فكره عن هونج كونج

الحال من بعضه خيتي
انه افكر اروح الصين مادري وين اروح هونج كونج ولا كوانزو شهر العسل
بس احس روحي بضيييح ابي جدول لكل شي ينضم كل شي وبجم يكلف
ابي سياحه واسواق اسعارها حلوه
اذا عندج اي معلومه خبريني
دخلي موقع العرب المسافرون يمكن تستفيدين خيتي

ماشاء الله محد عنده فكره خخخخخخخخخ

الســــــــــلام :D

انا رحت هونغ كونغ وكانت اول محطة في شهر العسل

رحناها لمدة 5 ليالي وكانت احلا محطة بشهر العسل صراحة

المنطقة نظيفة وراقية والنظام عندهم اهم شي

الناس فيها كل واحد في حاله بس يعني انا كنت متحجبة فشوي شي غريب بالنسبة لهم احس الكل يجوفني :hysterical: واهم شي يركزون على الحنة :| وماحب احد يخزني شوي هلون :lol:

سكنا في شنغري لا ،،، والفندق جميل جدا وانصحج فيه

التعامل ،،، النظافة ،،، الموقع

كل شي بيرفكت فيه

تنزلين من الفندق تروحين السوق

او تروحين شارع المشاهير مالهم حدهم فن بحر وجو حلو

رحنا فيها ديزني لاند

واااااااااو حده خاطري اروح مرة ثانية

ورحنا الاوشن بارك بعد وايد حلوة وجفنا الباندا اخيراً هناك

متحف الشمع وايد حلو

فيه بعد متحف التاريخ ومتحف العلوم على بعد مسافرة قصيرة من الفندق فرحنا مشي اخر يوم بس مالحقنا نخلصه عشان ورانا درب للمطار

وفي شي كان اسمه بيك ترام ،،، يوديج فوق قمة وايد حلوة تجوفين هونغ كونغ من فوق

المشكلة العودة اللي واجهتنا هناك شنو

الاكل

مافي اكل حلال الا ماندر وتكون المطعم حالته حاله

يعني انا ماكل سمج ولا خضرة فشوي توهقت

ومرة متنا يوع فخذنا فرايز من ماك وكان فيه طعم غريب فستنتجنا ان فيه دهن خنزير :-#

الاسواق فيها حلوة بس غالية شوي في المنظقة اللي سكنا فيها


وشنو بعد

اي استخدمنا المواصلات العامة هناك ماتم شي ماركبناه :worn_out:

الميترو كان اكثر شي

نظيـــــــف وسريع وراقي

مب نفس مال ماليزيا :struggle:

وركبا الباص مرة بس ماذكر حق شنو اتوقع للاوشن بارك

و التليفريك بعد في الاوشن بارك

وركبا العبارة بس ماحبيتها اتييب اللوعة :badly:

والتاكسي من والى المطار فقط :thumbs_up:

،،،

أول ماتدشين مطارهم اخذ الخارطة واييييد واااااييييد مفيدة

فيها كل شي بالتفصيل

ووايد استفنا منها ومن آي فون ريلي :thumbs_up: البلاك بيري مالي فشل فَشل ذريع هناك ههههه

بالاي فوق عرفنا وين لازم نروح ووين المطاعم الحلال مع انها كانت داقة شوي

و بالخارطة عرفنا خطوط الميترو اللي كان وسيل النقل الاساسية لنا

:biggrin:

واهم شي ان كل سكان المنطقة يتكملون انجليزي مب نفس باقي مناطق الصين



رحلة موفقة ان شالله واي استفسار حاضرين حبي و اذا تذكرت شي بخبرج بعد F:

اختي مريومه هونج كونج حلوه كثييييييييييييير من ناحية كثرة الاماكن السياحيه الراقيه وتنوعها وبلد منظم مررررررررره ومتطور مرررررررره ونظافه لايعلى عليها (اذا شفتي سنغافوره قبل تشبها كثير )وهي من احب الدول الى قلبي بسمن اهم الاشياء في السفر المطاعم والاكل لكن في هونج كونج جووووووووووووووع بمعنى الكلمه وهذي نقطه ضروريه مرررره اكلهم كله مو حلال ماعد البحري يعني اللي ما تحب البحري بتروح فيها لانهم بوذ مش من اهل الكتاب فما تجوز لنا ذبايحهم يعني ما عندك في الوجبات السريعه الا برجر السمك وبسسسسسسسس وبقية الاكل البحري ما ينشهى لان المطاعم عندهم تبيع السلاحف واشياء غريبه تسد النفس عن اكل اي شي ........بالاضافه الى النظرات اللي تلاحقك في كل مكان بسبب قلة السياح الخليجين هناك وبالنسبه لديزني هناك حلوه بس مو مثل اللي في امريكا او باريس اصغر منهم يعني بالعربي اسم ديزني اكبر منها .................وبس ولاتنسين حبيبتي ترا يبغالها فيزا مو مثل ماليزيا ........................[SIZE="4"][/SIZE]

اختي قلبوووووووووومافيه مقارنه بين كوانزو وهونج كونج هونج افضل من كل النواحي حتى جوها نفس درجة الحراره تقريبا بس ما تحسين فيها كثير في هونج كونج لان نسبة الرطوبه اقل يعني كوانزو حر ورطوبه مرررره واماكن السياحه اقل بكثير والتطور والعمران والتنظيم اقل بكثير هذا غير الزحمه والازعاج بصراحه كوانزو ما تنففع ابد ابد شهر عسل تصلح بس لمحبي التسوق والمتاجره وخصوصا للماركات المقلده درجه اولى والتحف والاثاث بالاسعار المناسبه ........................وانصحك تشيلين بعد هونج من راسك للاسباب اللي ذكرتها لاختك مريومه في الرد اللي قبلك ..................(شهر العسل يحتاج الواحد يجمع فيها كل مقومات السياحه )تبين نصيحتي خذي لك خمس ايام في سنغافوره الصاخبه ثم خمسة ايام اخرى في جزر بالي الاندونيسيه حيث الطبيعه الساحره والهدوء والاسترخاء........................والله يوفقك حبيبتي في احلى شهر عسل...........

لا تنسين دزني لاند اهم شي خخخخخخخخخخخخ بس الصراحة انا مازرتها قاعدة افكر ازورها قريييب