دليل العروس السعودية الأول

:clap::clap::clap::clap:

يعطيك مليووووووووووون عافية على هالموضوع الروعة


وأنا عندي مشكلة الدبلة .......صار لي فترة أدور دبلة ألماس حلوة وأهم شي تكون ناعمة ومو لاقية ........تيفاني حلو لكن موديلاته محدودة ومليت منه

داماس حلو بعد ........أنا أبي من كارتير ......ما تعرفون وين ألاقيه بالشرقية؟




تحياتي
ايمــــــــــــــــــــــا

السلام عليكم

بناات تذكرت شيء مهم بس الكثير يغفل عنه
وانتي تجهزين لما تشرين قميص نوم لا تطلعين من المحل الا واني شاريتله بانتي مناسب له
كثير عرايس تشري قميص النوم وتنسى البانتي


ولا تنسين اشتري بيجامات بس بيجامات كشخه ستان وشيفونات بتحتاجينها كثير خصوصا ايام الدوره اريح من القمصان

وكثير منا يغفل عن ملابس البيت او مايشري الكافي.. ملابس تكون سبور مريحه وحلوه مثل تنانير قصيره شورتات جنز بوديات بنطلونا القطن الاسبور تعطي للجسم شكل مره خطير

حبيت اقولكم هالاشياء لانها مهمه ..

اخي قمرهم كلهم
المحلات الي تكلمت عنها بالرياض الا محل فساتين الزفاف الجاهزه ومحل فساتين السهره الاثنين هذولي بجده مول في جده بالدور الثالث لقينهم ومحل فساتين الزفاف عندهم محل بنفس المول لفساتين الشبكه وممكن تختارين موديلات من البورده ويجيبها لك بعد شهرين عندهم اشياء حلوه والله

هاي بنات

وين اللي اتفقنا عليه

مشاركة من لك روحي بس

مشكورة حبيبتي

والاخت ايما
حبيبتي كارتيير له فرع بالرياض بس اعتقد
وفي محلات ساكس فيفث افينو بالمملكة

ونصيحتي لك تشوفينه عنده اشياء ولا في الخيال

طبعا حبيت اقولك ان كارتيير راقي مرررة وارقى من تيفاني وداماس وانشالله بتشوفي بنفسك

وعندك خيار ثاني بنفس المستوى

شوبارد بمحلات معوض بالراشد

وشي ثاني

وطبعا أنا بكل فخر أقول لكم إن اختي وحبيبتي
كلهـ قمرهم ـم

اقترحت إن نفتح باب السؤال والجواب

فاللي عنده أي استفسار خاصة الشرقاويات وطبعا بنات المملكة (بس على شرط الكل ايشارك في الرد يعني مو كل شي احنا لازم نعرفه فاللي ما نعرفه غيرنا يعرفه وكذا ورجاء بنات المملكة صيروا متعاونين) عن التجهيز أو محلات أو اقتراحات ايرسل ل
كلهـ قمرهم ـم
أو لي
من خلال الموضوع أو اذا كان خاص على الخاص
وانشالله بنستقبل جميع تساؤولاتكم وطبعا بنستمر بالموضوع بس اللي عنده شي معين يبيه ايخبرنا وانشالله بنساعده

وطبعا كل الشكر لصاحبة الفكرة
القمر
كلهـ قمرهم ـم

واحنا بانتظاركم

وسلامتكم:up::D2:smile:

هاي بنات كيفكم طبعا انا رايقة لان ماعندي امتحانات هالاسبوع
بس لا تفرحون مرررة من الاسبوع الجاي كرف
:confused:

المهم أنا اليوم بتكلم عن حقيبة اليد

بس طبعا كراي
اولا ملاحظتي على معظم العرايس يشترون لك ذيك الحقيبة لا وبذاك الحساب ومن ذيك الماركة وانا اخذتها بالف واللي ايقول من ايزيد

طيب اخذي اذا كانت امكانياتك تسمح

بس والله لو تاخذين لك اربع احسن من وحدة يعني حاولي تكونين مستقلة على الاخرين يعني لا فلانة اخذت بالف او اكثر هي مو احسن مني

