الحين ابي جواب حبيباتي قبل ما اسوي اختبار الحمل

عوافي حبيبتي

الله يعطيك الصحه والعافيه والله ودي افيدك واساعدك بشي بس اللي اقدر عليه ادعيلك

لاني والله مامر علي هالشي وانشاءالله خير يارب تحياتي يالغاليه

يارب تكوني حامل مثلي
انا قبل ما احمل كنت اتعالج واستخدمت منشط لمده شهر
وتركته شهر لان الدكتوره سافرت قلت ماابي اشرب وهي مو موجوده
والشهر الي ماشربت فيه تاخرت الدوره بعد ماتنظمت لما صارت تجيني كل تاريخ 8
وخفت لاني قلت اكيد تخربطت وانا زهقت من العلاج
مره علاج تكيس ومره منشط ومره منظم والنفسيه تعبانه من التفكير
بس الحمد الله
في الشهر الي تركته حملت
مع اني كنت مستبعده احمل لان صار لي شهر وانا اشرب فيه وماحملت اخر شي لما اتركه احمل ؟؟
فكان احلى خبر بحياتي
واحلى يوم لما جربت التست واشوف خطين مع اني داخله الحمام
وانا في قلبي اقول خط واحد واكيد برجع للعلاج وخوف من يرجع التكيس
ان شاء الله تكوني حامل وتبشريني وتفرحي وتفرحي اهلك وزوجك

مشكورات حبيباتي
مشكورة امواج الله يفرحك بشوفته يا رب وان شاء الله يكون من الصالحين البارين بك وبابوه

الظاهر انه مافي نصيب هالشهر توني مسويته بس ما طلع شي حتى ولو بالغلط ابي افرح بالخط الثاني بس ما في نصيب الحمد والشكر لك يا رب
وشكلها مخربطة من جديد الله يعيني على اشكال التعب النفسي

حبيبتي أنأ تركت العلاج شهرين وتأخرت الدورة ?? يوم حللت بول عزج ???? وطلعت حامل نطري ? أيام وحللي وياررب حامل

الله يرزقك بالذريه الصالحه عاجلاغير اجل

الله يرزقك الذرية الصالحة يا رب
انا متلك بتعالج عم باخد منشط وتنظيم للدورة وتنشيف هرمون الحليب ولي اسبوعين بتعالج
وعلاجي كمان اسبوعين بخلص
ولي سنه متزوجة وما صار حمل ولا شي
وان شاء الله تكوني حامل وتبشرينا يا رب

الله يجبر بخاطركم يا الغاليات والي حامل الله ييسر لها الولادة والي تنطر مثل حكايتي الله يفرحنا قريييييييييييييب
تراني سويت التحليل وما في شي قاعدة انطرها وبروح ان شاء الله بكرة للدكتورة وببتدي حوسة جديدة ولف ودوران وعذاب وتفكير يا الله رحمتك يا الله رحمتك
انا انطر من سنتين واحتسب الاجر

حبيبتي انا انتظرت سنتين كاملات و بعدهم حملت بعد تعب نفسي و علاج بس لما نسيت الموضوع حملت الحمد لله انتي لا تحملي هموم كثير و ان شاء الله تلااقي نفسك حامل

انا كنت من اتعالج واخذ المنشطات تنتظم الدورة
ومن اترك العلاج تنعفس فوق تحت تجلس بالاشهر ما تيجي
بس ان شاء الله تكوني حامل
ترى ممكن يكون حمل متأخر وعشان كذا ما ظهر الخط الثاني الحين
لا تيأسي

حبيبتي لا تيأسين ان شاء الله حامل

الله يرزقج ويرزقني بالذريه الصالحه عاجلا غير اجل

يمكن توك في بدايه حملك لاتستعجلي غناتي
استني شوي

تدري انا الشهر الي حملت فيه غسلت بعدها بكم يوم صار عندي زواج اختي
وكنت ابياصبغ شعري وخايفه اصبغ واطلع حامل
سويت تست في البيت الخط ظهر لي خفيف يعني حتى بنظر ماتشوفيه
بس تدرين نفسي احمل فادقق بقوووووه
قمت جربت تست ثاني وريته مرت اخوي قالت فيه بس اختفى يعني مافي حمل
قلت لها لا يمكن فيه حمل بروح المستشفى اتاكد
وطيرااااااااااااااااااااااااااان على المستشفى حللت دم وجاني الخبر انه مافي حمل وتحطمت قلت غصب ابي اطلع حامل حتى لو على امل ضعيف
وقمت صبغت شعري قلت ماني حامل عادي بصبغ
وصبغت وجا زواج اختي وربي مااكدب عليك طول سبوع الزواج رقص
وليله الزواج ماجلست طول الوقت على المنصه وانواع الرقص والاستهبال
وبعد شهر عرفت اني حامل
وحتى فتره ماصبغت شعري كنت حامل
بس لان هرمون الحمل اتوقع كان اوله وضعيف فما بان في تحليل الدم

امواج يا الغالية ربي يحفظه لك وتشووفينه عريس ان شاء الله
بس اتوقع بتنزل لان المها قاعد يدق وعلى الابواب ههه
الله المستعان بروح بعد ساعة للطبيبة ان شاء الله وبخبركم شصار معاي
ادعولي وعسا ربي يرزق كل من تتمتى وكل من ترفع يدينها لله جل في علاه

البنوتات الحلوين انا والله ماني يائسة بس تعرفون الشعور لما الواحد يتأخر في هالموضوع بالذات كل الي تزوجوا من وراي بشهوووور رزقهم ربي اللهم اجعلهم بالبارين بهم ... واملي في ربي كبير يارب انت تشوفني الحين وتشوف كل وحدة تتمنى الخلفة وتتمنى شي ثاني منك لانك انت الواحد الاحد الفرد الصمد ما لنا غيرك يا رب عشان نتدلل له وندعيه ويستجيب لنا انت الكريم الرحيم انت ارحم علينا من امهاتنا يـــــــــــــــــــــا رب

ان شاءالله تبشرينا يارب توكلي على الله...

اللهم عليك توكلت واليك انبت واليك المصير
جزاكم ربي الجنة ولكل من دعت لي عن ظهر الغيب
رحت للمستشفى الي قربي لقيتهم مسكرين عندهم يوم اجازة
ورجعت البيت لانه وقت غداء وزوجي هو الي يوديني ومداوم فما حصلت وقت اروح مستشفى ثانية بكرة ان شاء الله بروح
بس الي استغرب له انه اوجاع الدورة تجي وتروح عمرها ما سوت هالشي يا اما تجي بمرة يا اما تروح بمرة ياااااااااااااا رب رحمتك يا رب

الله يرزقنه انا وانتي هشهر

يارب يرزقك يارب

يارب يرزقك الذرية الصالحة ويعوض صبرك خير ان شاء الله

يا رب يا حبيباتي انا رحت للمستشفى وشرحت للدكتورة شو المشكلة فسويت اختبار حمل واختبار الغدة واختبار هرمون الحليب
الحمد لله والشكر لك يا رب على كل حال ما طلع حمل اتصلت علي امبارح وقالت لي نيكاتيف والغدة الحمد لله والشكر ما عندي بس هرمون الحليب نتيجته بتطلع اليوم وانطر مكالمتها ان شاء الله خير ..الحين قالتلي ابتدي دوفاستون... وبخبركم باخر التطورات
استودعكم الله