السلام عليكم ورحمه الله وبركاته
شلونكم عساكم بخير
الى كل اخت واستني في همي ومعاناتني
الى كل اخت انتظرت اليوم الي ابشركم فيه
طبعا الكل يعرف معاناتي
صار لي سنتين من تزوجت
وفي بداية زواجي كنت ماجلة موضوع الحمال 6 شهور وبعدها
ماصار رحت المستشفى
مرة دكتورة قالت تكيس
وفي دكتورة قالت ضعف في التبويض
مع العلم دورتي منتظمة ما شاء الله تبارك الرحمن
وزوجي تخاليله مرة تقول العدد قليل والحركة قليلة
ومرة العدد طيب والحركة صعبه
وسويت الابرة التفجيرية كذا مرة
ورحنا لدكتور قالنا لازم تلقيح صناعي او عملية انابيب
وسويت عملية التلقيح الصناعي عند احمد بركات من 3 شهور وفشلت ولله الحمد
المشكلة اعراض العلاج والابر والادوية
نفس اعراض الحمال بالضبط
لوه ودوار والم في السدر والبطن
طبعا طول هل فترة انا في ياس كبير وصياح ونياح
وكنت اي من ربي يرزقني ويرزق كل محروم
وكان زوجي يقولي صبري الله بيرزقنا ان شاء الله بدون علاج
وكنت اتمنى احمل بدون علاج بس مستبعدة الموضوع
وسبحانك يارب مافي شس بعيد عن رب العالمين
زكانو الي بعدي يتزوجون يحملون ما شاء الله
واستانس لهم ولين يربون اكون معاهم بس اتمنى اني اصير ام بعد
وهل شهر بذات ماريحت روحي كلش كانت ملجة اختي وحفله صديقتي
ورحت البر كذا مرة سبحانك يارب ماريحت روحي
الدورة تاخرت وكنت مستبعدة المووضوع وماياتني اعراض
تاخرت يوم يومين خمس
وصلت لي 13 يوم
قلت اكيد هرمون او شي فيني
وقبلها بيومين مرت خالي ححلت وظلعت حامل
قلت خل اشتري تحليل الصيدلية واحلل احتياط
مع اني مستبعدة الموضوع كلش
حللت وظلع خطين ما شاء الله خط غامق وخط فاتح ماصدقت
وناديت اختي ودتني العيادة وحللت دم وظلعت النتيجة حامل
حمد الله رب العالمين
الله اكبر الله اكبر حصلت المعجزة
فقدت الامل بهل اليوم
اللهم لك الحمد كما ينبغي لجلال وجهك وعظيم سلطانك
وبعددي مو مصدقة ولله الحمد
حملت من الله
بدون ابر ولا ادوية ولا ابرة تفجيرة
ولا عملت شي بعد الجماع سبحان الله
كل مرة احاسب وافكر كنت ما احمل
ويوم نسيت كلشي وقفت علاج وتوكلت على رب العالمين حملت
يارب ياحي ياقيوم ترزق كل بنت محرومة الذرية وتسر خاطرها مثل مافرحتني ياكريم
يارب سهل ولادة كل حامل
ادعولي الله يثبته لي وينقلني لي تمامه يارب
بس يابنات انا قاعدة اتيني الام الدورة في بظني وظهري وريولي وخايفة الي عنده معلومة يفيدني فيها
احبكم والله
في وداعة الله اللذي لاتضيع ودائعة
احبكم في الله