أرجووووووووووووك سساعديني

السلام عليكم ورحمة الله وبركاته شخبارك أختي؟

عندي مشكلة وأريد أحد يسمعني ويفهمني ويساعدني في حل مشكلتي وأتمنى أنك تساعديني

المشكلة:

اولا أنا عمري 15سنة

حبينا أنا وولد عم أمي بعض وهو عمره تقريبا18سنة

وطبعا كنا نراسل بعض ونكلم بعض

وصار على هالموضوع تقريبا 8أشهر

وطبعا ممكن تقولين اني بمرحلة مراهقة وان ما فيه شي يضمن أنه يحبني

فالبداية فكرت كذا بس أكتشفت أن هالإنسان غير وطبعا هو قال حق امه أنه يحبني ويريدني
وخواته وأخوانه وأصدقائه يعرفون

وأنا في يوم من الايام قررت اني أقول حق امي قصة حبنا

فخبرتها بكل شي وحتى الأسئلة اللي كانت تسألني عنهن كنت أجاوب عليهن بكل صراحة لما كنت جالسة معها انبسطت لأني حسيت نفسي أني أنا اللي راح أكون الأفضل عندها عن بقية أبنائها لأني دايما أصارحها قلت أقولها عشان أرتاح ونكون زي الصديقات


وطبعا من بين الاسئلة تراسلينه؟؟
تكلمينه؟؟

قلتلها ايوا أراسله وأكلمه بس مو دوم وهذا الصدج لان قليل

المهم عدا ذاك اليوم على خير وما قالت شي


وبعد كم شهر

جات الغرفة وقالتلي خلاص قوليله ماأريد أكلمك ولا أراسلك

؟؟!!!!

قلتلها ليش قالت بس كذا انا ما يعجبني


يعني قبل لما كنت قايلتلها الموضوع ما كانت معارضه وألحين بعد كم شهر وبعد هالفترة الطويلة عارضت أريد افهم شو السبب؟؟

مع أن الولد أبد ما عليه كلام ومحافظ على صلاته وقسم يسعى دوم للخير وما ف قلبه حقد لأي شخص

يمكن تقولين لانك تحبينه تقولين كذا بس ربي يشهد على قولي


والسبب طبعا ما الدراسة لاني بالدراسة ولله الحمد متفوقة وأحسن من أول لنه دايما يشجعني وأحسه كثير مهتم لي ولله احبه


ليش يريدون يبعدونا عن بعض؟

ويوم نسألهم عن الاسباب يقولون جواب يدل على الانانية:"نحن ما يعجبنا هالشي
"

طيب ممكن تقولين بعد أنهم يخافون على مصلحتنا!!!!!!!!!!!!!

ما فكروا أن نحن مراهقين ومحتاجين لأحد يسمعنا ويفهمنا ويهتم لنا

حتى من يوم قالتلي اتركيه تقولي كلام يجرحني يعني مثال لو حد من الاهل أتصل وكان ولد وأنا مارديت تقولي :"لو أحد ثاني كنتي بنكلمينه"

بس أنا صابرة وما اقول شي وأنا بطبيعتي خجولة وما أحب أتكلم مع الأولاد حتى تصدجين البنات قليل إذا كلمتهن من شدة خجلي حتى هذا الشخص والله قليل اكلمه يعني بين كل مكالمة ومكالمة يمرن شهور

ويوم قالتلي أنا ما خبرته ان أمي قالت لي كل ذاك الكلام قلت أخاف ياخذ فكرة مو زينه عنه

بس ياليت لو يفكرون بمشاعرنا مثل ما نهتم لأمرهم

المهم بعد فترة كانوا أهله جايين بيت جدي بس هو ما كان جاي وانا بعد مل كنت رايحه بس أمي راحت يمكن قالت بيجي وبشوفه وبعطيه المحاضرة اللي عطيتها بنتي المهم

بعد فترة من زيارة أهله لبيت جدي خبروه أن أمي كانت تبحث عنه كثير وكانت تقول وين هذا اللي اسمه......

طبعا انا ما كنت اعرف بس هو قال لي وقال لي يمكن هي معصبة مني لأني كلمت وراست بنته بدون علمهاط وكذا تناقشنا شوي وبعدين قال لي اته راح يجيي ليعتذر ويشوف شو راح تقوله نستمر أو لا


ومثل ما قلت لك اني ما خبرته عنها لما قالت لي خلاص أتركيه



والله صعبة علي بس من يفهمني؟؟
وأنا خايفه تقوله خلاص إنهوا


شسوي


وأخاف بعد ينساني

بليز ردي علي ضروري وبسرعة وإذا تقدرين ألحين بعد أرجوك ضروري