أد المسئولية ولاااااااااااااااااااااااا

ان شاء اللة هكون اول المشاركين
انا اتكتب كتابى وانا عندى 20 سنة واتجوزت 21 وخلفت اول بيبى ليا مالك حبيب قلبى 22 وفعلا فى الاول حسيت فعلا انى لسة صغيرة ولحد دلوقتى مش انى مش عارفة اتحمل المسئولية لا الحمد للة بس حاسة انى كان ممكن استنى شوية على جوازى وبالتالى على الحمل والولادة
ولما اجى ابص لابنى فى عنية بقول انى غلطانة جدا مكنش ممكن اقدر استحمل الدنيا دى من غيرة الحمد للة
وفعلا اللى مزود الموضوع دة ان كل الناس بدون استثناء كل مابمشى بمالك ابنى فى الشارع مايصدقوش انة ابنى اصلا وفية منهم سواء بالنظرات او الكلام مسغربين انتى ازاى خلفتى وانتى فى السن الصغير دة هو دة اللى بيخلينى اسأل نفسى هل فعلا انا كدة ولا لا وارجع ابص على ابنى انسى كل دة ولا كانة حصل
يلا ادخلى احكيلنا على حكايتك ومحدش ينسى يكتب اسم ابنة او بنتة عشان الموضوع ينور بأسمائهم

عمري 20

واحس عمري مناسب لزوج الحين

والله يرزق الجميع ^ـــ^

انا تزوجت وانا عمري16
وجبت اول ولد وانا عمري 19
الصراحه لاني ما حملت بسرعه
فعادي فرحت ولنه ولدي ما بدت شقاوته
الا لما بدى يمشي في هذي الفترة انهرت
الحين عمرة 3 سنوات ونفسي احمل
ادعو لي احمل
وموضوع حلو ولكي احلى تقيم

♥BنŌتĤ♥مĢنŎنĤ♥;14136791:
عمري 20

واحس عمري مناسب لزوج الحين

والله يرزق الجميع ^ـــ^

نورتينى ياجميل ربنا يسعدك مع زوجك ويرزقك بالذرية الصالحة عاجلا غير اجلا يارب العالمين

لوووووووودي;14137441:
انا تزوجت وانا عمري16
وجبت اول ولد وانا عمري 19
الصراحه لاني ما حملت بسرعه
فعادي فرحت ولنه ولدي ما بدت شقاوته
الا لما بدى يمشي في هذي الفترة انهرت
الحين عمرة 3 سنوات ونفسي احمل
ادعو لي احمل
وموضوع حلو ولكي احلى تقيم

لووووووودى شكلك عسولة ماشاء اللة ربنا يخليك ابنك يارب ويرزقك ببنوتة عسل زيك يارب عن قريب ان شاء اللة

انا اتخطبت و انا عمرى 20 سنة و كتبت كتابى و انا عندى 21 سنة
و دلوقتى انا عمرى 22 سنة ادعولى بقى اتجوز السنة دى .... و ميرسى اوى على الموضوع دة و انا فعلا شايفة ان موضوع السن دة مش محرج خالص و ان عادى ان الست تقول سنها الحقيقى مش شايفة انة عيب

Habiby walid;14138074:
انا اتخطبت و انا عمرى 20 سنة و كتبت كتابى و انا عندى 21 سنة
و دلوقتى انا عمرى 22 سنة ادعولى بقى اتجوز السنة دى .... و ميرسى اوى على الموضوع دة و انا فعلا شايفة ان موضوع السن دة مش محرج خالص و ان عادى ان الست تقول سنها الحقيقى مش شايفة انة عيب

منورانى ياجميل يارب تتجوزى السنة دى ويارب يكون قريب خلال شهر ولا حاجة اية رايك يارب ينولك كل اللى فى بالك
وفعلا موضوع السن دة حاجة مش محرجة بالعكس انا شيفاها حاجة الواحد يفتخر بيها لان كل ماالعمر زاد كل ما معرفتك فى الحياة زادت وفهمتى يعنى اية واقع
المهم انتى بنوتة عاقلة ربنا يجمعك بزوجك عن قريب فى الخير يارب

