ابي غسالة من يساعدني ؟

هلا فيج عزيزتي غزلان...

ماركات الغسالات المعروفة، General Electric, LG, Whirlpool, Samsung, Haier,Hitachi, Bosch, Siemens... أكيد في غيرهم، بس هذي الأنواع المعروفة و الموثوق فيها...

غسالتي جنرال إلكتريك، تجي غسالة و فوقها نشافة و طبعاً تتعبى من فوق و سعتها 10 كيلو، و مكفيتنا بالراحة أنا و زوجي و عيالي الإثنين! بيني و بينج كنا مختارين أم 8 كيلو، بس لما وصلوها للبيت طلعت أم 10 كيلو! و كل ما أغسل كمية كبيرة من الثياب أقول، الحمد لله إنها 10، لو 8 كان لازم أغسل الثياب على دورين! :)

طبعاً هالماركة ما عليها كلام لج و للزمن! لكن العيب في النوع اللي يتعبى من فوق هو العمود!
هذا العمود اكتشفت بعدين إنه هو اللي يخرب الملابس، يعني أحياناً ملابس جديدة أغسلها أول مرة و ألقاها مزرعة أو باهتة أو مقطعة! و إذا غسلت شراشف أو ثياب زوجي، تلتف حول العمود و تعالي عاد طلعيهم!

فأنصحج لو بتاخذين غسالة، اختاري النوع اللي يتعبى من قدام! في منها أنواع هي نفسها غسالة و نشافة... يعني ما في داعي لما تخلص غسيل الملابس تطلعينهم! خلاص هي تخلص دورة الغسيل بعدين تبتدي تنشف، بس انتي تضبطين الوقت و قوة الحرارة!

معليش سؤال لقافة ههههههه، ليش تغسلين الثياب كل يوم؟! عن نفسي أغسل الثياب مرة أو مرتين بالأسبوع! أجمعهم بسلة الغسيل و كل يوم خميس أو سبت أغسلهم! منها أريح لي في الكوي، و منها توفير للماي و الصابون :)

موفقة عزيزتي F:

ال جي مرررررررة ممتازة
وكمان سامسونج مررررة حلوة
والصراحه اسمع زميلاتي يقولوا اللي من الامام احسن من اللي بالاعلى تنظيفها احسن وتوفر مويه

هلا حبيبتي
كفيتي ووفيتي حبيبتي يزاج الله خير
وانا افتر ماشفت عندنا غسالات جنرال الكتريك مادري ليش يمكن ما انتبهت كنت مركزة على ال جي :-#

Daisy Ash;14070360:


معليش سؤال لقافة ههههههه، ليش تغسلين الثياب كل يوم؟! عن نفسي أغسل الثياب مرة أو مرتين بالأسبوع! أجمعهم بسلة الغسيل و كل يوم خميس أو سبت أغسلهم! منها أريح لي في الكوي، و منها توفير للماي و الصابون :)

موفقة عزيزتي F:

ما شاء الله عيالي كله فالحوش فاليوم لازم البسهم الصبح ويلعوزون الثياب حزة الغدة والعصر ارد البسهم مرة ثانية وحتى لو مو ملعوزين ريحتهم تصير خايسة وغير ثياب زوجي الله يحفظه كل يوم يبدل الثوب والفانيلة والسروال فيتجمع عندي والغسالة بروحها ماتنظف عدل مااقدر ايمع ثياب حق كم يوم واترس الغسالة ههههه قلت قصة حياتي

حماتي عندها ال جي امامية تقول مرتاحة عليها وتنظف عدل بس مرة يات بنتها قميصها كان فيه صورة هلو كيتي قبل لا تغسله يوم غسلته اختفى خير شر مافي هلو كيتي ههههه وانا بنتي عندها نفس القميص مثل ماهو ماتغير هههههههههههه