صدقوني يابنات الذوق الحلو حلو لو كان شي بعشرة ريال

حاولي ترصدي ميزانيتك كويس قبل الشراء ولا تقلدي ابدا ابدا
خلي شخصيتك متميزة

يعني الماركات مالية السوق وبمتناول الجميع

فلا تحطي فلوسك بشي ماله داعي صدقيني
يعني البعض الحين بيقولون تاخذين دبلة ماس بذاك الحساب ولا نشتري شنطة بالف والله الفين ايش هالتناقض
بس سؤالي لك كم بتعمر معاك الدبلة (انشالله مدى العمر)
بس الشنطة سنة سنتين بالكثير هذا اذا ما قلت لا والله انتهت موضتها وابي شي جديد واقط الف او الفين بالزبالة
صح والله لا
طبعا اللي يحب يشتري هذا راجع له بس انا حبيت اقول ان الواحد دايما ينظر للشي الابدأ

وطبعا الحقائب اذواق واشكال والوان ومحلاتها كثيرة
وطبعا معظم المحلات تبيع الحين حقائب

ومو صعب تلاقونها

بس اللي يبي شي معين يقول لي وانا انشالله بدور عليه وين واعطيه خبر

وسلامتكم
:up::D2:smile:

طبعا معظم البنات لازم يخيطون لهم على الأقل ثوب والله ثوبين
لاسبوع الزواج والمناسبات

طبعا الموضة تتغير واللي نلبسه اليوم ما يجي بكرة وكذا

بس طبعا يا بنات الواحد لازم يشتري له بعض الأشياء من البداية على أساس ما ينزحم في الآخر
فايش رايكم نشوف بعض خيارات الملابس
طبعا للي ما عنده وقت للأسواق عندكم الكاتالوجات اللي ترسلون منها أنا اتعامل معها كثير وحتى الشراء عن طريق الإنترنت اذا حابة شي من ماركة بس مميز يعني مو الكل اخذ منه يعني تعرفون العروس تحب تتميز باشياءها
طبعا موديلات بنات ركن الازياء مو مقصرين
عندكم الكاتلوجات
www.freemans.com
www.littilwoods.com
www.kays.com
طبعا لو ما فتحو من هنا افتحوها عن طريق google

وبعد دخلو مواقع التسوق عبر الانترنت طبعا مع رقابة يعني مو اي موقع لا يسرقوكم

والكاتلوجات تلاقونهم بالمملكة في فروعهم الرئيسية وتلاقونها بالموقع حقهم

ترى انا اتعامل مع كلهم بس اكثر شي فريمانز ومرررة خدمتهم ممتازة ولو ما زبط تقدرين ترجعينهم

بعد عندك محلات ايلي صعب بالرياض وهذا عنوانه
evenings boutiuqe
njoud center
4412145

بجدة
evening boutiuqe
khayat center
6636170

والحين زهير مراد بالرياض
ZUHAIR MURAD - RIYADH BOUTIQUE

Al-Tahliah Street
Tel.: +966 .1. 464 83 98
Fax: +966 .1. 217 03 96
Riyadh, KSA

وهذي صورة

http://go.3roos.com/iSB4kqh6LOH


وهذ موقع فيه وصلات لازياء عالمية وموديلات
http://go.3roos.com/CLmEwnEVedG

طبعا ومحلات الأزياء كثيرة وكل وحدة وذوقها بس لو تبون شي عطوني الإسم واحاول اشيك لكم اذا فيه بالسعودية

وسلامتكم
:up::D2:smile:

كيف الحلوين المطنشين

لا بجد مطنشين هالمرة وين خبيرات السوق
:eek2::eek2::eek2:
لا جرحتوني:pain:
وبكيتوني:pain:

وين ترى بقي أشياء كثيرة
بطاقات الدعوة
الورد
الهدايا
متعهدي حفلات
كوافيرات

.......الخ

يالله راووني شطارتكم
أنا عطيتكم عناوين وانتو عليكم تعطونا خبرتكم في المجالات المذكورة

وبجد بنات هالمرة اذا ما احد بشارك ترى بحذف الموضوع
لان فعلا التجاوب قليل وانا ما قدر استمر لوحدي

وبعدين هذا الشي الكل بيستفيد منه وأنا بجد زعلانه وما بكتب شي قبل ما تملو لي الموضوع مشاركات والله اسكره احسن لان الظاهر اكتب لنفسي مو لكم

وأخيرا طبعا مشكورات اللي شاركو بالموضوع وياليت بنات المملكة كلهم مثلكم ...


