from A to Z :$

السلام عليكم ورحمه الله وبركاته..

مرحبا صبايا كيفكم F:

اممم حبيت اكتب الموضوع هاذا للافاده ودعا

منA اللى~Z :::>>>>>>>


طبعا البنت خلقها ربي بجمال رباني مهما اختلفت الملامح تضل البنت جميله

بعضنا يمل يطفش وتقول انا شينه وانا وانا اقولك لا تعالي معي بنكتشف اشياء نفسيه وجسديه بتحسنك داخليا وخارجيا



اول ماتفتحين عينك صاحيه لاتسمعين للصوت اللي جواك يقولك يالبى السرير انا مالي خلق مالي نفس برد متعيجزه اتوضا اصلي ...
اول ماتصحين ابدي بنشاط لاتسمحين وقت للتفكير لان التفكير يجر تفكير وبتروح همتك ونشاطك استقبلي اليوم الجديد بكل سعاده قومي ادخلي الحمام خذي لك دش للجسم دافي واركز للجسم بس الشعر وبرد معناته امراض واضرار واذا ماتحبين او مامعك وقت افتحي التكييف على الدافي ولو صيف سكري التكييف ادخلي دوره المياه وانتم بكرامه :

اول شي وجهك استخدمي الغسول اللي يناسك عن نفسي استخدم كريلاسيل ونصيحه كل مره غيري الغسول
بعدين ابدي بالتفريش الاسنان طبعا الاسنان اذا انتي مركبه تقويم حاولو تفرشينه بالفرشاه العاديه واللي مخصصه مابين التقويم انصحكم باستخدام معجون سنسوداين للتبيض اللطيف مع الوقت بتلاحظين قوه اسنانك حركي الفرشه بحركات دائريه على الللثه تنشط الدوره الدمويه وبدون الم وتزيل ا لاوساخ ..
خلصتي توضي للصلاه وانتي تستشعرين هالشي انك جالسه تغسلين لانك بتقابلين ربك وبنفس طريقه الرسول الف صلاه وسلام عليه واذكري الله وحسي ان المويه اللي تنزل تنزل معها ذنوبك اخلصي بهالنقطه

ارجعي لغرفتك صلي استغفري واذكر الله وقولي ادعيتك وبعدها خذي كريم للوجه للنهار اذا انتي بالبيت اذا انتي موظفه او طالبه استخدمي واقي شمس انصح بواحد اسه ايفيان فيه نسبه فونديشين يعطي نظره ويحمي البشره سرحي شعرك بشكل ناعم الميك اب خفيف شوي ماسكارا شوي قلوس وبتطلعين انيقه وراقيه والاهم والمهم رايقه ..

بعدها يكون كوب الشاي الاخضر جاهز بتقولون صباح ومايمدي وعلى جوع وانا مابي انحف انا بقولكم وش السر فيه

الشاهي االاخضر اعلى نسسبه كافيين اعلى من القهوه ولكافيين اللي فيه نوع يعطي الجسم نشاط ..

افطري توست بجبن او لبنه وزعتر بس حاولي ماتاكلين في شي دهون ..

هاذا لبدايه يومك
بنات اهم شي لاتضيعين وقت الصلاه بدوام او بيت او اي شي

طبعا الوقت من تصحين الى 4 العصر انتي مخيره باللي تسوينه وكيف تقضين يومك
بعدها
نجي للغدا الغدا وجبه اساسيه ونكون جوعانين وبعد مجهود تنفتح شهيتك اهم عنصر سلطه
بس سطه غير سلطه للجمال(فراوله -توست مقلي مقطع -جبن بيضا- سماق- زعتر- خيار- خس-طماط-رمان-اناناس) وزيت زيتون وفلفل اسود طبعا الفلف كثري لانه مفيييييد للبنات كثير ممكن تبدلين الجبن الابيض بتونه

وكلي خفايف من الغدا حاولي ماتكثرين

بعدها غرفتك مملكتك او بيتك رتبيه نظفيه عندك اوراق شغل كمليها الا المغرب او نامي

المغرب وقت الشاهي والتي تايم
سوي قهوه نفس قهوتك العاديه لكن بالشعير قهوه شعير موجوده عند العطارين بعلبه ومطحونه وريحتها حلوه ونفس طعم القهوه العاديه ونفس طريقتها
الشاهي سوي شاهي احمر-شاهي اخضر
خذيلك كوب شاهي اخضر جددي نشاطك
واذا في حلا ليه لا يفيدك بالطاقه قضي مشاويرك ووقتك زي ماتحبين بعدين
حاولي تسوين شي وتبادرين لو بحلا بسيط وفيه كذا طريقه سهله وخفيفه اتركي بصمتك باليوم تمر على الكل ويفقدونها

نجي للمهم والاهم... الحمام او الدش


اول شي دفي غرفتك والحمام ووشغلي الدش على المويه حاره سمي بالله

اسرار الاستحمام ممكن تخليك غيرررر
|(صابون الوزير المبشور- صابونه الكركم -غسول الوجه حقك- غرغره للفم -زيت لوز - بيبي جونسون- وصابون مغربي)

اولشي تحممي بصابون الوزير هذا الصابون من ايام جداتنا وكان اسمه ابو عنزهذا الصابون طبيعي ميه بالميه وبزيت الزيتون وريحته حلوه استخدمي ليفه القلفزحقت بودي شوب وخلي جسمك يتعرض للمويه مده خمس دقايق خطي شوي الصابون المبشور بالليفه وابدي فرك افركي بقوه وكل ماطولتي احسن قولي ليه لانه بزيت الزتون يلين الجسم ويزيل كل الخشونه
وبعدها اذا عندك مناطق فيها حبوب او دمامل اوجروح وجفاف استخدمي صابونه الكركم )
وبعدها غشلي شعرك اقلبي راسك وخليه يعرض للمويه وحاولي ماتكون دافيه تمميل للبروده افضل وخففي الشامبو بويه واغسليه ودلكي فروه الراس زين وتاكدي واكررر تاكديييي ان شعرك مافيه اثر الشامبوو ابدا وبعدها بيكون عندك رشاش مثل حق الكوي فيه مويه برد مخففه بشوي مويه رشي جسمك ووجهك طبعا لاتسين تغسلين وجهك بغسولك ولاتنسين تفرشين اسنانك وتستخدمين الغرغره المخففه
وبعدها ادهني جسمك بزيت لوز او بيبي جونسون
وابعديييي كل البعد عن اللوشنات المعطره واذا حابه الريحه حطي شوي ورا اذنك وانا افضل البودره احسن وانظف واستخدمي مزيل عرق والمنطقه الحساسه استخدمي غسول مره وحده بالاسبوع بس والافضل الملح والمويه

نعيماااااااااا خلصتي احلى دش لوتستمرين عليه شهر بس بتلاحظين الفرق
البسي وتعطري واذا تبين ريحه فواحه استخدمي مسك روز من اجمل بعشرين ريال بس
ولويحصل تبخرين تبخري ..

ملاحظات :

اذا عندك حبوب او مسمات كبيره استخدمي السكر وزيت الزيتون يقبضها ويخفف الحبوب

واحسن شي تنامين بعد الدش وبالنسبه للشعر لاتمشطين شعرك وهورطب انتظرب 20 دقيقه والمجفف والاستشوار لاتستخدمينه الا بعد نص ساعه لانه الله يكفينا الشر يسبب سرطان دماغ الله يستر

وبالنسبه للعشا احلى شي برتقاله قطعيها او خلي خدامتك تسويها واضيفي عليها عسل وبالعافيه


اللي تحتاجينه :



من السوبر ماركت (فازلين بعد الدش حلو استخدامه بتحصلين على نعومه بس مايفضل كل مره تستخدمينه يعني نوعي) وسعره 18 ريال

-ببيبي جونسون(بعد الشاور برضو وحاولو تحطينه بشوي مساج عشان تريحين اعصابك وتنشظين الدوره الدمويه) سعره 19ريال

- سخان مويه اللي يجي على شكل كوب (للشاهي الاخضر وممكن تستخدمينه بالصيف للمويه البارده)
كرتون مويه صحه(قولي وش الفرق من تصحين وهاذي مويتك تشربين طول الوقت ضيفي لها شوي مويه ورد عشان تنقي الدم وتورد بشرتك وكثره المويه مفيده اشربي اربعه احسبيها باليوم اقل شي اربعه وافضل شي 6المويه العاديه حلوه لكن فيها املاح معدينه وتصعب تنقيه الدم) سعره معروف
-فاتيكا حمام زيت الشعر( استخدميه كل جمعه بنفس طريقته بالمنشفه الساخنه وخذي اللي يناسب شعرك ريحته حلوه ولايدهن بالشعر وفعلا يعالجه)
-شامبو استخدمي اللي يناسبك وانصحك بنوعين(هيربل - وفارمسي) روعه للشعر خذيحسب نوع شعرك
-من العطاره (ترمس االلي يجي حبوب انقعيه بعلبه مع مويه بعد شيل الشعر استخدميه ويقطع نموه مرتين ثلاثه بالكثير ترتاحين) الكيلو منه ب10 ريال
- زيت لوز (بعد الشاور مريح ويجدد البشره ) شعره 10
-زيت الجلسرين له نفس المفعول وبنفس السعر
-بتحصلين صابون الوزيرالمطحون كيس بعشره ريال
-حنا للجسم اخلطيه مع صابون المغربي اذا بتسوينه

بالنسبه لازاله الشعر هوشي مهم ومعقد كل البنات
في منتج رهيب اسمه ميم فيه علبتين واكس ومعها قماش حل مشكلتي انا والحلاوه اعداء ماحب اتعور وبشرتي من الموس تبهذلت جربته والله بدون الم شي بسيط بس والشعر ماينبت شيلي يديك ورجليك بعدماتخلصين دوره الشهريه وحطي مويه منقوع الترمس على المكان ولك مني مايطلع شهر اقل شي


