوعا ما
واضيف الدهن و الفلفل الاسود والهيل والزنجبيل واخلطهم
وهذا الدهن
واغطي الجدر بالقصدير واخليه على ناااار هااااااااااااديه
وبعدهاااا افتح القدر
واخلطها كويس واقدمها واقدم معها البيض المسلوق اختياري
بنات لاتفوتكم جيراني يقولون كانها حلوى ما شاء الله