موضوع جميل ياقمر و شكلي الكبيرة في القعدة دي ههههههه أنا اتخطبت عندي ٢٥ سنة و ٣ شهور واتجوزت عندي ٢٦ سنة الا شهر هههههههه طلبت دقة اوي مش فاهمه ليه وووووو وربنا رزقني بأجمل آدم في الدنيا ربنا يحفظه يارب ويحفظ كل اولادنا وعمري ٢٧ سنة الا شهر بردو.. بصراحة حاسة انه لا بدري ولا متأخر حاسه ان ربنا رزقني بكل حاجة في أنسب وقت الحمدلله بس بجد كل ما أبص في عينيه أو يضحكلي أبقي مش عارفه حياتي كانت قبله شكلها ايه ربنا يخليه ليا..

~OM-ADAM~;14138430:
موضوع جميل ياقمر و شكلي الكبيرة في القعدة دي ههههههه أنا اتخطبت عندي ٢٥ سنة و ٣ شهور واتجوزت عندي ٢٦ سنة الا شهر هههههههه طلبت دقة اوي مش فاهمه ليه وووووو وربنا رزقني بأجمل آدم في الدنيا ربنا يحفظه يارب ويحفظ كل اولادنا وعمري ٢٧ سنة الا شهر بردو.. بصراحة حاسة انه لا بدري ولا متأخر حاسه ان ربنا رزقني بكل حاجة في أنسب وقت الحمدلله بس بجد كل ما أبص في عينيه أو يضحكلي أبقي مش عارفه حياتي كانت قبله شكلها ايه ربنا يخليه ليا..

ميرسى ياام آدم انتى ولا كبيرة ولا حاجة انتى عسل انا بجد جسمى اقشعر لما قريت الجملة الاخيرة فعلا هو دة الاحساس اللى بحسة مع مالك ابنى ربنا يخليلك آدم وتخوية ببنوتة امورة وعسل زيك نورتينى بجد

امممم
انا اتخطبت وانا 17 سنة الا شوية ههههههه واتجوزت وانا 23 سنة الا كام شهر وكنت لسه ف الكلية ولسه مخلصة من 3 ايام بكالوريوس الطب الابدي هههههه
ودلوقت عندي 23 سنة وشهرين اهو وحامل ف الرابع الحمد لله
انا لسه ماجربتش احساس الامومة بس انا ماكنتش متخيله الدنيا من غير جوزي كانت هتبقى عاملة ازاي
احنا قعدنا 6 سنين مخطوبين وبنتمنى نبقى ف بيت واحد فالحمد لله حتى لو الحياة صعبة او مسئولية كفاية اني مش تعبانة زي زمان لما كنا مخطوبين كنت بزهق بقعد كتير ماشوفهوش وكدا فأكيد كدا أحسن
وكنت اتمنى اخلف اصغر من كدا كمان
عشان ابقى ام صغنتته كدا واخلص ولادي بدري بدري وانا لسه صغيرة وافوق لنفسي بقى شوية هههههههههه هو الي عنده عيال بيفوق؟؟؟ بس اهو طموحات بقى

فكرة الموضوع رائعة، تسلمي.

انا تزوجت المرة الاولى و عمري 21 و كنت باخر ترم بسنة رابعة، الحمدلله عديت سنة رابعة على خير من انها من اصعب السنين.
هذيك الفترة حسيت انه كان لسه بدري و كنت جدا مترهبة من فكرة الزواج و السكن مع رجل في بيت لحالنا و المسؤوليات:(:confused: بس الاهل اقنعوني باشياء كثير من اهمها ان الزواج و المسؤولية هتحصل هتحصل عاجلا ام اجلا، و كمان قالوا لي انه ما دام شخص كويس فليش ما تقبلي مش اكيد حد احسن من كذه راح يتقدم لك في ما بعد ، فتوكلت على الله.
اكيد واجهت صعوبات كثير في بداية الزواج، بس الحمد لله كان الله دايما معايا و بعوني و كمان الاهل كان يساعدوني و كمان الحمدلله كان زوجي متفهم و متعاون و اهله طيبين.