واللي يبط الجبد فغسالتي ان حتى بقع البرتقال ماتطيرهم لاعت جبدي من هالغسالة وسالت حماتي غسالتج تطير بقع البرتقال قالت اي :|
سؤال اخير
في غسالة بروحه فيه سخان بدال مااركب ماي حار واكسر الطوفة الغسالة بروحها تسخن الماي هاي النوعية زينه ؟؟

لوووووووودي;14071476:
ال جي مرررررررة ممتازة
وكمان سامسونج مررررة حلوة
والصراحه اسمع زميلاتي يقولوا اللي من الامام احسن من اللي بالاعلى تنظيفها احسن وتوفر مويه

انا بعد سمعت من ناس ومرة فبرنامج مارثا ستيوارت بعد مدحته تقول انظف واوفر

.. غزلان ..;14072650:
هلا حبيبتي
كفيتي ووفيتي حبيبتي يزاج الله خير
وانا افتر ماشفت عندنا غسالات جنرال الكتريك مادري ليش يمكن ما انتبهت كنت مركزة على ال جي :-#



ما شاء الله عيالي كله فالحوش فاليوم لازم البسهم الصبح ويلعوزون الثياب حزة الغدة والعصر ارد البسهم مرة ثانية وحتى لو مو ملعوزين ريحتهم تصير خايسة وغير ثياب زوجي الله يحفظه كل يوم يبدل الثوب والفانيلة والسروال فيتجمع عندي والغسالة بروحها ماتنظف عدل مااقدر ايمع ثياب حق كم يوم واترس الغسالة ههههه قلت قصة حياتي

حماتي عندها ال جي امامية تقول مرتاحة عليها وتنظف عدل بس مرة يات بنتها قميصها كان فيه صورة هلو كيتي قبل لا تغسله يوم غسلته اختفى خير شر مافي هلو كيتي ههههه وانا بنتي عندها نفس القميص مثل ماهو ماتغير هههههههههههه

واللي يبط الجبد فغسالتي ان حتى بقع البرتقال ماتطيرهم لاعت جبدي من هالغسالة وسالت حماتي غسالتج تطير بقع البرتقال قالت اي :|
سؤال اخير
في غسالة بروحه فيه سخان بدال مااركب ماي حار واكسر الطوفة الغسالة بروحها تسخن الماي هاي النوعية زينه ؟؟

الله يسلمج أختي غزلان... صج الله يعينج عالغسيل... و إن شاء الله تلقين الغسالة اللي تريحج F:

بالنسبة للبقع، جربي تغيرين نوع الصابون اللي تستخدمينه، أو الكمية اللي تستخدمينها للغسيل!
أنا كثير امدحوا لي فانيش، بس للحين ما جربته!
لكن ارتحت من البقع بالهطريقة: لما أحط الثياب بالغسالة، أخليها تاخذ نص دورتها بعدين أوقفها و اتركها تقريباً ساعتين عشان الصابون يشتغل عدل ههههههه، و بعد ما أشغلها أخليها تكمل درتها و قبل ما تفرغ الماي أرجع أفرها من جديد عشان تاخذ دورة ثانية، طبعاً هالحركة أسويها بس مع الملابس البيضا أو اللي ألوانها فاتحة لأني أحس إن دورة وحدة بس ما تكفي تنظف الملابس عدل! أما الغامقة ما أنقعها و أخليها دورة وحدة بس! أخاف على ألوانها تتغير و تصير باهتة!

بخصوص الغسالة اللي تسخخن الماي بصراحة ما عندي فكرة عنها إن شاء الله البنات يفيدونج...

موفقة F:

حبيبتي احنا كانت عندنا غساله اتوماتيك بس ما اعرف صراحه نوعها

ابويا كان يتفاجا بالفاتوره وتصرف مويا كثير وتاخد وقت علشان تغسسل

ما انصحك فيها ابدااا

ولمن خربت ابويا كان يبغى يبيعها محد رضى يشتريها قالوا لو حتى بـ مية ريال ما نبغاها لانها اتوماتيك ,,

ودحين عندنا توشيبا غساله ونشافه مع بعضض اريح والله ,,