تعالو نساعد بعض .... اخبار المطابخ ايه (بنات مصر )

b

banana z3lana

عروس مبدعة

30-12-2010 | 03:37 PM

ازيكوا يا بنات
انا اول مره اعمل موضوع فهتلاقوه ملغبط و مش اد كده بس استحملوني بقي
ما انا لازم اتعلم فيكوا و لا اتعلم في مين يعني:p

انا عامله الموضوع ده علشان نستفاد كلنا من خبرات بعض
شوفوا بقي
كل واحده عملت مطبخ تقولنا
عملته فين
خشب و لا الوميتال
المتر بكام
كلو علي بعضوا اتكلف كام
متر الرخام
الاكسسوارات منين و بكام
كلو كلو يعني

و يا ريت الصور كمان
و عجبها و لا لا

لو لقيت تفاعل مش عارفه هعمل ايه الصراحه
انا اصلا مش عارفه يعني ايه تفاعل بس بلاقيكوا بتكتبوها:thumbs_up::thumbs_up:

h

hoba bodyyy

عروس رائعة

30-12-2010 | 03:49 PM

هههههههههههههه الف مبروووووووووك انا اول واحده هرد عليكى يا قمر

انا عملت مطبخىخشب مش الموتال واللى بيعمولهولى هو اللى بيعملى اوضه النوم والسفره يعنى واخداه عموله

تكلفته يا قمر مش عارفه بالظبط والله لانه لسه مخلصش اللى خلص فيه الجزء اللى فوق والجزء اللى تحت وهو عاملى المقابض بتاعته المانى وبابا لما شافها ومسكها قالى دى انظف نوع ولسه هيعملى التقفيله بتاعه تحت الحوض ولسه دولاب المطبخ والاكسسوارات برده مش عارفه لانه هو اللى جاب كل حاجه بس انا مش هقفل عند المطبقيه خطيبى قالى لاء قولت مش هزعله هو بيرضينى فى كل حاجه مجتش على دى فا جبت مطبقيه لونها لون الخشب بتاع المطبخ
انا مطبخى 3*3.5 يعنى الحمد لله كبير وواخد كل حاجه ان شاء الله اول لما اروح للنجار هسأله

اه الرخامه اانا جيباه جرانيت تقريبا لونها زيتى وعامله معايا 800 جنيه وجبتها من المناصره من واحد بتاع رخام هناك
وان شاء الله اول لما يخلص هوريكوا الصور

.

.* اميرة *.

عروس ماسية

30-12-2010 | 09:26 PM

موضوع حلو اوى وجالى فى وقته بصراحة

د

د.نورا

عروس جديدة

01-01-2011 | 01:23 AM

سلام عليكم
انا نزلت من يومين اتفقت على المطبخ بتاعي
هعمله عند معرض اسمه value عندنا هنا ف المنوفية - وله فروع ف اسكندرية والقاهرة على ما اعتقد

هما ماشاء الله شاطرين اوي ووروني الديزاين على الكمبيوتر واحنا بنتفق وكل التعديلات عملتها مع المهندس المختص وكل حاجة كنا بنشوف شكلها ساعتها على الموديل

هو طبعا الوميتال لون الخشب - وفوقه جرانيت اخضر - وبينهم طبقى حلية من الرخام العادي

التكلفة لسة مش عرفاها بصراحة

اول اما اعرف هبلغكوا اكييييييييد بس انا حبيت اشارك ف الموضوع باي حاجة :)

s

saso_m

عروس مبدعة

01-01-2011 | 12:30 PM

موضوع حلو اوووووى
انا بقى مطبخى الوميتال عملت المتر تقريبا ب 1100
بس مش مربع فوق وتحت
انا مش عارفة المطبخ عندى مساحته اد ايه
بس انا استغليت كل ركن فيه وعملت تقفيلة تحت الحوض
وواحدة للمطبقية وعملت درفتين فى بلكونة
المطبخ للخزين واتكلف 6000 الاف من غير الاكسسوار
بس خليته ادانى الرخامة ودهنلى شباك الحمام
وجبت الاكسسوار
* مدخنة استانلس بكينار زجاج وشفاط جراند الراجل
بتاع المطبخ قالى انه افضل ماركة ب 1400 خدته ب 1350
من عبد العزيز
* السلة الدوارة 50 سم ب 145 ج من الرويعى
* حامل كاسات زوجى 28 تقريبا من الرويعى
* حامل كاسات فردى ب10ج من الرويعى
* حامل اكواب على شكل كمان ب 20 من الرويعى
لسه ان شاء الله هجيب اسبتة المبامبو واقولكو الاسعار

.

