السلام عليكم
مب عارفه شلون ابتدي لان الموضوع ابتدا من سنين ولكن كل مازاله يتطور
بدايه المشكله عن طريق رفيجتي الله لايسامحها علمت اختي على طريق الغلط وشلون تكلم شباب وتضبط معاهم وشلون تحصل منهم فلوس
طبعا كشفناها بسرعه وقطعت علاقتي مع هالرفيجه لان الناس كلها تسولف عنها وعن علاقتها مع الشباب
لكن اختي استمرت وصارت اخس من قبل ولاتخاف من حد كل مرة نصيد عندها تلفون ويضربها اخوي وبعد ماكو فايده ومحد يدري عنها الااخوي الكبير والباقي مايدرون
وكانت اهي بالجامعه وتطلع من ست الصبح ماترد الا المغرب
ومرة سوت لنا فضيحه خلت رفيجها يجيها لباب بيتنا الخلفي وصادها ولد جيرانه وشكو انها اختي بس ماكانوا متاكدين
ولما اخوي سمع هالسالفه ضربها وخبر ابوها وقال ابوي انه شاك فيها من زمان
ومن عقبها صارت ماتكلم حد وكنه احنا ضالمينها
واول ماخلصت جامعه قعدت في البيت وكان شروط الوظيفه انها ماتدش مختلط لان بصراحه اختي اذا شافت رياييل تستخف
اما الوضع الحين
اختي صارت مغرورة ومتكبرة وماتحب حد وتكره الناس كلها
وتعايرني بزوجي لانه فقير
وتسب امي وابوي وغير جذيه تقول انه احنا الي دمرناها وضيعنا شبابها
واختي اصلا مريضه بمرض مزمن ومع هذا مهمله صحتها وكل يوم موديناه الطوارى ولاراضيه تعدل نفسها ولاصحتها
لكنها مهتمه بنفسها وايد وبشكلها من خلطات وكريمات وماتطلع الا فل مكيب
انا لو اتكلم بيطول كلامي واخر سالفه صايرة انها من ورا اهلي عطت صورتها لخطابه عشان تشوف لها على معرس وهالخطابه عن طريق رفيجتها
بالله عليكم شنو الحل معاها اذا الطيب والضرب ماينفع ونخاف اذا تزوجت تصير اخس وتفضحنا