بعد الزواج بسنة و نص صرت ارملة و انا 22 و 9 شهور، و بعدين تزوجت مرة ثانية و عمري 25 و شهرين من سنة و شهر، بس تصدقوا حسيت اني متزوجة للمرة الولة، حسيت انه في التزام و مسؤولية و كل شي من هالقبيل و بالرغم من انني 26 الا انني فعلا بحس بحوسة في بعض الاحيان و في بعض المواقف، في الول و الاخير مالي غير ربنا بيعنني و بياخذ بيدي ، و ان شاء الله تضل الموقف سايرة بي بامان و بعيد عن العواصف .

شكلي كذه تكلمت كثييير، بس ان شاء الله تكون مشاركتي فادتك، و بما ان الموضوع كله تبادل تجارب و خبرات فهيكون موضوع نشيط و حلو، لي عودة لقراءة بقية المشاركات

تقبلي مروريF:F:F:

ماشاءالله .. موضوع جميل يا أم مالك .. :065:

لو كنتى متجوزة قوليلنا اتجوزتى وانتى عندك كام سنة
تزوجت وأنا عمري 23 سنه :02:
وخلفتى اول بيبى وانتى عندك اد اية
جبت ولدي " علي " وأنا عمري 24 سنه .. :02:
وهل حسيتى فى الاول انك لسة صغيرة على المسئولية الكبيرة دى
بصراحه كان يمر علي أوقات أفكر فيها بحجم المسؤولية وخاصة مسؤولية الطفل الجديد ..!!!
ولا خليتى المركب تمشى ومشيتى معاها ؟
الحمدلله .. توكلت على الله بكل شئ .. والاشياء اللي ما أعرفها اسأل عنها .. لأن أصلاً الانسان يولد جاهل .. ومن يوم ينولد إلى أن يموت وهو كل يوم يكتشف شئ جديد في حياته .. يعني لابد من " [COLOR=yellowgreen]التعلم " ولابد أيضاً من " التوكل " على رب العالمين وسؤاله العون في كل شئ في حياتنا ..
وانتى لو لسة بنوتة اية العمر المناسب اللى انتى حاسة انك ينفع تتجوزى فية واللى انتى حساة هو الوقت المناسب لتحمل المسئولية ؟[/COLOR]
بصراحه .. حلو البنت تتزوج في عمر من 23 سنه وفوق .. انا هذا رأيي بسن الزواج .. لأنها بالعمر هذا بتكون تشبعت من المراهقة واللعب وجاء لها وقت خلاص تبدأ تفكر في الاستقرار والانجاب .. !!