.* اميرة *.

عروس ماسية

01-01-2011 | 02:37 PM

saso_m;14103322:
موضوع حلو اوووووى
انا بقى مطبخى الوميتال عملت المتر تقريبا ب 1100
بس مش مربع فوق وتحت
انا مش عارفة المطبخ عندى مساحته اد ايه
بس انا استغليت كل ركن فيه وعملت تقفيلة تحت الحوض
وواحدة للمطبقية وعملت درفتين فى بلكونة
المطبخ للخزين واتكلف 6000 الاف من غير الاكسسوار
بس خليته ادانى الرخامة ودهنلى شباك الحمام
وجبت الاكسسوار
* مدخنة استانلس بكينار زجاج وشفاط جراند الراجل
بتاع المطبخ قالى انه افضل ماركة ب 1400 خدته ب 1350
من عبد العزيز
* السلة الدوارة 50 سم ب 145 ج من الرويعى
* حامل كاسات زوجى 28 تقريبا من الرويعى
* حامل كاسات فردى ب10ج من الرويعى
* حامل اكواب على شكل كمان ب 20 من الرويعى
لسه ان شاء الله هجيب اسبتة المبامبو واقولكو الاسعار

ماشاء الله تقرير تستاهلى عليه التقييم

ياريت تحطى صور ربنا يكرمك وصورة المدخنة والسله الدوارة
ولون المطبخ ايه متهيألى ده خشمونيوم

غ

غلباوية صغننة

عروس متألقة

04-01-2011 | 04:38 PM

أنا لسه حالياً في مرحلة البحث و التنقيب عن حد كويس بسعر كويس
أياً كانت الخامة بقى
لسه في طور البحث و الدراسة و التنقيب
:D

غ

غلباوية صغننة

عروس متألقة

04-01-2011 | 04:48 PM

صحيح أثناء جوالتنا المطبخية سألنا في كام مكان
قبنوري افترااااا بصراحة المتر مش فاكرة تقريبا مربع بحوالي 3000 تلاتلاف خشمونيوم بس معاه الضمان بتاعه و أنا معرفش متابتعش السؤال
في مصنع في 6 أكتوبر بيعمل خشب كله
المطابخ عنده لطيفة شوفت شكلين مطابخ بس
المطبخ خشب المتر طولي على ما أتذكر ما بين 1300 و 1400
المصنع اسمه البرنس
مفكو حلوان مش فاكرة الخشب كان إيه بالظبط و كان المتر برضه في الحدود 1300 - 1400 بس مش فاكرة خالص طولي و للا مربع
و تقريباً المصنع و مفكو فوق لوحده و تحت لوحده
قبنوري مش فاكرة

أينعم أخبار مش جامدة بس أنا قولت أكتبب اللي عندي يمكن أعرف أساعد زي ما أخدت منكو كتييييييير
^ـ^
بحبكو كلكو جداااااااا

م

ماب

عروس نشيطة

04-01-2011 | 08:22 PM

والله انا كمان عوزه اشوف تصميمات المطابخ لانى ناويه ان شاء الله اعملو الوميتال
منتظرين الاخوات الغاليات
وياريت البنات يحطو صور المطابخ بتاعتهم نستفاد منها برضو

.

.* اميرة *.

عروس ماسية

04-01-2011 | 10:10 PM

انا سالت فى قبنورى المهندسين عن مطبخ قطعتين امريكان وبسعر عجيب جدا

البنت قالت ياب60 ياب70 الف
ولاتعليق بصراحة

b

banana z3lana

عروس مبدعة

06-01-2011 | 03:11 PM

محدش متفاعل خالص خالص

بجد كان نفسي اعرف تفاصيل
ميريب جدا للبنات اللي عندها اي معلومات
و في انتظار المزيد

n

nana12

عروس مبدعة

06-01-2011 | 05:42 PM

موضوع جميل يا قمر
انا برضه بدور لسه كنت مقرره اعمله فى قبنورى بس صدمتونى باسعاره كنت فاكره حيبقى كلبيره 10 او 15 الف بالكتير وانا بدور بقى لاقيت الموقع ده فى مطابخ ام دى اف
معالجه بيقولو كويسه ادخلوا شوفوا كده sirosmartfurniture

