رحلتي مع زوجي إلى تركيا .. واااااااااااو

سلام عليكم
شلونكم شخباركم حبايبي وحشتوني
تونا راجعين أمس من تركيا رحلة كانت وايد رائعة و ممتعة بالفعل والله ما ودنا نرجع لكن الظروف وخصوصاً اجازة زوجي انتهت المهم قعدنا هناك اسبوعين استانسا وايد حسينا روحنا في عالم ثاني .. عالم كله جمال و رومانسية ...

في شهر العسل رحنا إلى تركيا بس الصراحة الصراحة الحين استانسا اكثر مادري شلون يمكن لأن بنوتتنا ويانا أول ما وصلنا اسطنبول كانت الساعه 3 فجراً رحنا دايركت الفندق فتح لنا الموظف الحجرة وحطينا شنطتنا والحجرة كانت وايد روعة و مطلة على مناظر طبيعية واااااااااااااو تهبل و كان الطقس جداً بارد و بنوتي كانت نايمة حطيتها عالسرير و رحت اطل على الدريشة حسيت روحي بطير مو مصدقة وزوجي كان مستانس وفرحان أخذنا دوش و نمنا .. قعدنا الصبح الساعه 8 الصبح اول ما فتحت عيوني بعد جم ثانية استوعبت اني بتركيا نطيت للدريشة شفت البحر و الأشجار كان منظر عجييييييييييييييييييييييييييييييييييب قعدت زوجي و جهزنا روحنا و رحنا نتريق وكنا بردانيين تريقنا صوب البحر طلبنا نسكفيه و بيض و جبن و لبنه و زيتون و سندويش وكنت جوعانه حدي خخخخخخخخخ أكلنا و كل شي و طلعنا من الفندق عشان نتسوق و نستانس ورحنا تسوقنا و شرينا شوية اغراض واكلنا نفيش ونفيشهم ترى عجيب وبنوتي كانت مستانسه حدها حطيتها في مشياتها و مشيت فيها وكنت مثل المجنونة من الفرحة و زوجي كان يضحك علي ضحك خخخخخخخخخخخ ما خليت شي الأ و اشتريته اشتريت جاكيتات لأن الطقس وايد كان بارد و انا مو حاملة كفاية و خذيت لي بوت لأني شفتهم كلهم لابسين قلت بقلد عليهم خخخخخخخخخخ عاد لما رجعنا الفندق و اتغذينا حسيت جسمي متكسر و نزل علّي زكام بغيت اموت يا جمااعة بس كان زوجي جايب وياه فكس و زوجي ما شاء الله عليه ما ينسى هالسوالف في السفر فديته حط لي فكس و صرت تمام ..

وقضينا أحلى أيام العمر هناك تحت الأجواء الرومانسية و الطبيعة الساحرة الخلابة وتمينا كل يوم نروح مكان و نتعرف على اماكن و توقعو شفت من ؟
كلكم راح تضحكون .. هو اصلن راح عن بالي نهائيا خخخخخخخخخخ
توقعو من ؟
مروان الخادم اللي في مسلسل نور زوج رقية خخخخخخخخخخخخخ زوجي فطس من الضحك انا تمنيت اشوف لميس بس ما شفتها خخخخخخخخخ وسابع المستحيلات اشوفها

ادري طولت عليكم بس انصحكم روحو تركيا و استانسو صدقوني راح تنسون الدنيا هناك وراح تعيشون الحياة الرومانسية اللي كل شخص في هالدنيا يحلم فيها

مع تحياتي