:pain::pain::confused::confused:

وسلامتكم
:up::D2:smile:

:pain: السلام عليكم ورحمة الله وبركاته

أنا حبيت أقول لكم عن بنت أمورة بتشارك قريب بالموضوع وهي
CUTE_NANA

وانشالله اللي تبي شي عن التجهيز يسألها وهي الله ايخليها ما قصرت أبدت استعداد وحماس للموضوع وانشالله بتفيدكم

بس رجاء بنات مو تفشلوني معاها يعني التطنيش هذا انسوه خلكم نشيطين وحاولو تبدو تفاعل أكثر

وطبعا أنا ما بكون موجودة انشالله تقريبا الا في اجازة رمضان فأشوفكم على خير واعتبروا الموضوع موضوعكم

وحبيت بعد أقول لحبيبتي
كلهـ قمرهم ـم

أشوفك على خير مع إني ما شفتك هذا الويك اند بس انشالله نشوفك على خير وبالتوفيق لبنات المنتدى

وحياكم الله بموضوعنا وانشالله تستفيدون

وسلامتكم
:up::D2:smile:

هلا DESERT ROSE

سوري عن غيابي بس والله ماكنت بالديره

لييييه وين بتروحين

لازم نشوفك

hi

بنات منتدى عروس كيفكم

عساكم بخير

هلا حبيبتي كيفك
كلهـ قمرهم ـم


أنا صاحبة
DESERT ROSE

وطلبت مني أشيك على الموضوع
وصراحة مادري شقول لها اسبوعين غياب ولا حس ولا خبر من بنات المملكة

على أية حال هي طلبت مني أطلب حذف الموضوع إذا ما في تجاوب
خاصة إن الدول الثانية البحرين والإمارات تشوفينهم على طول الخط معاك في مواضيعهم وأنا لما شيكت حسيت المشاركات غيرك وغير DESERT ROSEمرة قليلة

على أية حال أنا مو سعودية بس مادري ليش أحس بنات السعودية إذا في الموضوع شي مو عاجبها يعني وجهة نظر مثلا على طول تقطع الموضوع
لا والبعض ما يكلف نفسه لاني صدق ما صدق لهذي الدرجة ما يروحون محلات ولا شي ولا سوق أبدا

لا ماصدق هذا مرررة عاد تطنيش
على أية حال حبيبتي هي قالت لي اسلمك عليك كثير وإذا تبين شي انت والله البنات المشاركات رسلو لها على الخاص

ولاتزعلين ولا شي
والأخت
CUTE_NANA
ما شفت لك أي مشاركة على أية حال .........


البنت بس حبيت اتساعدكم وعطتكم من وقتها بس الظاهر.....
أنا ما بقول شي لانكم تعرفون زين اللي سويتوه يابنات المملكة


ولما الموضوع موهامكم لهذي الدرجة كيفكم

يعطيك العافيه والله تعبتي مره طيب وشلون اخذ الارقام منك وانا ما اعرف
اي شات تدخلنه

السلام عليكم

هلا اختي"DESERT ROSE"

ما ادري ليش مزعله روحك .. اشوف الدليل كامل والبنات ماقصروا

تقريبا كل المحلات المعروفه كتبوها وحطو عنوينها .. المحلات الكشخه والراقيه والمحلات الي سعرها حلو ويناسب الجميع

واكيد اذا وحده من البنات عندها شيء زيده ماراح تبخل فيه

وفيه مواضيع ثانيه بالمنتدى عن قاعات الزواج بالسعوديه موضوع ثاني عن الصالونات والمشاغل .. فصارت المواضيع مربه هنا موجوده المحلات للتجهيز وهناك الاشياء الثانيه وكذا اي عروس سعوديه بتلقى راحتها بهالدليل

والله يجزاههم الف خير الي حطو الموضوع والي شاركو فيه


تحياتي
لك روحي

هاي ياحلوات


أخت لك روحي أنا زعلانه وبجد بعد

حبيبتي لو راجعت الموضوع وعديت البنات اللي مشاركينا غيري أنا وقمرهم كلهم كان عرفت ليش أنا زعلانه على أية حال هذا مو موضوعنا

بسبب رغبة بعض البنات العزيزات إنا احنا نتابع الموضوع راح انتابع ابتداء من الأسبوع الجاي (بداية الإجازة)

وعلى فكرة أنا رسلت لبعض بنات البحرين للمساعدة

وسلامتكم
:up::D2:smile:

هلا DESERT ROSE

كيفك من زمااااان عنك

والله انا ماعندي شي اضيفه عشان كذا مكسله الأيام اللي طافت

سلميلي عل صديقتك


:smile:

:smile:هلا بناتنا الحلوين
:cool2:

اليوم تبدا الاجازة
ترى لا تواخذوني خافة الله يسلمكم
الدراسة طلعت لي قرون:s2:s2

حبيبتي
كلهـ قمرهم ـم

انت كيفك
والله يسلمك حبيبتي يالله حبيبتي همتك بدت الإجازة

ايه ذكرت لمجوهرات شوبارد
الراشد وصحارى تلاقونها بمجوهرات معوض

طبعا انا تليقفت من عندي وسألت لكم عن الأسعار عند المصممين اللبنانيين المعروفين واللي يمكن تخيطو عندهم في لبنان وطبعا أولهم المبدع عبد محفوظ
الأسعار تبدا من 10000 دولار مو ريال سعودي:eek2:
المبلغ خيالي صح بس أنا حبيت اعطيكم المعلومة من باب العلم


طبعا أنا يادوب الليلة واصلة ومرررة تعبانه نشوفكم بكرة على خير انشالله وسلامتكم
:up::D2

تسلمين والله

:clap:

:clap: السلام عليكم ورحمة الله وبركاته

مبارك عليكم الشهر وعساكم من عواده

حبايبي طبعا اليوم نتكلم عن تجهيز العرس خطوة بخطوة

يعني أولا وقبل كل شي صالة العرس
حبايبي أول شي لازم تسوونه إنكم تحجزون صالة العرس والمهم إنها تكون بحدود امكانياتكم المادية حتى يمديكم ترتبون وتسسون عرس حلو
يعني لا تدفعون فلوسكم بس في الصالة لازم تحسبون حساب مستوى الخدمات الثانية البوفيه والأكل اللي على طاولة التقديم والخدمة والديكور ....
المهم بعد ما تختارون الصالة وتحددون العدد تتفقون على بعض الأشياء
الديكور ولون مفارش الطاولات وطبعا اللون شي مهم يعني لخبطة الألوان هذي مو حلوة أبد
مستوى البوفيه وهذا من أهم الأشياء اللي تعطيك انطباع عن مستوى العرس لانه بشكل رئيسي يعتمد على المعازيم طبعا هذا بالإضافة للأكل والشاي والقهوة اللي على طاولات المعازيم سلفا
نوع الإكسسوار اللي بتحطيه على طاولة العرس (شموع-ورود-بالونات...)
هدايا المعازيم (شكولاته+تحفة+ورود مجففة أو شموع أو أي شي تحبينه والأفكار الحلوة مالية المنتدى)
المهم إنها بجد تعبر عن تذكار للعرس
الخدمة (يعني خداماتك والله مستأجرين والله من الصالة نفسها)
ويمكن اتسوون حركة من عندكم
الإضاءة والتكييف والنظافة
هذي الأشياء الرئيسية بالنسبة للصالة واللي يحب ايشارك بشي يتفضل

ونرجع بعد شوي
وسلامتكم
:up::D2:smile:

هذي عدد من أسماء الصالات بالشرقية
الأندلس- السيف-القصيبي-الشيراتون-المارديان-صالة الأمير عبدالله-شهاب-الحنابي-
طبعا عذروني أنا بالنسبة معلوماتي مرررة ضئيلة في هذا المجال وبانتظار مشاركاتكم

يالله راووني الهمة (الرياض-الشرقية-جدة وكل السعوديات الحلوات)

باي
:smile:

السلام عليكم

هلا اختي"DESERT ROSE" شلونك انشالله بخير ؟؟

:clap::clap::clap::clap:

كلامك مضبوط ميه بالميه عن ان الواحد لازم يحط بباله البوفيه والديكورات وان الميزانيه مو بس على القاعه فيه مستلزات للقاعه يبيلها دفع

نصيحتي انكم تتفقون مع منظمين للحفل من برا .. يسون الكوشه والطاولات المعازيم والديكورات والضيافه ويعبون لك الصواني من المحلات الي تبينها وطاوله مابعد العشاء والقهوجيات والصبابات

عندك مثلا محل سهره بالرياض هذا الصراحه خطير يعني تحطين يدينك بمويه بارده بعد ماتتفقين معاهم يسولك كل الي تبينه بحسب ميزاتيتك شغلهم راقي ومره مرتب ويرفون الراس

لازم تتنتبهون لاضائه الكوشه وهذي تتفقين معاها مع منظمين الحفله
وفيه شيء اسمه اضائه مجلس العروسه .. يركزون الاضائه على الكرسي الي بتجلس عليه العروس وتكون اضائه طبيعيه يعني ماتغير الوان المكياج وتظهر مكياجك

وعن القاعات موجوده انشالله كلها في موضوع عن القاعات في السعوديه واسعارها

تحياتي
لك روحي

:clap: