جيزكيك بلوبيري من مطبخي~
المقادير:
خليط كيك بيتي كروكر فانيليا..علبه مكعبات جبن كيري او المراعي اللي فيه 24 حبه
جيلي اناناس..جيلي موز+فراوله مكس..ظرفين دريم ويب
2 قيمر..علبه التوت الازرق البري(بلوبيري)..
الطريقه:
نجهز الطبقه الاولى في قالب ذو قاعده متحرك خاص للجيز كيك
الطبقه الاولى:كيكة بيتي كروكر فانيليا
هو الطبقه الاولى اختياري..يا بسكوت مطحون..او كيك..بما اني احب الكيك في الجيز كيك فاستخدمته بدل البسكوت
ويصير تستخدمون كيك جاهز مثل كيك السرالي على فانيليا..بس حبيت اتكون الطبقه كلها بمستوى واحد
نخلط الكيك بخلاط الكهربائي ومكوناتها مكتوبه على ظهر العلبه ..
وفي قالب الجيز كيك..نخلي بس جزء بسيط من الخليط في قاع القالب..لانه بعدين بتنتفخ الكيكه ومابيصير مجال لباقي الطبقات..فنخلي بس اشوي..مقدار ارتفاع فص اصبع>>خوش وصف خخخ
وباقي الخليط خليه في قالب ثاني واخبزيه للاطفال :D
للاسف نسيت الكيكه بالفرن على نار اشويه مرتفعه وحواف الكيكه صارو يابسن عدل كانهم بغصم خخخخ...فاضطريت اشيل الكيكه وواخلي بدالها شرايح من نفس الكيكه من الخليط الزايد..وصفيتهم بالقاع وغطيت كل الفراغ
الطبقه الثانيه:
ناخد ظرف دريم ويب+قيمر+12 مكعب جبن كيري او المراعي+علبه الفراوله والموز مذوب بكأس ماء مغلي
وخليهم بخلاط العصير ونخلطهم عدل
>>يصير تستبدلون الجبن المكعبات بأي جبن ثاني مثل فلاديفيا او بوك.. بس لكل طبقه علبه من فلاديفيا او بوك
انصب الخليط على الكيك ونساوي السطح وندخل القالب الفريزر او الخزان لمدة ساعه علشان تجمد الطبقه
الطبقه الثالثه:
ناخد خلاط العصير مره ثانيه ونخلي فيه قيمر+ظرف دريم ويب+12 مكعب الجبن الباقيين+جيلي الاناناس مذوب في كأس ماء مغلي ونخلطهم مع بعض
ونطلع القالب ونصب الخليط على الطبقه الثانيه اشوي اشوي علشان لايختلط ويه الطبقه التحتيه ونساوي السطح وندخل القالب مره ثانيه الفريزر لمدة ساعه
عقب ساعه انطلع القالب ونصب عليه اخر طبقه..الا هي علبة التوت الازرق البري{بلوبيري}
ونساويه ونرجعه في الثلاجه لحزة التقديم..وكلما كان بارد.كلما كان احلى
اهني عقب ماطلعتها من الثلاجه
من الداخل والطبقات واضحين والوانهم عجيبه
وبالعــــافيـــه:thumbs_up:
