استفسارات وتساؤلات الامهات الجزء الثامن فيدى واستفيدى

سؤالى كان

تطعيم التسع شهور ان شاء الله
كتكت قالتلى انه نقط
طيب هو نوعين ولا الاتنين فى واحده
كمان فى الشهاده بتاعه الصحه الكتاب البمبى دا صورة حقنه

مبروك الجزء الجديد
لا يا مورو هو تطعيم شلل الاطفال نقط بس وكبسولة فيتامين الحكيمة بتفتحها فى بق البيبى وبس خلاص



كنت عايزة اقول حاجة عن المهلبية رأيى فيها يعنى وطبعا كل واحدة حرة تعمل اللى يريحيها
انا رأيى ان مهلبية اللبن دى اصلا مالهاش اى لزمة مفيهاش اى فايدة غير فايدة اللبن اللى البيبى كده كده بيرضعه .. لو هتعمليها مهلبية فاكهة ويستفيد من فايدة الفاكهة اوكى لكن لو لبن كده ونشا ملهاش لزمة .. اعملى مكانها حاجة احسن فيها فايدة مختلفة عن فايدة اللبن فاكهة او خضار او سيريال

و ملهاش اى نتيجه عليها

اخواتى هو البيبى بيقعد لوحدة من امتى اصل جودى كملت ماشاء الله 6 شهور ولسة مبتقعدش غير مسنودة*** انا حاسة نفسى انى ام فاشلة مش ذى الامهات اللى بتنوع ف الوجبات للطفل اكتر اعتمادى ع الحاجات السريعه سيريلاك وزبادى وجبنة كيرى نفسى اعملها خضار مسلوق عملتة مرة واحدة من ماستوى خدلة نص ساعة وبعدين بضربة ف الخلاط واسيبة شوية يبرد كانت البنت ع ما عملت دة كلة جاعت مستنتش اديتها الرضعة السؤال بقا ممكن اعملة واخزنة ف برطمان زجاج ف التلاجة بس خاييفة البطاطس تسود مش عارفة اعمل اية ف موضوع الخضار يا ريت تفيدونى

على فكره فى الوقت دا
يعنى بعد 6 شهور
بتكون الرضاعه كانها بتشرب مايه يعنى لازم تاكل
مش واجبه اسايه الرضاعه
كنتى جربتى تاكليها عادى
الاكل غير الرضاعه على فكره

والقعاد عادى فى بيقعدوا على 9 شهور متخفيش دا كلام الدكتور
والاحسن الاكل طاوة بطازة ومش تعملى كتير يعنى مثلا بطاطسايه صغيره على كوسيه صغيره كدا يعنى
مش كميات
يا دوبك وجبه اد وجبه السيريلاك او اصغر لانها لسه فى الاول
يعنى كبيرها 5 معالق مثلا كبار

بيبو ازاي المهلبية مفهاش فايدة ده كفاية نسبة الكالسيوم الي في اللبن وجسم الاطفال في الفترة دي محتاجة للكالسيوم عشان التسنين والمشي

رجائي يا ريت تقوليلي الفرق بين تطعيمات مصر و الامارات
و التطعيمات الخارجية دي التامين بيغطيها و لا لا

بنتى عندها كحة وبرد وعندها تطعيم بعد يومين هل فى مشكلة ولة عادى دة يعنى هياثر على التطعيم ولة السخونية هى بس للى بثاتر

ازيكو يابنات مبروك الجزء الجديد انا ابني بازن الله هيكم 6 شهور المفروض في اليوم كام وجبه وامتى نومه يتزبط ؟؟؟؟؟؟؟؟؟؟؟

اعلى الجنان;14106945:
السؤال بقا ممكن اعملة واخزنة ف برطمان زجاج ف التلاجة بس خاييفة البطاطس تسود مش عارفة اعمل اية ف موضوع الخضار يا ريت تفيدونى