غ

غلباوية صغننة

عروس متألقة

06-01-2011 | 05:48 PM

شكرا يا نونا أنا دخلت و باتفرج
بس في حاجة
هو أنا لو عايزة لون بعيد عن الخشب
اللبني الفاتح مثلاً
لازم ألوميتال و للا ممكن الخشب بخد وش دهان و للا هيتفك و يتبهدل ؟؟

M

MARMORA_A

عروس برونزية

06-01-2011 | 09:23 PM

[U][B][U][B]مااااااشااااااء الله موضوع جالى فى وقته

وبجد بستفيد منه ومتبعاكم يابنانة
[/B][/U][/B][/U]

n

nana12

عروس مبدعة

06-01-2011 | 09:24 PM

غلباوية صغننة;14151384:
شكرا يا نونا أنا دخلت و باتفرج
بس في حاجة
هو أنا لو عايزة لون بعيد عن الخشب
اللبني الفاتح مثلاً
لازم ألوميتال و للا ممكن الخشب بخد وش دهان و للا هيتفك و يتبهدل ؟؟

بصى يا قمر انا اللى قالى ع الموقع ده قالى برضه انه بيدهن اللون اللى انتى عايزاه وعلى كلامه انه مش بيتبهدل ولا حاجه بس انا لسه مجربتش

l

lola2007

عروس متألقة

11-01-2011 | 02:40 PM

الموضوع حلو فعلا يارب اقدر افيدكم

انا روحت بارون هوم سنتر اللى على الطريق الدائرى بتاع المعادى وكان فيه هناك معرض لمطابخ شكلها تحفه اوى وعجبتنى جدا المتر كان 1650 مش عارفه غالى كده ولا ايه بس هو كان محترم اوى وده الموقع بتاعه www.el-badry.com فيه كل التفاصيل للى حابب يعرف اكتر

b

banana z3lana

عروس مبدعة

11-01-2011 | 04:36 PM

حد طيب يعرف حاجه عن اسعار المطابخ بتاعت الناي اللي في غمرة ؟؟؟

طيب هوا نوع الخشب بتاع المطبخ بيبقي ايه؟
ارو ولا زان
و لا كونتر
ولا ايه بالظبط

ولو حد عمل عند نجار يقول
و الاسعار ؟

n

nana12

عروس مبدعة

11-01-2011 | 05:01 PM

banana z3lana;14193517:
حد طيب يعرف حاجه عن اسعار المطابخ بتاعت الناي اللي في غمرة ؟؟؟

طيب هوا نوع الخشب بتاع المطبخ بيبقي ايه؟
ارو ولا زان
و لا كونتر
ولا ايه بالظبط

ولو حد عمل عند نجار يقول
و الاسعار ؟

انا يا قمر جبت مطبخى الى فى شقتى دلوقتى من عندهم من محل اسمه الشيخ عندهم فعلا اشكال حلوه جداا كان سعر المتر 600 بس ده من تلات سنين وبالنسبه لاحسن نوع خشب طبعا الارو بس ده بيبقى غالى فالاحسن انه يتعمل المطبخ القوايم زان والباقى كونتر

غ

غلباوية صغننة

عروس متألقة

11-01-2011 | 07:43 PM

nana12;14193679:
انا يا قمر جبت مطبخى الى فى شقتى دلوقتى من عندهم من محل اسمه الشيخ عندهم فعلا اشكال حلوه جداا كان سعر المتر 600 بس ده من تلات سنين وبالنسبه لاحسن نوع خشب طبعا الارو بس ده بيبقى غالى فالاحسن انه يتعمل المطبخ القوايم زان والباقى كونتر

بسم الله ما شاء الله ربنا يباركلك فيه
ممكن تقوليلي المكان فين بالظبط ؟؟؟
و المطبخ كده خشب مش كده ؟؟

لولو
بيتهيألي كده غالي أوي
أنا شوفت مطابخ خشب و من مصنع عندنا ليه اسمه و يخاف عليه
المتر بحوالي 1300 بالكتير أوي على ما أذكر
و ده من قريب
يعني شهر شهر و نص بالكتير

.

.* اميرة *.

عروس ماسية

11-01-2011 | 09:12 PM

بنات هو ايه الماجيك كورنر دة بيستعمل فى ايه