الى كل امهات التوأم

ان شاء الله البنات يفيودكي

وتقومى بالسلامة انتى والبيبيهات

وانا كمان حامل بتوأم وبالسادس وباقي ما سويت شي هههه
همتكم يابنات فيدووووونا

اعتقد التوأم يكونوا صغار الله اعلم
ان شاء الله البنات يفيدوك اكثر
والله يقومك بسلامه انتي وهم

اختي التوام اظن يجون صغار فاشتري اصغرر المقاسات

ولا تتحركين وايد حاولي تشترين من الانترنت او خلي خواتك يشترولك

وحاولي تخلصين تجهيزاتك مني للشهر السابع والله يتمم عليج يارب

اني لما كنت حامل بالتوأم اشتريت اصغر المقاسات مال الاطفال الخدج اعتقد اسمهم tinny baby وبعد طلعوا كبار

شكرا على اللي ردوا علي
وشكرا على دعواتكم

البارحة رحت مذر كير الاصلي اللي بالسيتي وخذيت شباحات tinny baby
المشكلة ان مو كل المحلات عندها اصغر شي
ما ادري شنو اشتري ليهم .. طبعا ما اتوقع مزلط لان احس بيصير برد عليهم
هم صح بجيبهم في الحر بس فيه تكييف .. شكلي بشتري شبك كامل شو رايكم
اهلى يقولون ان حظني يربي يعني في شهر يصير جسم اولادي حلو

طله امل
انصحش تكملين اغراضش وتكونين جاهزة
اني بحملي ببنتي وولدي ادخل الثامن الا الشنطة جاهزة واني مكمله اغراضي
عشان ما اشيل هم ولا احاتي شي

سلام عليكم
انا كنت حامل بتؤام وشريت اليهم كل مزلط لاني كنت جايبتنهم في شهر 8 ومن الشهر السابع قعدت بالبيت وما قمت اتسوق كان صعب ولدت قبل لا ادخل التاسع بيوم ويبتهم صغار 2 كيلو بس والثياب الي عندي كانوا كبار عليهم حتى السايزات الصغيره الي شريتهم من ماركس اند سبنسر

حتى التوزيعات تحيرت فيهم وبعدين شريت كاكاو من باتشي يوم الي ولدت فيه

وكان معطيني موعد الى عمليه بس الله سهل ولدت قبل الموعد باسبوع

قلت قصة حياتي

هههههههههههههه
بس صراحه متعبين في البدايه بس احين متعه وياهم الله يخليهم

والله يقومك بالسلامه

الله يسهل عليج ولادتهم

وتقر عينج بشوفتهم معافين

الله يسهل عليج

catreen شكرا افتينا بخبرتش
اني بشتري من السيف لان احصل عندهم مقاسات صغيرة
افكر اروح طيور الجنه بشوف شنو عندهم
احس تجهيز لواحد اسهل من 2 الله يساعدنا

وشكرا على ردودكم عرايس ودعواتكم

اني رغم انهم اثنين بس ما جهزت اليهم واجد لان كنت اتعب فشريت الى البنت يمكن 7 شباحات والولد 7 شباحات بس
وشريت مرضعتين الى كل واحد فيهم
وفراشين
و5 ققماطات الى كل واحد
يعني الحاجيات الاساسيه رغم اني بكريه كنت المفروض اشط عمري بس ما كان لي مزاج من التعب وامي خواتي هم الي تكلفوا باغراض الضيافه ويازعم التوزيعات كنت اني بسويهم ما رضيت اليهم انهم يسونهم ولدت قبل لا اخلص منهم كنت مفكره اشتري توزيعات عطر من عطورات البيان وكانوا بسونهم لي تاريخ 8 \8وشريت صينيه كنت بوديها الى محل ورد طبيعي يسونها لي يوم ولادتي ويستلمونها بيتنا بس ما ولدت بعمليه مثل ما هو محدد وكل شي بكتبت الله

بس تصدقين اني مالبستهم من 0 الى 3 شهور الا لما صار عمرهم شهرين وكانوا كبار عليهم
لان يوم اوديهم الى فحص الشهرين كان وزنهم 3.5 يعني طفل توه جايبينه