يابنات انا عاوزة اعرف ايه تطعيم الروتا ده وتطعيم الاذن الوسطي ده بيتاخد امتى ؟

وبالنسبه انى برضع تايا ساعات وهى مستودة ع ايديا بس انا وهى نايمين في اتنين حذروني منها عشان الاذن الوسطي كده تتسد

الكلام ده صحيح ولا لا مع العلم انى مستوى راسها بيبقي اعلي درجه بسيطه من مستوى جسمها

*pippo*;14106587:

كنت عايزة اقول حاجة عن المهلبية رأيى فيها يعنى وطبعا كل واحدة حرة تعمل اللى يريحيها
انا رأيى ان مهلبية اللبن دى اصلا مالهاش اى لزمة مفيهاش اى فايدة غير فايدة اللبن اللى البيبى كده كده بيرضعه .. لو هتعمليها مهلبية فاكهة ويستفيد من فايدة الفاكهة اوكى لكن لو لبن كده ونشا ملهاش لزمة .. اعملى مكانها حاجة احسن فيها فايدة مختلفة عن فايدة اللبن فاكهة او خضار او سيريال

انا بردو رأيي من رأيك يا بيبو وعملتلها المهلبية مرة واحدة بس باللبن بتاعها ولسه امبارح سبحان الله بقول لحماتي كده اني هبقي اعلملها مهلبية فواكهة احسن وافيد وكمان عشان هي مش بتاكل الفاكهة لوحدها مش بتحبها اوي، وكمان عشان بخاف ان المهلبية بتاعة اللبن تبوظ بردو لو اتركنت شوية

صوت العيون ʚϊɞ ام سندس ʚϊɞ;14106601:
و ملهاش اى نتيجه عليها

لا لا ولا كأنها اخت حاجة متقلقيش

اعلى الجنان;14106945:
اخواتى هو البيبى بيقعد لوحدة من امتى اصل جودى كملت ماشاء الله 6 شهور ولسة مبتقعدش غير مسنودة*** انا حاسة نفسى انى ام فاشلة مش ذى الامهات اللى بتنوع ف الوجبات للطفل اكتر اعتمادى ع الحاجات السريعه سيريلاك وزبادى وجبنة كيرى نفسى اعملها خضار مسلوق عملتة مرة واحدة من ماستوى خدلة نص ساعة وبعدين بضربة ف الخلاط واسيبة شوية يبرد كانت البنت ع ما عملت دة كلة جاعت مستنتش اديتها الرضعة السؤال بقا ممكن اعملة واخزنة ف برطمان زجاج ف التلاجة بس خاييفة البطاطس تسود مش عارفة اعمل اية ف موضوع الخضار يا ريت تفيدونى

بصي انا كنت بكسل الاول بردو بس بقيت اعمل عادي خضار يقضي كذا يوم بس مش كتير بردو، كوسة وجزر وبطاطس وفاصوليا وبسلة مشكلين كده ويستوي كويس اوي طبعا واشيلهم في التلاجة عادي بس في رف فوق طبعا ومش بيحصلهم اي حاجة ولا بتسود ولا في اي مشكلة، وكل يوم اطلع اخد حبة كده اخليهم بره عشان يهدوا او ادفيهم واسيب الحلة في التلاجة عادي وفكرة مكعبات التلج دي بردو حلوة جدا عشان لو هتخليه يقعد فترة اطول.
وبعملها فراخ مخلية صدور بقطعها مكعبات كده وبسلقها مع جزر عشان يديها طعم شوية بردو بعمل يكفي يومين تلاتة والسمك المسلوق نفس الكلام، بس حاليا بقيت اجيب سمك مشوي.
والمكرونة البيضاء او لسان العصفور بردو ، وموضوع القعاد زي ما مورو قالتلك بالظبط بردو