:02:

~~~

موضوع جميل يا أم مالك ... انا اتخطبت وانا عندى 20 واتجوزت 21
محصلش نصيب للحمل اول سنتين فى الجواز وربنا رزقنى بحبيبي عيسى وانا عندى 23 الحمد لله
كنت حسه انى اد المسئولية بس حسيت انى كبرت بسرعة عشان حاجات كتير فيا اتغيرت
من رأيى ان العمر مش مقياس لتحمل المسئولية فيه بنات بتتربى بدلع شوية حتى لو كبرت مش بتعرف تتحمل
وأهلها كمان بيكونو السبب فى كدا وفيه بنات ما شاء الله بيتجوزو من 17 سنة وبيكونو أدها ,,,

موضوع جميل اوى
انا اتخطبت واتكتب كتابى وانا عندى 22 سنه و3 شهور
واتجوزت وانا عندى 23 سنه وشهر
وربنا رزقنى بحور وانا عندى 24 سنه بالضبط
والحمدلله حاسه انى أد المسئوليه بالاستعانه بالله ومساعدة زوجى ربنا يحفظه واهلى ربنا يخليهم ليا
الاول وانا حامل كنت خايفه لو فكرت فى بكرة والى الآن كمان بخاف لما بفكر فى بكرة هعمل ايه لو حور عملت كذا وهربيها ازاى واعلمها ازاى بس برجع اقول كله فى وقته هيبقى حلو
وربنا يعينا ونربيها تربيه اسلاميه وتكون قرة عين ليا انا وابوها يارب

انا بقي ياستى اتخطبت واناعندى 21 سنه واتجوزت وانا عندى 23 سنه وكام شهر وجبت تايا وانا عندى 24 وكام شهر بردو

انا داخله الجواز وانا رافضه انى اولد ف اول فتره وانى اخد وقتى واعيش الفتره الاولى دى براحتى كده واستمتع بيها لكن الى حصل غير كده خالص حملت ع طول

بالنسبه للمسئوليه كبيره اوى عليا اكبر من مسئوليه الجواز كنت اقول هى ليه ان ييجى بيبي ف الاول بيعمل خلل ف المسئوليه تجاه الراجل وان ده بيبي صغير وهكذا لحد ما اكتشفت ا نهم صغيرين وجبارين

ساعات ابص ل تايا واقول يااه لو مكانتش جت دلوأتى بس ارجع واقل لا دى حتة سكره رغم المتاعب الى مسببهالى الا انى قربت اتعود عليها وبدعى ربنا يهديهالى ويصبرني عليها

ف اول شهر كنت بشد ف شعرى و علي طول عياط بس دلوأتى الحمدلله بدئت الحاله تخف شويه لما بدئت تعرفنى وتدحكلى والحمدلله ربنا يديمها عليا نعمه ياارب ويهديهالى ويصبرني عليها

انا تزوجت وعمري 16 سنة بس كنت بعيدة عن زوجي كان يزورني 3 مرات في السنة قعدت في بيتنا سنة ونصف حتى جهزت الفيزا ورحت عندو وعشت معاه وجبت بنتي روميساء في سن 19 عندها سنة ونص الان وانا عندي تقريبا 21 سنة
انا شايفة انو سن 18 هو السن المناسب لاني تحملت المسؤولية وانا صغيرة عليها والحمد لله على كل حال
ادعولي بالولد الصالح
وشكرا على الموضوع الرائع

أتزوجت عمري 24

أول طفلة ملك كان عمري 25

ثاني طفل محمد عمري 27

ثالث طفل الحين

الحق كنت قد المسؤولية و ما خفت من شي و خليت المركب تمشي و مشيت بسهولة معاها

~OM-ADAM~;14138430:
موضوع جميل ياقمر و شكلي الكبيرة في القعدة دي ههههههه أنا اتخطبت عندي ٢٥ سنة و ٣ شهور واتجوزت عندي ٢٦ سنة الا شهر هههههههه طلبت دقة اوي مش فاهمه ليه وووووو وربنا رزقني بأجمل آدم في الدنيا ربنا يحفظه يارب ويحفظ كل اولادنا وعمري ٢٧ سنة الا شهر بردو.. بصراحة حاسة انه لا بدري ولا متأخر حاسه ان ربنا رزقني بكل حاجة في أنسب وقت الحمدلله بس بجد كل ما أبص في عينيه أو يضحكلي أبقي مش عارفه حياتي كانت قبله شكلها ايه ربنا يخليه ليا..

مش معقول شكلك صغيورة خالص انا بقى اتخطبت وانا عندى 25 واتجوزت وانا برضو 25 وعندى هنورة وانا 26 وشهر وبرضو حسيت انه لسة بدرى عالمسؤلية دى بس لما بتنام فى حضنى وهى هادية ولما اغيب عنها تصرخ ماتسكتش الا لما تشوفنى حتى قبل ماارضعها وتتلقانى بلهفة كدة بحس ان قلبى اتخطف يارب يخليلنا اولادنا كلنا يارب