منجدي اني ما ندمت اني ما شريت واجد بالعكس احين احلى عليهم اللبس خصوصا انهم تركوا القماط والمفرش
وعمرهم 4 اشهر و3 اسابيع


ومسامحه هدرت واجد

حاولي تخلصين شغلش بسرعه ترى من تدخلين الشهر السابع بتحسين بتعب وما بتقدرين تتسوقين واجد

والله يقومك بالسلامه

هاتى مقاس النيوبورن و من 0-3 عشان لما يكبرو شوية ربنا يحفظهم و يكون وزنهم كويس

catreen مشكورة حياتي على المعلومات والله يخلي ليش التوم
لو تقولين اسمائهم يمكن اسمي اولادي عليهم محتارة كل يوم اطلع ليهم اسماء
ويقول زوجي شكلش ما بتستقرين حتى بعد الولادة

بصراحة اني اول وحدة من عائلتي حامل في توأم والدكتورة تقول لازم وراثة
بس ما اعرف احد من اهلي عنده او مرة حامل بتوأم ... وكنت محتاجه اسأل احد عنده توأم
فشكرا على المعلومات .. عشان احط كل شي في عين الاعتبار
اني بحملي السابق اشتريت 5 قماطات وفعلا احتجتهم
الحين 2 يعني 5 + 5 يعني 10 والمفارش كنت اخذ للواحد 2 بس حاليا بشتري واحد لكل واحد وبعدين بشتري 2
عشان يصير 2 لكل واحد ... بس متحيرة للملابس .. الله يسهل

كنت بسألش كنتين ترضعينهم طبيعي لو تستعينين بالصناعي بعد ؟؟؟

صراحه اني مو وراثه علاج

واسمائهم كوثر وعلي

وارضعهم صناعي للاسف لان اصلا طول فترت حملي كان عندي نقص في الدم يعني hp مالي كل 8 حتى كان يغمى عليي بالشغل

فيوم ولدت جسمي كان تعبان وما كنت احب اكل وحاولت ارضعهم من عندي بس ما كان يطلع لهم حتى هم استملوا وتركوه منجدي استخدم صناعي

بس نصيحه لا تكثرين لان بعد الشهرين بتطلعين وتشترين اليهم اشياء احلى من الي كنتين تحصلينهم احين

وانت براحتش

والله يسهل عليش

الله يخليهم لك ان شاء الله يا catreen
عندي فاطمة وعلي يعني ما منبوق اسمائكم لان عندي بالعائلة كوثر 2

لا ما بشتري وايد .. بشتري بعدين >>> مثل ما قلتين بعدين بيعرضون بضاعة جديدة وحلوه
واحنا ما نقعد بدون تسوق ...
اليوم رحت بيبي بورن شريت فراشات يجهزون بعد شهر شريت 2 مع لقماطات وغطاه للفراش وفستان
طلع علي 40 دينار كامل .. بس شنو رووووووووووعة
بحاول اكمل اغراضي بسرعة عشان ارتاح شوي

الله يقومك بالسلامه

اختي شنو ناوية تشترين ليهم ثياب ؟؟ مثل اللون((الوان محايده )) او بحري ووردي ؟؟

ام شهودة شريت بحري ووردي وفيه شي بني للولد
امس رحت كارترز واج اند ام حصلت روعة وبسعر حلو
يعني باقي علي شوي واخلص لفراش بعد واحد وردي والثاني ازرق
طبعا اني اشوف اي احلى

اذا تبين تروحين كارترز فيه تخفيضات حلوة يعني شريت مجموعة شباحات حلوين للولد والبنت
يعني البنت 6 والولد 6 سعر المجموعة 7 دينار ونص لو اعرف انزل الصور نزلتهم بس ما اعرف وايد حلوين
وشريت من عندهم لحافات للبنت بني فيه دوائر وردي يجنن والولد بحري فيه رسمات تمساح روعة بعد وناعمين
الواحد ب 7 دينار ونص وفيه شغلات حلوة بعد بروح اشتري عندهم اشياء حلوة

مرحباااااااااااااااااااا
شخبارش خيو
تراني مثلش توم وللحين ما جهزت شي كلش
قولي لي من وين بتجهزين وكم التكلفة تقريبا احط ببالي
انا جهزت من قبل بس لواحد وما اذكر لان من زمااااااااان
الله يقومنا بالسلامة