قصة ولادتي بالتفصيل وفي بعض الصور

السلام عليكم ورحمة الله وبركاته
كيفكم بنات عروس..انا والحمدلله ولدت وجاتني احلى بنوتة كانت ولادتي بتاريخ22/12 يعني صار لي 20 يوم وحبيت اني اكتب لكم قصة ولادتي انامن يوم دخلت التاسع وانا احس بالطلق لاول مرى مع اني عندي بنتين لان بنتي هاذي كانت نازلة في الحوض من الخامس غيرعن بناتي الثانتين ماكان راسهم ينزل في الحوض بالعكس كانو مع الطلق يطلعون فوق المهم انا طبعا ولاداتي كلهم قيصري المهم اول مادخلت التاسع كلمت دكتوري وقلتله انا تعبانة احس بتقلصات والم شديد في الظهر واحس بثقل والم في منطقة العانة قالي طبيعي واعطاني كريم للظهر وقلي لازم اخلص اسبوعين في التاسع على الاقل وانا مع الالم موقادرة اتحمل ولايوم فمابالكم باسبوعين وقال انا باخذ اجازة وابغى احج وقال لاخلص الحج تعالي يوم 23 الحج وخرجت انا وزوجي من عندة وانا مضايقة وجلست ابكي ابغى اولد وارتاح نسيت اقولكم ماعرفنا وقتها نوع الجنين وهاذا الي ضايقني اكثر المهم رجعت بيتي وبعد كم يوم زادعندي الطلق والدكتور وقتها في الحج وماعرفت شسوي ورحت عند دكتورة عندنا في مكةطبعا انا كنت اتابع في جدة المهم رحت الدكتورة واعطتني حبوب مسكنة علشان توقف الطلق وصراحة ارتحت عليها بس عيبها لما مفعولها يروح يرجع الطلق قعدت الحج والعيد وانا اتالم والحمد لله مرت على خير وماصدقت يخلص العيد والدكاترة يداومو على طول على المستشفى رحت يوم19 ومالقيت دكتوري الي انا متابعة معاه من السادس والي ولدني في بناتي والمشكلة انو ماراح يرجع الى 4ديسمبر يعني بعد موعدي باسبوع وانا حدي مومستحملة ولايوم المهم دخلنا على الدكتورة تغريد ومرى كانت طيبة وذوق في تعاملها وقالتلي سوي التحاليل اليوم وبكرى نسوي العملية لان موية الجنين ناقصة وعندك تقلصات لازم مانتاخر وقالتلي انها بنوتة قلت الحمد لله وخرجت من عندها وانا دايخة موعارفة شسوي من الخوف جلست على الكرسي ويسألني زوجي ارتحتيلها انا مارديت يقولي انا مارتحتليش تبغى تسوي كل شي بسرعة وليش لازم معاها دكتور استشاري في العملية ليش ماتسويها لحالها زي الدكاتره الثانين قلي ايش رايك نحجز عند دكتورة ثانية انا قلت لا قلي خليكي هنا وانا بروح اسأل المهم سال بنات الاستقبال قالو ان في دكتورة ممتازة وهي سحر ميلودي انا سمعت انها شاطرة في الولادة الطبيعية بس ماسمعت انها تسوي قيصري المهم دفع حق الكشف وجاب ورقة ولازم اقيس الضغظ والوزن ورحت للممرضه السعودية الله يجزاها الخيروقالتلي انتي موجيتيني اول قلتلها اي اناجيتك اول وحكيتلهاقصتي ان الدكتور في اجازة وانا موعارفة شسوي وسألتها عن احسن دكتور اودكتورة يسوي قيصري قالتلي سحرممتازة في الطبيعي بس القيصري موكثير تسوي عمليات احسن دكتور محمد عبد المجيد تخصصة قيصري وممتاز شكرتها وخرجت وقلت لزوجي قال طيب وراح الاستقبال وغير عند الدكتور بس الدكتور انتهى دوامة ومايقدر يستقبلنالانو عنده عمليات وراح زوجي وكلمة وهو خارج وقله عن حالتي وبالقوة اخذنا موعد عندو السبت الساعة2الظهر احنا كنا طالعين جدة واخذين ملابسنا وناوين ناخذ فندق بس انا كنت خايفة ومتنكدة ومالي نفس اخرج قلت لزوجي خلينا نرجع البيت وجلسو البنات يبكون يبغون يتمشون ويروحون الملاهي وانا موقادرة خايفة من العملية وخايفة على الي في بطني ان يصير فيهاشي المهم رجعنا البيت والبنات زعلانين ورجعنا البيت ونمنا من الساعة 9 ويوم الجمعه رحت بيت اهلي وديت اغراضي حقت النفاس ورجعت بيتي في الليل ماقدرت انام وقمت عبيت شنطت بناتي وشتنطتي حقة المستشفى وشنطتةزوجي للفندق وحطيتها في الصالة ورجعت نمت وصحيت الفجرصليت وصحيت