الدوره الشهريه والمنطقه الحساسه

بنات هذا موضوع يارقنا ولقيت حل من كثر البحث وتجاري

طبعا اللي بتحتاجينه موس bis لونه بنك وابيض او اي موس ترتاحين له
شيلي كل المنطقه بالموس قبلها بيوم او يومين وبعدين سخني واكس ميم وشيلي المنطقه اللي فوق يطلع لك منابت الشعر والحبوب والدهون وتنظف المنطقه طبعها من تحت وان شالله انكم فاهميني خليها بالموس بس واذا حبه للخط اللي بين الارداف استخدمي الكريم لانه مو مبين وخفيف لكن الخوف يجيب الجراثيم وتخلص من احسن يعني بالنهايه بتكون المنطقه نظيفه وبدون الم وحطي عليها منقوع الترمس ورشي مويه ورد انتظري شوي حسيتها نشفت غسلي المنطقه بغسول خاص جففيها زييييييين زين زيييييين زين وادهنيها بزيت اما زيتون اولوز وتمتعي بنعومه شهر ان شالله


بعدها بشهر جتك الدوره دلعي نفسك
-شرابات لاتستغنين عنهاا ابدا ومع سليبر
-بجامات دلعي نفسك ببجامات فيها صور وكذا اشتري مجموعه جونسون واستخدميها عشان مايجيك شمم
-اول ماتجيك انقعي مره بمويه دافيه وارشي شوي على الفوطه الصحيه عشان تريحين من الانقباضات وتنزل اسهل
-استخدمي فوط صحيه من كوتكس للصبايا او برايفت هي افضل نوعين
- الكمون-وحليب بالزنجبيل- الاكل الصحي -شوربه اللحم وعدس-مشورب القرفه اللي يجي مثل اللبتون - ومماننسى الشاهي الاخضر
غسول الملح كل مره تغيرين فيها فوطتك الصحيه

الممنوعات _ابعدي كل البعد عن المشروبات الغازيه بايام الدوره وغيرها
اهتمي بالاكل بحيث ماتجي الساعه 9 الصباح الا انتي شبعانه عشان ماتنتفخين هوا


عموما اهتمي بالاكل الصحي ابعدي عن السعرات الحراريه حاولي تاخذين الاكل عشان جسمك يرتاح وتحسين بنفسك خفيفه ورشيقه كثري مويه


النصائح الروحانيه

كثري ذكر بالله وركزي بالصبح لان من يبدا اليوم ماتحسين نفسك الا بفراشك وخلص اليوم اهتمي باذكار الصباح والمسا ومافي شي اي شي يخليك تاخرين صلاتك بديها على اي شي

كثري من الدعا وقولي(لاتذرني فردا وانت خير الوارثين ووفقني وارزقني واكفلني وسخر لي )كثري دعا
ومن تحطين راسك بالسرير بيتك غرفتك مرتبه حياتك منتظمه انتي ننظيفه ورشيقه هذا شي يعطيك ثقه ويبعد عنك الضغوط وخليك قويه مايهزك شي لانك وفيتي بحق نفسك بيتك اهلك دراستك والاهم ربك تنامين مرتاحه حاول ماتتاخرين بالسهر 12 بالكثير بسريرك بعد ماتحسين بالرضا قولي اذكار النوم والادعيه واضبطي منبهك على وقت صلاه الفجر


من ناحيه اللبس والكشخه اهتمي بالاناقه تقدرين تكونين انيقه باقل سعر اهتمي باكسسواراتك حلقات ساعات اساور نوعي من الفلاتات البسيها بالبيت والسوق واذا زرتي احد قريب البسي جينزات وبعض التي سيرتات لو ساده بس لون مميز استخدمي طوق او ذيل حصان جعديه يوم خلي ليبيز دايم معك لمعه وتغذيه لشفايفك ومنظر حلو حتى لو مومتزوجه عيشي شبابك وتدلعي هذا طبع بكل بنت بس لاتدفنينه

روحي لاقرب مكتبه واشتري لك كتب تثقفي وخليك ملمه بكل شي

طبعا البنت حلاتها بدلعها وخجلها وسكوتها
مو تحكين كثير لا خلي فعلك اكثر وتعاملي بهدوء عالجي المواضي براحه وحكمه ابعدي عن العصبيه ولواشتد الموضوع ابكي بس لاتخربين انوثتكعشان احد كذا الي قدامك بيحس فيك اكثر وهمستك تاثر فيه

يارب اون كفيت ووفيت وبديت من .A الى Z

اذا عجبكم الموضوع ادعو لي ربي يوفقني ويكتب لي كل خير ويحقق اللي ببالي ويكتب لي السعاده مع الشخص اللي كم تمناني وتمنيته امين يارب
استغفر الله عدد ما كان وعدد مايكون

تبغون تنقلون الموضوع ماقول لا خلي الفائده تعم بس امانه يدعون لي وتكتبون لهم هالشي واي استفسار من عيوني اجاوبكم

اختكم ميمز

:L: