قصة ولادتي باحلى منصور ....

بسم الله الرحمن الرحيم

و الله تولهت على المنتدى و عليكم و ما اعرف اذا البعض يذكرني و الا لا بس اكيييييييد بنات تجمعي يذكرووووني ...
المهم ببتدي قصتي ...
قبل ولادتي باسبووووع قالت لي الدكتورة اول ما تكملين 40 يوم بالضبط تعالي المستشفى اليوم اللي عقبه طلق صناعي و انا هالوقت فجيت عيوووني من الخوف و من كثر ما نسمع عن الطلق و بلاويه ... و طبعا مشيت فالفريج هذاك الاسبوووع لين قلت بس و ما شاء الله ولدي كان بصحه و بطني كبير اطلع عند الباب اقووول لمرت حمي الححقي ابا حمام :hysterical: هههههه ما اتحمل امشي ابدا و مرررر الاسبوع و لا في اي بوادر ولادة ابداااااا:!!: طبعا رحت اليوم 41 و خذت امي و كلنا سااااااااااااااكتين ف الطريق و انا يالسه ورا و استغفر من الخوووف كانت الساعه 7 الصبح و رحت على طوووول قبل الولادة قاالوووو فيه الااام قلت لا و انا اضحك و اشووووف البنات يتالمووون راييحييين يايييين فالممر قالت عيل ليش يايه قلت الها الدكتورة قالت لي تعالي بعد ما تكملين 40 يوم طلللق قالت شوووووووو لا طبعا لازم تكملين اسبوووع يوم قالت جي خذت شنطنتي و اقووول للوالدة يالله سرينا و مييييييييته من الفرحه امي قالت منووو يقوووول الحين يقيسووون لج كم مفتووح و انا اقوووول لااااا و تنادي الدكتووورة تقوول الها يالله قيسي و انا :-o و قبلي يايه وحدددددده بتموووووووت ما تقدر تمشي و يوم قاسوو الها 2 سم يالله رجعي البيت ..... انا قلت اكيد 1 سم و برجع و مستانسه حدي الا تقيس و تموووت ضحك قالت يالله يالله رووحي امشي و رجعي النا قلت الها ليش قالت 3 سم :-o:-o:-o:-o:-o:-o:-o:-o:-o:-o

و اطلع لامي قلت الحقي بربي قالت يالله دوووم تمر و امي ميته خووووفي و عطووني ابره شرجيه و ع طووووووووول تكرموون الحمام و بديت امشي و بدت الاااااام لانها على ما اظن سوت لي تحريض و مشيت انا و ريلي على كبر المستشفى و امي كانت مسويه لي زعفران و سكر و ماي ياللللللللله حلووووو كانه شررربت خخخخ

المهم و دخلوووني تنويم و كانت الساعه 11 و تميت لين 2 و انا نفس الشي 3 سم بعدين يووو و فتحووو لي الماي و يت الدكتورة قالت بننتظرج يومين ويانا اذا ما فتح طلق فاليوم الثالث و اذا ما فتح بنحاول كل يوم طلق و انا تميت اتنافض شوووو هالتشاوووووم قهرتني الصراحه و بدا الويع يزيد و يزيد و انا اووون و اووون بس ما طلعت و لا صرخه يت قابله تقايس عالساعه 4 شافته نفس الشي قالت شوو رايج مع كل قياس اسوي تحريض قلت اوك و الله اني شفففففففففففففففففففت المووت ما ابغي اخوووفكم لكن القياس اللي تقووولوون عنه يعوووور و لا شي بالنسبه للتحريض و تخيلووو كل ما تقيس تحريض و توسيع لين صارت الساعه 7 انفتحت 8 سم و انا اقووول بس بمووت بموووت ب شوي مثل الواحد المنهد حيله قالت اقل من ساعه و بتولدين و وحده سودانيه عدالي كله عمليات وحليلها تسمعني اقووول بمووت تقووول لا تقوولي بمووت قوولي يا لطيف و شوي اسمع امي تقووول يا لطيف الصراحه يتني الضحكه بس هي كانت مسويه عمليه و واقفه عدالي طوووول اليوم و هلكانه و انا تعباانه و ما تقدر تسوي شي لي غير تدعي لي فديتها امي ... و تميت لين 9 و انا 8 سم قالووو لي يالله امشي قلت وين اقدر امشي بموووووووووووووووت و الله انهم وقفوووني امشي و مب قادره و امي تقووولي صيحي ابكي طلعي اللي فيج و انا ما قادره اطلع صوووت و اقووولهم بزوووع بزوووع و اركض الحمام تكرمووون و فرغت اللي فيني و على طووول قالوو بنوديج غرفة الولاده خلاص و بعد رحت لغرفة الولادة امشي و امي مغطتني بعبااايتها عشان الدكاتره و دخلت و عطووني الكمام و راحوو عني ساااعه و اسمع صريخ و يهال ينولدوون بس مب قادره ارمس و لا اتكلم بحرف ... و شوي قالو يالله بوووووووووووووووش:biggrin::biggrin: قلت وين الحدايد قالووو ما في يالله شدي و ارفعي ريوووولج بنفسج و بررررررررررررررررد الويع هههههههههه راح الالم تخيلووو
و انا اولد سبحااااااااااااااااااااااااااان الله اسوي بوووش بدون الم بدون اي شي بديت البووووش الساعه 10 و الساعه 10 و نص يبت احلى منصور ف حياتي .... و ما بكا اول ما نزل شي سوت له و صاح و يابووو لي ارضعه و ع طووووول ركضووو حق ابووه و امي يبشرووونهم و يتني امي و ابوه تم يصيح يوم شافه و طرشت مسجات و يت الاستشاريه تخيط و انا اطرش مسجات و عيبني شعرها و اقوولها نايس هير وحده فااااااااااضضيه صح ههههههههه و سوت لي تجميليه طبعا لكن تعبت منها لانها كانت 20 غرزه بس عدت و لله الحمد و الحين منصور بيكمل 8 شهور :thumbs_up::thumbs_up:

دعواتكم لي الله ايسر اموووري و يريحني ف دنيتي و يخلي لي منصوووور