البنات علشان يروحون الروضة وبعد مالبستهم وفطرتهم صحيت زوجي وفطرتة وراحو ورجعت احاول اني انام ماقدرت وقمت صحيت الشغالة علشان تنظف البيت لاني رايحة جدة بعدالظهر رجعو بناتي الساعة12 ولبسته وجا زوجي على 12 ونص وغير وخرجنا على طول وديت بناتي عند عمتى ام زوجي وسلمت على بناتي وابكي كاني ماراح اشوفهم مرى ثانية وزوجي يقلي خلاص البنات لايحسون بشي ومشينا على جدة واول مرى في حياتي موحبة اروح جدة بالعادة ماصدق بالطلعة المهم وصلنامستشفى سليمان فقية وانا موحابةادخل المستشفى ورحت قست الضغط والوزن ودخلت على الدكتور وانا ميته من الخوف المهم سألني الاسألة المعتادة متى اخر دورة وكم عندك ومن هاذا الكلام وطلعت على السرير وشاف الجنين وقلي خلاص انتي في الاسبوع 37 و6ايام لازم تولدين بس المشكلة لازم نلقالك محل غرف الولادة كلها مشغولة وكلم مدير قسم الولادة وقالة ان في مكان بس الساعة1 الظهر والدكتور اخرعملية عندة الساعة 12 قال انا عندي5عمليا بس احاول ادخلكي قبل 1 بس لازم الحين تنزلين تسوين التحاليل وتخطيط القلب وتقابلين دكتورالتخديرعلشان تتفقي معاه على طريقة البنج بس احسن شي تدفعي البكج علشان يسولك تخفيض واخر وجبة تاكلينها الساعة 12 في الليل المهم خلصت التحاليل والتخطيط الساعة 9 وقعدنا نستنى دكتور التخدير لساعة10 وانا في الاستراحه جاني النوم وانا استنى الدكتوربس الدكتوراتأخروالاستراحة مليانة ناس قام زوجي كلم الممرضةوقلها بكرى عندنا عملية ولازم اكل الساعة12 والساعه11 نادتنا الممرضة وقالت انزلي الدور الثاني قسم الولادة وادخلي وكلمي الدكتورلان الدكتورمايقدر يطلع لانوعنده عمليات ونزلنا ودخلنا قسم والولادة وانا مرعوبة وجا الدكتور وقلي عن البنج النصفي انو احسن شي ومضاعفاتة اقل ومن هاذا الكلام وبعد ماخلص احترت لاني نفسي اجرب النصفي بس خايفة قلي روحي البيت واستخيري انا ماراح اكتب شي بكرى اختاري وقولي لاستشاري التخديرقلتلة اوكي وخرجنا من المستشفى وقلي زوجي ايش رايك نروح مطعم قلتلة لا خلينا ندور فندق انا تعبانة قعدنا ندور فندق وعلى حظي الفنادق كلها فل وكلم واحد من اصحابة يعرف مدير فندق كراون بلازا وقلنا الفندق مليان بس في غرفة راح تفضى الساعة1قلي ايش رايك نروح مطعم ونلف ساعة انا قلتلة لا انا تعبانة مانمت صاحية من الفجر وطول اليوم في المستشفى حتى انتا تعبان على قومتك الفجر قلت خلاص دور شقه مفروشه قال في فندق جنب المستشفى يمكن في غرفة وراحا ونزل وسال وقال الفندق فل انقهرقلى على حظنا الفنادق مليانا واحنا ماشيين شفت جنب المستشفى اجنحة فندقية مادري ايش اسمها قلنا الليلة ب300 ريال قلة لو ب1000 مومشكلة المهم غي غرفة طلع مع الرجال واختار الغرفة ودفع وانا في السيارة مرى نعسانة وجا ورحنا اشترينا عشا كنا جيعانين على الفطور ماتغدينا وقف زوجي عند المطعم وراح يشتري وانا في السيارة افكر بالولادة وبناتي وفي محل اسكريم وانا افكرقلت نفسي في اسكريم بالشوكلاتة الى اشوف زوجي الله يخلي ليا جاي يقولي تبغين اسكريم اجبلك قلتلة ايوة انا كنت مستحية اقلة اكيد هوتعبان واناكلفت علية وهو يبغاني انسى ومافكر بالولادة المهم رحنا الفندق واتعشينا ومن التعب نمنا بدري على 12ونص أول مرى وجاني شي صحاني الساعة4 وقمت اتروشت واتنظفت وصليت ركعتين واستخرت الله ان يسخري الطيب في البنج والدكتور وقرات سورة مريم والكهف وصليت الفجر وصحيت زوجي على الفجر وقام صلى وعلى الساعة7 رحنا المستشفى ودخلنا واول مرى في حياتي على كثرماروح واجي واتابع اول مرى اشوف المستشفى فاضية والله انها تخوف وبغيت اهون قلت لزوجي خلاص بطلت مابغى اولد مستعدة اتحمل الالم ولا اني اولد قعدت ابكي وهو يضحك يقلي انا ماصدقت يجي وقت ولادتكي والله كاني انا الي حامل موانتي من كثر ماني شايل همك قلتلة خلاص روح انتى خليهم يولدونك وانا بنتظرك هنا ماني رايحة مكان قعد يضحك وراح لمكتب دخول المرضى وقعد يعبي اوراق المستشفى ودفع المبلغ وجاني يقلي يلا نطلع غرفتكي والله موقادرة امشي من الخوف وطلعنا نختار الغرفة اخترت الغرفه وجلست وفسخت عبايتي قعدت ادعي وجاتني الممرضه وركبتلي ابرة المغذي وجابت لبس المستشفى طبعا انتو عارفينه ومارضيت البسة قلتلها عمليتي الساعه1قلت لامدام عمليتكي الحين واناصرت مرعوبة وصرت ابكي بصوت عالي من شدة الخوف على حظي الحلو الحمد لله ان في مريضة عندها عملية اتاخرت قام الدكتورلقيني جاهزة دخلني مكانها المهم جابو السرير وقمت ونمت عليه وجو بيخرجوني الى اشوف زوجي يقلهم استنو جابلي الطرحة وقلي غطي وجهك علشان الرجال برى المهم خرجنا من الغرفة ورايحين على غرفة العمليات وزوجي قعد يكلمني وانا ماأرد عليه وقاعدة اقول والله احنا الحريم ضعيفات علينا الحمل والولادة وهم يتفرجون علينا ويستنونا عند الباب والموت كلة علينا المهم ودعني عند الباب ودعالي وانا اقول في نفسي ياترى باشوفة مرى ثانية ولا ماراح اشوفة عسى بس ماقصرت في حقة وطلبت منه انو يسامحني ودخلت قسم الولاد وجاتني ممرضة تسألني اسئلة بلانجليزي وطبعا انا لغتي شوي المهم من شدة الخوف نطقت وفهمت منها مع انها لوتجيني الحين مافهمت كلمة من الي قالتها المهم حطوني قدام غرفة العمليات وحطولي جهاز قياس نبض الجنين وانا ميتة خوف وبردانة جلست ادعي لي ولبناتي 5دقايق وجا الدكتورودخلوني غرفة الولاد كني قاعدة في ثلاجة موغرفة عمليات جاني دكتورالتخديروالله يابنات وانا جاية المستشفى قررت ابرة الظهر بس في غرفة العمليات لين قبل مايجيبها وانا ابغاها بس بعدين مادري ايش الي خلاني اغيروقلتلة ابغى بنج كامل وجاب محقنة وحطها في ابرة المغذي وجات الممرضة تحطلي كمام قلت مابغى كمام على طول قلها شيلي الكمام وقلي راح تحسي بثقل في عيونك ودوخة وتنميل في اطرافك ماخلص كلامة الى وانا نايمة وماحسيت بشي الى على صوت الممرضة تصحيني والدكتور محمد جالس يكتب التقرير ويقلي الحمد لله على السلامة وانا انام واصحة موقادرة افتح عيوني بس بعد الولادة جاتني كتمة اول مرى تجيني حطولى اكسجين لين فقت وطلعوني غرفتي الظهر او قبل الظهرواحنا في المصعد جلس زوجي يكلمني وانا موطايقتة احس ان السبب في الالم الي قاعده احس فية مادري بس الي اتذكرة فقت وسالت عن بنتي الساعة وحدة وقالو في غرفة الاكسجين وماجابوها الى الساعة 5 العصر انا كنت خايفة ان يمكن فيها شي لان العادة يجيبون الطفلة بعد ماطلع غرفتي على طول بس الحمد لله مافيها الى العافية بس سولها تحاليل علشان يطمنو عليها ويطمنونا والله يابنات اني كنت خايفة اني ماحبها لانها تعبتني في حملها بس والله اكلت قلبي وحبها غلب على حب اخواتها لان بينها وبين بنتي الي قبلها 4 سنين يمكن علشان كذا ويمكن لاني كان نفسي في بنت لاني اتوحمت على بنت اخو زوجي الحمد لله انا اسفة اني طولت انشاء الله قصتي تعجبكم وياريت تدعون لي ولبناتي وزوجي الله يهديهم ويحفظهم من عيون الناس وتدعون لبنتي الصغيرة ان الله يشفيها ضعيفة مزكمة وتعبانة وهي امس مخلصة 3 اسابيع وحدة حرمة الله يهديها سلمت عليها ومادريت الي بعد ماسلمت عليها قالت انا تعبانة وانا وبنتي صحينا الصباح واحنا الثنتين مزكمين انتبهو يابنات من حركات الحريم الله يهديهم اعذروني على الاطالة بس حبيت اكتب قصتي بالتفصيل انشاءالله تعجبكم يلا مع السلامةالصور في الصفحة الثانية