البرج اليسر;14108882:
بيبو ازاي المهلبية مفهاش فايدة ده كفاية نسبة الكالسيوم الي في اللبن وجسم الاطفال في الفترة دي محتاجة للكالسيوم عشان التسنين والمشي

لا بيبو بتتكلم عن المهلبية اللي باللبن الصناعي وكده كده هما بياخدوا اللبن صافي لوحده فمش هتفرق معاهم المهلبية بتاعته، لكن هما محتاجينها اكتر اللي بتبقي بالفاكهة

M!ss Tuky;14109701:
يابنات انا عاوزة اعرف ايه تطعيم الروتا ده وتطعيم الاذن الوسطي ده بيتاخد امتى ؟

وبالنسبه انى برضع تايا ساعات وهى مستودة ع ايديا بس انا وهى نايمين في اتنين حذروني منها عشان الاذن الوسطي كده تتسد

الكلام ده صحيح ولا لا مع العلم انى مستوى راسها بيبقي اعلي درجه بسيطه من مستوى جسمها

لازم يا توكي تبقي مايلة بدرجة كافية بزاوية 45 لأنه فعلا اللبن ممكن يدخل علي ودنها لا قدر الله وساعتها بتبقي مشكلة بجد ووجع فظيع وغلبة، ممنوع الرضاعة وهي نايمة دي خالص معلش استحملي بس الفترة دي

طب البطاطس المسلوقة لما بتقعد فى التلاجة طعمها كده بيغير هى مش بتبوظ بس بتعمل طعم كده مش حلو؟؟؟؟؟؟؟؟؟؟ ايه الحل

كيوت لولا ... بصراحة معرفش حاجة عن تطعيمات مصر انا ولدت فى الامارات ومن وقتها معايا سجل لابنى مكتوب فيه التطعيمات اللى بياخدها بس شفت اعلان عن الروتا وسألت الدكتور قالي انه خارجي فعشان كدا سألتكم هوا فى مصر خارجي برضو ولا لا

توكى ..تطعيم الروتا دا بيكون ضد الاسهال الحاد والجفاف وبيكون قبل 6 شهور

هو البيبى ممكن ياكل كيوى امتى و بياكله كده وللا عصير مخفف؟؟؟؟

Bossy22;14110819:
طب البطاطس المسلوقة لما بتقعد فى التلاجة طعمها كده بيغير هى مش بتبوظ بس بتعمل طعم كده مش حلو؟؟؟؟؟؟؟؟؟؟ ايه الحل

مش عارفة بس مش بحس بكده خللي بالك احسن تكون حمضت، انا لازم اخلي فيها مية كتير

Bossy22;14112786:
هو البيبى ممكن ياكل كيوى امتى و بياكله كده وللا عصير مخفف؟؟؟؟

اظن مش قبل سنة بردو هي والحمضيات والفواكه الاستوائية، بس انا امبارح كنت باكل كيوي وهي قدامي فقلت ادوقها بس واتفرج علي رد فعلها :lol::lol: طبعا عملت الاول مش قادرة اقولك بس عجبتها بعد كده اوي بس مش هديها طبعا تاني

تسلمي ياكتكوتة انك عرفتيني علي التجمع دة ماشاء اللة في معلومات مفيدة و اكيد هحتجلها ان شاء اللة ب
بنات لو سمحتو كنت عايزة اعرف الفرق بين شفاط اللبن اليدوي والكهرباءي

at2ota;14114215:
تسلمي ياكتكوتة انك عرفتيني علي التجمع دة ماشاء اللة في معلومات مفيدة و اكيد هحتجلها ان شاء اللة ب
بنات لو سمحتو كنت عايزة اعرف الفرق بين شفاط اللبن اليدوي والكهرباءي

انا جبت اليدوى ووحش اوى وبيوجع اوى انا جبت سفارى اللى فيه ببرونة ب 45 جنيه ولازم يبقى البريستمحجر عشان يجيب معرفش الكهربائى