الى كل امهات التوأم

الله يسهل عليج يارب .....

في خاطري اجيب توام ......

حبيبتي اخذي كم قطعة حجم تايني وكم قطعة نيوبورن والباقي 0-3 شهور لان اذا ولدتي قبل التاسع راح يكونون بالحضانة وماراح تلبسينهم الثياب

جويريه بحرينيه
اهلا فيش .. ومبروك الحمل
شوفي خيو تقريبا اني جهزت كل شي ما عدا ادوات النظافة وشوي اغراض حقي
شريت الملابس من مجمع السيتى سنتر .. من مذركير وسنتربوينت وكارترز و اج اند ام
سنتر بوينت ما شريت منه وايد .. شريت لفراشات من بيبي بورن اللي بسوق جدحفص روعه
ورحت السوق شريت قماطات واللي يحطونة على لفراش من عند رياض المحروس
وترى كان عندي بالبنك 200 دينار كلها خلصت بس سوت لي اشياء وايد
وما بشتري عربة لان ما افكر اطلع وياهم لان عندي 2 يطلعون الروح لما نطلع المجمعات يطفشوني
واني من النوع اللي اخاف عليهم وايد وزوجي بارد في كل شي ... يمكن اشتريها بعدين لان احب لهيامة ما اقدر
اقعد في البيت اموت ..ههههه
سرير ما شريت لان عندي واحد مال بنتي و استخدمة لولدي وان شاء الله لتوأم بس بغير لفراش

نسيت اقول لش شريت من سنتربوينت كرسي يهتز حلو 3 في واحد
اقول لزوجي واحد على رجلي اهز فيه وواحد على الكرسي اهز فيه

ما بسوي استقبال ولا شي لان عيون الناس ما ترحم
هم الحين يطالعون بطني ويقولون جم لش بطنش كبير ( اللهم صلي على محمد وال محمد )
الناس ما ترحم بس كل شي من عند الله والحمد لله

بسوي توزيع للمستشفى وبخليه مميز لان افكر يكونون اخر حمل ليي وخلاص وكل شي بأرادت الله سبحانه
وطبعا بشتري لي بيجامات قطن بعد الولادة اريح
والله يسهل علينا وعليش
ونصيحة جهزي من الحين لان لما كنت اتسوق تعبت تعب وخفت يصير في البيبيات شي



الخوافي
الله يرزقك ان شاء الله بتوأم

انكساري شموخ
زوجي ابدا مو قابل اشتري من 0 الى 3 يقول بيطلعون كبار وايد حتى نيو بورن
فعلا معاه حق اني بولدي كملت التاسع وجبته كلش صغير ونيو بورن كلش غايص فيهم
اتذكر دكتور الاطفال اللي فحص عليه قبل ما اطلع من المستشفى يقول هذا ويش ولدش كلش صغير
رضعيه زين خله يكبر وهو يضحك .. كان 2 كيلو نص
وصدقيني تحيرت شنو البسه ما عنده كل اللي شريتهم كانوا نيو بورن بعدين خواتي شروا ليه .. شلون التوأم
اني اخذيت اصغر المقاسات بعدين على قولت زوجي بنشتري ليهم
والمستشفى يحطونهم في الحضانة اذا اقل من 2 ... واذا 2 كيلو بيعطوني اياهم
واني لما ادخل السابع ان شاء الله ما بتحرك وايد عشان ما تصيدني ولادة مبكرة

اخذي لهم شباكات الي تجي ال3مع بعض من المذركير نيو بورن
واخذي الباقي من 0-3 ولما تولدين كملي الباقي يعني لاتكثرين من الملابس اوكي خيوتي
والله يتمم لج وتقومين بالسلامة

نوعي في المقاسات يعني اخذي شوي تايني بيبي وشوي نيوبورن وشوي 0-3

اني ماعندي توأم بس جهالي صغار اجيبهم وفي لنيوبورن يتبهدلون هههههههه

واذا مثل ماتقولين اطفالش يتغيرون في شهر اخذي لهم بس على 3لبسات تايني والباقي نيوبورن

والله يسهل عليش ويقومش بالسلامة وتشوفينهم في حضنش

ام القمر علي ورسيل الورد
شكرا على الرد .. اني بنوع في الملابس
اني اخذيت كله تايني على نصيحة زوجي يزن عليي لا تاخذين اكبر شفتين علاوي ولدنا شلون كان صغير
بس الحين بسوي بصيحتكم ونصيحة البنات واخذ نيو بورن وما بكثر منه ومن 0 -3

وشكرا مرة ثانية على النصيحة

ام الحلوين تسلمين يا رب

ان شاء الله قريب ابتدي اجهز وما بشتري واجد لان ما ادري شنو نوع البيبيات بالظبط

وافكر اشتري كم شباحة هذلين الي يجون 3 ويا بعض والباقي بعد الولادة ونفس الشي المراقد

ومذركير الي في الماحوز مسوي تخفيضات روحي شوفي بعد

والسرير اني نفسش عندي من اول ولد لي

الله يسهل علينا جميع

الله يسهل عليش يارب